وفقكم الله

شهادة الامام الهادي عليه السلام

*بثالث رجب قوض الهادي اشهالمصيبه*
*والعسكـري ذب الـعـمـامـه وشـق جيبه*
...
العسكري يـبـچـي طـلـع حافـي اجدامه
ينـادي يـبـويــه بالـحــزن يـلـطـم الهامه
يـبـويـه مـن بــعــدك تــرى صرنـا يتامى
*ابچي على اللي راح قولو امنين اجيبه*
...
شاف الهظم من دنـيـتـه شاف العجايب
وابعيد عـن أهـلــه يـاشـيـعـه والحبايب
بالـغـربـه ابـسـمــه قـضـى وقليبه ذايب
*بـعـد السجون القاسيه وحاله عصيبه*
...
وسـامـرا ضـجـت بـالـنــوايــح يا ولينه
تــمـوج ابأهلها بـالـحـزن مـوج السفينه
عـالـصـدر يـلـطـم هــذا والدمعه هتينه
*كلمن على الـهـادي غدى عالي نحيبه*
...
جن وانـس وامـلاك تبچي علـى الهادي
باسمه  انصبو مآتم عزا وفي كـل وادي
والـشـيـعـه جـاتـه والدمـع بالعين بادي
*وشالو النعشه بالـعـجـل ابن النجيبه*
...
يـاعــظــم شيلة نعـشـه ابهيبه وجلاله
وتسارعو فـي دفـنـتــه كـلـمـن إجه له
حزني على اللي ظل ثلاثه اعلى رماله
*والجثه ظـلـت ياوسف ويلي سليبه*
...
وماجـوره يـم حـسـيـن يازهرا الزجيه
حـلــت عــلـى قـلـبــچ رزايـا مـو رزيه
دمعاتچ اتهل كـل صباح وكــل ومسيه
*كم فاجـعـه حلت عليچ اوكم مصيبه*
...

تمت بحمد الله ومنه
1446/6/29 هــ

*لخادم اهل البيت عليهم السلام*
*المُلا محمد سامي المرعي* الأحسائي

إنّـا تـوجــهــنـا بـك..  أيها الهادي
فاشفع لنا ياسـيدي..  أيها الهادي
==================
قدمـنـاك بيـن ايـدين حـاجتـنه
يـديـم الله علـيـنا هاي لـمـتـنـه
يمته اويالولي انصليها جُمعتنه
عليك الزهره تقبلها خـدامـتـنه

يامن أِلـيهِ المنـتهى..  أيها الهادي
فاشفع لنا ياسـيدي..  أيها الهادي
==================
تـوسَـلْـنا بـبابِـكَ مـا بقـىٰ العمرُ
أجِرنَا مِن لَظىٰ ما يَجْلِبَ الدَهرُ
أنِـرنا كَيْ نَـسـيرَ بِسَيرِكَ العَـطْرُ
هنيئاً لَمْ يَصِلْ أعْـتـابُـكَ الفخرُ

أُنْـضُـر لــنـا بــرأفــةٍ.. أيها الهادي
فاشفع لنا ياسـيدي..  أيها الهادي
==================
وجيهاً أنته واحنه اذنوبنا اكثيره
دخـيلـك لا تخلـينه وسـط حـيره
يـگـولون اليـخـدمك نـال تقديره
وانه خويـدم تِقـبـلني يـبو الغيره

كُفْءٌ لها يا ذا العُلا..  أيها الهادي
فاشفع لنا ياسـيدي.. أيها الهادي
==================
تَجَـمَّـعْـنا لِـذكْـرِكَ يـا أبـا الحَـسَنِ
وقـدْ لُذْنا بأسمِكَ مِن هوًى يَدْني
أتـيـناكَ نُـفـوسَاً ظـهـرُهـا مَحْـني
فَـدُنـيـانـا بِـقَـتْـلِكَ ساقَتَ الحُزنِ

قد أُدمِعَتْ قـلـوبُنـا..   أيها الهادي
فاشفع لنا ياسـيدي..  أيها الهادي
==================
بـنـيـة صافـيـة المجـلس تعنينه
لعـنـة الله عـلى الظلموك هادينه
ناس اهواي ذكرك وسفه ناسينه
أعـذرنه يـمـولا اعـلـيـك باريـنـه

