لاستشهاد الامام موسى بن جعفر الكاظم عليه السلام وزن هجري (ملمع )

(السلام عليك ياغريبا ياسجين)
(السلام عليك ياامام الصابرين)
(السلام عليك ياغريبا ياسجين)
★★★★★
جيت اعزي اهل الرساله سادتي خير البشر
ودين طه والمراجع والمعارف والسور
وجيت اعزي الشيعه كلها والامام المنتظر
(السلام عليك يبن خير المرسلين )
(السلام عليكم يا غريباً ياسجين )

★★★★★
يبن شيال الرزايا شكثر جور اتحملت
ماردت كل عطف منهم لاترجيت وگلت
تنال من الله الشهاده غير هذا ماردت
(ياصبورا حليماً يبن نسل الطاهرين)
(السلام عليك يا غريباً ياسجين )
★★★★★
قطعه من الجنه تسطع حضرتك لوتنوصف
بجاهك العلات ترحل والنوايب تنكشف
شمس محاي الليالي ونورها ماينكسف
(يبن اعلام الهداية انت من جرح الحسين)
(السلام عليك يا غريباً ياسجين)
★★★★★
تنتحب كرخ ورصافه تگابلن نوح وحزن
صوب لقيودك حسرته وصوب لمصابك يون
صعبه من الخبر يوصل جنة وتموت ابسجن
(بالعدا النعش محاطاً عن شمال ويمين)
(السلام عليك ياغريبا ياسجين)
★★★★★
من السجن حريه تبني وبالصبر تضرب مثل
ماكسر عزمك الطاغي شلون تهتز ياجبل
صفت ياباب الحوايچ يمك اتزول العلل

(السلام عليك يا منار الصادقين)
السلام عليك يا غريباً ياسجين )

الشاعر حسن لعيبي الحريشاوي

نزال


طيح يا كلبي أعله موسى ويومة
مات  مسموم  واثر  برسومة  . . .

طيح لا تبقى يكلبي منتظر
هذا أمامك بس جنازة وعالجسر
عاش كل ايامة سودة ومنكسر
بالسجن مولاك عايش دومة
___

بالسجن والكيد ما خلة جلد
شما تطيب الكيد بجروحة يحد
وين ينطي الوجة يا كلبي ويصد
عينة حتى امن الشمس محرومة
____

عينة بس الليل ما شافت صبح
وضعة موش بهل سهولة  ينشرح
جان حلمة الموت لكن ما يصح
لو فرح بالموت ياهو أيلومة ؟
____

هسه اجاه الموت وارتاح شكثر
وانتهن بالسم حياتة والعمر
جان منتظرة اعله حر من الجمر
لأن  روحة  بالعمر  ملجومة
____

لا عشيرة اكبال عينة اولا هلة
لا ابن وبسرعة كام وغسلة
هاي سهلة و شوف شنهي بكربلة
سلبوا امن احسين حتى هدومة
___
طلال حسن الشريفي

‏  وياك  وياك  ونضل  وفايه
‏موسى ابن جعفر مبدئي والغايه
‏
‏الـوفه مـن عدنا للـوفه مـتعلم
‏بالسجن من نسمع عالغريب نسلم
‏هذا صوت انصارك عالي ويضل عالي
‏سيدي لعيونك رخصينه الغالي
‏والزمن ضل يشهد حاضر وماضينه
‏عالجسر جم غالي وجم عزيز انطينه
‏والمات لجلك موتت العز هايه
‏موسى ابن جعفر مبدئي والغايه
‏
‏دمعه تحمل دمعه من يجون احبابك
‏ونوكف اباب الله لو وكفنه ابابك
‏الله خله بشخصك كل صفات الهادي
‏والهوى شم عطرك وكال هذا مرادي
‏النجم كل نوره ماخذه من نورك
‏والحمام ايأمن من يريد يزورك
‏وبالصحن ينزل من يشوف قرايه
‏موسى ابن جعفر مبدئي والغايه
‏
‏الكيد اجاك مدنك وكال اريد جفوفك
‏كتله مارد واحد من حسن معروفك
‏السجن من جرب طيبتك وحسانك
‏كل وكت ضل يلعن سيدي سجانك
‏الي جار بحكمه والي عاده الغيره
‏بلا مكان انشوفه ولاوطن لا ديره
‏وانته الكلوب الحضرتك مشايه
‏موسى ابن جعفر مبدئي والغايه
‏
‏عالجمر نتعنه وهالدرب ماشينه
‏غالي ويضل غالي كل وكت غالينه
‏الترك اجدامه الينتجي اعلى جروحه
‏من يجيك يزورك روحه تسبك روحه
‏جاذبية كبرك دنيا حارة بيها
‏بالزياره الشخصك هالرض تطويها
‏والشمس يم بابك اجت عنايه
‏موسى ابن جعفر مبدئي والغايه
‏
‏نفسه ذاك الضالم جرب يعادينه
‏وللجهاد ابأسمك بكل فخر لبينه
‏الزوده من الكاظم وغيرته وطباعه
‏ينطي روحه ودمه ولاشبر من كاعه
‏ثوره ضد الضالم بيها عدنه امجادك
‏رحنا اله عنايه الكال اطب بغدادك
‏لاح النصر بسمك رفعنه الرايه
‏موسى ابن جعفر مبدئي والغايه
‏
‏ما نهاب اهل الشر منك اتعلمنه
‏ساعد يشد ساعد من حجه مرجعنه
‏امن النجف رتلها وبأمر رباني
‏وصاح صوت الغيره يسلم السستاني
‏والعراق تفاخر ابمرجعه وجنوده
‏و ارجعت منكوسه الرايه ذيج السوده
‏وصحنا بدمانه للوطن شرايه
‏موسى ابن جعفر مبدئي والغايه
‏
‏  
‏هـاني  ناصـر السـعـيـدي

