​📢Direktorların işə qəbulu üzrə nümunə test tapşırıqları və esse mövzuları hazırlanıb.

Ətraflı: 👉https://bit.ly/3zS8ZKC

​👩‍🎓🧑‍🎓Dövlət Proqramı çərçivəsində xaricdə magistratura təhsili üçün sənəd qəbulu davam edir

📜“Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2026-cı illər üçün Dövlət Proqramı” çərçivəsində magistratura səviyyəsi üzrə sənəd qəbulu davam edir.

📆Sənəd qəbulu prosesi 25 avqust 2022-ci il tarixində yekunlaşacaq.

🔗Müvafiq elan mətni ilə keçiddən (https://dp.edu.az/.../e71fa97bb0ef4931a07e4e248e03d067.pdf) tanış ola bilərsiniz.

​❗️İş yerinin qarşılıqlı dəyişdirilməsi müsabiqəsində iştirak edən müəllimlərin nəzərinə!


Elm və Təhsil Nazirliyi sisteminə daxil olan dövlət ümumi təhsil müəssisələrində çalışan müəllimlərin iş yerinin qarşılıqlı dəyişdirilməsi müsabiqəsinin nəticələri iştirakçıların şəxsi səhifələrinə göndərilib.

Müsabiqə üzrə ilk dəfə 202 müəllim iş yerini elektron platforma üzərindən qarşılıqlı olaraq dəyişib.

Qeyd edək ki, İnsan Resursları Mərkəzi tərəfindən həyata keçirilən bu layihə insan resurslarının idarə edilməsində dünyada bir ilkdir. Layihə dövlət ümumi təhsil müəssisələrində müddətsiz əsaslarla çalışan müəllimlərə elektron platforma vasitəsilə iş yerini qarşılıqlı olaraq dəyişdirmək imkanı verir.

​❗️Təhsilverənlərin sertifikatlaşdırılması prosesi üzrə onlayn sınaq imtahanı keçiriləcək

---

Təhsilverənlərin sertifikatlaşması ərəfəsində Təhsil İnstitutu tərəfindən müəllimlərə dəstək məqsədilə faydalı materiallar paylaşılıb, 6000 nəfərdən çox müəllimlə canlı maarifləndirici görüşlər keçirilib, 70-dən çox vebinar təşkil olunub.

Görüşlərdə ibtidai sinif müəllimləri ilə sertifikatlaşma imtahanı ilə bağlı geniş müzakirələr aparılıb. Təhsil İnstitutunda aparılan müzakirələr nəticəsində sertifikatlaşma imtahanı ilə bağlı aşağıdakı tədbirlərin görülməsi nəzərdə tutulub:

🔴Sual nümunələri təqdim etmək;

🔴Ödənişsiz sınaq imtahanı təşkil etmək;

🔴İmtahanda ixtisasa dair sual sayının 50, metodika və pedaqogikaya dair sual sayının 10 olmasını təmin etmək.

📍Nəzərdə tutulan 50 ixtisas sualının fənlər üzrə bölgüsü bərabərdir, yəni Azərbaycan dili fənnindən 25, riyaziyyat fənnindən 25 sual təqdim olunması nəzərdə tutulub. İxtisas fənləri üzrə sual sayı artsa da, çətinlik dərəcəsi dəyişdirilməyib. Metodika və pedaqogikaya dair praktik məsələlər müsahibə mərhələsində də ölçüldüyünə görə imtahanın birinci mərhələsində sual sayının 10-a endirilməsi məqsədəuyğun hesab edilib.

✅️Nəzərinizə çatdırırıq ki, təhsilverənlərin sertifikatlaşdırılması prosesi üzrə sınaq imtahanı 18 avqust 2022-ci il tarixində saat 10:00-dan 18:00-dək "Virtual məktəb" platforması üzərindən keçiriləcək. Sınaq imtahanında namizədlərə ixtisasa aid 50, metodika və pedaqogikaya dair 10 test tapşırığı təqdim olunacaq. İbtidai sinif müəllimləri "Virtual məktəb" platformasında öz hesablarına daxil olmaqla sınaq imtahanında iştirak edə bilərlər. Sınaq imtahanında hər müəllim yalnız 1 dəfə iştirak edə bilər.

