ابو ذية لشهادة الزهراء
الشاعر قاسم الساعدي المندلاوي
****
يطلبون ابهجوم الدار ثارات
بيهم من بدر وحنين ثارات
ثار آنه دفعته اليوم ثار آت
أولادي ذَبِح بالغاضرية
*****
ألي بالنايحة يا محب ظل عِين
ابتعازي ونوح للدمعات ظل عِيَن
مو واحد الي اتكسّرن ضلعين
ضلع صدري وضلع بالغاضرية
*****
ابحبچ فاطمة يا ضيم مسنه
وچم سيف ابرگبنه الصار مسنه
صرنه الكل أمر جلّاد مسنة
سناين شر بغض للجعفرية
*****
ابحبچ فاطمة يا ضيم مَرنه
وچم طاغي اعله حبل الموت مَرنه
نعوف اولايتچ والنسل مَرنه
رفضنه امره ولو لجل التقية

نار فگد الزهره من اغيابها
ابرهه وفيله وصل يم بابها
*********
يرضا ربك فاطمه المرضاها
دنيا  ما تسوه  وعلي لولاها
نقطة  الباء  ابتدت  بسماها

فاطمه التوحيد في محرابها
ابرهه  وفيله  وصل يم بابها
*****
نار  والجبتين  صارت  مفعمه
تشهد اعليهم تظل اهل السمه
تنظر  الاملاك   حسرة فاطمه

جينه نحضر بالنواعي امصابها
ابرهه   وفيله  وصل  يم بابها
*****
هاي احقاد السقيفه المجرمه
تبت اعرووش الأيادي الأثمه
ظلمت المظلوم حامي الحمه

جهلو الگالو عليها  أصحابها
ابرهه وفيله وصل يم بابها
*****
ظلموا  البضعه ابنياشين الدمع
وظلت اتعاني  لحد كسر الظلع
لجنة  الاحقاد ظل بيهم  طبع

واصل احدود النبي واطنابها
ابرهه  وفيله  وصل يم بابها
*****
نارها  الما تطفه  ظلت  تستعر
وما نست ابجروحهه ون العمر
يسأل المختار عن وضع الكسر

لاذت الزهره ابعظم جلبابها
ابرهه وفيله وصل يم بابها
*****
واضح  الملعون  كان  وبالسبب
صارت  الدنيا  لمن   هب  ودب
شافت الزهره حقدهم والعجب

زمرة الاحقاد شفنه اذنابها
ابرهه وفيله وصل يم بابها
*****
ناس ماعدهم ذمم لا من ضمير
عافوا   الإسلام  جُّهال  المصير
خانوا  المختار  يم  دار  الأمير

غابه صارت والحكم لذيابها
ابرهه وفيله  وصل يم بابها
*****
تمت بعون الله تعالى
الشاعر_يوسف_الفتلاوي

لسان حال مولاي السجاد

والله صعبه . من الخيام تجيبك الدنيا ابخرابه
هواي صعبه . اكثر من الفلح گاعد عالترابه

روحي عصراها السبي وماريد اعيش
مثل نجمة مغرب اطلع وحدي ليش
كون ميت ويه اخوتي ولا اجيت
الوكت خلاني عدل يطلبني بيش

دارت ايامي عليه
ورحت وي عمتي السبيه
ادخل وياها الخرابه
وانه اخر حيل بيه

ياسيد العابدين   ياسيد الساجدين
،،،،،،،،،،،،،،،،،،،،،،،،،،،،،،،،،،،،،،،،،،،،
والله غربه . من تطيح ابين وادم ماتريدك
شلون غربه .الماكل من ايدك يخلي حبال بيدك

الزلمه مو بس بالحرب يطلعله صوت
الزلمه من يدخل الشام وما يموت
ياهو يحمل نضره من شامت غريب
وللقصر متخوصر من الهم  يفوت

عود يابس حالي صاير
الضيم كله اعليه داير
انه ابن احسين انه
الطحنت ضلوعه الحوافر

ياسيد العابدين   ياسيد الساجدين
،،،،،،،،،،،،،،،،،،،،،،،،،،،،،،،،،،،،،،،،،
والله هضمه . من تمد ايدك الواحد ماله قيمه
حيل هضمه . نريد ماي واحنه خالقنه الله غيمه

والله مرتين انه شايل ايدي هاي
للدعاء وهسه رايد الاختي ماي
ذبلت اگبالي رقيه وحيلي راح
جلمت العطشانه كسرتلي گفاي

