#Qonunchilikdagi_yangiliklar

❗️Davlatga tegishli suv havzalari tadbirkorlarga “E-auksion” orqali ijaraga beriladi

Hukumat qarori (441-son, 02.09.2023-y.) bilan Davlatga tegishli suv havzalarini tadbirkorlik subyektlariga “E-auksion” elektron savdo platformasi orqali ijaraga berish tartibi toʻgʻrisidagi nizom tasdiqlandi

🔰 Nizomga koʻra, 2023-yil 1-oktyabrdan davlatga tegishli suv havzalari foydalanish sharti bilan quyidagi faoliyat turlarini tashkil etish uchun elektron savdo platformasida onlayn-auksion orqali ijaraga beriladi:

🔹davlatga tegishli tabiiy va sunʼiy suv havzalari (suv omborlari) – baliqni sanoat usulida yetishtirish va ovlash uchun;

🔹tabiiy va sunʼiy suv havzalari (suv omborlari) hamda daryo atrofidagi qishloq xoʻjaligiga moʻljallanmagan yer uchastkalari – suv boʻyida plyaj zonalarini tashkil etish, sport-ishqibozlik turidagi baliq ovlash, baliq ovi, qayiqda suzish va suv sayohati boʻyicha xizmatlar koʻrsatish, baliq mahsulotlari, shu jumladan, baliq taomlari savdosi, umumiy ovqatlanish va boshqa turizm xizmatlarini tashkil etish hamda ushbu maqsadlarda yengil konstruksiyali qurilmalarni (oʻtov lagerlari majmuasi, konteynerlarni) joylashtirish uchun.

❕Bunda tabiiy va sunʼiy suv havzalari (suv omborlari) hamda daryo atrofidagi qishloq xoʻjaligiga moʻljallanmagan yer uchastkalariga yengil konstruksiyali qurilmalarni oʻrnatish qonunchilik hujjatlarida belgilangan tartibda amalga oshiriladi.

🚫 Mazkur nizom quyidagilarga nisbatan tatbiq etilmaydi:

➖ijara shartnomalarining amal qilish muddati tugamagan tabiiy va sunʼiy suv havzalariga;
➖Aydar-Arnasoy koʻllar tizimiga;
➖Prezident yoki Hukumat qarorlari asosida ijaraga berish belgilangan boshqa davlat mulklariga.

🗓 Suv havzasi (yer uchastkasi) kamida 10 yil muddatga, qoʻshimcha yana 10 yil muddatga uzaytirish huquqi bilan ochiq elektron onlayn-auksion savdosi orqali shartnoma asosida ijaraga beriladi.

▶️ Suv havzasini ijaraga berish yuzasidan tadbirkorlar tomonidan ijaraga beruvchiga tegishli takliflar berish yoʻli bilan tashabbus koʻrsatilishi mumkin.

📲 egov.uz |Telegram | Facebook | YouTube | instagram

#Qonunchilikdagi_yangiliklar

❗️Subsidiya olish uchun YIDXP (my.gov.uz) orqali murojaat qilinadi

“Aholining ijtimoiy ehtiyojmand ayrim toifalarini qoʻllab-quvvatlash va ularning bandligiga koʻmaklashish boʻyicha qoʻshimcha chora-tadbirlar toʻgʻrisida”gi Hukumat qarori (450-son, 05.09.2023-y.) qabul qilindi

🔰Qarorga koʻra, 2023-yil 1-oktyabrdan jazoni ijro etish muassasalaridan ozod qilingan shaxslarni ishga qabul qilgan ish beruvchilarga har bir shaxs uchun 3 oydan ortiq muddatda mehnat faoliyatini davom ettirgandan soʻng BHMning 3 baravari (990 ming soʻm) miqdorida bir martalik subsidiya ajratiladi.

❕Byudjet tashkilotlari, davlat korxonalari, ustav (fondi) kapitalida davlat ulushi 50 foiz va undan ortiq boʻlgan yuridik shaxslar bundan mustasno.

🗓 2025-yil 1-yanvargacha tadbirkorlarga jazoni ijro etish muassasalaridan ozod qilingan shaxslarning nazoratda boʻlgan (probatsiya) davrida mehnatga haq toʻlash tarzidagi daromadlari boʻyicha toʻlangan jismoniy shaxslardan olinadigan daromad soligʻini qaytarib berish tizimi joriy etiladi.

🗒 Shuningdek, 2023-yil 1-oktyabrdan quyidagilar yoʻlga koʻyiladi:

🔹“Ishga marhamat” monomarkazlari va kasb-hunarga oʻqitish markazlarida jazoni ijro etish muassasalaridan ozod qilingan shaxslarga kasb-hunar va tadbirkorlik koʻnikmalarini oʻrgatish;

🔹jazoni ijro etish muassasalaridan ozod qilingan shaxslarni tashkilotlardagi mavjud boʻsh (vakant) hamda zaxiraga qoʻyiladigan ish oʻrinlariga ishga joylashtirish tizimi.

🏢 Ish beruvchilar jazoni ijro etish muassasalaridan ozod qilingan shaxsni ishga qabul qilgandan soʻng 3 oydan ortiq muddatda mehnat faoliyatini davom ettirgandan keyin subsidiya olish uchun tuman (shahar) kambagʻallikni qisqartirish va bandlikka koʻmaklashish boʻlimlariga yozma ravishda yoki YIDXP (my.gov.uz) orqali murojaat qiladi.

📲 egov.uz |Telegram | Facebook | YouTube | instagram