📢İmtahanda iştirakla bağlı təlimat aşağıdakı linkdə verilib:

https://youtu.be/miKoDU5KUpM

​❗️Magistratura səviyyəsinə boş qalan plan yerlərinə əlavə yerləşdirməyə start verilir

17 avqust saat 12:00-da ali təhsil pilləsinin magistratura səviyyəsinə boş qalan plan yerlərinə əlavə yerləşdirmə prosesinə start veriləcək.

Namizədlər 🌐https://portal.edu.az/ elektron xidmətində qeydiyyatdan keçərək “Ali və orta ixtisas təhsil müəssisələrinə təhsilalan qeydiyyatı” xidmətini seçməklə müraciət edə bilərlər. Açılan səhifədə müvafiq qəbul xətti üzrə şəxsi və qəbul məlumatlarının təsdiq edilməsi, həmçinin tələb olunan sənədlərin əlavə edilməsi mümkündür.

Həmçinin müraciət zamanı sosial baxımdan həssas əhali qrupuna aid edilən ailələrin üzvü olan şəxslərə təhsil haqqından azad olunmaq və ya təhsil haqqı güzəşti əldə etmək üçün məlumatların təqdim edilməsi hissəsi də mövcuddur.

⏰Elektron sistem üzrə qeydiyyat prosesi 30 avqust saat 23:59-da yekunlaşacaq.

☑️Qeyd edək ki, qeydiyyat üçün müraciət etməyən şəxslər qəbul olunanların siyahısından xaric ediləcəklər.

​❗️📣2022-2023-cü tədris ili üzrə Bakı şəhəri və ölkənin müxtəlif bölgələrində yerləşən bir sıra lisey və gimnaziyalara qəbul olan şagirdlərin şəxsi işlərinin qəbul edilməsi mərhələsi 17 avqust 17:00-da başa çatacaq.

Qeyd edək ki, boş qalan yerlər üçün 2-ci mərhələ 19-22 avqust tarixlərində həyata keçiriləcək. Bu mərhələdə aşağıdakı şagirdlərin iştirakına icazə verilir:

1) 1-ci mərhələdə seçim edib qəbul olmayanlar;
2) 1-ci mərhələdə seçim etməyənlər;

Bu mərhələdə valideynlər şagirdlərin yerdəyişməsi elektron xidmət portalında (https://sy.edu.az/login) şəxsi kabinetlərinə daxil olaraq lisey seçimi edəcək. Şagird qəbul olduğu halda avtomatik sorğu yaradılır. Daha sonra şagirdin şəxsi işləri ötən tədris ilində təhsil aldığı məktəbdən təhvil alınaraq, qəbul olduğu ümumtəhsil müəssisəsinə təhvil verilməlidir❗️

​✅Ağalı kənd tam orta məktəbi üzrə vakansiyalar

__

Zəngilan rayonu Ağalı kənd tam orta məktəbinə müddətli müqavilə ilə vakansiya seçiminə start verilir.

Vakansiya seçimində müəllimlərin işə qəbulu üzrə müsabiqənin test imtahanı mərhələsində 40 və daha yüksək bal toplamış namizədlər iştirak edə bilərlər.

Müraciət etmək üçün aşağıdakı linkə daxil olaraq müvafiq məlumatları və vakansiyanı qeyd edərək sorğunu tamamlamaq lazımdır.

🔗Qeydiyyat linki: https://docs.google.com/forms/d/e/1FAIpQLScDMu4wn22kq0nf8EDTaZPfE26TkxWEv76ACvHaF1VskG0qUg/viewform?usp=pp_url

⏰Vakansiya seçimi üçün son müraciət tarixi 19 avqust saat 18:00 müəyyən olunub.

​📢Tərbiyəçi-müəllimlərin işə qəbulu üzrə müsabiqənin test imtahanı mərhələsi başlayır


Avqustun 29-da məktəbəqədər təhsil müəssisələrinə tərbiyəçi-müəllimlərin işə qəbulu üzrə müsabiqənin test imtahanı mərhələsinə start veriləcək.

📍5488 namizədin iştirakı planlaşdırılan müsabiqə Bakı, Sumqayıt, Gəncə, Yevlax, Mingəçevir şəhərləri və Salyan rayonu olmaqla, ümumilikdə 9 imtahan mərkəzində təşkil olunacaq.