قصيده شده للامام موسى الكاظم
بقلم ام حيدر الحمزه الطائيه
📼📼📼📼📼📼📼📼📼

يسـجان السجـن لا لا تسد بابــه

اجتــه اـمواجهـه للكاظم احبابــه

📼📼📼📼📼📼📼📼📼📼📼
اجــت امواجهــه  اهلــه يشوفونــه
امغـــيره ارسومـــه وما يعرفـونــــه
يا مــوسى عليك الــروح محــزونــه
صار اشكــم وكت ما نسمع اجوابـه

📼📼📼📼📼📼📼📼📼📼📼
معصـومـه تــون وتنــوح مهظومــه
اصبحت روحي يبويه اعليك معدومه
يالوجهــك جــزانــه وغـابت ارسومه
اتنــوح امــن الفــراگ اليــوم طلابــه

📼📼📼📼📼📼📼📼📼📼📼
مسمـــوم الامـام وروحــه تعبانــه
ولزنجـــيل خلـــه ابرجلــه نيشانـه
ابـــن جعفــر كــريم الكرم عنوانــه
سمه بالسجـن والسجــن سـد بابـه

📼📼📼📼📼📼📼📼📼📼📼
خلــص بالسجـن ياناس كـل عمـره
ضــل بس للعبــاده مهجـة الـزهره
مــا شايـف احبابــه بالكلب حسره
يالجــده محمــد عاليــه انسابـــه

📼📼📼📼📼📼📼📼📼📼📼
شنهي الذنــب صبح بالسجن ميت
ليش اهلــه وعمامـه اليوم ما هـدت
هــذا ابــن الافــاعي هــذا المصيت
يا كـافـر  لموسى السجـن فـك بابــه

📼📼📼📼📼📼📼📼📼📼📼

ام حيـــدر هدتهــه والدمـع همال
تدري انت يموسى سيدي بالحـال
هـــم الــي عليـــه شده مني البال
كلبي امن الهظم من المـرار انعــاب

📼📼📼📼📼📼📼📼📼📼📼
تمت بعون الله تعالى
قــــنـاة خادمة الزهراءام حيدر الحمزه الطائي
قناة حسينيه
تتضمن قصائد واشعار ولائيه
حسينيه في رثاء اهل البيت عليهم السلام
قصائد+فزاعيات +نعي+هوسات لخ
بقلم خادمه الزهراء ام حيدر الطائيه

فزاعيه للكاظم ع

يامن  تون  عالجسر
وين اهلك  العياله
.............
يامن تلوج  ابونتك
محد يشيل جنازتك
شلون غربه غربتك
والنعش محد شاله

(ياعياله / الكاظم ون)
...........
ياحيف ماحضرو هلك
وبالموت محد  عدلك
كيد السلاسل  نحلك
تفجع   يهاي   الحاله

(نبجيله  / اليوم الكاظم)
.........
بالحال جنهم مادروا
جان عالموتك لحكوا
عنك يحيد  اتعطلوا
وماحضرت  الخياله

(ايشيلونه / ايريد احباب)
........
ياريت عباسك حضر
جاباب سجانه انكسر
جاوين بن فارس مضر
الكاظم  اجه  وتجاله

(تجيله  /  الحك يالكافل)
........
اهل المراجل والشيم
تمنيت  شيال العلم
جاقصر هارون انهدم
لاكن  غفه  عالرماله
(مافزعوله / اسباع الطف)

