Prezident Shavkat Mirziyoyev qishloq va suv xoʻjaligi uchun muhandis kadrlar tayyorlash tizimini takomillashtirish yuzasidan o‘tkazgan taqdimotda quyidagi tashabbuslar ilgari surildi:

➖ Muhandis kadrlarni tayyorlashda nazariya va amaliyot uygʻunligini taʼminlash maqsadida dual taʼlim tizimi keng joriy etish. Bunda, talabalar haftasiga 4 kun nazariy bilim oladi, 2 kun ishlab chiqarish korxonalarida haq to‘lanadigan amaliyot o‘taydi;

➖ Suvni tejash, kanallarni betonlash, smeta tuzish, kichik GESlar qurish va hosilni yig‘ish ishlarida talabalarning bevosita ishtirokini ta’minlash;

➖ Suv resurslari bo‘yicha diplomat kadrlar tayyorlash maqsadida magistratura dasturini kengaytirish va davlat granti asosidagi qabul o‘rinlarini ko‘paytirish;

➖ Ushbu dastur orqali qo‘shni davlatlar uchun ham yuqori malakali mutaxassislar tayyorlashni yo‘lga qo‘yish;

➖ Dronlar yordamida ekin maydonlarini monitoring qilish, hosildorlikni prognozlash va zararkunandalarga qarshi kurashish xizmatlarini joriy etish;

➖ “Toshkent irrigatsiya va qishloq xoʻjaligini mexanizatsiyalash muhandislari instituti” milliy tadqiqot universitetida kosmik tadqiqotlar va sun’iy yo‘ldoshlar laboratoriyasini tashkil etish, kosmik ma’lumotlar asosida ilmiy tavsiyalar ishlab chiqish;

➖ Universitetda dronlarni boshqarishga o‘qitish bo‘yicha maxsus kurslarni yo‘lga qo‘yish;

➖ Kadrlar tayyorlashni “maktab – texnikum – universitet – ishlab chiqarish” tizimi asosida shakllantirish;

➖ Universitet faoliyatiga raqamli boshqaruv va KPI (samaradorlik ko‘rsatkichlari) tizimini joriy etish;

➖ Yirik loyihalarni amalga oshirishda olimlar va tadqiqotchilarning ilmiy asoslantirilgan xulosalaridan majburiy foydalanish.

Bizni kuzating

Facebook | Instagram | YouTube | Telegram

#ogohlik #korrupsiyaga_qarshimiz

Korrupsiya va firibgarlik holatlaridan ogoh bo‘ling — litsenziyalash jarayoni to‘liq raqamlashtirilgan

Bir necha kun avval Oliy ta’lim, fan va innovatsiyalar vazirligi xodimining katta miqdorda pora bilan qo‘lga tushgani haqidagi xabar vazirlik jamoasini qattiq larzaga soldi. Bu holat tizimda halol mehnat qilayotgan minglab xodimlarda jiddiy tashvish uyg‘otdi.

So‘nggi yillarda oliy ta’lim tizimini modernizatsiya qilish, shaffoflikni ta’minlash, korrupsiyaga qarshi murosasiz kurashish yo‘lida katta ishlar amalga oshirilmoqda. Ammo bir shaxsning noqonuniy va mas’uliyatsiz xatti-harakatlari butun tizimda olib borilayotgan sa’y-harakatlarga soya solishi, jamoatchilikda noto‘g‘ri tasavvur uyg‘otishi mumkin.

Shu bilan birga, mazkur holat bir haqiqatni yana bir bor ko‘rsatdi: yurtimizda korrupsiyaga qarshi kurashish bo‘yicha yaratilgan mexanizmlar ishlayapti. Har qanday noqonuniy harakat, kim tomonidan sodir etilganidan qat’i nazar, ochiqlanadi va qonun doirasida qat’iy javobgarlikka tortiladi.