❗️Test imtahanlarında hər bir namizədə məzmun və metodikaya aid 40 sual, pedaqoji və psixoloji yanaşmalara aid 20 sual təqdim edilir. Test tapşırıqlarının cavablandırılması üçün namizədlərə 120 dəqiqə vaxt ayrılması nəzərdə tutulub. Bu mərhələdə məzmun və metodika, həmçinin pedaqoji və psixoloji yanaşmalara aid test tapşırıqlarının hər biri 1 bal olaraq hesablanacaq. Ümumilikdə 60 ballıq qiymətləndirmə sistemi tətbiq ediləcək. Qaydalara əsasən, məzmun və metodika, həmçinin pedaqoji və psixoloji yanaşmalara aid hər səhv cavablandırılmış test tapşırığı -0,25 bal şəklində hesablanaraq, namizədin imtahan nəticəsinə təsir göstərəcək.

🔴Qeyd edək ki, namizəd şəxsi səhifəsində qeyd olunan tarix və məkanda imtahanda iştirak etməlidir. Qeydiyyat prosesinə gecikən namizədlər imtahan binasına buraxılmayacaq.

✅️Təlimatla bağlı ətraflı məlumat üçün namizədlərə şəxsi səhifələrinə nəzər yetirmələri tövsiyə olunur.

Müsabiqə iştirakçılarına uğurlar arzulayırıq!

​❗️Müsahibə mərhələsinə start verilib

Avqustun 18-də müəllimlərin işə qəbulu üzrə müsabiqənin müsahibə mərhələsinə start verilib.

👩‍💻Bakı şəhəri 18 nömrəli tam orta məktəbdə keçirilən müsahibələrə 5298 nəfər dəvət edilib.

📎Bu gün biologiya (Azərbaycan və rus bölməsi), informatika, Azərbaycan dili və ədəbiyyat, musiqi fənləri üzrə müsahibələr təşkil olunacaq.

⏳ Avqustun 25-dək davam edəcək müsahibələr zamanı müvafiq komissiya tərəfindən namizədlərin peşəkar kompetensiyaları, psixoloji hazırlığı və ümumi dünyagörüşü proqrama uyğun olaraq yoxlanılacaq.

İştirakçılara uğurlar arzulayırıq!🎉

​✅Təhsilverənlərin sertifikatlaşdırılması prosesi üzrə onlayn sınaq imtahanı keçirilir

🗓Avqustun 18-də təhsilverənlərin sertifikatlaşdırılması prosesi üzrə onlayn sınaq imtahanına start verilib.

📝İmtahan saat 18:00-dək "Virtual məktəb" platforması üzərindən keçiriləcək.
Sınaq imtahanında namizədlərə ixtisasa aid 50, metodika və pedaqogikaya dair 10 test tapşırığı təqdim olunacaq.

❗️İbtidai sinif müəllimləri "Virtual məktəb" platformasında öz hesablarına daxil olmaqla sınaq imtahanında iştirak edə bilərlər. Sınaq imtahanında hər müəllim yalnız 1 dəfə iştirak edə bilər.

🔗İmtahanda iştirakla bağlı təlimat aşağıdakı linkdə verilib:
https://youtu.be/miKoDU5KUpM

YouTube
Sertifikasiya sınaq imtahanı üçün təlimat

​📢Azərbaycan Respublikasının Prezidenti "Dövlət ümumi təhsil müəssisələrinin rəhbər işçilərinin və həmin təhsil müəssisələrinin (ümumi təhsil üzrə təhsilverənlərə münasibətdə digər dövlət təhsil müəssisələrinin) təhsilverənlərinin vəzifə maaşlarına aylıq əlavələr müəyyən edilməsi haqqında" Fərman imzalayıb.

Ətraflı: 🔗https://president.az/az/articles/view/56945

​🔴Direktor və direktor müavinlərinin işə qəbulu üzrə test imtahanının nəticələri açıqlanıb


2022-2023-cü il tədris ili üçün Elm və Təhsil Nazirliyi sisteminə daxil olan peşə təhsili müəssisələrinə direktor və direktor müavinlərinin işə qəbul müsabiqəsi üzrə imtahan mərhələsinin nəticələri açıqlanıb. Nəticələr namizədlərin https://portal.edu.az/ elektron müraciət portalındakı şəxsi kabinetlərinə artıq yerləşdirilib.

✅Test imtahanı mərhələsində 192 nəfər direktor, 131 nəfər namizəd isə direktor müavini vakant vəzifələri uğrunda mübarizə aparıb. Onlardan 58 nəfəri direktor, 43 nəfər isə direktor müavini vakant vəzifələri üzrə müsahibə mərhələsində iştirak hüququ qazanıb.

