#مولود_للأمام_الحسن_المجتبى

#المستهل

الليله ميلاد الحسن هليله
نعلن الفرحه وحيدرا نهنيله

بالنصف من رمضان
صار الكرم عنوان

هاليله مولود الكريم الليله


✫───⊹⊱❤️⊰⊹───✫

بالمولد انهني الرسول واله
مبارك نكلهم هالأسم يحلاله
والشيعي بصيار الحسن هنياله

فرحانه هاي الناس
والحسن رفعت راس

بكولبنه بيت الحسن نبنيله

✫───⊹⊱❤️⊰⊹───✫

يا هله بجيته وياهله باانواره
بهل الولاده لحيدر احله بشاره
من الحسن هالنور تارس داره

والزهره بي فرحانه
بنوره زهت دنيانه

اسم الحسن بارواحنه نفديله

✫───⊹⊱❤️⊰⊹───✫

ارواحنه بميلاده هل مسروره
وارض المدينه بجيته معموره
بكل مكان افراح محله الصوره

ياس وورد طشينه
وبمولده فرحينه

بااعظم ليالي لجيته نحييله

✫───⊹⊱❤️⊰⊹───✫

كل الأحبه بهل اليوم فرحانه
تهني الزچيه وحيدره مولانه
من الصغر باب الكرم عنوانه

مفتوح باب الساده
والحسن ينطي مراده

نرفع ادينه بجيته وندعييله

✫───⊹⊱❤️⊰⊹───✫

علكو الشموع وبالهلاهل غردو
علنو الفرح والبيت لجله زينو
حظرو الحوائج واعتنوله توسلو

وتعنو اله يم بابه
ويرحب بااحبابه

والشيعه هذا اليوم اجت توفيله

✫───⊹⊱❤️⊰⊹───✫

2023

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

ام جعفر, [⁨13⁩ مارس ⁨2025⁩ في ⁨5:44 AM⁩]
هوسات مولد الحسن



هلا يالعبت مضيفه ريحة الكهوة
ابو جف اليوزع حتى الراچب المهره
مثل فوحة دلاله صاحب مروه

كريم ولو حجينه بحگه شويه
وتوكفله بخجل جلمة اعزوبيه
أبو محمد تعده الزود طاريه

انسولف كون بزوده/الشابع خطاره



هلا بطاري الكرم والاسساه كله
وهلا بصاحب الشاره بشارته تعله
بديوانه بخت لو فاحت الدله

يبو اخلاق الثجيله وبل حجي ميزان
والمر بمضيفه يطلعه شبعان
اعزوبية الساده كلهه الك نيشان

انته العنوانك واضح//من اعزوبيته



محد يوصل احدودك ولا يگرب
يا ذهب الهواشم يا خرز كهرب
مضيفك ما تسده ويشبع اليچهب

يبو محمد كرم عدك ولاله احدود
وبابك يوم واحد ابد ما مسدود
معزب دوم انته وبيك كل الزود


وزودك دوم انذكر// ونتباهه ابجاله



ندري انته كريم وهل تعنينه
وندري لو طلبنه ابساع تطينه
أبو محمد نحشمك وانته ترضينه

مثل خطارك احنه اليله تحسبنه
وعليك ابجاه أبو السجاد لتردنه
حوائج كثره كلش يالحسن عدنه

ابابك نوگف تدري//وتطينه الحاجه



لخادمة الزهراء العلويه أم جعفر
غير مبري الذمه من يحذف ألأسم و ويآخذ آلكلام وينسبه له ج



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

ام جعفر, [⁨13⁩ مارس ⁨2025⁩ في ⁨5:09 AM⁩]
مولد الامام الحسن


خلونه نفرح للحسن خلونه

وفدوه نروح الهيبته وعيونه


نور الدنيه بجيته مولانه
وفرحانه بيه ام الحسن فرحانه
وين اليغني بمولده ويانه
وأجمل هلاهل شيعته سمعونه



يسوه أبو محمد كل فرح هليله
وكلنه اجينه ولازم انغنيله
مبارك يزهره ويا علي كليله
ضوه المدينه وحيدره يهنونه



