Madaniy merosni barqaror asrash hamda tarixiy inshootlarga iqlim o‘zgarishining ta’siri masalalariga bag‘ishlangan xalqaro anjuman o‘tkazildi

YUNESKO Bosh Konferensiyasi 43-sessiyasi doirasida Samarqand davlat arxitektura-qurilish universitetida “O‘tmishni asrab, kelajakni barpo etish” mavzusida xalqaro ilmiy seminar bo‘lib o‘tdi.

Tadbir madaniy merosni barqaror asrash, bu jarayonda zamonaviy yondashuvlar, raqamli texnologiyalar va jamoatchilik ishtirokining o‘rnini yoritishga bag‘ishlandi. Shuningdek, tarixiy inshootlarga iqlim o‘zgarishining ta’siri masalalari muhokama qilindi.

Seminarda 200 nafarga yaqin xorijiy va mahalliy olimlar, mutaxassislar va talabalar ishtirok etdi.

Ilmiy seminar doirasida quyidagi yo‘nalishlar bo‘yicha sho‘balar tashkil etildi:

🔹Barqaror materiallar va an’anaviy texnikalar — tarixiy shahar tuzilmalari va me’moriy meros obyektlarini asrash masalalari muhokama qilindi.

🔸Meros va iqlim o‘zgarishi — iqlim o‘zgarishining yodgorliklarga ta’siri va qadimiy me’moriy yechimlarning zamonaviy ahamiyati tahlil qilindi.

🔹Meros barqarorligi uchun raqamli texnologiyalar — 3D modellashtirish, raqamlashtirish va sun’iy intellektdan foydalanish bo‘yicha ilg‘or tajribalar taqdim etildi.

🔸Shahar merosi va barqaror rivojlanish — Samarqandning moddiy va nomoddiy merosini asrash hamda turizm infratuzilmasini rivojlantirish masalalari muhokama qilindi.

Bizni kuzating

Facebook | Instagram | YouTube | Telegram

Kasbiy ta’lim sohasida Xitoy bilan hamkorlik kengaymoqda

Samarqand viloyati Oliy ta’lim, fan va innovatsiyalar boshqarmasi delegatsiyasi Xitoy Xalq Respublikasiga tashrif buyurib, Pekin va Gansu viloyatlari bilan kasbiy ta’lim sohasida hamkorlikni rivojlantirish bo‘yicha qator kelishuvlarga erishdi.

Delegatsiya “Belt and Road” doirasidagi CACIE 2025 xalqaro ta’lim konferensiyasida ishtirok etib, kasbiy ta’limni xalqaro standartlarga moslashtirish, qo‘shma ta’lim markazlarini tashkil etish va WorldSkills Asia doirasidagi hamkorlikni kengaytirish masalalarini muhokama qildi.

Tashrif davomida boshqarma, Sunmaker Training instituti va CIIC International Education Technology (Beijing) Co., Ltd. o‘rtasida raqamli kasbiy ta’limni rivojlantirish bo‘yicha hamkorlik memorandumi imzolandi.

Hamkorlik doirasida 12 yo‘nalish bo‘yicha raqamli o‘quv resurslari yaratish, onlayn va oflayn treninglar tashkil etish rejalashtirilgan. Shuningdek, delegatsiya Gansu viloyatidagi kasb-hunar kollejlarining ilg‘or tajribasini o‘rganib, uni mahalliy ta’lim tizimida qo‘llashni maqsad qilmoqda.

#xalqaro_hamkorlik #kasbiy_taʼlim #memorandum

Bizni kuzating

Facebook | Instagram | YouTube | Telegram

Oʻzbekiston va Sloveniya oliy taʼlim, fan va innovatsiyalar sohasida hamkorlikni yangi bosqichga koʻtarmoqda

Samarqand shahrida oʻtayotgan YUNESKOning 43-Bosh konferensiyasi doirasida Oʻzbekiston Respublikasi Oliy taʼlim, fan va innovatsiyalar vaziri Qongʻirotboy Sharipov Sloveniya Respublikasi Oliy taʼlim, fan va innovatsiyalar vazirligi davlat kotibi Yure Gashparich bilan uchrashdi.

Tomonlar oʻrtasida “Oliy taʼlim va fan sohasida hamkorlik toʻgʻrisida” anglashuv memorandumi imzolandi. Ushbu hujjat universitetlar va ilmiy markazlar oʻrtasida toʻgʻridan-toʻgʻri hamkorlikni yoʻlga qoʻyish, qoʻshma tadqiqotlar oʻtkazish, professor-oʻqituvchilar va talabalar almashinuvini yoʻlga qoʻyish, shuningdek, qoʻshma anjuman va seminarlar tashkil etish imkonini beradi.

Batafsil: https://gov.uz/oz/edu/news/view/100399

#xalqaro_hamkorlik #uchrashuv #vazir #UNESCO #memorandum #Sloveniya

Bizni kuzating

Facebook | Instagram | YouTube | Telegram