#o‘quv_kursi
#live

Farg‘ona politexnika institutida o‘tayotgan energetika sohasida kadrlar tayyorlaydigan oliy ta’lim muassasalarida o‘quv jarayonini dual ta’lim shaklida tashkil etishga qaratilgan malaka oshirish kursidan videolavha.

Bizni kuzating

Facebook | Instagram | YouTube | Telegram

#malaka_oshirish #HR

OTMlarning 111 nafar kadrlar bo‘limi boshliqlari malakasi oshirildi

19–22 va 26–29-avgust kunlari Oliy ta’lim, fan va innovatsiyalar vazirligi huzuridagi Oliy ta’lim tizimi kadrlarini qayta tayyorlash va malakasini oshirish institutida “Mehnat shartnomalarini tuzish va xodimlar bilan ishlarni tashkil etish” bo‘yicha qisqa muddatli maxsus o‘quv kurslari tashkil etildi. 

Kursning asosiy maqsadi oliy ta’lim tashkilotlarida faoliyat yuritib kelayotgan kadrlar xizmati xodimlarining mehnat sohasiga oid kasbiy bilim va ko‘nikmalarini zamonaviy standartlar asosida rivojlantirish bo‘ldi.

O‘tkazilgan I va II chaqiruv kurslarida oliy ta’lim muassasalarining 111 nafar kadrlar bo‘limi boshliqlari jumladan, Qoraqalpog‘iston Respublikasi va viloyatlardan 71 nafar, Toshkent shahridan 31 nafar, nodavlat oliy ta’lim tashkilotlardan 9 nafar tinglovchi ishtirok etdi. Dars mashg‘ulotlariga Oliy ta’lim, fan va innovatsiyalar vazirligi, Toshkent davlat yuridik universiteti, Toshkent davlat iqtisodiyot universitetining yuqori malakali ekspertlari jalb etilib, ishtirokchilar elektron o‘quv-metodik materiallar paketi bilan ta’minlandi. 

Maxsus o‘quv kurslarini muvaffaqiyatli yakunlagan tinglovchilarga Oliy ta’lim, fan va innovatsiyalar vazirligining sertifikatlari topshirildi.

Bizni kuzating

Facebook | Instagram | YouTube | Telegram

#qabul2024

⚡️“Super” kontrakt boʻyicha qoʻshimcha tartiblar belgilandi

Davlat komissiyasi bayoniga koʻra, kirish imtihonlari natijasi boʻyicha tanlovda ishtirok etib, ikkinchi-beshinchi bakalavriat taʼlim yoʻnalishlaridan biri boʻyicha davlat granti yoki toʻlov-kontrakt asosida talabalikka tavsiya etilgan abituriyentlarga oʻz xohishlariga koʻra, ustuvorligi boʻyicha tanlagan birinchi bakalavriat taʼlim yoʻnalishida tabaqalashtirilgan toʻlov-kontrakt asosida oʻqishga ruxsat berildi. Ushbu holatda abituriyent toʻplagan bali birinchi taʼlim yoʻnalishida toʻlov-kontrakt asosidagi oʻtish balidan past boʻlishi lozim.

❗️Bunda kontrakt summasini hisoblash Davlat komissiyasi tomonidan tasdiqlangan tabaqalashtirilgan toʻlov-kontrakt qiymatining minimal miqdorlari asosida amalga oshiriladi.

Shuningdek, tanlagan barcha yoʻnalishlarga oʻqishga tavsiya etilmagan abituriyentlar ro‘yxatdan o‘tishda tanlagan yoʻnalishlaridan birida tabaqalashtirilgan kontrakt asosida oʻqishiga ruxsat beriladi.

❗️Bunda, oliy taʼlim muassasalari tomonidan talabalikka qabul qilish tanlov boʻyicha birinchi bakalavriat taʼlim yoʻnalishida eʼlon qilingan test sinovlari natijalariga koʻra, abituriyentlaring toʻplagan balini asos sifatida qabul qilib, murojaat etgan abituriyentlarning arizalariga muvofiq, toʻplagan ballari qatʼiy ketma-ketligiga rioya etgan holda amalga oshiriladi.

Eslatma: “Super” kontraktning bir yillik oʻqitish qiymatidan kamida 50 foizi miqdoridagi toʻlovlarni amalga oshirgan abituriyentlar talabalar safiga qabul qilinadi. Super kontraktni 2024-yil 15-oktyabrga qadar toʻliq (100 foiz) toʻlagan abituriyentlarga, istisno tariqasida 10 foiz chegirma taqdim etiladi.

Bizni kuzating

Facebook | Instagram | YouTube | Telegram