قُصـورَنـا إغـفـر لنا..   أيها الهادي
فاشفع لنا ياسـيدي..  أيها الهادي
==================
23/12/2025  يوم الثلاثاء
2/رجب الأصب  1447 هـ
خويدم آل محمد
الشاعر الميرزا محمد الساعدي

الطور الفائزي )
لطميه لإستشهاد الإمام علي الهادي :

الهادي من جور العدى نفسه كظيمه
و العسكري هل يوم يصرخ بالظليمه
****
الحسن من شاف الأبو عقله مذهول
امدد أعلى المغتسل دمعه مهمول
و صارت ضجه عالشباب اليوم مقتول
روحه بعد إلي جرى صارت يتيمه
****
ناشر حداده بهل مصاب الثوب شقه
يلطم على راسه و يجر يمه الشهقه
حافي طلع بجنازته يصرخ بحرقه
راح الولي و قلبه تقطع من صميمه
****
صعبه احطك باللحد و انت الغالي
و ادفن جمالك بالترب همي يبرالي
و اصفى على وني و سهري بالليالي
نوحي يسمعه جاري ما ضلت عزيمه
****
أذكر أيامك من جنت تقبل عليه
كلك هيبه و مفخره يابن الزجيه
تنشد عن احوالي يبويه كل مسيه
و هسه الوج من الفقد ذابحني ضيمه
****
يام الحسن حضري ترا طايح بشده
شوفي اوليدج بل قبر حطيت خده
نصبي العزا بفرقته يجرح بُعده
شوفي حالي صارت همومي جسيمه
****

تمت هذه الكلمات
بقلم : ساجده المبارك
بإشراف الخطيبة : أم أحمد البحراني

لاستشهاد الامام علي الهادي عليه السلام
(وزن تجليبه )

روحي اميتمه ومشتاگه للحضره
للهادي   امامي   ابأرض  سامره
★★★★★
للمظلوم أبد  مارحمته الوادم
ولاظالم رجع من فعلته  نادم
مدري بياذنب مطلوب  للحاكم
لأن من طه أصله ومن بني هاشم ؟
وتحبه الناس كلها وتحلف بصبره
★★★★★
سجن لابيه ضوه  ولاترحل الظلمه
بمطامير   العليها   ماتمر نسمه
معروف السبب لوينحچي ابكلمه
علي الهادي خطر لوينذكر  أسمه
مسجون ويهابه الگاعد ابقصره
★★★★★
بوجه الخير  طبع الحقد من يوگف
معروف السبب  ماحاجه يتوصف
السم الهادي  منهم مابشر أنصف
نفس الذبحوا المظلوم يوم الطف
بحوافر خيل گوم الهشمت صدره
★★★★★
أريد اشبع بواچي وأنحب إبابه
اول حال أوصف شوگي واسبابه
وثاني حال  اپچي اللوعة أمصابه
وثالث حال اعزي  أهله وأحبابه
واعزي المصطفى المختار والعتره
★★★★★
يا آل الجرايم ما الهن كل حد
من أرض المدينه وصلت المشهد
سامره عليكم والنجف تشهد
وارض الكاظميه وكربلا المقصد
بالمحشر خصمكم  والد الزهره

الشاعر حسن لعيبي الحريشاوي

نعي استشهاد الامام علي الهادي عليه السلام

گلبك اتلوع من السموم
ذنبك شنو مولاي مظلوم
ويلي عليك نصيح هاليوم
يالهادي بحسرات وهموم
....................................
تبچيلك بلوعات الاحباب
والدمع عالوجنات سجاب
والله عظيم عليهه المصاب
وسفه يالهادي يضمك تراب
.....................................
يبن الزجيه اليوم مفجوع
ياعلي گلبك بالسم ايلوع
وونينك من الألم مسموع
كل محب صار عليك مفزوع
..........................................
خادمكم مالك السعيدي

گلبك اتلوع من السموم🚩

((زينب بت علي))


هذا الجرح .. من تلتفت ماكو أخوّ😭🚩
هذا الجرح .. من تسمع الميت منوّ
هاي آنه ميته ابلا ولي
هاي آنه زينب بت علي ...

"""""""""""""""""""""""""""""""""""'''''''

مـــن تلتفت وانته بنعش ومتون غربه تشيلك
حتى النجم يطفه بحزن وياضلمه يصبح ليلك

لاسيــــد ولا هــــــــاشمي
الخــــــــوه يَــــمّ العلگمي .. طاحت
الخــــــــوه ضلت عالرمح
من جرحي نعشي منجرح .. راحت

راحت بعد .. خوةّ عجيــد الطايفه
راحت بعد .. وبكربله اهناك الوفه
مشتــاگه بس لــِ أدللي
هاي آنه زينب بت علي ...

