#Xalqaro_forum #Jizzax #O'zbekiston_Vengriya

Oʻzbekiston–Vengriya: kadrlar tayyorlashda hamkorlik kengayadi

Jizzax viloyatida O‘zbekiston va Vengriya hamkorligida tashkil etilgan INNO Science Park ilmiy-innovatsion parkida Oliy ta’lim, fan va innovatsiyalar vazirligi, Obuda universiteti hamda qator o‘zbek oliy ta’lim muassasalari o‘rtasida hamkorlik memorandumlari imzolandi.

Shuningdek, tadbir doirasida Toshkent axborot texnologiyalari universiteti, Toshkent davlat iqtisodiyot universiteti, Toshkent davlat texnika universiteti, "TIQXMMI" Milliy tadqiqot universiteti, Jizzax politexnika instituti hamda Toshkent kimyo-texnologiya instituti bilan o‘zbek talabalarini Obuda universitetiga qabul qilish bo‘yicha alohida kelishuvlar rasmiylashtirildi.

Batafsil: https://gov.uz/oz/edu/news/view/139821

👉 На русском
👉 In English

Bizni kuzating

Facebook | Instagram | YouTube | Telegram

Talabalar bandligini ta’minlashda “korxona-oliygoh” modeli o‘z natijalarini bermoqda

Davlat rahbari raisligida 2026-yil 24-fevral kuni o‘tkazilgan yoshlar tashabbuslarini qo‘llab-quvvatlashga bag‘ishlangan muloqotda ta’lim sifatini oshirish, yoshlar bandligini ta’minlash va nazariy bilimlarni amaliyot bilan uyg‘unlashtirish ustuvor vazifalardan biri etib belgilab berilgan edi. Mazkur topshiriqlar ijrosini ta’minlash maqsadida Toshkent davlat iqtisodiyot universiteti tomonidan ishlab chiqarish sektori bilan talabalar bandligini ta’minlashga qaratilgan maqsadli hamkorlik aloqalari izchil rivojlantirilmoqda.

Universitet va mamlakatimizning yirik sanoat majmualaridan biri hisoblangan “TEXNOPARK” MCHJ o‘rtasidagi hamkorlik “fan – ta’lim – ishlab chiqarish” integratsiyasi aniq natijalar bermoqda. Tizimli hamkorlik natijasida joriy o‘quv yilida “Savdo ishi” yo‘nalishining 40 nafardan ortiq talabasi ushbu korxonada doimiy ish o‘rinlari bilan ta’minlangan, ikkinchi va uchinchi bosqich talabalari pulli amaliyotlarga jalb etilmoqda hamda bu kabi amaliy ishlar kun sayin rivojlantirilmoqda.

Batafsil...

#Prezident_topshirigʻi_amalda #Talabalar_bandligi

Bizni kuzating

Facebook | Instagram | YouTube | Telegram

#Xalqaro_forum #Toshkent #O'zbekiston_Vengriya

O‘zbekiston–Vengriya uchinchi rektorlar forumi doirasida hamkorlikda oliy tibbiy ta’lim sohasini rivojlantirish istiqbollari muhokama qilindi

O‘zbekiston–Vengriya uchinchi rektorlar forumi doirasida Vengriyaning yetakchi oliy ta’lim muassasalari rektorlari Toshkent davlat tibbiyot universitetiga tashrif buyurdi. Mehmonlar dastlab universitet faoliyati, ta’lim jarayoni, ilmiy-tadqiqot ishlari hamda mavjud infratuzilma bilan yaqindan tanishdilar.

Shundan so‘ng Toshkent davlat tibbiyot universitetida ikki tomonlama uchrashuv bo‘lib o‘tdi. Uchrashuv davomida tomonlar oliy tibbiy ta’lim, ilmiy tadqiqotlar hamda akademik almashinuv sohalarida hamkorlikni rivojlantirish istiqbollarini muhokama qildilar. Xususan, qo‘shma ta’lim dasturlarini yo‘lga qo‘yish, ilmiy loyihalarni kengaytirish hamda universitetlar o‘rtasida professional almashinuvni mustahkamlash masalalariga alohida e’tibor qaratildi.

Muzokaralar yakunida Budapesht shahrida joylashgan Semmelweis universiteti bilan ikki tomonlama hamkorlik to‘g‘risida memorandum imzolandi.

Mazkur hamkorlik tibbiy ta’lim sifatini yanada oshirish, ilmiy salohiyatni rivojlantirish hamda tibbiyot sohasida xalqaro akademik aloqalarni mustahkamlashga xizmat qilishi kutilmoqda.

Bizni kuzating

Facebook | Instagram | YouTube | Telegram