يبست دموعي اعله خدها
بحضني اخذها واردها
بلكي تنسه العطش ساعه
اعيونها بالگوه اسدها

ياسيد العابدين   ياسيد الساجدين
،،،،،،،،،،،،،،،،،،،،،،،،،،،،،،،،،،،،،،،،،،،،،
هاذه حالي . مثل فرت مغزل فتر بي زماني
هاذه حالي .الحيره تتغير حسب جرحي ومكاني

انسبه النور وطلعت اعيون الضلام
والسبي لم ابن امام واخت امام
مثل موتت شجره واگف راح اموت
وهاي اخر اكلمه اگولن بالختام

ابجو حسين وبناته
وعثرته بطلعت خواته
ابجو عالضلت وحيده
وعله الشام ونايباته

ياسيد العابدين   ياسيد الساجدين
ابوفايز الرافضي

تحفظكم السيدة الزهراء عليها السلام 🤲

نعـي😭🚩

يمه  الگلب  عگبج   تگطع
وعيوني  ماترضاش  تهجع
زينب  أنه    وحالي    تلوع 
والصبر  يازهره    تضعضع
كل  يوم  اگولن كون ترجع
وآنه اعتب وأهمل  المدمع
وادري المعاتب موش ينفع
وسفه  الشمل راح   وتوزع

سمير الصالحي

اللهم_عجل_لوليك_الفرج

فاطمه الزݘيه

ترحـل المسيه

وصت العقيله عله الغاضريه

🩸🔥🩸🔥🩸

يُمّه هاي الوصـيه الأرض كربله

يُمّه صبري ابغيابي ابسبي العايله

يُمّه عينݘ تعــــــــاين سهم حرمله

والاخيّـــچ تصد عيـــنچ المقــــتله

يُمّه من جرح الجرح تخلص حياتݘ

والحجــــــر يبݘــي ييُمّه النايباتݘ

والامل عندݘ يضـل دمعه ابصلاتݘ

يالعقيله صبــري لجـــــل امخدراتݘ

يُمّه آل امــيه

تعتني ابرزيه

فاطمه وجرحها رغم هالمنيه

وصّــت العقيله عله الغاضريه

🩸🔥🩸🔥🩸

يُمّه آخـــر ودا؏ البـقه اوياݘ الي

راح افارگ عـيالي وافارگ هلي

ينغدر بعـــدي راعي اليتامه علي

يُمّه لا حامي عندݘ يضل او ولي

بلا جسد يبقى ييُمّه حسين أشوفه

واعله صدره الخيل يازينب تطوفه

والگمر فوگ النهــر وابلا چفوفه

والضعن يمه يمر وحـــــده يعوفه

حــزني للثريه

واصفج ابأديه

فاطمه ابحزنها حݘتها الوصيه

وصّــت العقـــيله عله الغاضريه

🩸🔥🩸🔥🩸

والمآسي الݘ تبــدي يوم السبي

يُمّه ݘم زينبيه وطفــــل زينبي

ينرمي بالطفوف بسهم ناصبي

عــــذبوهم ولا ݘن عيال النبي

ݘم طفل بالطف يموت وگلبه ضامي

وصوتچ المتعـــوب يصرخ يا إِمامي

وعينچ اتشـــــوف الحُسين وهو دامي

ابذاڪه حـــــــاله وَصِّلي يُمّه سلامي

ابدمعه وابشجيه

تحݘي للبـــــهيه

وابدمعها تشرح غدر هالبريه

وصّــت العقيله عله الغاضريه

🩸🔥🩸🔥🩸

بالسبي راس أبــــو اليمه فوگ الرمح

عينچ اتشاهد اعله الأرض ݘم صرح

وشاهدت ڪــــــــافلݘ عالثره ينطرح

مدري گلبݘ يزينب حمـــــل ݘم جرح

يُمّه والأطــــــفال منچ يسلبوهم

أربعين امن الليـــالي ابلا ابوهم

وابطريق الشــام ويلي ايعذبوهم

ابعمـر وردات لمــــــن موتوهم

اتنادي عالسبيه

بسمـــݘ الحميه

ابدمعت المآسي حݘت هالقضيه

وصّــت العقيله علــــه الغاضريه

🩸🔥🩸🔥🩸🩸🔥🩸🔥🩸

وليد المندلاي

فاطمه الزݘيه

ترحـل المسيه

وصت العقيله عله الغاضريه🚩

‏فيديو من فلاح

tiktok.com/@falah19ah

رابط قناة التكتك قصائد حسينية مكتوبة 🚩

رب الغيره وسيد الزلم
بس اگبال الخيمه يبتسم
جود الحب الكله حب

صح انسان بهيئة القمر
نور الدنيه بوجنته استقر
حبه ستوطن بالگلب

داخل گلبي بلا أذن ... عش ومرتاح بغصن
مبينه بروحي محبته
شلون الدم البالگطن
سيدي العباس    سيدي العباس
،،،،،،،،،،،،،،،،،،،،،،،،،،،،،،،،،،،،،
ماحب غيره ولا احب بشر
مالك روحي وطر دليلي طر
عايش بيه من المهد

