#Xalqaro_forum

115 mln dollarlik 18 000 oʻrinli talabalar turar joyini qurish boʻyicha maslahat xizmati bitimi imzolandi

Xabaringiz bor, ayni damda Samarqandda dunyoning rivojlangan mamlakatlari yetakchi xalqaro iqtisodchilari, nufuzli investorlar va ekspertlarni jamlagan II Oʻzbekiston xalqaro iqtisodiy forumi boʻlib oʻtmoqda.

Anjumanda oʻzaro muloqotni yoʻlga qoʻyish, ishbilarmon doiralar, xorijiy korxonalar vakillari hamkorligini oʻrnatish hamda investorlarni jalb qilish masalalari qizgʻin muhokama qilinmoqda va bir qator kelishuvlarga ham erishilmoqda.

Jumladan, Oliy va oʻrta maxsus taʼlim vazirligi va Yevropa tiklanish va taraqqiyot banki oʻrtasida loyiha qiymati 115 mln dollarlik jami 18 000 oʻrinli 17 ta talabalar turar joylarini qurish boʻyicha Maslahat xizmati bitimi imzolandi.

Hujjatni imzolashda tomonlardan Oliy va oʻrta maxsus taʼlim vaziri oʻrinbosari Sarvarxon Buzrukxonov, Moliya vazirligi huzuridagi Davlat-xususiy sheriklikni rivojlantirish agentligi direktori Zokir Bozorov hamda Yevropa tiklanish va taraqqiyot bankining Barqaror infratuzilma siyosati va loyihalarni ishlab chiqish boʻyicha direktori Mesyu Jortan-Tank ishtirok etdi.

Telegram | Instagram | Facebook | YouTube

Samarqandda oʻtkazilgan II Oʻzbekiston iqtisodiy forumining ikkinchi kuni doirasida “Demografik o‘sish, inson kapitali va migratsiya: xatarlardan imkoniyatlar sari” mavzusida panel muhokamasi boʻlib oʻtdi.

Unda O‘zbekistonning professional ta’limi, sog‘liqni saqlash va aholini ijtimoiy muhofaza qilishni rivojlantirish orqali demografik o‘sishdan samarali foydalanish masalalari yuzasidan fikr almashildi.

Sessiyada xalqaro ekspertlar, yurtimizdagi bir qator tashkilot hamda idoralar mas'ullari bilan birga Oliy va o‘rta maxsus ta'lim vaziri o‘rinbosari Sadoqat Siddiqova ham ishtirok etdi.

Telegram | Instagram | Facebook | YouTube

#Mahorat_darsi

Vazir magistrlar uchun maxsus mahorat darsini oʻtdi

Bugun Oliy va oʻrta maxsus taʼlim vaziri Abduqodir Toshqulov Toshkent davlat iqtisodiyot universitetining Moliya va buxgalteriya taʼlim yoʻnalishida tahsil olayotgan 2-bosqich bir guruh magistrlari uchun maxsus mahorat darsini oʻtdi.

80 daqiqa davom etgan maʼruza avvalida talabalar bilan Davlat moliyaviy menejmenti: audit va muvofiqlik fanidan “Davlat moliya tizimida soliq nazorati va auditini oʻtkazish tartibi” mavzusida oddiy, savol-javob va amaliy bilimlar asosida dars oʻtilishi va ushbu mavzuni muhokama qilishga kelishib olindi.

Dars mashgʻulotida A.Toshqulov hayotiy kuzatuvlaridan kelib chiqib, soliq nazoratini amalga oshirish, unda soliq auditining ahamiyati haqida soʻzlab berdi. Bu jarayonda nazariy bilimning amaliyot bilan uygʻunligini taʼminlash muhim ahamiyat kasb etishini taʼkidlab, oʻzining iqtisodiyot sohasidagi tajribasi bilan oʻrtoqlashdi.

Mashgʻulot davomida, shuningdek, mamlakatimizdagi islohotlar, jumladan oliy taʼlim sohasida erishilgan yutuqlar borasida ham magistrlar bilimi sinovdan oʻtkazildi. Vazir talabalar bilan oʻrtoqlashar ekan, ularga kelajakda xalq manfaatlariga xizmat qiladigan yetuk kadr boʻlib yetishishlarida ulkan muvaffaqiyatlar tiladi.

Samimiy va sermazmun ruhda oʻtgan dars jarayonida talabalar ham mavzu yuzasidan oʻzlarini qiziqtirgan barcha savollariga bevosita vazirdan kerakli javoblarni bilib olishdi.

Birozdan soʻng kanalimizga Oliy va oʻrta maxsus taʼlim vazirining maʼruzadan koʻzlangan maqsad va magistrlar bilim saviyasiga bergan bahosi hamda hukumat aʼzolari, rektorlarga yoʻllagan murojaati joylanadi.

Telegram | Instagram | Facebook | YouTube