“Olam ichra tanho – Navoiy” fotoko‘rgazmasi ochildi

20-sentyabrda Toshkent davlat o‘zbek tili va adabiyoti universitetida Yaponiyaning Soka universiteti delegatsiyasi bilan xalqaro ma’naviy-ma’rifiy tadbir bo‘lib o‘tdi.

Dastlab, “Do‘stlik bog‘i”da Navoiy haykali poyiga Soka universiteti asoschisi, tinchlik va insonparvarlik g‘oyalarini targ‘ib etgan doktor Daysaku Ikeda xotirasiga bag‘ishlab sakura ko‘chati ekildi. Shundan so‘ng universitet foyesida “Olam ichra tanho – Navoiy” nomli fotoko‘rgazma ochilib, 35 ta tarixiy surat tuhfa qilindi.

Alohida qayd etish joizki, doktor Daysaku Ikeda sa’y-harakatlari bilan 2004-yilda Yaponiyadagi Soka universitetida aynan buyuk ajdodimiz Alisher Navoiy haykali o‘rnatilgan edi.

Haykal poydevorida Navoiyning quyidagi hikmatli so‘zlari bitilgan:

“Olam ahli, bilingizkim, ish emas dushmanligʻ,
Yor oʻling bir-biringʻizgakim, erur yorligʻ ish”

Batafsil: https://gov.uz/oz/edu/news/view/87253

Bizni kuzating

Facebook | Instagram | YouTube | Telegram

#Avtomobilsiz_kun

Faqat manzilga emas, ekologik toza kelajak tomon yuring!

Hurmatli davlat xizmatchisi, siz har kuni ishga avtomobilda kelasizmi? Biroz to‘xtab, o‘ylab ko‘ring.

Jamoat transporti — faqat manzilga emas, balki yanada yaxshiroq hayot tarziga olib boradi:

1️⃣ Sog‘lom hayot — piyoda yurasiz, ko‘proq harakatda bo‘lasiz;

2️⃣ Toza havo — shaxsiy avto mashinalar kamaysa, atrof-muhit sog‘lomlashadi, bu esa kislorodli havodan nafas olishingizga yordam beradi;

3️⃣ Kamroq stress — tirbandliklarsiz, xuddi maroqli sayohat kabi o‘z manzilingizga yetib olasiz;

4️⃣ Iqtisod — mashinangiz uchun yoqilg‘i, ta’mirlash va boshqa xarajatlardan xalos bo‘lasiz, daromadingizning bu qismini yanada foydali maqsadlarga yo‘naltirish imkoni paydo bo‘ladi.

Unutmang, siz namunasiz!

Bizni kuzating

Facebook | Instagram | YouTube | Telegram

#qabul2025 #imkoniyat

Abituriyentlar uchun oliy taʼlimga kirish bo‘yicha qo‘shimcha imkoniyatlar belgilandi

Oʻzbekiston Respublikasi taʼlim tashkilotlariga qabul qilish boʻyicha Davlat komissiyasi majlisining tegishli bayoni tasdiqlandi.

Unga ko‘ra:

➖bakalavriat taʼlim yoʻnalishlarida vakant qolgan oʻrinlar uchun tanlov oʻtkaziladi. Bunda 56,7 ball va undan yuqori natija ko‘rsatgan, biroq talabalikka tavsiya etilmagan, shu jumladan roʻyxatdan oʻtishning ikkinchi bosqichida oliy taʼlim tashkiloti va bakalavriat taʼlim yoʻnalishlarini tanlamagan abituriyentlarga ham imkoniyat yaratiladi;

➖kirish imtihonlari natijalariga koʻra abituriyentlar uchun tabaqalashtirilgan toʻlov-kontrakt asosida oʻqishga kirish imkoniyati yaratiladi;

➖respublikada faoliyat koʻrsatayotgan xorijiy va nodavlat oliy taʼlim tashkilotlariga davlat buyurtmalari tasdiqlandi;

➖Qoraqalpogʻiston yoshlari uchun qo‘shimcha grant va to‘lov-kontrakt oʻrinlari ajratildi.

Shuningdek, Prezident granti uchun ajratilgan kvotalarning taʼlim sohalari boʻyicha taqsimoti hamda davlat oliy taʼlim tashkilotlarining magistratura mutaxassisliklariga tanlov natijalari tasdiqlandi.

Mazkur qaror abituriyentlar uchun oliy taʼlimga kirish imkoniyatlarini yanada kengaytirish va yoshlarni oliy taʼlim bilan qamrab olish darajasini oshirishga xizmat qiladi.

Batafsil keyingi xabarlarda...

Bizni kuzating

Facebook | Instagram | YouTube | Telegram

#ovozli_chat

Bugun, 22-sentyabr kuni soat 15:00 da Oliy taʼlim, fan va innovatsiyalar vazirligi, Raqamli texnologiyalar vazirligi hamda “Kiberxavfsizlik markazi” DUK hamkorligida oliy taʼlim muassasalari talabalari hamda professor-oʻqituvchilari uchun onlayn chat tashkil etiladi.

Mazkur ovozli chat davomida internet tarmog‘idan foydalanishda bilib qo‘yish lozim bo‘lgan asosiy tushunchalar, axborot xavfsizligi qoidalari hamda foydalanuvchilarning shaxsiy maʼlumotlarini himoya qilish bo‘yicha muhim tavsiyalar beriladi. Unda Raqamli texnologiyalar vazirligi hamda “Kiberxavfsizlik markazi” DUK mutaxassislari ishtirok etadi.