بس الوجها حساسي ينجذب
ضامي واسمه الساقي العذب
مامثله انسان انوجد

اقرب ليه من القرب ... عباس الحب والحرب
لو اغير ابروحي سكن
اگطع شريان الگلب
سيدي العباس    سيدي العباس
،،،،،،،،،،،،،،،،،،،،،،،،،،،،،،،،،،،،،،
حقي بنور الساقي لو همت
لا سامع بوصافه لا شفت
المحتار بزوده النهر

بيش نوصفه ويعجز الوصف
واحد لاجن  ينعد  ابالف
خيال الشگره الگمر

نشمي ويحله شماتعب .. غالي واغله من الذهب
الجايبني الخيمت هله
حب العباس السبب
سيدي العباس    سيدي العباس
،،،،،،،،،،،،،،،،،،،،،،،،،،،،،،،،،،،،،،،
شيخ الزود واطهر النسل
لا يتعب بالعركه لا يمل
عباس الحيد الشرس

نور النور اليضوي لو طلع
لمعت شذره اعله المهر لمع
من وجها تغار الشمس

ادخيل عيونه ونضرته ... دخيل الرايه وجربته
ادخيل النضره وحاجبه
ادخيل حساسه وخوته
سيدي العباس    سيدي العباس
ابوفايز الرافضي

ميمر للزهراء ع




اُمنيتي سيد الـــــــــــــــــــكونين
( يصبر علي ) ما وصَّه


ـــــــــــــــــــــــــــــــ


لو نفترض يوم الاجو للبضعه
حامي الحميه ابلا وصيه اشوضعه
اليصفعها رايد ، بالمداس ايصفعه

چا خله أثر بالـــــــــــــــــملعون
طول العمر بالگــُـــــصّه


ــــــــــــــــــــــــــــــــــــــــ


وجه ابوجه يوگف ينادي اعله الگوم
وينه اليريد ايكسّر اضلوع الـــيوم ؟
من خوفه لـــوّل يبقه بالثاني ايلوم

ينزع يقرر لـِـــــــــــــهـدُوم
بس ما يحصّل فُرصه


ــــــــــــــــــــــــــــــــــ


كلمة وأن يسأل مِنو الحاچيها ؟
فوگ التُراب اشواربه ايخليها
فضه ابمداسچ يلّا دوسي اعليها

الگايل وأن عــــــــــــلزهراء
حيدر لسانه ايگــُــصّه


ــــــــــــــــــــــــــــــــــــ


فارس بدر ساعة هُجوم الأعراب
مو بالفُقار اعليهم ايهد بگراب
وينه اليطب وام الحسن دون احجاب

كل خد يصيحه الــــــــــكرار
من چفّه ياخذ حُصّه


ــــــــــــــــــــــــــــــــــــ


بچفوفه من الباب يشلع بسمار
وايفگس اعيون التعدو علدار
يحرگهم ابناره ويدزهُم للنار

الــفـَـكّــر خيال الها ايشوف
من عينه يشلع فصّه


ــــــــــــــــــــــــــــــــ


حيدر لون مسموح إله ايسل فقّار
چا خلّص الجن والإنس من العار
لكن ، على الزهره الظُلم تم صار

واتجرع المُر كـــــــــاسات
حيدر ختام القُصه

ــــــــــــــــــــــــــــــــ


هاي الأماني البلگلب مرسومه
باچر يحققها النناطر يومه
علشجره يصلب قاتل المعصومه

ثار ام حسن للــــــــــــموعود
جمره ابدليله وغُصَّه


ــــــــــــــــــــــــــــــــــ


باچر لون للمهدي رفّت رايات
من كاسر اضلوع امه ياخذ ثارات
والثار الاعظم للمشن مسبيات

