✅✅✅✅

Namangandagi ta’lim muassasalari faoliyati o‘rganilmoqda

Bugun O‘zbekiston Respublikasi Prezidenti Administratsiyasi rahbari oʻrinbosari Hilola Umarova Namangandagi qator ta’lim muassasalarida amalga oshirilayotgan ishlar bilan tanishdi.

Dastlab Davlatobod tumanidagi “Yangi O‘zbekiston” massivida barpo etiladigan Pedagogik mahorat markazi loyiha taqdimotini ko‘zdan kechirdi.

Hilola Umarova viloyat hokimi Shavkatjon Abdurazzoqov hamda Oliy taʼlim, fan va innovatsiyalar vaziri Qoʻngʻirotboy Sharipov bilan birgalikda 1000 o‘rinli mazkur maskan loyihasini ko‘zdan kechirishdi.

To‘raqo‘rg’on tumanidagi agrotexnologiyalar tenikumi hamda Uychi tumanidagi 1-sonli politexnikumi faoliyati ham o‘rganilib, o‘quvchi-yoshlarning fikr-mulohazalariga quloq tutildi.    

Shuningdek, Namangan davlat texnika universiteti Toʻqimachilik sanoati injineringi fakultetida tashkil etilgan texnoparkida sanoat mahsulotlari ishlab chiqarish jarayoni bilan tanishildi.

”Sinergiya” raqamli kasblar texnikumiga tashrifda yo‘nalishlar doirasida amalga oshirilayotgan ishlar, IT-eksport xizmati hamda istiqbolli rejalar bo‘yicha taqdimotlar bilan tanishildi.

Bizni kuzating

Facebook | Instagram | YouTube | Telegram