نفرح بجيته وشمعته علكوها
وأمه الزجيه بمولده هنوها
اليله الهلاهل لايگه اتعلوها
وكل الحزن يا شيعته تشيلونه


نفرح لأبو محمد ونصفك بيدنه
وبخمس طعش رمضان حسبو عيدنه
هذه الكريم الما يرجع ايدنه
معزب وينطي بساع يالتنخونه



ندعيله أبو محمد يجي مهدينه
وعجل ظهوره سيدي والينه
جار الزمان وبس قهر ملينه
وبابكم كل من نخه تسمعونه



لخادمة الزهراء العلويه أم جعفر
غير مبري الذمه من يحذف الاسم و ويآخذ آلكلام وينسبه له ج




قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

مولود
#الحسن عليه السلام



شي لله يالمجتبى شي لله
شي لله يالمجتبى شي لله

واليحبك يالحسن رايد جزاه
واليحبك يالحسن رايد جزاه

🪻🪻🪻🪻🪻🪻🪻

جينا للمولد وجينا الگرگيعان
نزف البشارة بإسم سيد الجنان
هب علينا العطر ورد وزعفران
وربك العالي امعلّيك ابعلاه

🪻🪻🪻🪻🪻🪻🪻

شي لله يالمجتبى تعنينه
الليلة حل چيسك ومنه اهدينه
ياكريم الطبع ياوالينه
الليله خلّص كل موالي من بلاه
🪻🪻🪻🪻🪻🪻🪻

الليلة مدّينه الچفوف ابكل امل
للكريم الغالي بن خير العمل
الليلة كل هم ابحضرته مايظل
الطلب منه الليلة قطعاً مانساه

🪻🪻🪻🪻🪻🪻🪻

مانسانه المجتبى ينطينه
ابو محمد يكرم امجربينه
ابليلة الخامس عشر ناخينه
يصد علينا ومايخلينه وراه

🪻🪻🪻🪻🪻🪻🪻

ام علي رضا الشريفي الحسيني


القصيدة سجلت في سجل مولاتي فاطمة الزهراء صلوات الله عليها من يغير اسمي او يتلاعب بها او ينسبها له فخصمه فاطمة الزهراء صلوات الله عليها



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

مولود
#الحسن عليه السلام


گمر اربعطعش وجهك يمولانه

عيون امكحله وخدود ريانه

🪻🪻🪻🪻🪻🪻🪻

هلا بصيار سبط المصطفى الهادي
هلا ومية هلا بالمجتبى انادي
اريد افرح فرح ياناس موعادي
اهوسله واهلهل واحر عدوانه

🪻🪻🪻🪻🪻🪻🪻

گمر جنك گمر وبوجنتك شامه
وعلى گماطك رسم من ورد خزامه
الماحبك خسر ما حايف اسلامه
وخسران وعلي المايفرح اويانه

🪻🪻🪻🪻🪻🪻🪻

هلا يم الحسن متباركة الليله
قرة عين اجاج اوليد الكحيله
من عين البشر يازهره عوذيله
وحرز من كل حسد علگيله بردانه
🪻🪻🪻🪻🪻🪻🪻🪻🪻🪻

حلو چنه البخت مابيه كل لوله
شمع وابخور بالمولود علگوله
ناغو المجتبى بالحمد ناغوله
وبإذنه المصطفى خل يرفع اوذانه

🪻🪻🪻🪻🪻🪻🪻


ام علي رضا الشريفي الحسيني

القصيدة سجلت في سجل مولاتي فاطمة الزهراء عليها السلام من يغير اسمي او يتلاعب بها او ينسبها له فخصمه فاطمة الزهراء صلوات الله عليها

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

🌸 هوسات على محبة الامام الحسن( ع)

محفلنه يبث صوره جماعيه
والتسجيل واضح موفضائيه
تشوفه الزهره حضري وياي جيسيه
تترس للفرحله بخالص النيه

(( تنطينه… تترس من چفها))
💐💐💐💐💐💐💐

مثل عند الخللگ وانسمعه متعودين
الهوسو كل فرح سموهم مجانين
بس لجل الحسن كل هوسه قرة عين
يفرح الزهره ويفرح النبي ياسين