.
قصیده طلب حاجه
للامام الکاظم ع{{ اسد بغداد}}

اسد بغداد ماخاب التعناله
هلا وکل الهلا بالکرم حیاله
ــــــــــــــــــــــــــ
ایعزب واگف الکاظم اعله احبابه
حـاشـا ما یـرده الدوم دگ بـابـه
اجیت اشکي ونوح ابحرثة اعتابه
{{ مـو ذلـه // الشکوه ابابک  }}
ـــــــــــــــــــــــ
مو ذل بل فخر کلمن طلب منک
یالکاظم احلفک بلیوجعنک
ترانه امزامطه بسمک واریدنک
{{ ورافع راسي // بزماطي ارجع}}
ــــــــــــــــــــــــ
اجیت وشایله اهمومي عله اعیوني
تره ضیم النوایب هـَدّل امتوني
محتاجه ترانه وبـیـک دلوني
{{ویوصفونه // گضاي الحاجه}}
ــــــــــــــــــــــــ
انه اهموم اعلي ما سوالفت بیها
تره مسجون عدي ویمک احچیها
اعرفک زین والحاجات تطیها
{{اتفرج اعلیه // الضاگ الفرگه }}
ــــــــــــــــــ
اجیتک یابو طلبه وروحي تعبانه
احلفک بالمشت للشام نهلانه
من الدم عبایه اعلیها ثگلانه
{{ وبزینب // تطیني امرادي}}
ـــــــــــــــــــــــ🏴منبر العقيله ع

حوار بين السجان (الفضل ابن ربيع) وهارون العباسي.


گَد ما تِجرّع مِحَن وجروح
نَحلان جسمه وذايبه الروح
يشوفونه ثوب بگاع مطروح
وظل يسأل السجّان هارون
""""" """"" """"" """"" """""
هالثوب المَّن ها يسجان ؟
كل يوم اشوفه بهذا المچان ؟
مو ثوب گَلّه بَشَر ذبلان
هذا ابن جعفر يالتنشدون
""""" """"" """"" """"" """""
هذا مِچانه وما يِهدّه
كل يوم سجده اطويله عِنده
مِنّ الفجر للظهر سَجده
ومو يَمنه باله بربّه مفتون
""""" """"" """"" """"" """""
هارون صاح بنَفس ظالم
اي هذا راهب آل هاشم
(الفضِل) گله ان چنت عالِم
ضيقّت ليش اعليه السجون
""""" """"" """"" """"" """""
ظل يدعي والدمعه بعيونه
خلّصني ربي ارجو المعونه
من ظلم هارون وسجونه
وچان استجاب الدعوه مضمون
""""" """"" """"" """"" """""
اطلق سراحه الطاغي فَتره
وللسجن عاده وچان أمره
يضَيقون كون اعلي بكثره
وسجن (الفضل) چان اسهل يهون
""""" """"" """"" """"" """""
لسجن ابن شاهَك جابه يا ويل
وظل ما يمَيز انهار عن ليل
وشدّوه بگيود وزناجيل
وبحيدر گباله يشتمون
""""" """"" """"" """"" """""
يضِيگ الهَوه ويزداد هَمّه
وللباب يدْنَه يريد نَسمه
(السِندي) على وجهه يلطمه
اتذكّر الزهره ولطم العيون
""""" """"" """"" """"" """""
اتذكر الصاحت بويه اغِثني
الگال آنه من صَحبك هضمني
(آمر على عبده وضربني)
ورّم بسوط احقاده المتون
""""" """"" """"" """"" """""
فاطمه ما تنسه الذِكرهه
حضرته بلوعتهه وقهرهه
يم نعشه واتجدّد كسِرهه
وتصيح واويلي يمسجون
""""" """"" """"" """"" """""