"""""""""""""""""""""""""""""""""""'''''''

وشگد مراسيل بدمع چـــا ماوصل مرسالي
من اقترب بيه الاجل گمت اشرحلكم حالي

لمن شفت شـــام البله
عيني درتــها الكــــربله .. خويه
هم ارجع الذاك القصر
وينه العلا خــــواني يمر .. بويه

بويه علي .. وينه اليمر صوب السلف
بويه علي .. وينه اليفزعــــلي النجف
وينه العطر هـــا ياهلي
هاي آنه زينب بت علي ...

"""""""""""""""""""""""""""""""""""'''''''

لاماگــــضه طــف كربله ميته واصيح الخيمه
ياوكتي كافي من السبي ويانعشي طر الهيمه

نص النعش كلشي شفت
ميته گـــــبل هســه متت .. آنه
آنــــــه الضگت نار وجمر
وبغربتي مـــــــــــوتي يمر .. آنه

سار النعش .. اليآ خويه والله أمّشوگه
سار النعش .. چني بحبــــــل متشبگه
راح الألي والمـــــو ألي
هاي آنه زينب بت علي ...

""""""""""""""""""""""""""""""""""''''''''

مـــــــن نزلــوني اتذكرت يانزلتي من الناگه
من چانت ضعوني بسبي وآنه بگلب مشتاگه

مشتاگه وبعيني الحچي
وما يلـــــــزم بيه البچي .. ويلي
عالهزله يانـــــوم السبي
وصعبه اليمشينه اجنبي .. ليلي

ليلي بألم .. مـــــاينگضي وآنه بسهر
ليلي بألم .. وراس الگمر شفته بقهر
گتله شفت يــــا كافلي
هاي آنه زينب بت علي ...

"""""""""""""""""""""""""""""""""""'''''''

مــــن هلــو اتراب الگبر وآنه اذكرت ترباني
بذيچ الخرابه اتعذبت وبصفي روس اخواني

كل احنه متنه اعله النحر
ومــــاتت رقيه بيا قـــــهر .. مـاتت
هذا العشگ هـذا اليحب
بسنيـــنه لازم يـنـطـلـــب .. صارت

صارت جمر .. من شبگته وتلهب عشگـ
صارت جمر .. گلتـــله روحي التحترگ
من فرگته تغـــلي غليّ
هاي آنه زينب بت علي ...

عبد زينب
محمد الابراهيمي

هذا الجرح .. من تلتفت ماكو أخوّ🚩
هذا الجرح .. من تسمع الميت منوّ
هاي آنه ميته ابلا ولي
هاي آنه زينب بت علي ...

لاستشهاد الإمام علي الهادي عليه السلام ( ميمر)

سامره مهظومه اليوم   تعلن مصاب الهادي
★★★★★
شيطفي ناري ونار يجري المدمع
تنوح القصيدة وكل حرف والمطلع
يضَمَّد جروحي كل صبر ماينفع

بضعن العلم دار البين   والموت اصبح حادي
★★★★★
الظالم عرف نشر المعارف ثوره
بهيبة علي تصير المواقف  خطره
جيش ورقابه اتحولت سامره

معلوم نهجه ومعروف    كل ظالم استبدادي
★★★★★
حاكم فلا عن الظلم يتخله
شاف بوجوده دولته مختله
بكل مسئله اصحاب العلم ترجعله

الهادي بعزيمه واصرار   من طبع جده الهادي
★★★★★
شگد فرق مابين النقم والرحمه
وين التسلح بالفتن والظلمه
وبين التحله بالحلم والحكمه

نايم ظمير الحكام    عن ياظمير ينادي
★★★★★
الروح ضجت بالحزن مفجوعه
للهادي تندب بالدمع واللوعه
ناديت ربي بچبدته المصدوعه

