O‘zbekistonlik futbolchining goli turnirning eng yaxshisi bo‘lishi mumkin: barchani ovoz berishda faol bo‘lishga chorlaymiz!

FIFA rasmiy saytida nufuzli turnirning “Eng yaxshi goli” (Goal of the Tournament) nominatsiyasi uchun ovoz berish jarayoniga start berildi.

Hozirda birinchi bosqich — guruh o‘yinlarida kiritilgan 215 ta gol orasidan eng sara 12 ta eng chiroyli gol saralab olingan. Quvonarlisi, ushbu nufuzli ro‘yxatdan O‘zbekiston milliy terma jamoasi sardori, Termiz davlat universiteti talabasi Eldor Shomurodovning Kongo DR terma jamoasi darvozasiga yo‘llagan ajoyib “parashyut” zarbasi ham joy olgan.

Muhim eslatma: Ovoz berish jarayoni juda qisqa muddat davom etadi (yakunlanishiga 1 kundan sal ko‘proq vaqt qoldi). Shu bois, barcha hamyurtlarimizni, professor-o‘qituvchilar, talaba-yoshlar va futbol muxlislarini hozirning o‘zida faollik ko‘rsatib, hamyurtimizni qo‘llab-quvvatlashga chaqiramiz!

Ovoz berish tartibi:

1-qadam: FIFA rasmiy sahifasiga o‘ting: play.fifa.com/gott
2-qadam: Nomzodlar orasidan Eldor Shomurodovning golini tanlang va “VOTE” tugmasini bosing;
3-qadam: Ovozni muvaffaqiyatli yakunlash uchun “CREATE A FIFA ID ACCOUNT” tugmasi orqali tezkor ro‘yxatdan o‘ting yoki mavjud akkauntingizga kiring.

Bizni kuzating

Facebook | Instagram | YouTube | Telegram

Men abituriyentman | info-serial | 3-qism

Aka-singil bu safar Oʻzbekiston jurnalistika va ommaviy kommunikatsiyalar universiteti bilan tanishadilar.

Videoni abituriyent yaqinlaringizga ulashing.

Info-serialning sifatli variantini mana bu yerda tomosha qilishingiz mumkin.

Eslatib o‘tamiz, avvalroq info-serialimizning Oʻzbekiston Milliy universiteti hamda Nizomiy nomidagi Oʻzbekiston Milliy pedagogika universiteti haqidagi sonlari chiqqan edi.

Bizni kuzating

Facebook | Instagram | YouTube | Telegram

#Attestatsiya #Natija

⚡️Akademik litsey va kasbiy taʼlim tashkilotlari pedagog kadrlarining attestatsiya natijalari e’lon qilindi

2026-yil 26-may kuni o‘tkazilgan attestatsiya natijalariga ko‘ra, jami 7833 nafar pedagog kadrning attestatsiya yakunlari tasdiqlandi.

Natijalar quyidagicha taqsimlandi:

➖ 4267 nafar pedagogga yangi malaka toifasi berildi;
➖ 3215 nafar pedagog o‘z malaka toifasini saqlab qoldi;
➖ 351 nafar pedagog attestatsiyadan o‘ta olmadi va lavozimiga muvofiq emas deb topildi.

Test sinovlari natijalari pedagog.edu.uz sayti pedagog kadrlarning shaxsiy kabinetlarida e’lon qilindi.

📋 Attestatsiya natijalari bo‘yicha pedagog kadrlar ro‘yxati (ilovalar kesimida):

▪️Bosh o‘qituvchi lavozimi berilgan pedagog kadrlar ro‘yxati;
▪️Yetakchi o‘qituvchi lavozimi berilgan pedagog kadrlar ro‘yxati;
▪️Katta o‘qituvchi lavozimi berilgan pedagog kadrlar ro‘yxati;
▪️Attestatsiyadan o‘tgan va mutaxassis o‘qituvchi lavozimi saqlangan pedagog kadrlar ro‘yxati;
▪️Navbatdan tashqari attestatsiyada qatnashgan va natijasi bo‘yicha salbiy xulosa qilinmagan pedagog kadrlar ro‘yxati;
▪️Attestatsiyadan o‘tmagan va lavozimiga muvofiq emas deb topilgan pedagog kadrlar ro‘yxati.

Shuningdek, malaka toifasi berilgan pedagoglarning elektron sertifikatlarini rasmiylashtirish hamda yangi toifalarga asosan oylik ish haqlarini qayta hisob-kitob qilish jarayonlari belgilangan tartibda amalga oshiriladi.

👉 На русском
👉 In English

Bizni kuzating

Facebook | Instagram | YouTube | Telegram

#YoshlarKuni

Qadrli yurtimiz yoshlari!

🇺🇿30-iyun – Yoshlar kuni munosabati bilan barchangizni samimiy muborakbod etamiz!

Bu sana – sizlarning ezgu orzularingiz, fidokorona mehnatingiz, cheksiz salohiyatingiz hamda Vatanga bo‘lgan sadoqatingizni e’tirof etuvchi muhim bayramdir.

Oliy ta’lim, fan va innovatsiyalar vazirligi jamoasi sizlarga mustahkam sog‘liq, yuksak marralar, ulkan zafarlar va yorqin kelajak tilaydi.

Sizlar – Yangi O‘zbekistonning bunyodkorlari, ilm-fan, innovatsiya va texnologiyalar taraqqiyotini harakatga keltiruvchi eng katta kuchsiz. Bilim olishga bo‘lgan intilishingiz, yangilikka ochiqligingiz, izlanuvchanligingiz va mehnatsevarligingiz mamlakatimiz taraqqiyoti hamda farovon kelajagining mustahkam poydevoridir.

Doimo ilm izlang, yuksak maqsadlar sari dadil odimlang, Vatanga sadoqat bilan xizmat qiling. Yangi g‘oyalar, kreativ tashabbuslar va zamonaviy yondashuvlar orqali yurtimiz ravnaqiga munosib hissa qo‘shing.

Har bir kuningiz yangi imkoniyatlar, ulkan yutuqlar va unutilmas muvaffaqiyatlarga boy bo‘lsin!

Yoshlar kuni muborak bo‘lsin!

Bizni kuzating

Facebook | Instagram | YouTube | Telegram

#YoshlarKuni

Bugun Prezident Shavkat Mirziyoyev 30-iyun — Yoshlar kuni munosabati bilan yoshlar bilan muloqot o’tkazadi.

Shuningdek, davlatimiz rahbari yoshlardan bir guruhiga “Kelajak bunyodkori” hamda “Mard o’g’lon” mukofotlarini shaxsan topshiradi.

Bizni kuzating

Facebook | Instagram | YouTube | Telegram