ياسر حسن
رجب الاصب ¹⁴⁴⁶

الكاظم

معصومه  تحاجي بحسره  النجوم      ماندري اشجراله بولية الكَوم
                   ابوي الهدم حيلي                 والمسهرني ليلي
        كَالوا بالسجن ياخوفي مسموم            ماندري اشجراله بولية الكَوم
                                  ---------------------
       بألم   تسحن  دليلي غيبته هاي          المعيشني زهره وفاركًت ماي 
        شبقه بالروح بعده وشنهي دنياي       وناشد يرد يمته الراح والجاي
                     الدنيه بغيابه عدم          كل لحظه ساعة الم
                     هيمه وتناطر ديم        روحي ومطرها الوهم 
        صحره وما اظن هالحال يخفاه             دنياي وحياتي خلاف عيناه
                        صرت مثل العليله        علحسين برحيله
       ماندري شجراله بولية الكَوم           تناشد كل ضعن وتريد العلوم
                                ----------------------
        ينجوم الثريّا شعندج اخبار           عن غايب تحن لريحته الدار
       وسلّاها الفراكَ ازغار وكبار         وطوّل عله احبابه وشوكًهم نار
                يانجمه  عندج خبر               عن غايب بهالسفر
                مامنه طارش حضر           طمنيني مامش خطر
        ماليني الوجل علغاب تدرين          يانجمه وكتلني مساهَر العين
                     خلص صبري اشأتاني           لغيابه المرمراني
       يعكَوب وتركني يوسف اليوم      ماندري اشجراله بولية الكَوم
                           --------------------------
      ما ادري اشكثر هالغيبه ما كَال        ولا طارش وصل لا ودّه مرسال
      بهاي الهم اشكبره ايصير جتّال     شتحمل مهجتي الماشالته اجبال
                  هم والد اليرتحل               لكَلب اليتامه يسل
                وعنّه اذا ينسأل                 بلسانه طعم الجتل       
     ولو اسأل اخوتي الدمعه الجواب           ومشبوحه النواظر كلها علباب
                بيا ساعه يجينه                 ودربه امناطرينه
   جن كَلب الرضا نصين مجسوم             ماندري شجراله بوليّة الكَوم
                           ---------------------------
    ابو ابراهيم ابونه الوجه قرآن     وفردوس بحضرته وعطره الاجنان
    كل جلمه صلاة وحجيه ميزان        موسى العصّته لكل طاغي ثعبان
             المصطفه ابمحضره                  ونشوفه بالباصره
             لسانه علي حيدره               وبكل حرف جوهره
بيا ديره ابونه الحين وشلون                          حاله بولية الظلّام مسجون
                 وعدوه نعرفه  غادر            وفكري بهاي حاير        
   وهايم هالكَلب وبلهفته ايحوم                 ماندري اشجراله بولية  الكَوم 
                           ----------------------------
       دجيبيلي الخبر كَالو ابَّغداد         يانجمه ويخوفي من سجن عاد
      مسجون الولي وبساكَه الاصفاد        مرضوضه سمعنه والالم زاد
                  بطاموره كَالو سجن             ويلاه يابويه واون
                 يلصّابر و ممتحن             جني اضل بالحزن
     ومسموم الولي ودلّاله  ممرود         بيا صوج وذنب  علجسر ممدود
                       يراهب آل هاشم          يا صابر  يكاظم
     نضل ننعه المصاب وللحشر دوم         ماندري اشجراله بولية الكَوم
                             --------------------------
  قاسم آل واعي الرميثي 7رجب45

هذا قبر المسجون أصبح علامه   ......  وينه ملكك هارون وين الزعامه
يالما عرفت اسراره ..... هالمرقد لزواره
أصبــــح علامــــــه
,,,,,,,,,,,,,,,,,,,,,,,,,,,,,,,,,,,,,,,,,
دونك التاريخ وقره عالطواغيت وظلمها
اشما طغت بالدنيا لازم ينتهي ويخلص حكمها
وين فرعون وجنوده ونار نمرود الظرمها
التاريخ يحجي ومايظم         هيهات ميدوم الحكم
للحكمت الناس بظلم       وعاشت بلذة وهمها
كل ظلم  لا ميدوم هاي القضيه  ..... ينتصر للمظلووم رب البريه
لابد يزول الظالم ...... واكبر دليل الكاظم  ...  أصبح علامه
,,,,,,,,,,,,,,,,,,,,,,,,,,,,,,,,,,,,,
مرقد لموسى أبن جعفر صار للأحرار قبله
يالجنت تحكم الدنيا وين جا كبرك نكله
وينه زهوك وينه حكمك وين ملكك ذاك كله
يالخاطبت حتى السحب        وكلتلها مايج من يصب
لو بالشرق لو بالغرب              هم الي يرجع محله
ما ألك ذكره اليووم يلي احكمتها .......... عبالك الدنيا اتدووم من املكتها
ياللارشيد بأمره  ....... شوف الغريب وكبره ....   اصبح علامه


وحنه هالواقع نعيشه وللأسف موجود بينه
عدنه جم نمرود طاغي الحارب ابراهيم اعله دينه
وعدنه جم هارون ظالم ماتصد عالفقره عينه
حكم الظلم بينه انتشر      وفرعون عدنه ابها الدهر
ما عدنه عصه ولا بحر      وموسى اليضربه بيمينه
ياهو الينجينه شلون من هالمصيبه ........ شو موسى اصبح فرعون شوف العجيبه
ولدك صدره وكال آنه  ....... بنص الدرب خلانه
اصبح علامه
,,,,,,,,,,,,,,,,,,,,,,,,,,,,,,,,,,,,
اليوم جم هارون عدنه الباع الجل السلطه مذهب
غم وكت خل العمامه الحاطر الكرسي اتحزب
تسمع ابحجيه وتصدكه وتنظر افعاله اتعجب
والتربه مطبوعه طبع        عالكصه وتشوفه ورع
ويحجيلك اشكال الشرع        وهو بس يسلب وينهب
ملينه من هالحكام أهل الخيانه  ........ ما ردنه منهم اسلام ردنه الأمانه
المن تصلي وصايم   ......   وتبوك فلوس الوادم
اصبح علامه
,,,,,,,,,,,,,,,,,,,,,,,,,,,,,,,,,,,,,,,