Ovozli chat Oliy taʼlim, fan va innovatsiyalar vazirligining rasmiy Telegram sahifasi orqali o‘tkazilib, unda ishtirokchilar o‘zlarini qiziqtirgan savollarga bevosita mutaxassislardan javob olish imkoniyatiga ega bo‘ladilar.

Barchani ushbu onlayn muloqotda faol qatnashishga chorlaymiz!

Bizni kuzating

Facebook | Instagram | YouTube | Telegram

O‘zbekiston Respublikasi Prezidenti Shavkat Mirziyoyev 20-sentyabr kuni Birlashgan Millatlar Tashkiloti Bosh Assambleyasining 80-yubiley sessiyasi tadbirlarida ishtirok etish uchun Nyu-York shahriga keldi.

Jon Kennedi nomidagi xalqaro aeroportda davlatimiz rahbarini AQSH Prezidentining global sherikliklar bo‘yicha maxsus vakili Paolo Zampolli, Amerika - O‘zbekiston savdo palatasi raisi Kerolin Lemm va boshqa rasmiy shaxslar kutib oldi.
—
20 сентября Президент Республики Узбекистан Шавкат Мирзиёев прибыл в город Нью-Йорк для участия в мероприятиях юбилейной 80-й сессии Генеральной Ассамблеи Организации Объединённых Наций.

В международном аэропорту имени Джона Кеннеди главу нашего государства встретили специальный посланник Президента США по глобальным партнерствам Паоло Замполли, председатель Американо-Узбекской торговой палаты Кэролин Лэмм и другие официальные лица.

#Mirziyoyev #tashrif #AQSh

Bizni kuzating

Facebook | Instagram | YouTube | Telegram

#qabul2025 #super_kontrakt

Joriy yil tabaqalashtirilgan toʻlov-kontrakt miqdori OTM rektorlari (direktorlari) tomonidan belgilanadi

Davlat komissiyasi bayoniga muvofiq, 2025/2026-oʻquv yili uchun kirish imtihonlari natijalariga koʻra 56,7 va undan yuqori ball toʻplagan lekin talabalikka tavsiya etilmagan abituriyentlarni bakalavriat taʼlim yoʻnalishlariga qoʻshimcha qabul qilishda tabaqalashtirilgan toʻlov-kontrakt miqdorini rektor (direktor) tomonidan mustaqil belgilash quyidagi tartibda amaliyotga joriy etiladi:

➖qabul chegaralariga 4,05 ballgacha yetmagan abituriyentlar uchun belgilangan tabaqalashtirilgan toʻlov-kontrakt miqdorlari Vazirlar Mahkamasining 2025-yil 13-sentyabrdagi 578-son qarori bilan tasdiqlangan Nizom talablari (1-ilova 73-band)ga asosan belgilanadi;

➖qabul chegaralariga 4,05 balldan ortiq ball yetmagan abituriyentlar uchun tabaqalashtirilgan toʻlov-kontrakt miqdorlari oliy taʼlim muassasalari rektorlari (direktorlari) tomonidan bazaviy toʻlov-kontraktning 3,0 barobaridan kam boʻlmagan miqdorda belgilanadi.

Barcha oliy taʼlim tashkilotlari tomonidan 2025-yil 25-sentyabrga qadar 2025/2026-oʻquv yili uchun bakalavriat taʼlim yoʻnalishlari va taʼlim shakllari kesimida tabaqalashtirilgan toʻlov-kontraktning minimal miqdorlari tasdiqlanadi va rasmiy veb-saytida eʼlon qilinadi.

2025/2026-oʻquv yili qabulida tabaqalashtirilgan toʻlov-kontrakt asosida tahsil olish istagini bildirgan abituriyentlarga bir yillik oʻqitish qiymatining 50 foizini 2025-yilning 31-oktyabrga qadar (shu kuni ham) toʻlashga ruxsat beriladi.

Shuningdek, bakalavriat taʼlim yoʻnalishlariga kirish imtihonlari natijasi boʻyicha tanlovda ishtirok etib, ikkinchi-beshinchi bakalavriat taʼlim yoʻnalishlaridan biri boʻyicha davlat granti yoki toʻlov-kontrakt asosida talabalikka tavsiya etilgan abituriyentlarga oʻz xohishlariga koʻra ustuvorligi boʻyicha tanlagan birinchi bakalavriat taʼlim yoʻnalishida tabaqalashtirilgan toʻlov-kontrakt asosida oʻqishga ruxsat berildi (maqsadli qabul asosida talabalikka tavsiya qilinganlar bundan mustasno).

Bizni kuzating

Facebook | Instagram | YouTube | Telegram

#qabul2025 #texnikum #xalqaro_dastur

⚡️Texnikumlarning xalqaro ta’lim dasturlariga qabul 1-oktyabrga qadar uzaytirildi

Davlat komissiyasi bayoniga muvofiq, kasbiy ta’lim tashkilotlari (texnikumlar)ga kamida umumiy o‘rta ma’lumot (11-sinf bitiruvchilari) negizida xalqaro ta’lim dasturlarida o‘qish uchun arizalarni 2025-yil 1-oktyabrgacha (shu kuni ham) qabul qilinishi belgilandi.

Hujjatlar Vazirlikning my.edu.uz platformasi orqali kunduzgi va dual ta’lim shakllari uchun qabul qilinadi.

Qabulga doir bot: @EduuzuniversalBot

Bizni kuzating

Facebook | Instagram | YouTube | Telegram