بجاه الامام المظلوم      حقق يربي مرادي

الشاعر حسن لعيبي الحريشاوي

سامره مهظومه اليوم   تعلن مصاب الهادي🚩

ياعلي الهادي الك هذا العزاء
واللطم نفس الحسين بكربلاء

سيدي ننعاك هل يوم بألم
والكلب محروك يمك چن خيم
والحسن مفجوع كلبه ونهدم

حيله مهدوم والك زاد البكاء



الليله سامره تون يبو الحسن
والكلب والروح يمك وچرن
حيل مهموم وكصه بيك الزمن

نلطم بحركه وعهد هذه  الولاء



الشيعه كون عليك دوم مهدله
سيدي  والدمع حكها  توشله
الك هذه  اليوم  كون نسجلله

مجلس وتلطم الك حته السماء



حكه يالهادي الك يجري الدمع
والوضع مو زين هليوم الوضع
الليله يبجي لفركتك حته الشمع

والحسن مولاي دمعه خلصاء



يامصيبه الليوم حلت بالكلب
يادمع كون عله حيلك من تصب
والحزن مولاي واجب خل يطب

كون وسط كلوبنه بهذه  النداء

وداد البخاتري

ياعلي الهادي الك هذا العزاء
واللطم نفس الحسين بكربلاء 🚩

نعي للامام علي الهادي ع

الـــــزهــره اليوم يتجدد حـــزنها
يــــــهمل يا خلگ من دم جِفــنها
الـــــمصايب كثرن اعليها وعمنها
السامره اجت تبجي اعله ابـــنها

السامره الزجــــيه اتعنــت اليـــوم
اجت من المدينه امحمّلّه اهــــموم
على الهادي گلبها الليه ملـــــــجِوم
تصيح  ابيا ذنب يا خلگ مــسموم

علي الهادي رحل هاي المــــــــسيه
انــــــــــصبوله العزاء يالجعفــــريه
وعــــــــــزوني يشيعه بهــــــالرزيه
ولــــــــــطموّ روسكم ويه الزجــيه

الّــــــطمو روسكم والدمعه هــــلوها
حزيــــــنه ام حسن هالليه واسوها
ومجــالسكم يشيعه اليوم انصبوها
وشيعو اجنازت المسموم شيـعوها

علي كاظم المنصوري

ميمر  للامام علي الهادي ع

بسامره جدّك مسموم/ يالمنتظر هالليله
ـــــــــــــــــــــــــــــــــــــــــــــــــــ
بسَمّ الطغات الليله جدك مسموم
يتلوّه  و يون ويلوج ومــــــــألوم
بلايه ذنب سمّو الامام المعصــوم

الله اليعينك مولاي هاي المصيبه اثجيله
ـــــــــــــــــــــــــــــــــــــــــــــــــــ
يبن الحسن الله اليصبّر روحــك
كثرن يبو صالح عليك اجروحك
ومصيبت الهادي تزيّــــد نوحــك

عالهادي گلبك مجروح وروحك تون وعليله
ـــــــــــــــــــــــــــــــــــــــــــــــــــ
هالليله جدّك جِبدته مردوّها
بسَمّ الغدر يا سيدي سمّوها
تتگطّع وتنزف دمه خـلوها

ومن الالم والاوجاع جدك خلص كل حيله
ـــــــــــــــــــــــــــــــــــــــــــــــــــ
عظم الباري اجرك وشد حيلك
يالگلبك ايفور شيبرد اغــليك
يالمانمت لحضة وغفيت ابليلك

وللهادي حگك هاليوم دم ودمع تجريله
ـــــــــــــــــــــــــــــــــــــــــــــــــــ
جمرة امصاب الهادي تلهب بينه
اضهر وخذ ثارك يبن هــــادينه
طالت الغيبه والــــــبعد ياذينه

ما ظل صبر يا مولاي صارت الغيبه اطويله
ـــــــــــــــــــــــــــــــــــــــــــــــــــ
كل شيعتك يبن الحسن منتضره
عجل ضهورك وخذ ثار الــعتره
طالت علينه المُدّه يبن الزهـره

عالو علينه الظلام وما نحمل احنه العيله

علي كاظم المنصوري

[[💔قصيدة رئيسيه للإمام الهادي (ع):💔]]
   

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆


حتماً   يسامرّه  الألم ٠٠٠٠٠٠٠ لاشك   تعيشين  بندم

ذنبچ ذنب يفطر سمه ٠٠٠٠٠٠٠ سميتي مهجة فاطمه

                هادي الأمم ٠٠٠٠٠هادي الأمم

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

ليش   ياسامره    كل  هذا   الغدر
باچر   شتنطين    للزهره     عذر
يعني    يوميه     ضلعها   ينكسر
بواحد من  اولادها طول    العمر

وهيه الجفنهه ماغفه ٠٠٠٠لذاك الذبيح من القفه

وتنادي سامره لمه؟ ٠٠٠٠سميتي مهجة فاطمه

         هادي الأمم ٠٠٠٠٠هادي الأمم

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

شلون    طاوعتي  الجهاله والحقد
ذبحتي ضحكات  النده بخد الورد
الیسم       الهادي   ينجح  يعتقد ؟
بس على الشيطان فعلاً    معتمد !