اخذوا من الراح عبره الدنيا تخلص لا محاله
ويبقى بس فاعل الخير وتذكر الوادم افعاله
هذا ابن جعفر الكاظم ما خضع لهل الظلاله
ما باع دينه ولا ركن       لهل الظلم واهل الفتن
شامخ بقى ابوجه الزمن     لا خضعله ولنحناله
اتعلموا منه دروس كون انتوا ناسه  ...... ماتشتري الدين فلوس يهل السياسه
وبالكاظم احنه ادرينه  .......  ماباع وساوم دينه
اصبح علامه
,,,,,,,,,,,,,,,,,,,,,,,,,,,,,,,,,
موسى ابن جعفر الكاظم التشهد الدنيا بصفاته
الساجد الزاهد العابد رغم دهره ونايباته
بالغدر سموه يشيعه وبالسجن خلص حياته
شيعة علي المرتضى       تبجي لامام الرافضه
بالسم لمن نحبه كضه
وعالجسر ظلت رميه جثة الكاظم يشيعه
,,,,,,,,,,,,,,,,,,,,,,,,,,,,,,,,,,,,,,,,
حســــــــــــــين كـــــــــــــاظم
الطــــــــــائي

عجيبه تظل قصتك عجيبه          مصيبه صبح فكدك مصيبه
تظل نيراني تسعر     على موسى ابن جعفر
مصيبه صبح فكدك مصيبه
,,,,,,,,,,,,,,,,,,,,,,,,,,,,,,,,,,
هاليله العرش بمصيبتك مفجوع
وجبرائيل صاح وصوته ظل مسموع
من شجرة بني هاشم غصن مكطوع
السمه واهل السمه تبجي وتهل ادموع
غيابك فلا هين غيابك  ..... لمصابك اون وابجي المصابك
دليلي بحزنه يشغر ..... على موسى ابن جعفر
مصيبه صبح فكدك مصيبه
,,,,,,,,,,,,,,,,,,,,,,,,,,,,,,,,,,,,,,,,,,,
تحملت المصايب من اجل دينك
على اهموم الشفتها ربك ايعينك
من سجن لسجن شو خلصن اسنينك
غريب وشابحه لصوب الأهل عينك
عيونك تظل تربي عيونك ...... يجونك تريد اهلك يجونك
تريد الاهل تحضر ........ على موسى ابن جعفر
مصيبه صبح فكدك مصيبه

للمفارك هله صبر الكلب مافاد
شينفع ياصبر واهلك عليك ابعاد
خلصت العمر غربه بسجن بغداد
يبن جعفر حياة الغربه ماتنراد
حياتك ردت تخلص حياتك ...... بصلاتك جنت تدعي ابصلاتك
الصخر ون وتفسر ....... على موسى ابن جعفر
مصيبه صبح فكدك مصيبه
,,,,,,,,,,,,,,,,,,,,,,,,,,,,,,,,,,,,,,,,,,
وبعد فوك السجن ناس اليسجنونك
بحبال وسلاسل هم يكيدونك
والظالم امر بالسم يغدرونك
ردت اهلك تجيك لتغمض عيونك
عيالك ردت تحضر عيالك ......... اعله حالك تجي وتبجي اعله حالك
وتصيح الله واكبر ..... على موسى ابن جعفر
مصيبه صبح فكدك مصيبه
,,,,,,,,,,,,,,,,,,,,,,,,,,,,,,,,,,,,,,,,,,



على جسر الرصافه اجنازه خلوها
وصاحو للغريب اجنازه جابوها
طلعت شيعتك وبحسره شيعوها
بدمعهم غسلوها وتالي دفنوها
بلا دموع تره وحشه الجنازه ........ ولاحباب صدك عازتها عازه
كلب ناسك تفطر ..... على موسى ابن جعفر
مصيبه صبح فكدك مصيبه
,,,,,,,,,,,,,,,,,,,,,,,,,,,,,,,,,,,,,,
كل واحد يموت احبابه اتحضره
وتحفرله كبر وتنزله ابكبره
بس حسين ظل مرمي على الغبره
وداست خيل اميه وهشمت صدره
مصيبه فلا صاير مثلها  ........ عليها تنوح الدنيا كلها
العقل منها تحير ....... على موسى ابن جعفر
مصيبه صبح فكدك مصيبه
,,,,,,,,,,,,,,,,,,,,,,,,,,,,,,,,,,
حســـــــــــــــين كــــــــــاظم
الطــــــــــائي

عجِّلْ    يا أبا صالحْ    أَدرِكِ النَّاصِحْ    بسِجنِ العنيدِ
واحمِلْ   رايةً حَمْرَا   واطلُبِ الثَّأرا   مِنَ اللارشيدِ
قيدُ موسَى ما انكسرْ
فأغِثْ يا مُنْتَظَرْ !