(( مولانه… ويفرح حيدر))

💐💐💐تمت💐💐💐

🌸بقلم ام زهراء العامري

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

🌹مولود للامام الحسن( ع)🌹
بطور اغنيه قديمه( بايعناك)


هليلة ليلة عيد احلى الليالي
يافرحت الاملاك واهل المعالي
نص بشهر رمضان
هني النبي العدنان

غاظت انواره كل عدو… ياناس كلكم رددو
صلوات على النبي
يالحاضرتنه رددي
صلوات على النبي
حيدر نهني والنبي
🥀🥀🥀🥀🥀🥀🥀

جنحه يرف جبريل هنه الاطايب
شبر يگول اسمه ونحبه واجب
حب الحسن ايمان
فرحت انس والجان

غاظت انواره كل عدو… ياناس كلكم رددو
صلوات على النبي
يالحاضرتنه رددي
صلوات على النبي
حيدر نهني والنبي
🥀🥀🥀🥀🥀🥀🥀

هالليلة گرگيعان للزهره جينه
هسه تحل الجيس تترس ايدينه
نخدمها من زمان
تنطينه گرگيعان

غاظت انوار كل عدو… ياناس كلكم رددو
صلوات على النبي
يالحاضرتنه رددي
صلوات على النبي
حيدر نهني والنبي

🥀🥀🥀تمت🥀🥀🥀

بقلم ام زهراء العامري

🌹 اسعد الله ايامكم بولادة كريم اهل البيت( ع)



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

🌹مولود للامام الحسن( ع)🌹
      بلحن مولود سيد فاقد( فرحه مهدويه)



نص شهرنا بشاره هلا هلا
الحسن شع انواره هلا هلا
يهني كلمن جاره هلا هلا

الزينه يله علگوها
الواهليه حضروها
الفرحه عالي صعدوها
والجمع يتبارك  هلا هلا

رفت طيور السعاده
والله معظم هالولادة
فرحه هالليلة يسادة
واليحب يشارك  هلا هلا

صوت الهلاهل للحسن عليناه
وهذا گلبنه قبة الك ذهبناه
ياس ورد مولاي الك طشيناه
فد هوسه كلنه هالحفل سويناه

بهذا الفرحه المولد… خله يهوس كلمن جاي

الزهره نهنيها… جينه نگرگع

🌸🌸🌸🌸🌸🌸🌸

الفرح غناله هلا هلا
نوره ظل يتلالاه هلا هلا
ياألف هنياله هلا هلا

الواهليه گومي طشي
والورد مايه درشي
ودربه كله ورود فرشي
والفرح هالليلة   هلا هلا

الفرح ناغمنه كله
والشعر للحسن يحله
ياهلا بجية الف اهلا
مولد نسويله   هلا هلا

صوت الهلاهل عالي عدنا سمعناه
وعالهادي سلم طاري اسمه شمحلاه
هذا الكريم ابن الكريم الجيناه
وكل ورد بالدنيا أله اشتريناه

مبارك گل لزهره مبارك… حي الله قدومه

الرايد منه مراده… يفرح ويانه

🌸🌸🌸تمت🌸🌸🌸

بقلم ام زهرا ء العامري🌺

           # اسعد الله ايامكم وابهج قلوبكم بميلاد حبيبكم المجتبى( ع)🌹



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

🌺حديث ولادة الأمام الحسن الزكي(ع)🌺



بسم الله الرحمن الرحيم
اللهم صل على محمدوآل محمد
اللهم صل على محمد وآل محمد
اللهم صل على محمد وآل محمد

