🗣“Til bilimdonlari” respublika tanlovining g‘olib va sovrindorlari aniqlandi

🏛 Bugun Toshkent davlat texnika universitetida o‘zbek tiliga davlat tili maqomi berilganligining 36 yilligi munosabati bilan Talaba va o‘quvchilarning ijtimoiy faolligini oshirish markazi tomonidan tashkil etilgan, 102 mingdan ortiq talaba-yoshlarni qamrab olishga erishgan “Til bilimdonlari” respublika tanlovining final bosqichi tashkil etildi. Unda o‘z hududlarida 1-,2-,3-o‘rinlarni egallagan 48 nafar ishtirokchilar 2 shart: test va insho yozish bo‘yicha o‘zaro bellashdi. Yakuniy natijalariga ko‘ra quyidagi ishtirokchilar tanlov g‘oliblari deb topildi:

🔹1-o‘rin: Ra’no Abduxamidova – ToshDO‘TAU talabasi;
🔹2-o‘rin: Shaxnoza Yusupova – O‘zMPU talabasi;
🔹3-o‘rin: A’loxon Hasanova – CHDPDU talabasi;
🔹4-o‘rin: Muxlisa Pardayeva – QarDU talabasi;
🔹5-o‘rin: Shahzoda Sog‘inboyeva – NamDU talabasi.

Tanlov g‘oliblari Oliy ta’lim, fan va innovatsiyalar vazirligi tomonidan diplom va mos ravishda 1-o‘rin 8 million so‘m, 2-o‘rin 6 million so‘m, 3-o‘rin 5 million so‘m, 4-o‘rin 3 million so‘m va 5-o‘rin 2 million so‘mlik vaucherlar bilan taqdirlanadi.

☝️Tanlov nizomiga muvofiq, final bosqichida ishtirok etgan barcha ishtirokchilar vazirlik tomonidan elektron sertifikat hamda o‘zi tahsil oladigan oliy ta’lim muassasasi tomonidan hududiy bosqichdagi natijasi uchun pul mukofotlari bilan taqdirlanadi.

Barcha g‘olib va sovrindor bo‘lgan talabalarni samimiy muborakbod etamiz.

Bizni kuzating:

📱Instagram | 📺YouTube | 🕊Telegram