يجهل مقامات النبي ... مدري خبيث وناصبي

لو ناضرچ صابه العمه...سميتي مهجة فاطمه

          هادي الأمم ٠٠٠٠٠ هادي الأمم

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

بعد ما    یكفي  شعورچ  بالندم
مات  مسموم بغرب هادي الأمم
یبقی هذا العار  واقسملچ  قسم
أنتي مثل الشارك بحرگ الخیم

ومثل الذي روع حرم ٠٠٠٠٠ومثل الذي صوب سهم

بچبدة ابن حامي الحمه ٠٠٠٠سميتي مهجة فاطمه

               هادي الأمم ٠٠٠٠٠هادي الأمم

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

يبني   يالهادي    الغريب  اعله  الأهل
سمعت   مسموم    وإجیتك  بالعجل
بلكي   باقي   يبني   بانفاسك    أمل
لچن    برض    الغربه   وافاك  الأجل


يوليدي بيك من سمعت٠٠گمت وعلی وجهي طحت

صحت بقهر متألمه ٠٠٠٠٠سميتي مهجة فاطمه

            هادي الأمم ٠٠٠٠٠هادي الأمم

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

مثل   أم    الواحد     و رايح   أون
صحت يادنيه   اعله كيفچ  بالحزن
گلبي    لا  هود   ولا   يگدر    يچن
ومني‌    تگطعين     يوميه   غصن

يوميه گطعولي فرع ٠٠٠٠٠مايلحگ یجف الدمع

واعله البلاء امعلمه ٠٠٠٠٠سميتي مهجة فاطمه

           هادي الأمم ٠٠٠٠٠هادي الأمم

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

راح  هاديها   وضلام  الّي  سده
الشيعه تبچي وعيد صاير للعده
لاچن   أتجهز   وکلشي  بموعده
لهفي  عالضل بالطفوف  لوحّده

وعالتل تنوح الطاهره ٠٠٠٠٠ ياجد ذبيح ابنك ترى

وهاي السهام مسممه ٠٠٠سميتي مهجة فاطمه

           هادي الأمم ٠٠٠٠٠هادي الأمم

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

            خادم
✨️ألإمام ألهادي (ع)✨️

     جهاد ألبصيراوي
     

مسجون والسجان ظالم
ماظن يرد لـ اعياله سالم

كاظم الغيظ بسجن بغداد
عنه الهواشم كلهم ابعاد

ماظن يرد لعياله سالم
****
لغز والقيد حله وضاع تفسيره
محد من هله ياحيرة الحيره
شاخ الـ ماله داعي وحكم بالديره
زغر كلشي بحياته وحسرته اچبيره

*شيب الصوت الغريب وماكو عون
محد ايجاوب على الحيهم اجيت

لا أخو لا من أهل لا من صديق
ايميل حملك لو على الماكو انتچيت

حگه الغريب اهمومه تزداد
عنه الهواشم كلهم ابعاد
ماظن يرد لعياله سالم
****
رغم مسجون لكن هيبته تكبر
العايش بالصدگ يكبر وما يزغر
شيب نور وجهه والضوه أتحسر
بصفنته نار خيمة وخيلهم تفتر

*عايش بروحه جرح  نحر الحسين
شما صفن باله يسير للطفوف

بي محنة من علي وصبر البتول
ينوجع لو بالحلم خيمة يشوف

بصفناته نار الخيمة تنعاد
عنه الهواشم كلهم ابعاد

ماظن يرد لعياله سالم
****
الصعبة الـ تنقفل مفتاحها الهمه
الصبر ينحفر گبره بصفنة الندمه
ادموع الزلمه بالذل تعتبر ثلمه
چلمة ياغريب الـتهضم الزلمه