قال:  النبي لفاطمة انك ستلدين غلاما قد هنئني به جبرائيل ولاترضعيه حتى اصير اليك قالت:  نعم فلما قرب وضع البتول بسبط الرسول ونجل عليا الوصول دخل عليها النبي (محمدصلى الله عليه وآله وسلم)  وقال لها يافاطمة طيبي نفسا وقر عينا فطوبى لك بحملك بالزكي والسبط البهي فأن جبرائيل قد هنئني به وأنه واخاه الحسين سيدي شباب اهل الجنة وأن الله تعالى سيظهره لك وأنه أميني على ديني وخازن علمي وقاضي ديني وصفوة ربي هو واخوه ريحانتي في الدنيا والاخرة ياسامعين النظام صلوا على بدر التمام(النبي محمد صلى الله عليه وآله وسلم).
ثم قال لأسماء بنت عميس وأم سلمى احضرا ولادتها فبينما هي (عليها السلام) جالسه لم تحس بوجعا ولاالم وحولها نساء من اهل الجنة والبيت يضيئ نورا وقد امتلاء البيت من روائح الطيب واذا بها قد وضعت بولدها الحسن الزكي((الف الصلاة والسلام عليك ياحبيب الله محمد محمد وآل محمد صلوات صلوا على محمد ))
لما وقع الحسن(ع)على الأرض استدار نحو القبلة وعطس ثلاثا مشيرا بأصبعه الحمدلله فلما دخل الوصي على فاطمة اخذ ولده الحسن وحمله على كتفه وقبله وسره به سرورا عظيما فصار الحسن يهش ويضحك بوجه ابيه فقالت له فاطمة ياعلي  سمي ابنك فقال: ماكنت اسبق بأسمه رسول الله فلما دخل النبي(محمد صلى الله عليه وآله وسلم) عليها بعدما ولدت به وعندها اسماء فقال لها: يااسماء هات ابني فدفعته اليه بحريرة صفراء فقال النبي محمد(صلى الله عليه وآله وسلم)  يااسماء ألم اعهد اليكم ان لاتلفوا المولود بخرقة صفراء فلفته بخرقة بيضاء ودفعته اليه فأذن النبي بأذنه اليمنى وأقام باليسرى ثم قال لعلي:  بأي شيىئ سميت ابني فقال: ماكنت لاسبقك بأسمه يارسول الله وقد كنت احب ان تسميه انت فقال النبي(ص):ولااسبق به ربي عز وجل فهبط جبرائيل (ع)وقال: يامحمد العلي الأعلى يقرئك السلام ويقول لك: أن عليا بمنزلة هارون من موسى ولانبي بعدك فسمي ابنك هذا بأسم ابن هارون فقال:  مااسم ابن هارون فقال اسمه: شبر فقال: لساني عربي فقال: سمه الحسن فسماه الحسن بأمر رب العالمين ((افضل الصلاة والسلام عليك ياحبيب الله محمد محمد وال محمد صلوات صلوا عليها)