بالـــــــحق قصاص الاسلام
من الكُـفُـر يقتصّه

ـــــــــــــــــــــــــــ


طف كربله المهدي ايتعناها ابويل
وينعه الغريب الطحنت اضلوعه الخيل
ثارات ابو الاكبر يشدّلها الحيل

سبعين الف بالــــــــــتعداد
ثار الطفوف ايخلصّه


ــــــــــــــــــــــــــــــــــ

سيد علي عبدالزهره الناجي

نار فگد الزهره من اغيابها
ابرهه وفيله وصل يم بابها
*****
يرضا ربك فاطمه المرضاها
دنيا  ما تسوه  وعلي لولاها
نقطة  الباء  ابتدت  بسماها

فاطمه التوحيد في محرابها
ابرهه  وفيله  وصل يم بابها
*
نار  والجبتين  صارت  مفعمه
تشهد اعليهم تظل اهل السمه
تنظر  الاملاك   حسرة فاطمه

جينه نحضر بالنواعي امصابها
ابرهه   وفيله  وصل  يم بابها
*
هاي احقاد السقيفه المجرمه
تبت اعرووش الأيادي الأثمه
ظلمت المظلوم حامي الحمه

جهلو الگالو عليها  أصحابها
ابرهه وفيله وصل يم بابها
*
ظلموا  البضعه ابنياشين الدمع
وظلت اتعاني  لحد كسر الظلع
لجنة  الاحقاد ظل بيهم  طبع

واصل احدود النبي واطنابها
ابرهه  وفيله  وصل يم بابها
*
نارها  الما تطفه  ظلت  تستعر
وما نست ابجروحهه ون العمر
يسأل المختار عن وضع الكسر

لاذت الزهره ابعظم جلبابها
ابرهه وفيله وصل يم بابها
*
واضح  الملعون  كان  وبالسبب
صارت  الدنيا  لمن   هب  ودب
شافت الزهره حقدهم والعجب

زمرة الاحقاد شفنه اذنابها
ابرهه وفيله وصل يم بابها
*
ناس ماعدهم ذمم لا من ضمير
عافوا   الإسلام  جُّهال  المصير
خانوا  المختار  يم  دار  الأمير

غابه صارت والحكم لذيابها
ابرهه وفيله  وصل يم بابها
*
تمت بعون الله تعالى
الشاعر_يوسف_الفتلاوي

لــسه اثـــر ســطره اعلــه خــدي
  ياخــــــذ الثــــار ابــــــني مهــدي
 من الاصــحاب ــــــ من الاصــحاب
ـــ ــــــ ــــ ـــــــــــ ــــــــ ــــــــ ـــــ ــــ ـــــــــــ
يبدي بجروحي الزغيره اوينتهي بأاخر جرح
يبدي بجروح الســقيفه اوينتهي يـــم الرمح
كل مسه اندب يغايب اظهر النه وكـل صبـح
لسه چــف الما رحمني  ماشبـــع من الذبح
       كــــل حــزن روحـــي عله ولـــدي
       يا خــــــذ الـثار ابــني مـــــــــهـدي
     مــن الاصحاب ــــــ مــن الاصحــاب
ــــــــــــ ــــــــ ـــ ـــــ ــــ ـــــــــــ ــــــــ ــــ ــــــــ
لسه بسمار المنيه بصـدري رافض ينـــشلع
لجمة المظــــلوم صعبـه اومايداويه الـدمع
يتموا كل فرحه بيه اوطفوا ابدمي الشمــع
مـرت علـينه الليالي اومابرد ثـــار الـــظلــع
     دروا بالـــــدار انــــي وحـــــــدي
     ياخـــــــــذ الــــثار ابــني مهــدي
    من الاصحاب ــــــ مــن الاصحاب
ــــــ ــــــ ــــ ــــــــ ــــــــ ـــــ ــــ ـــــــــــ ــــــــ
بگبري واندب يابو صــالح يبني تلهـب نــاري
لســـه دخـان المــنيه اوباقـي بيـن اكـــتاري
شنـسه شـذكر من اجـوني اوحايـره بفكاري
چان كل همي حجابي ودمـه صدري الجـاري
     يلــجم اظلـــــوعي انه لحــــدي
     ياخــــــذ الثــــار ابــــــني مهــدي
.  من الاصــحاب ــــــ من الاصــحاب
ـــ ـــــ ــــ ـــــــــــ ــــــــ ــــ ــــــــ ـــــ ــــ ــــــ
طاح من عنـدي جنـــيني والظلوع امكسره
صحـت يافضــه تعالي اوماصحت ياحيـدره
ادري بــي عنـده الوصيـــه جا گلبـها الاخره
خـفـت يايـمه اجرحه اوما گلـتله انه الجـره
  انــــته بجـــــــــــروحي التــــهدي
  ياخــــــذ الثــــار ابــــــني مهــدي
  من الاصــحاب ــــــ من الاصــحاب
ــــــ ـــــ ــــ ـــــــــــ ــــــــ ــــ ـــــــــــ ــــــــ ـــــ
دروا خلف الباب بيه اودفعـوا الباب بحـقد
صحت الحگ بويه اليه من الگبر حاول ترد
الدار حركوها علينه وانه حرمه اشلون اهـد
توجـهت ل الله بــدعائي ناري ســــويهه برد
        وچــــــم نــبي ابراهيـم عنـــــــدي
       ياخــــــذ الثــــار ابــــــني مهــدي
       من الاصــحاب ــــــ من الاصــحاب
ــــ ـــــــــــ ــــــــ ـــــ ــــ ـــــــــــ ــــــــ ــــ ــــــــ ـــــ
الشاعر خالد جودي العارضي

