Davlat rahbari Samarqand viloyatiga tashrifi doirasida “Tadbirkorlikni rivojlantirish kompaniyasi” AJ tomonidan moliyaviy qo‘llab-quvvatlangan “Ferre Group” korxonasining faoliyati bilan tanishdi.

O‘z navbatida, Kompaniya ushbu korxonaga eksportni rivojlantirish va xomashyo uchun aylanma mablag‘ shakllantirishi uchun 18 oyga olingan 10 mlrd so‘mlik kredit foizining 1,1 mlrd so‘m qismini (10%) kompensatsiya sifatida qoplab bergan.

Bu esa korxona uchun biznesini yanada rivojlantirish, yangi ish o‘rinlarini yaratish hamda aylanma mablag‘larini tejash imkonini bergan.

Bugunga kelib u muzlatkich, gaz plita, kichik pech, changyutkich va dudburon, boshqa uy-ro‘zg‘or buyumlari, zamonaviy temir eshiklar ishlab chiqarish bo‘yicha Markaziy Osiyoda mustahkam o‘ringa ega yirik kompaniyaga aylangan.

Telegram | Facebook | Instagram | Youtube

Bugun, 12-dekabrda “Tadbirkorlikni rivojlantirish kompaniyasi” AJ direktori Abbosxon Maxamatov hamda Fransiya Taraqqiyot agentligining O‘zbekistondagi direktori Olivier Grandvoinet o’rtasida uchrashuv bo’lib o’tdi.

Suhbat doirasida har ikki tomonning faoliyati, o‘z oldiga qo‘ygan maqsadlari, ko‘rsatayotgan xizmatlari va samaradorligi to‘g‘risida qizg‘in muhokamalar tashkil etildi.

Uchrashuvda agentlikdan Kompaniyaning resurs ajratish, qayta moliyalashtirish xizmatlariga davlat kafolatisiz, mahalliy valyutada mablag‘ jalb etish masalalari ko’rib chiqildi.

Muloqot yakunida esa o‘zaro manfaatli aloqalar o‘rnatish, hamkorlik imkoniyatlarini o‘rganish maqsadida muhokamalarni davom ettirishga kelishib olindi.

Telegram | Facebook | Instagram | Youtube