#raqamlashtirish

❗️ Sog‘liqni saqlash tizimini raqamlashtirish orqali tibbiyot xodimlari ish yuklamasi 30 foizgacha kamaytiriladi

“Respublikada sog‘liqni saqlash tizimini va aholiga tibbiy xizmat ko‘rsatish tamoyillarini takomillashtirish orqali sohani isloh qilishni izchil davom ettirish chora-tadbirlari to‘g‘risida”gi Prezident Farmoni (PF-88-son, 19.05.2025 y.) qabul qilindi.

➡️ Aholiga birlamchi tibbiy-sanitariya yordami ko‘rsatishning yangi tizimini joriy etishning asosiy maqsadlari etib quyidagilar belgilandi, jumladan:

🔵 xalqaro tajribaga asoslangan aholiga birlamchi tibbiy-sanitariya yordami ko‘rsatishning yangi modelini joriy qilish;
🔵 aholiga tibbiy yordam ko‘rsatishda oilaviy shifokor ulushini 70 foizga yetkazish;
🔵sog‘liqni saqlash tizimini raqamlashtirish hamda tibbiyotda qog‘ozbozlikni kamaytirish orqali tibbiyot xodimlari ish yuklamasini 30 foizgacha kamaytirish;

📝 2025-yil 1-iyuldan mazkur Farmonda belgilangan tuman (shahar)larda, 2026-yil 1-yanvardan Samarqand viloyatining barcha tuman (shahar)larida tajriba-sinov tariqasida sog‘liqni saqlash tizimini tashkil etishning yangi modeli joriy qilinadi.

🏢 Tajriba-sinov loyihasi doirasida tuman (shahar) tibbiyot birlashmalari negizida tuman (shahar) sog‘liqni saqlash bo‘limlari tashkil etiladi.

📲 egov.uz |Telegram | Facebook | YouTube | instagram

#OAV_biz_haqimizda

🌐 Raqamli dunyo barchaga qulay bo‘lishi kerak

O‘zbekistonda raqamli xizmatlar hamma uchun qulaymi? Onlayn makondagi to‘siqlarni qanday aniqlash va umumiy foydalanish imkoniyatini qanday ta’minlash kerak? Inklyuziv taraqqiyot tadqiqotchisi Dilmurod Yusupov va raqamli sharoitlar eksperti Abdulaziz Salimov maqolasi.

Maqolani to‘liq o‘qing:
https://www.gazeta.uz/oz/2025/05/20/digital-accessibility/

📲 egov.uz |Telegram | Facebook | YouTube | instagram

#Qonunchilikdagi_yangiliklar

📱 MyID bilan sayohat maroqli bo‘ladi

Endilikda mamlakatimizning turli go‘shalarini sayr qilish va mehmonxonalarda to‘xtash yanada oson bo‘ladi.

O‘zbekiston fuqarolari Yagona milliy turizm platformasi orqali mehmonxonada joy band qilar ekan, o‘z shaxsini tasdiqlovchi hech qanday qog‘oz hujjat taqdim etishlarii shart bo‘lmaydi. Faqatgina MyID tizimida identifikatsiyadan o‘tishning o‘zi kifoya qiladi.

Bu imkoniyat Prezidentimizning sayyohlar oqimini oshirish bo‘yicha qabul qilingan farmoni asosida hayotga tatbiq etilmoqda. Texnologiyalar yordamida yurtimizda turizm sohasi yangi bosqichga ko‘tarilishi kutilyapti.

2025-yil 1-sentyabrdan ishga tushirilishi rejalashtirilgan Yagona milliy turizm platformasi nafaqat mehmonxona band qilishni, balki avtoijara, taksi, poyezd, avtobus va havo chiptalarini xarid qilish, muzeylar va attraksionlar, gid va ekskursovod xizmatlarini ham bir joyda taqdim etadi.

Mehmonxonalarning shaxsiy kabinetlari QR-kod yoki yuzni tanish tizimi orqali mehmonlarni avtomatik identifikatsiya qilish imkoniyatiga ega bo‘ladi. Bu esa vaqtni tejaydi, ortiqcha hujjatbozlikka barham beradi va sayohatni yoqimli qiladi.

Qolaversa, bunday iqtisodiyotga ham foyda. Endi sayohat qilish, oila bilan dam olish, O‘zbekistonning go‘zal hududlari bilan tanishish uchun hech qanday to‘siq qolmadi. MyID orqali har bir fuqaro o‘z sayohatini bemalol rejalashtira oladi.

📲 egov.uz |Telegram | Facebook | YouTube | instagram

#raqamlashtirish

🟡 Maxsus elektron savdo maydonchasi ishga tushiriladi

2025-yil 1-iyundan boshlab Elektron kooperatsiya portalida Yagona reyestrga kiritilgan sub’yektlar tomonidan ishlab chiqarilgan tovarlar, ko‘rsatiladigan xizmatlarning davlat xaridi uchun elektron savdo maydonchasi faoliyati yo‘lga qo‘yiladi.

Davlat buyurtmachilariga elektron savdo maydonchasi orqali Yagona reyestrga kiritilgan sub’yektlardan bir shartnoma bo‘yicha qiymati bazaviy hisoblash miqdorining o‘n ming baravarigacha bo‘lgan tovar (xizmat)larni xarid qilishga ruxsat beriladi. Bunda elektron savdoda 48 soat ichida bir nafar ishtirokchi qatnashgan taqdirda, davlat buyurtmachisiga ishtirokchi bilan elektron ravishda savdolashish orqali yoki davlat xaridlarining boshqa turi asosida xaridni amalga oshirish huquqi beriladi.

Nogironligi bo‘lgan shaxslar bandligini ta’minlagan hamda ularning ijtimoiylashuviga ko‘maklashgan tadbirkorlik sub’yektlari Ijtimoiy himoya milliy agentligi tomonidan «Inklyuziv ish beruvchi» mukofoti bilan taqdirlanadi.

📲 egov.uz |Telegram | Facebook | YouTube | instagram