Ko‘ksaroy qarorgohida Prezident Shavkat Mirziyoyev ishtirokida 8-mart – Xalqaro xotin-qizlar kuni munosabati bilan tantanali marosim bo‘lib o‘tmoqda.

Davlatimiz rahbari, dastavval, butun O‘zbekiston ayollarini ayyom bilan samimiy muborakbod etdi.

“Inson hayotini, jamiyat taraqqiyotini xotin-qizlarsiz, ularning ezgu fazilatlarisiz tasavvur etib bo‘lmaydi. Biz sizlarning timsolingizda Uchinchi Renessans bunyodkori bo‘lib, maydonga chiqayotgan 22 million yosh avlodni onalik mehri bilan tarbiyalab, voyaga yetkazgan buyuk bir kuchni ko‘ramiz.”,

– dedi davlatimiz rahbari.

Bugun oliygohda o‘qiyotgan qizlarning soni 904 mingdan oshib, jami talabalarning 54 foizini tashkil etmoqda. O‘tgan yili 60 nafar qizimiz dunyodagi eng nufuzli oliygohlarga o‘qishga kirgan.

Stajyor-tadqiqotchilar va doktoranturada tahsil olayotganlarning 8,5 ming nafari, ya’ni 61 foizini xotin-qizlar tashkil etayotgani ham e’tiborlidir.

Prezidentimiz Kegeyli tumanidan Indira Satniyazova, buxorolik Vazira Fayzullayeva, navoiylik Mashhura Qudratovaning xalqaro fan olimpiadalarida erishgan yutuqlari, bir qator xalqaro startap tanlovlari g‘olibi buvaydalik Dilafruz Jo‘raboyevaning nufuzli “Microsoft” kompaniyasining O‘zbekistondagi elchisi sifatida tan olinganini alohida e’tirof etdi.

Yangi o‘quv yilidan boshlab ehtiyojmand oilalardagi ayollar uchun davlat granti kvotasi 2 karra oshirilib, 4 mingga yetkazilishi belgilandi.

Top 300 talikdagi oliygohlar bilan qo‘shma ta’lim asosida magistratura bosqichida ta’lim olayotgan talaba-qizlarning kontrakt pullari ham davlat tomonidan to‘lab beriladi.

Endilikda har yili xotin-qizlarning innovatsion g‘oyalarini qo‘llab-quvvatlash uchun kamida 10 ta yo‘nalish bo‘yicha startap tanlovlari o‘tkaziladi. Bunda har bir yo‘nalish g‘olibiga Innovatsiya jamg‘armasidan 500 million so‘mgacha grant beriladi.

Maktabning 11-sinfini bitirib, davlat texnikumlariga kirgan qizlarni kasbga o‘qitish to‘liq davlat granti asosida bo‘ladi.

Bizni kuzating

Facebook | Instagram | YouTube | Telegram

E'zoz va e'tirof: Xalqaro xotin-qizlar kunida ayollarga ehtirom ko‘rsatildi!

Oliy ta’lim, fan va innovatsiyalar vazirligida 8-mart — Xalqaro xotin-qizlar kuni munosabati bilan bayram tadbiri tashkil etildi. Tadbirda vazirning birinchi o‘rinbosari Sardor Rajabov tizimda faoliyat yuritayotgan barcha ayol- xodimlarni samimiy qutlab, ularning mamlakatimiz ta’lim tizimi, ilm-fan va innovatsiyalar sohasidagi munosib hissasini alohida e’tirof etdi.

Tadbir davomida ayollarning jamiyatdagi o‘rni, ularning mehnati, fidoiyligi va mas’uliyati yuksak qadrlanishi ta’kidlanib, barcha xotin-qizlarga esdalik sovg'alari taqdim etildi.

Bizni kuzating

Facebook | Instagram | YouTube | Telegram

#Chellenj #Kelajak_muhandislari

Andijon davlat texnika instituti talaba-yoshlari “Kelajak muhandislari” xalqaro festivali doirasida o‘tkaziladigan musobaqalarda ishtirok etishga taklif etiladi.

Musobaqalar quyidagi maxsus kategoriyalar bo‘yicha tashkil etiladi:

➖ Robot-sapyor;
➖ Robo War;
➖ Gumanoid robotlar;
➖ Yangi avlod avtomobili;
➖ Qishloq xo‘jaligi innovatsion texnikalari;
➖ Mexanizmlar estafetasi;
➖ First Robot Uzbekistan.

Texnologiya va muhandislik sohasiga qiziqqan barcha talabalarni faol ishtirok etishga chorlaymiz.

Bizni kuzating

Facebook | Instagram | YouTube | Telegram