🌺مولود للامام الحسن(ع)🌺

هلا ييك هلا   وبمولدك هلا
هلابيك هلا     وبمولدك هلا

بجيتك يمولاي فرح گلبي انملا
🎉🎉🎉🎉🎉🎉🎉🎉

يارحمة من السما      هلا
نهني فاطمة
وعلي حامي الحمه
    
          وبعد سيد الملا
🎉🎉🎉🎉🎉🎉🎉🎉

نهني المصطفى      هلا
بقدوم المجتبى
الفرح شنوصفه

    اطش جكليت أله
🎉🎉🎉🎉🎉🎉🎉🎉

الفرح نص الشهر       هلا
بزغ نوره وزهر
السعد ويه ظهر

   الحزن والهم جلا
🎉🎉🎉🎉🎉🎉🎉🎉

اخط اشعار أله      هلا
هلا ومية هلا
حفلنه نواصله

         حلاته محفلا
🎉🎉🎉🎉🎉🎉🎉🎉

الهلاهل تعتلي      هلا
لمولانا الزكي
حزنه ينجلي

        الفرح هسه حلا
🎉🎉🎉🎉🎉🎉🎉🎉


        🌺بقلم ام زهراء العامري🌺

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

مولود للامام الحسن عليه السلام
====
صلوات صلوات صوتن يالحاظرات
يا صلاة ع الرسول
والعلي فحل الفحول
الثالثه الزهره البتول
هلهلن يالكاعدات
=====
خلي صوتج يعتلي
نهنئ الزهره وعلي
اليوم مولولد الولي
ورد طشن وي نبات
======
نعلك الزينه بفرحنه
نهنئ الزهره بحسنه
سيدي يابعد اهلنه
تاج راس ع الطغات
======
هذا ابن سيد البريه
طلعته حلوه وزهيه
نور ع الجعفريه
صيحو صيحو صلوات
=====
نور الدنيا علينه
صار مولانه ولينه
الدنيه فرحانه ونبينه
الولد سيد الحيات
======
انولد ياهله بجيته
نور علينه بطلعته
الزهره فرحانه وخذته
انطته سيد الكائنات
======
تمت بعون الله تعالى بقلم خادمة المنبر الحسيني العلويه ام اسامه الموسوي غير مبري اليحذف الاسم وينسب له الكلام



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

🌹اصدار حصري وجديد هوسات مولد للامام الحسن المجتبى عليه السلام من ديوان افراح ومسرات ١ج🌹

هل نورك يبو محمد... هلا بيك

كلهه تصيح وتنادي... هلأ بيك

هل الفرح وي جيتك... هلأ بيك

هله بجيتك يبو اجفوف الصخيه... صلوات

➖➖➖➖➖➖➖

هله بجيتك يغالي من الكلب نادينه

يبحر الجود الك هاليوم فرحينه

ونهني الصميده الحيد  والينه

بالهيبه//ونكله مبارك

➖➖➖➖➖➖➖
مبروك الولاده اليوم عالساده

كريم البيت كل الهله بميلاده

اشموع وياس جينه انطش ابعياده

محلاها//هاليوم الفرحه

➖➖➖➖➖➖
هلت انواره علينه اليوم ياشبل الرسول

اليوم فرحانه وسعيده بجيته الزهره البتول

نبعث اصوات التهاني العلي فحل الفحول

(اعله الساده//هل نوره اليوم)


➖➖➖➖➖➖➖
الك يحله الحفل هاليوم ونعلكهه للزينه

يامية هله وحياك من الكلب نادينه

يبو محمد يتاج الراس ياهيبه يوالينه

اليوم  بمولدك مولاي ورد وياس طشينه

(ومسروره//والكل معيده)

➖➖➖➖➖➖➖
حكهه حكهه اليوم من تفرح الزهره

وبهاي الولاده هلت البشرى

افراح وسعادة اليوم عالعتره

هاي كلوب لاجل الحسن مبتشره

(وام حسين انهنيهه//ونحيي الحفله الليله)

(لاجل عيون الغالي//نعلك شمعه بهالليله)

(نشارك وي الزهره//جينه بهالميلاد)


تم ✍️ الشاعره والمله ام حسين العامري

غير مبري الذمه من يحذف اسم الشاعره وينسب الكلام له



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

💞🌹اصدار حصري وجديد مولد للامام الحسن عليه السلام (صلوات على محمد وعلي) من ديوان افراح ومسرات ١ج 💞🌹

صلوات صلوات.... على محمد وعلي
صلوات صلوات... على محمد وعلي

صلوات صلوات... نهدي لابن حيدر علي.. صلوات صلوات على محمد وعلي

صلوات صلوات... نهديها بقدوم الولي... صلوات صلوات على محمد وعلي

صلوات صلوات... كل حزن بسمه ينجلي... صلوات صلوات على محمد وعلي

صلوات صلوات... صوت الفرح خل يعتلي... صلوات صلوات على محمد وعلي
صلوات صلوات... نهدي لابن حيدر علي