١/أيُّها السَّيْفُ الذي في غِمْدهِ غابا
لكَ جَدٌّ ثأرُهُ في الأسْرِ قدْ شابا
هُوَ بابُ الله أَعْيَا فيهِ أَلْبَابا
كيفَ جدرانٌ تُراها تَحْبِسُ البَابَ ؟!

كيْفَا  سورةُ الشمسِ   بيدِ الرجْسِ   تُقاسي الحُبُوسا ؟
زيْفا   ظنَّ هارونُ    فهْوَ مَسْجُونُ  بأصْفادِ موسى
غيظُهُ فيهِ استعرْ
فأغِثْ يا مُنْتَظَرْ !

٢/عاشَ في السِّجنِ سنيناً شاكراً حامدْ
يُشبِعُ اللَّيلَ ضياءً راكعاً ساجِدْ
يا لَهُ منْ راهبٍ كمْ أرهبَ الجاحِدْ !
عجباً جيشٌ غدا يرجفُ مِنْ واحِدْ !

أظْهَرْ   فيِهِمُ المُعْجِزْ   أسَداً يُبْرِزْ    وقدْ كانَ صورَهْ !*
صيَّرْ    ذلكَ الساحِرْ   سُخْرَةَ السَّاخِرْ   وأردى غُرورَهْ
ذلكَ الطاغي كفَرْ
فأغِثْ يا مُنْتَظَرْ !

*رواية تحويل الإمام عليه السلام صورة الأسد لأسد حقيقي ابتلع ذلك الساحر .

٣/سيِّدي فيكُمْ أتَتْنا "سورَةُ الدَّهرِ"
وبنُو العباسِ رامُوا "سورةَ القَهْرِ"
مَنْ سِواكمْ (إنَّما يوفونَ بالنَّذْرِ) ؟!
وسواهُمْ (إنَّما يوفونَ بالأْسرِ) ؟!

صبُّوا  حقدَهُمْ جهْرا   أعلنوا الشرَّا   بتعذيبِ كاظِمْ
سبُّوا   عندَهُ حيْدَرْ   وابنةَ الأخيَرْ   فما ذنبُ فاطمْ ؟!
ظُلْمُها أَصْلُ القَهَرْ
فأغِثْ يا مُنْتَظَرْ !

٤/كُلَّما علَّمَ سِجْناً "سَبْعَةَ الحمدِ"**
نقلُوهُ فانتهى الأمرُ إلى "السِّندي"
بئسَهُ كمْ شدَّ قيد الحقدِ بالزندِ
فدَعا المظلومُ "عجِّلْ أيُّها المهدي"

آهٍ   أيُّها القائمْ   إنني الكاظمْ   ترى الجيدَ غُلاَّ
آهٍ   فَلْتُزِلْ همِّي  أثْقَلُوا جِسْمِي  ثلاثينَ رَطْلا
وبِيَ السُّمُّ غَدَرْ
فأغِثْ يا مُنتَظَرْ !

**سورة الحمد

٥/رَغْمَ ما عانى مِنَ الدنيا اليزيديَّهْ
حَوَّلَ الطَّامُورةَ الظَّلْمَا حُسيْنيَّهْ
فإذا ما ذكَرَ الحوراءَ مسْبيَّهْ
ترفعُ الأغلالُ آهاتٍ عِراقيَّهْ

يَذْكُرْ  زينباً تسْري  بِسِبا الأسْرِ  فيا لَلْمُصيبهْ !
ينثُرْ   دمعَ مرجانِ   فابنُ مرجانِ   رآها غريبهْ
حُزْنُهُ فتَّ الحَجَرْ
فأغِثْ يا مُنتَظَرْ !

٦/جدُّكَ الكاظمُ دهراً عاشَرَ الدَّمْعَهْ
طاوياً عَقْداً ونِصْفَ العَقْدِ باللَّوعَهْ
ترتجي الشيعةُ منهُ جُمْعَةَ الطَّلْعهْ
وكذا منكَ رجَوْنا طلْعَةَ الجُمعَهْ !