❗️Test imtahanının nəticələrinə əsasən, Bakı və Sumqayıt şəhərlərindəki direktor vakant vəzifələri üzrə keçid bal 35, direktor müavini vakant yerləri üçün isə 40 bal müəyyən edilib. Digər regionlarda isə analoji göstəricilər direktor vəzifəsinə namizədlər üçün 30 bal, direktor müavini vakant yerləri üzrə mübarizə aparan namizədlər üçün isə 35 bal olaraq müəyyən edilib.

⏱Keçid balını toplayan namizədlər 22 avqust - 2 sentyabr tarixlərində keçiriləcək müsahibələrdə iştirak edəcəklər.

☑️Qeyd edək ki, müsabiqə çərçivəsində respublika üzrə ümumilikdə 22 direktor və 28 direktor müavini vakansiyası elan olunub.

Müsabiqə nəticələrinə uyğun olaraq seçilən müraciətçilərin vakant yerlərə yerləşdirilməsi elektron ərizələrində qeyd etdikləri seçim ardıcıllığı gözlənilməklə aparılacaq.

Müsabiqədə iştirak edən bütün namizədlərə uğurlar arzu edirik!

​📢Ağalı kənd tam orta məktəbində müəllim işləmək istəyənlərin nəzərinə!


📍19 avqust saat 18:00-da Zəngilan rayonu Ağalı kənd tam orta məktəbinə müddətli müqavilə ilə vakansiya seçimi başa çatacaq.

Müraciət etmək üçün namizədlərdən aşağıdakı linkə daxil olaraq müvafiq məlumatları və vakansiyanı qeyd edərək sorğunu tamamlamaları xahiş olunur.

🔗Qeydiyyat linki: https://docs.google.com/forms/d/e/1FAIpQLScDMu4wn22kq0nf8EDTaZPfE26TkxWEv76ACvHaF1VskG0qUg/viewform?usp=pp_url

Qeyd edək ki, vakansiya seçimində müəllimlərin işə qəbulu üzrə müsabiqənin test imtahanı mərhələsində 40 və daha yüksək bal toplamış namizədlər iştirak edə bilərlər.

​❗️Ümumi orta təhsil bazasından orta ixtisas təhsili müəssisələrinə qəbul olanlar üçün qeydiyyat prosesinə start verilir


22 avqust saat 12:00-da ümumi orta təhsil bazasından orta ixtisas təhsili müəssisələrinə qəbul olanlar üçün qeydiyyat prosesinə start veriləcək.

Müraciətçilər https://portal.edu.az/ üzərindən qeydiyyatdan keçərək “Ali və orta ixtisas təhsil müəssisələrinə təhsilalan qeydiyyatı” xidmətini seçməklə müraciət edə bilərlər. Açılan səhifədə müvafiq qəbul xətti üzrə şəxsi və qəbul məlumatlarının təsdiq edilməsi, həmçinin tələb olunan sənədlərin əlavə edilməsi mümkündür. Həmçinin müraciət zamanı sosial baxımdan həssas əhali qrupuna aid edilən ailələrin üzvü olan şəxslərə təhsil haqqından azad olunmaq və ya təhsil haqqı güzəşti əldə etmək üçün məlumatların təqdim edilməsi hissəsi də mövcuddur.

⏳Elektron sistem üzrə qeydiyyat prosesi 1 sentyabr saat 23:59-da yekunlaşacaq.

‼️Qeyd edək ki, qeydiyyat üçün müraciət etməyən şəxslər qəbul olunanların siyahısından xaric ediləcəklər.

​​📢Nazirlər Kabineti tərəfindən "Dövlət ümumi təhsil müəssisələrinin direktor və direktor müavinlərinin (təhsilalanların sayına görə) və həmin müəssisələrin (ümumi təhsil üzrə təhsilverənlərə münasibətdə digər dövlət təhsil müəssisələrinin) təhsilverənlərinin (sertifikatlaşdırmanın nəticəsinə görə) vəzifə maaşlarına aylıq əlavələrin təsdiq edilməsi haqqında" Qərar imzalanıb.
Qərara əsasən, sözügedən şəxslərin vəzifə maaşlarına aylıq əlavənin məbləği təyin edilib.

Ətraflı: 👉https://nk.gov.az/az/document/6382/