➖➖➖➖➖
صلوات صلوات... وام الحسن هنيها.. صلوات صلوات على محمد وعلي

صلوات صلوات... والفرح بان اعليها... صلوات صلوات على محمد وعلي

صلوات صلوات... بهالمولد انحييها... صلوات صلوات على محمد وعلي

صلوات صلوات... هالليله خل نحييها... صلوات صلوات على محمد وعلي

صلوات صلوات... نهدي لابن حيدر علي

➖➖➖➖➖
صلوات صلوات... والنور هالليله طلع... صلوات صلوات على محمد وعلي

صلوات صلوات... نور الحسن بان وسطع... صلوات صلوات على محمد وعلي

صلوات صلوات... يل اسمه بالكلب نطبع... صلوات صلوات على محمد وعلي

صلوات صلوات... يالنوره عالشيعه يشع... صلوات صلوات على محمد وعلي

صلوات صلوات... نهدي لابن حيدر علي

➖➖➖➖➖➖
صلوات صلوات... نور الحسن هالليله... صلوات صلوات على محمد وعلي

صلوات صلوات... والحيدر نهنيله... صلوات صلوات على محمد وعلي

صلوات صلوات... اجمل حفل سويله... صلوات صلوات على محمد وعلي

صلوات صلوات... من الكلب ندعيله... صلوات صلوات على محمد وعلي

صلوات صلوات.. نهدي لابن حيدر علي

(بميلاده//ونهني الزهره)

(بهالليله//حيدر فرحان)

(وبيت الساده//اليوم النور منور)



تم✍️ الشاعره والمله ام حسين العامري

غير مبري الذمه من يحذف اسم الشاعره وينسب الكلام له



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

🌹💞اصدار حصري وجديد مولد للامام الحسن المجتبى عليه السلام (ياهله ببن الزجيه)  من ديوان افراح ومسرات ١ج 🌹💞

نوره ضوه  بهالمسيه
ياهله. ببن الزجيه

➖➖➖➖➖➖➖
نور ابو  محمد ضوانه. .... ياهله ببن الزجيه

والفرح عم وغطانه... ياهله ببن الزجيه

فرحت الدنيا وسمانه... ياهله ببن الزجيه

انهني الحامي الحميه.. ياهله... ببن الزجيه
ياهله... ببن الزجيه
➖➖➖➖➖➖➖
اليوم فرحه وبينه عمت... ياهله ببن الزجيه

الارض والاملاك فرحت.... ياهله ببن الزجيه

والمحافل كلهه ضجت.... ياهله ببن الزجيه

ونحتفل جينه سويه... ياهله.... ببن الزجيه
ياهله... ببن الزجيه
➖➖➖➖➖➖
اليوم نحيي هالمحافل.. ياهله ببن الزجيه

بصفكه واصوات الهلاهل... ياهله ببن الزجيه

كل محب للورد شايل... ياهله ببن الزجيه

اليوم عيد الجعفريه. ياهله... ببن الزجيه
ياهله... ببن الزجيه

➖➖➖➖➖➖➖
خلي صوت الفرح يعله.. ياهله ببن الزجيه

والفرح لعيونه يحله... ياهله ببن الزجيه

والورد والياس اطشله... ياهله ببن الزجيه

اردد الحان وتحيه... ياهله... ببن الزجيه
ياهله... ببن الزجيه

➖➖➖➖➖➖

ياهله بنوره علينه... ياهله ببن الزجيه

ياهله بجيت ولينه... ياهله ببن الزجيه

انهني الطه نبينه... ياهله ببن الزجيه

امبارك بهاي الهديه... ياهله... ببن الزجيه
ياهله... ببن الزجيه


(فرحانه//والزهره بجيته)

(بميلاده//ونهني الزهره)

(وبجيت الهيبه//مبارك يم حسين مبارك)


تم ✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

💞صلوات محمديه لبداية الحفل للامام الحسن عليه السلام 💞

متباركين بهذه الولاده الميمونه اعادها الله علينا وعليكم بالخير والامان


يامن اتيتم للحفل هاهنا
علو الصلوات ل ال المصطفى
فحبهم فوزا ونجات لنا
صلوووات

➖➖➖➖➖➖
نعلي ل ال المصطفى الصلوات
ونبعث لهم أجمل الاماني والتحيات
هم سندا لنا في الحيات والممات
صلوووات

➖➖➖➖➖➖

صوت الفرح بگليبي... تعاله
وبحب ال النبي اسمي... تعله
يالتحب الولي ويانه...  تعاله
وتعنه المحفله هاي المسيه
صلوووات