*آخ ياحيرة المحد والغريب
بيمن ايلوذ الخلص عمره وحيد

ينتچي اعله اهمومه لمن يستراح
المشكلة درب الربع كلش بعيد

لجروحه ماظن يرهم اضماد
عنه الهواشم كلهم ابعاد

ماظن يرد لعياله سالم
****
سوايتهم گبل محد امسويها
الشمس ماتنسجن چاهيچ تاليها
هضيمة اعله الضوة بالغربة يگضيها
مسجون وفرج دنياه ينطيها


*حتى خصمه  ايكرمه تربية المضيف
الجايه بعازة ضوة ينطيه ضواه

بس مصيبة محد ايرد فضله ليش
من مشه اجنازة الشمت يضحك وراه


بهذا الوضع خوانه تنراد
عنه الهواشم كلهم ابعاد

ماظن يرد لعياله سالم
****
بعزاء ونوح وبويلاه وبدمعه
الكاظم كون هيچ الوادم اتشيعه
بمصابه كون حتى الـ بالمهد ينعه
صوت الآه كون الـ مادره يسمعه


*يوصل لآخر گبر مجرى الدموع
حتى نرسم بالدمع لوحة وفاء

امفارگ العيد الگطن يلبس سواد
الفاتحة اتصير بحجم أرض وسماء

ويلاه غربة باب الـ امراد
عنه الهواشم كلهم ابعاد

ماظن يرد لعياله سالم
****
خادم خدام الحسين
صدام آل جريو

مقدمة مجلس
[[💔للإمام الهادي(ع)💔]]

ويلي اعليك يالهادي

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆


الليله الزچيه تنادي....

ياسم گضيت أولادي....

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆


مصابك أون خلاني

وحدك غريب تعاني

ما    تنتهي أحزاني

دمعي بمصابك بادي

ويلي اعليك يالهادي

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆


امصابي مصابك يالولد

يبني   البعيد اعله البلد

بس تدري يوليدي ألاشد

جبد الي    بالطف نمرد

يبني      مردلي    أفادي

ويلي   اعليك     يالهادي

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆


لمن إجيتك مسرعه

بيك اذكرت هالفاجعه

يوم ركضت  للمشرعه

وعمك جفوفه موزعه

وأدركني ضل ينادي....

ويلي اعليك يالهادي.....

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

    خادمكم
جهاد البصيراوي
ومن الله القبول

#نعي

مولاتي فاطمة ومولاي الهادي روحي فداهما

كـلـهـم خـلـصـوا بـالـهـم والـونـيـن
ومـاتـوا بالـــسـمـــوم وبالـزنــازيـن
وبـين البـالبُـعـد وبـسـطـوة الـبـيـن
وبـيـن البالـغـرب مـاتـوا بـعـيـديـن
لچن كلهم هـون من يوم الحسـين
مـامـاتـوا عـطـاشـه ولا مطـاعـيـن

تقول السيده الزهراء ع بلسان الحال..

علـيـهـم دوم أون واجـذب الـونـه
الگلب كـل يـوم يـنـشد وين اهلنه
وعلى اوليدي العزه اليوم اجيمنه
الـهـادي ودم دمـع عيـنـي اصبـنـه



بخان اظلم يوسفه الهادي حطـوه
وبـطــامــوره وبــزنــزانــه حبسوه
وعليه شـم الهوى والشوف منعوه
ومثل جده الحسن عدوانه سمـوه
ومـردوا چـبـدتـه بالـسـم وكتـلـوه

وحين الگرب يـومه وگـربت آجـاله
الهادي ونـحـل جسمه والمرض باله
الوادم تنشد اعلى اخـبـاره واحواله
اجـت وعلـيـه كل منها الـدمع ساله

الى أين تريد ان تصل الزهراء ع من الذي لم يُسئل عنه ولم يُغسل ويشيع…

بـس حســين مـحـد غسـلـه وشـاله
ثـلـث تـيـام صـايـرله الغطـى ارماله

آه يحـســين يالـيـومـك فــلا مـنـه
يـوم اشـمــا أون ما تـجـدي الـونـه
كل ساعه الشمر بعـيـوني اشوفـنه
لازم مـنــحـرك بـيـه أويـحـز چـنـه

إنـچـوه وصــار بدلـيـلـي  / اه يم اه
علـى الـمـا مـر عليه مـثـل / يـومـاه
الـحـزن والنـوح الك يحسين/ يـمــه
لجيمه ابكل صباح وكل مسيه

سيد حسين الياسري

اللهم_عجل_لوليك_الفرج