نُحْنا   بِدُعا “النُدبهْ”   “زمَنِ الغيبهْ”  “وعهدِ” الصباحِ
صِحْنا   يا أبا القاسمْ   وحدَكَ القاسمْ  لظَهْرِ الطلاحِ
بكَ يعلونا الظَفَرْ
فأغِثْ يا مُنتَظَرْ !


٧/كـ "عليِّ بنِ سُويدٍ" أشتكي الهجرا
عالقاً قلبي على خيطٍ مِنَ البُشْرى
مُدَّ لي جسرَ اللِّقا يا يوسفَ الزهرا
قلتَ لي : بل أنتَ أُمدُدْ نحْوِيَ الجِسْرا

لُطفاً   عاجلاً أقدِمْ   بالرِّضا أُقْسِمْ   ومَنْ في ثرى "قُمْ"
عطفاً   فامسحِ القَلْبا    واغفرِ الذنْبا  وقُلْ لي ألا قُمْ..
أنتَ يا كُحْلَ البصَرْ
فأغِثْ يا مُنتَظَرْ !


علي عسيلي العاملي

اقرى الفاتحه والنيه صفيها
راح ام البنين الحاجه تكضيها
.
:::::-----:::::
.
اصيله بت عرب من بيت بدويه
اسمها يشرف التاريخ طاريه
يمها الحاجه ام عباس مكضيه
تسهيل الامر من الله منطيها
.
:::::-----:::::
.
علي كل العضيده اخطبلي وفـايـه
اردن خلفتي لحسين تـجـايـه
وكلاله اعله امرك تبشر بهايه
عقيل اختارها يعرف شنو البيها
.
:::::-----:::::
.
بت حزام من عدها الوفه يروه
عنوان الاصاله و لشرف قدوه
مقبولة بأسمها تمشي الدعوه
دوم وكل مكان  نكوم  ندعيها
.
:::::-----:::::
.
من تختار خال الخلفتك زينه
الدليل الكافل العباس لحسينه
لجل الماي طفاها الكمر عينه
كفو العباس صار الخوه راعيها
.
:::::-----:::::
.
من اختار ام البيت من هيبه
مثل ام  البنين  تربت بطيبه
بت شجعان اهل الكرم والنيبه
اهلها الخطو الدنيا سوانيها
.
:::::-----::::
.
حسن صالح العيساوي

اقرى الفاتحه والنيه صفيها
راح ام البنين الحاجه تكضيها🚩

(درب السبي)

بـهـيـده يـالـتـحـدي الظعن   عباس ماويانه

                                *---------------*---------------*

تــدري ابـظـعـنـه لــوحــده   عباس ماويانه
الـكـاســر اخـشــوم الـعـده   عباس ماويانه
الـيــوم الـتـراب اتــوســده   عباس ماويانه

شـــوف الـحــرم حـيـرانــه   عباس ماويانه

                                *---------------*---------------*

بـالـحـومــه ضـلـت رايـتـه   عباس ماويانه
طاحت يـمـيـنـه ويـسـرتـه   عباس ماويانه
عالـنـهـر غـافـي ابـنـومـتـه   عباس ماويانه

الــيــوم الـگــمــر خـلانـه   عباس ماويانه

                                *---------------*---------------*

يـاهــو الـيـرفـرف بـالـلـوه   عباس ماويانه
خـلـيـنـه نـبـقــه بـنـيـنـوى   عباس ماويانه
عــلّــمـنـه مـشيـتـنـه سـوه   عباس ماويانه

مــا نـمـشـي وي عــدوانــه   عباس ماويانه

                                *---------------*---------------*

يـا حـيـف طـريـنـه الـفَـلـه   عباس ماويانه
راح الـيــنــگّــط مــرجـلــه   عباس ماويانه
مــا تـحلـه دونـه الـقـافـلـه   عباس ماويانه

فــرجــه الــدهــر ســوّانــه   عباس ماويانه

                                *---------------*---------------*

يـالـحـادي تـدري بـالـجــره   عباس ماويانه
هـــــاي الـحـرايـر حــايــره   عباس ماويانه
فـارگـنـه ســبـع الـگـنـطـره   عباس ماويانه

ظـل نــايــم ابــمــيــدانـــه   عباس ماويانه

                                *---------------*---------------*

الأرض ضــاگـت والـسـمـه   عباس ماويانه
غـاب الـتـكـفّــل بـالـحـمـه   عباس ماويانه
عالـهِـزل نـنـصـب مـأتــمـه   عباس ماويانه

لــديــرة غــرب مــســرانـه   عباس ماويانه

                                *---------------*---------------*

✍خادم زينب ع
الشاعر رعد الجريخي

.