➖➖➖➖➖➖
نبدي هالحفل ونصيح... بسماه
ونوره ضل يشع عالكون... بسماه
على وجهي ارسمت هاليوم... بسماه
وطشيت الورد بثنين اديه

صلوووات


تمت ✍️ الشاعره والمله ام حسين العامري

غير مبري الذمه من يحذف اسم الشاعره وينسب الكلام له

وفقنا الله واياكم لخدمة العتره الطاهره بأفراحهم واحزانهم 🌹🌹🌹



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

مولولد الامام الحسن عليه السلام
====00
صلي صلي عليهم صلوات
هما ضخري اهل بيت النجاة
=====
صلي صلي والصلاة الرسول
والصلاة ع علي زوج البتول
انولد هليوم ابن فحل الفحول
يبقى مولانه والحد الممات
=====
يبقى مولانه ويانعم الولي
والحسن هذا ابن حيدر علي
بيه فرحانه وهمي ينجلي
اندبي ابأسمه ويحل المشكلات
=====
صيحي باسمه واطلبي حاجاتج
بسرعه يكضيها الج طلباتج
يكضي الحاجه قبل دعواتج
بيه نتوسل يلبي الدعوات
=====
بيه نتوسل الربنه والرسول
بعد ونحلفه وبضلع البتول
يكضي الحاجات رأسآ بس تكول
بسرعه يكظيها ابن حامي الحمات
=====
بسرعه يكظيها ويفرجها الهموم
هذا ابن حيدر علي بحر العلوم
صيح بسمه وتنكضي كل الهموم
يفرج علينه وكل الحاظرات
======
يعود علينه بجمعه بسرور
تاخذ مرادات من عنده الحظور
يكضي الحاجات بعتابه نزور
إنريد منه يلبي هاي الطلبات
======
نريد عمره ونفطر بديوانه
كلنه نمشي هل الجمع ويانه
ندك بابه والكرم عنوانه
ابابه نكعد ما يردنه خاأبات
=======
ناخذ الحاجات من جفه الكريم
بي نتوجه إلى رب الرحيم
بيك تصعد دعواتي للعليم
إنريد مولانه تفرح
الحاظرات
=====
تمت بعون الله تعالى بقلم خادمة المنبر الحسيني العلويه ام اسامه الموسوي غير مبري اليحذف الاسم وينسب له الكلام




قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

هوسه لمولود الامام الحسن عليه السلام
======
اليوم الزهره فرحانه ونهنيها
بالمولد اجها انعوذ عليها
عطيه من السما وانطاها باريها
فرحانه والزهره تعوذ
=====
اليوم ام الحسن بالحسن مبهوره
الليله مولاي الحسن شع نوره
اليوم بي ام الحسن مسروره
امضويها والدينيه بنوره
====
اليوم مولد الحسن سوينا
انهي الزهره وعلي والينه
بصوت واحد بالفرح نادينه
مبروك انگلكم يالساده
======
مبروك الولاده بالحسن نور
خل نبارك الها اليوم ام شبر
هليله زهيه ولگلب مستر
فرحانه واليوم الزهره
======
تمت بعون الله تعالى بقلم خادمة المنبر الحسيني العلويه ام اسامه الموسوي غير مبري اليحذف الاسم وينسب له الكلام


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيدة فزاعيه لاستشهاد الامام علي ع 🌺
-------------------------------------------------------

جينه نون لبوها      زينب  الليله
نشد  احزامنه     والبيرغ انشيله


اجينه انون لبوها بروح مرتابه
الله  ايعينها  زينب على اغيابه
مهضومه و تصيح اليوم يايابه
وتوجع فرگته و اخلافه انحيله

توجع فرگته و اعليه محتامه
و عيناها تهل  بالليل  سجامه
يا ليل الامفارگ گولو شينامه
يا فرگه الابو تدرونها اثگيله

من اصوابه وسفه ضل يجر نوحه
شاف ادمع بنته شلون مسفوحه
يون من الجرح و امفرفحه روحه
و مثل امها سمعها ابنيته تنعيله

تنعاله سمعها و تالي ما تالي
ودعها الحنين و حمل الغالي
يزينب لجل ابوج النوح يحلالي
اجيت اوياج اون اليوم و ابجيله

