Bugun, 15-sentabrda “Tadbirkorlikni rivojlantirish kompaniyasi” AJ direktori Abbosxon Maxamatov hamda Mo‘g‘uliston Oziq-ovqat, qishloq xo‘jaligi va yengil sanoat vazirligining Siyosat va rejalashtirish departamenti bosh direktori Bolorchuluun Tsendgombo o’rtasida uchrashuv bo’lib o’tdi.

Suhbat doirasida har ikki tomonning faoliyati, o‘z oldiga qo‘ygan maqsadlari, ko‘rsatayotgan xizmatlari va samaradorligi to‘g‘risida qizg‘in muhokamalar tashkil etildi.

Uchrashuvda asosiy e’tibor Mo‘g‘uliston kredit kafolati jamg‘armasi xodimlari va Kompaniya jamoasi o‘rtasida ma’lumot hamda tajriba almashishga qaratildi.

Kelgusida tomonlar o‘zaro aloqalarni mustahkamlash maqsadida yangi loyihalar ustida ishlashga kelishib oldi.

Telegram | Facebook | Instagram | Youtube

“Tadbirkorlikni rivojlantirish kompaniyasi” AJ va Jahon banki vakillari o‘rtasida uchrashuv bo‘lib o‘tdi

Muloqotning birinchi qismida qiymati 100 million AQSH dollari bo‘lgan “FINGROW” loyihasining navbatdagi missiyasi muhokama qilindi.

Uchrashuvda Missiya rahbari Martin Meleki Fondlar fondi komponentlarini tayyorlash yuzasidan ma’ruza qildi. Shundan so‘ng, loyiha doirasida amalga oshirilishi lozim bo‘lgan keyingi qadamlar haqida suhbatlashildi.

Ushbu loyihaning tarkibiy qismlaridan biri – qisman kredit kafolati mexanizmlarini joriy etish hisoblanadi.

Shu sababli, uchrashuvning ikkinchi qismida esa Kompaniyaning Kafolat xizmatini taqdim etishda moliya institutlarining alternativ kredit axborotidan foydalanish imkoniyatlari o‘rganildi.

Yakunda loyihani muvaffaqiyatli amalga oshirish hamda zarurat tug‘ilganda qo‘shimcha uchrashuvlar tashkil etish yuzasidan o‘zaro kelishuvga erishildi.

Telegram | Facebook | Instagram | Youtube

“Tadbirkorlikni rivojlantirish kompaniyasi” AJ direktori o‘rinbosari Zarif Xolmurodov hamda “Moody’s Ratings” agentligining munosabatlar boshqaruvi bo‘yicha vitse-prezidenti Burak Jerraho‘g‘lu o‘rtasida uchrashuv bo‘lib o‘tdi.

Uchrashuvda Kompaniyaning iqtisodiyotdagi o‘rni, moliyaviy barqarorligi hamda joriy ko‘rsatkichlari yuzasidan fikr almashildi.

Shundan so‘ng, Kompaniya va agentlik o‘rtasida bugungi kunga qadar amalga oshirilgan ishlar natijalari haqida muhokamalar bo‘lib o‘tdi.

Telegram | Facebook | Instagram | Youtube

“Tadbirkorlikni rivojlantirish kompaniyasi” AJ direktori Abbosxon Maxamatov O‘zbekiston Respublikasi Prezidentining 2025-yil 19-sentabrdagi PF-173-sonli Farmoni ijrosini ta’minlash doirasida Qibray tumanida o‘rganish ishlarini amalga oshirdi.

Jarayonda tumanning “Yangiobod” va “Beruniy” mahalla fuqarolar yig‘inlarida aholi va qishloq xo‘jaligini ro‘yxatga olish tadbirini tashkil etish holati o‘rganildi.

Hozirda Farmon ijrosini to‘liq va samarali ta’minlash maqsadida barcha zarur chora-tadbirlar ko‘rilib, ishlar izchil davom ettirilmoqda.

Telegram | Facebook | Instagram | Youtube