بـهـيـده يـالـتـحـدي الظعن   عباس ماويانه🚩

*( أبوذیه )*

*عــــن لـــســـان الــســیـــده زیـــنـــب(س)🚩
___
إلعدو  إبسهم إلمثلّث گطع و أتراک
وعله صدرک تدوس إلخیل  وأتراک
إشلون إترید أعوفک عود و‌ أتراک
و إنته حسین  مثل  إلنفس بیّه

*✍️الـــشـــاعـــر مـلا جـــهـــاد الـــصـــوفــــی*

قصيدة  رثاء الامام الكاظم  ع السلام
خادمكم عبدالهادي العريفاوي

يهل دمعي  يهل دمعي    عله الكاظم يهل دمعي
اجيت وروحي مهظومه  ألوجن من كسر ضلعي😭🚩
----------------------------------------
ييمه اعله الجسر مطروح   مصابك شاعت اعلومه 
اجيتك والكلب مكسور   اعله حالك روحي  مالومه
يموسى والقدر معروف    ييمه كلمن ويومه
طريح اعله الجسر عافوك   وابوك حسين بالحومه

دمع يجري  دمع يجري  عله مصابك دمع يجري
مصيبة ابني محتومه  ألوجن من كسر ضلعي
---------------------------------
اجيتك والكلب مشتاك  
ادور ابني جاوينه
ادير عيوني لمصابه  ولايكدر يصد عينه
ولاواحد اجه من اهله    اعله هاي النايبه يعينه
مصابك يا ابن جعفر   يألمنه وياذينه

اودعنك اودعنك   اجيت الليله اودعنك
المصايب بينه مختومه   ألوجن من كسر ضلعي
-----------------------------------
كضيت سنينك بزنزان   ييمه ولا ضوه تشوفه
حقدكم يا بني العباس  وخططكم ضدنه معروفه
الرصافه دوهنت كلبي  ومصاب الشام والكوفه
يعذبني المصاب البيك  يربي وليدي ماعوفه

يحاجيني  يحاحيني  ردت ابني يحاجيني
الكلب من يكدر يلومه   ألوجن من كسر ضلعي
-----'---------------------'--------
لعين بهل حقد هارون  ولعينه كل بني العباس
حقدهم يبدي بالصادق   وعدهم للحقد نداس
لون حاضر ابو فاظل   ويلي لصولة العباس
يصفيهم على ايده  ويطك الراس فوك الراس

انهدم حيلي انهدم حيلي  عله فراكه انهدم حيلي
سلاله اعلينه مشؤومه  ألوجن من كسر ضلعي
-----------------------------'------
يكلها والسجن مظلم  ييمه وبالسجن وحدي
السلاسل حزت اجدامي  ولا يرحمني هالسندي
دعيت الباري لمصابي  وغير الباري ماعندي
منيتي وصلت الليله   ييمه السم حرك جبدي

ردت أهلي ردت اهلي   اودعهم ردت اهلي
عرفت اجبوده مسومه  ألوجن من كسر ضلعي
-------------------

يهل دمعي  يهل دمعي    عله الكاظم يهل دمعي
اجيت وروحي مهظومه  ألوجن من كسر ضلعي🚩

السیـده_زینب_تخاطب_اخیها_الحسین


••••_°°°°_••••


أشـــرد إمن النــار تتــلگانـی خیــل

و رکــضة إلمیــدان ینـرادلهه حیــل😭🚩


_



إحتـــرگ لونی و إنتـه گلی إشلـونک؟؟

إلـرمح مالوحـه و أسـد إعیــونک

ولا تــشوف إلـغـرب تحـدی إظعونک

ولاتـشوف إشلــون ینگــاد إلعلیــل


_^^^^_^^____


و إختڪ إلهــای إلـدروب إشجــابهه

إلـچان تتحـسدهه عتبت بــابهــه

إمحجــبه وتعثــر غــدت بحجابهه

وإلغــریب ایضل بعد‌ اهـله ذلـــیل

_
_^^^^_^^_


طحـت و إتبــریت من العـــافیــه

إســـمعت عــریان و إجیتڪ حافیه

خـاف لتگـــول إختـی مــاهی إمـوافیه

گــلت تنهـــض لو شفت دمعــی یسیل


_^^^^_^^_


رخــصونی إبکــثر مــاعندک غلــیت

وکلــهم إیضحـکون لو سمعوا بچیت

بس وحگک هــاذه کله و حشمــیت

گلـت اخوی إحسین یســکت مستحیل


_^^^^_^^_


گــلت لا أنــشاف علــیت إلنگــاب

ولــو مــا أنعــرف غطــانی التـراب

گــلت اجیب اویای یاخــویه الرباب

خاف تعثــر بلـــمهد والدنیه لیــل


_^^^^_^^_


احمـد_الصخراوی

أشرد اِمن النار تتلگاني خيل
وركضة الميدان ينرادلهه حيل 😭 🚩