اجيت اوياج اشد احزام للهيبه
شايل يا وسافه و بعد شيجيبه
اجينه انساعدج و ادموعنه اسجيبه
غاطينه هضم و ارواحنا اعليله

اجينه اوياج للميت هالامسيه
و كلنا انصيح يا زينب العلويه
نريد امراد و الدمعات مجريه
حوائجنه بديج الليله گليله

-------------------------------------------------------
*تمت بقلم خادمة اهل البيت ع*
*✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

لطمية للأمام علي علي عليه السلام ( عالهامه انطبر )


عالهامه انطبر حامي الحميه
والله يعينكم ياجعفريه
وگضاي الكلافه ... يون وماتشافه
وباچر تاخذه چفوف المنيه
والله يعينكم ياجعفريه


الله ايعينكم ياشيعته اليوم
حيدركم وگع مايگدر يگوم
تنزف هامته والراس مهشوم
وعينه امساهره وماضاگت النوم
گاعد للصبح ماغفه شويه
والله يعينكم ياجعفريه


گاعد للصبح مانام ساعه
ياحيف انهدم سور الشفاعه
اشلون يگوم ويصلي الجماعه
لازم طبرته وباجر وداعه
وثگلت ونته وصارت خفيه
والله يعينكم ياجعفريه


ثگلت ونته وصارت ثگيله
حيدر وانهدم ثلثين حيله
يم راسه الحسن يقره العديله
باجر ياخذه الموت ويشيله
وضل الموت يفتر عالشفيه
والله يعينكم ياجعفريه


ضل الموت يفتر فوگ منه
اتصيح ام البنين اوياك اخذنه
وزينب نشدت العباس عنه
باچر گالهه تگضي المحنه
والدكتور ايس هاي هيه
والله يعينكم ياجعفريه


عاين هامته وايس الجراح
وضل حسين يصفگ راح بالراح
مامرتاح گلبه اشلون يرتاح
وياعباس يوليدي علي صاح
خل اوصيك واسمع هالوصيه
والله يعينكم ياجعفريه


ياعباس اوصيك بعضيدك
وزينب سلمتهه امن ايدي ليدك
صير الهم سند بالطف اريدك
اعرفنك سبع والحرب عيدك
صل وماتهاب اجيوش اميه
والله يعينكم ياجعفريه



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

💔هوسات ميدانيه للامام علي عليه السلام للجرح من ديوان صرخة جبرائيل ١ج خاص للامام علي 💔

صدك دين الله اعله راسه اليوم وسفه نصاب
دم حيدر علي ضل تارس المحراب
ارض وسمه اعليه تنوح داحي الباب
والملعون صابه شلون والحيدر علي ماهاب

(بدمومه//والراس تخضب)

(ضل يلوج بمحرابه//وحيدر صابو راسه)

➖➖➖➖➖➖
طاح بالمحراب ويون حيدره
اعمامة المهيوب طاحت عالثره
شلون دم الحيد من راسه جره
والاكوان الهالمصيبه مكدره

(بدمومه//محرابه فايض)

(طايح بالمحراب//الحيد المايتلاوه)

➖➖➖➖➖➖
يزينب طبرت الوالد شلون اليوم شفتيهه
بياعين وكلب زينب للطبره نظرتيهه
لاينفع دوه وشداد يم عون وتداويهه
اعمامت حيدره اعله الكاع كومي اليوم شيليهه

(شيليهه//وعمامت حيدر)

(بيش اداويها//الطبره الضلت تنزف)

➖➖➖➖➖➖
المصيبة حيدره اهتز وحزن هالكون هذا اليوم
نطبر راس الصميده وضل الراس شو مهشوم
بوكت الصلاة شلون صابو راسه الجيدوم
عالسجاده ضل يلوج والهامه تصب ادموم

(عالسجاده//ودمومه اصب)

(من صابو راسه //الدين احزن وتكدر)

تمت✍️ الشاعره والمله ام حسين العامري

غير مبري الذمه من يحذف اسم الشاعره وينسب الكلام له



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