Shu o‘rinda alohida ta’kidlash lozimki, Oliy ta’lim, fan va innovatsiyalar vazirligi o‘z faoliyatida korrupsiyaning har qanday ko‘rinishiga nisbatan mutlaqo murosasiz pozitsiyada bo‘lib, bunday holatlarga nisbatan toqatsizlik tamoyiliga qat’iy amal qiladi.

Shu munosabat bilan fuqarolar va tadbirkorlarni ogohlantiramiz: oliy ta’lim tashkilotlari faoliyatini litsenziyalash jarayoni amaldagi qonunchilik asosida va to‘liq raqamlashtirilgan. Arizalarni qabul qilish, ularni ko‘rib chiqish va qaror qabul qilish jarayonlari belgilangan rasmiy elektron platformalar orqali ochiq va shaffof tarzda amalga oshiriladi.

Vazirlik fuqarolar va tadbirkorlarni turli vositachilar yoki shubhali takliflarga ishonmaslikka chaqiradi. Oliy ta’lim muassasasi tashkil etish va litsenziyalash bilan bog‘liq barcha jarayonlar faqat qonunchilikda belgilangan rasmiy tartiblar asosida amalga oshiriladi.

Vazirlik tizimida korrupsiyaga qarshi murosasiz kurashish, shaffoflik va qonuniylik tamoyillarini ta’minlash ustuvor vazifalardan biri hisoblanadi. Korrupsiya va firibgarlik bilan bog‘liq har qanday holatlarga nisbatan qonun doirasida qat’iy va murosasiz choralar ko‘riladi.

Bizni kuzating

Facebook | Instagram | YouTube | Telegram

#Olimlar_minbari
#02-08.03.2026

📰 Olimlar hamda professor-oʻqituvchilarning fikr va mulohazalari markaziy nashrlarda

“Bilimlar iqtisodiyotiga o‘tishning tarixiy dasturi” — Fazliddin MO‘MINOV, Oliy ta’lim, fan va innovatsiyalar vazirligi bo‘lim boshlig‘i;

“Integratsiya va samaradorlik sari dadil qadam” — Sadritdin TUROBJONOV, Toshkent davlat texnika universiteti rektori, akademik;

“Yoshlar istiqbolini belgilovchi tashabbuslar” — Bahodir XOLIQOV, Samarqand davlat chet tillari instituti rektori, professor;

«Молодежь Нового Узбекистана: возможности, ответственность и уверенный шаг в будущее» — Бахтиёр МАХКАМОВ, ректор Ташкентского университета информационных технологий, профессор;

“Qoraqalpog‘istonning taraqqiyot xaritasi” — Alisher UBBIYEV, Nukus davlat pedagogika instituti rektori;

“Ma’rifatli millatning ertasi oydin bo‘ladi” — Gulchehra RIXSIYEVA, Toshkent davlat sharqshunoslik universiteti rektori;

“Parvozga shay avlod” — Abduhakim MAMANAZAROV, Lomonosov nomidagi Moskva davlat universitetining Toshkent shahridagi filiali rahbari o‘rinbosari;

«Устойчивый туризм – следующий экономический этап развития регионов Узбекистана» — Сайёра САФАЕВА, профессор Ташкентского государственного экономического университета;

«Праздник уважения к выбору женщины» — Зиёда МУХАМЕДОВА, профессор Ташкентского государственного транспортного университета;

“Yoshlar – yangi O‘zbekistonning bunyodkorlari” — Dilshod RAHMONOV, Toshkent xalqaro universiteti departament boshlig‘i, professor;

“Bugun xotin-qizlar yurt taraqqiyotida o‘z o‘rniga ega” — Dilbar ASLANOVA, Samarqand iqtisodiyot va servis instituti professori, Shahnoza MUHAMEDOVA, Buxoro davlat tibbiyot instituti kafedra mudiri, dotsent;

“Markaziy Osiyoning zamonaviy temir yo‘l arxitekturasi” — Ozodek RAJABOV, O‘zbekiston milliy universiteti dotsenti;

Bizni kuzating

Facebook | Instagram | YouTube | Telegram