Shahrisabz anjumanida “Kichik va oʻrta bizneslarni rivojlantirish, zamonaviy moliyalashtirish va oʻsish imkoniyatlari” mavzusida davra suhbati oʻtkazildi.

Unda “Tadbirkorlikni rivojlantirish kompaniyasi” AJ direktori Abbosxon Maxamatov tomonidan kichik va o‘rta tadbirkorlikni rivojlantirish uchun taqdim etilayotgan yangi moliyaviy vositalar haqida ma’lumot berildi.

Shundan so‘ng, qo‘llab-quvvatlanayotgan loyihalar, ayniqsa, ayollar va yoshlarning biznesi, shuningdek, qishloq hududlaridagi muvaffaqiyatli tadbirkorlik subyektlari bo‘yicha aniq natijalar taqdim etildi.

Davra suhbatining muhim nuqtalaridan biri — Kompaniya xizmatlaridan foydalanayotgan tadbirkorlarning bevosita ishtirok etib, o‘z amaliy tajribalari va yutuqlari bilan o‘rtoqlashgani bo‘ldi. Ular, shuningdek, xizmatlarni yanada takomillashtirish borasidagi o‘z taklif va mulohazalarini ham bildirishdi.

Suhbat davomida Kompaniya vakillari tomonidan taqdim etilgan innovatsion moliyaviy yechimlar va amaliy mexanizmlar ishtirokchilarda katta qiziqish uyg‘otdi va faol fikr almashinuviga zamin yaratdi.

Yakunda esa Kompaniya hamda „Ravshan Zar“ MChJ oʻrtasida 1,2 mlrd soʻmlik xizmatlar ipotekasi shartnomasini imzolash marosimi ham boʻlib oʻtdi.

Telegram | Facebook | Instagram | Youtube

Kompaniya kafilligi bo‘yicha onlayn seminar tashkil etildi

“Tadbirkorlikni rivojlantirish kompaniyasi” AJ tomonidan tadbirkorlar uchun bir qator moliyaviy xizmatlar ko‘rsatilmoqda.

Ulardan biri – kredit (lizing) ta’minoti sifatida taqdim etilayotgan kafillik xizmatidan foydalanish shartlari, qulayliklari hamda afzalliklari haqida onlayn seminar o‘tkazildi.

Unda Toshkent shahridagi tijorat banki rahbarlarining kredit yo‘nalishi bo‘yicha o‘rinbosarlari va kredit bo‘limi xodimlari faol ishtirok etdi.

Seminarda xizmat haqida batafsil tushuntirishlar berilib, ishtirokchilar savollariga mutaxassislar tomonidan atroflicha javoblar berildi.

Telegram | Facebook | Instagram | Youtube