((الامام المهدي واستشهاد فاطمة الزهراء ))
يابو صالح يثار الزچيه
............................................
يايوسف الزهره انتهض
ثار امك يريدك تجي
كافي اترك الغيبه وتعل
خاطر جروح ام النبي


يل محد بضيمك يحس
يل تشعر بذاك الرفس
من لاذت امك بالستر
عصرتهه عايش كل نفس
ويزهره ماضل حيل الك
بدموعك الماتنحبس
بحنت نحيبك سيدي
كسرة ضلوعك تنهجس

يايوسف الزهره شبعد
ثارك عليه گالو خمد
وحنه نباوع عالدرب
بين الاجه لو ماجه احد

ياذخرنه النتانيله جيه
يابو صالح يثار الزچيه
....................................
ندبتك وصاحت تره
من حست الضلع انكسر
يبني يمهدي تألمت
وفوگ الضلع خدي انسطر

شرد اخفي سطره لوضلع
لخاطر علي شيخفي الدمع
لو شفته اضل محيره
نبضة دليلي ليستمع
يدريني يعني والدك
ومن عندي اكثر منفجع
بس ماگدر يحچي علي
يضل ياكل بروحه الشمع

يالمهدي امك فاطمه
عليهه انته هم تبچي دمه
الله يعينك سيدي
يابو الجروح المؤلمه

من جروحك تريد المنيه
يابو صالح يثار الزچيه
........................................
تباوع گبرها المختفي
من تطرش انته بحرگتك
واتنظر دمع جدك علي
ودمعاته تحچي الدمعتك

عن كسرة الماينكسر
وعن ذيج الجروح شكثر
يم الگبر لمن يجي
طود الصبر مايصطبر
انه علي يافاطمه
يم بيتي فتحيلي الگبر
تيتمنه كل احنه تره
وماترجع الروح بعذر؟

يل مهدي تسمع هالحچي
يابوالدمع تسمع بچي
يل مالك من أهلك عدل
بيمن يغايب تنتچي

يلعذابك جروح الرزيه
يابو صالح يثار الزچيه
.................................
شتحچي شتگول الفاطمه
لونشدتك يبني شجره؟
بثاري خذت لو ماخذت
شتجاوب امك ياترى؟

لو سولفت عن كربله
وعن حال الحسين وهله
وعن ذاك المثلث لمن
صوب يمهدي البسمله
وعن الجروح البرمل
وعله الشفاه الذابله
وعن گومته وشگد وگع
من سمع أخته تصيح اله

وتحچي عله راسه وذبحته
ودمه الي خضب شيبته
وجسمه التناثر عالترب
وشگد حوافر داسته

والتدوسه ترض جنهه بيه
يابو صالح يثار الزچيه
................................
ثارك عليه دار الزمن
شنگله يالمهدي النشد
غايبكم المن مختفي
ولياوكت غايب بعد

نحجي بدمعنه وننفظح
بلچمتنه چلمتهم ملح
يل گلتو مايرجع تره
لابد يطر وجه الصبح
بس يبزغ هلال النصر
لبچيته يتداوى الجرح
يصلب أهل كلمة" وأن"
لبكربله صارت ذبح

مايبگه ابو ولا يبگه ابن
كلمن رفع چلمة وأن
يلگه القصاص بطلعته
وبثاره ينزاح الحزن

وعلى ثاره المدامع جريه
يابوصالح يثار الزچيه

............................
خادمكم قاسم المالكي