#Qonunchilikdagi_yangiliklar

❗️Suvni tejaydigan texnologiyalar uchun subsidiya beriladi

Hukumat qarori (206-son, 28.04.2026-y.) bilan «Qishloq xo‘jaligi mahsulotlarini yetishtiruvchilarning suvni tejaydigan sug‘orish texnologiyalarini joriy etish bo‘yicha xarajatlarining bir qismini qoplash tartibi to‘g‘risida»gi nizom tasdiqlandi.

Nizomga ko‘ra, subsidiya Davlat budjetidan qishloq xo‘jaligi mahsulotlari va texnologiya turidan qat’i nazar, har bir konturga joriy qilingan texnologiya uchun faqat 1 marotaba ajratiladi.

Talabgor subsidiyani olish uchun o‘ziga tegishli ekin yer maydonlarini konturlar hamda qishloq xo‘jaligi mahsulotlari turlari kesimida belgilangan tartibda Agroportalga kiritgan bo‘lishi lozim.

Talabgor subsidiya ajratilishi uchun Agroportal orqali elektron shaklda ariza bilan murojaat qiladi.

Arizaga quyidagilar ilova qiladi:

⏺ suvni tejaydigan sug‘orish texnologiyasini qurish bo‘yicha «Tomchi-reestr»ga kiritilgan quruvchi-pudrat tashkiloti bilan tuzilgan shartnoma nusxasi;
⏺ loyiha hujjati va qurilish ishlari yakunlangani to‘g‘risidagi dalolatnoma nusxasi;
⏺ ish bajarilgan konturlarning ma’lumotlari (hududi va lokatsiyasi aniq ko‘rsatiladi).

Suvni tejaydigan sug‘orish texnologiyalarini o‘z mablag‘i hisobidan joriy qilgan talabgorga belgilangan hisob-kitoblarga asosan subsidiyaning 50 foizi oldindan to‘lab beriladi.

🌐 egov.uz
|Telegram | Facebook | YouTube | instagram | LinkedIn

#Qonunchilikdagi_yangiliklar

📣 Jarima maydonchasidagi mashinani my.gov.uz orqali chiqarish mumkin bo‘ladi

📝 Hukumatning yangi qarori (208-son, 28.04.2026-y.) bilan avtomototransport vositalarini jarima maydonchasidan olib chiqish uchun elektron murojaat qilish tartibi tasdiqlandi.

🚗 Endilikda ortiqcha ovoragarchiliksiz, masofadan turib ruxsatnoma olish imkoniyati yaratilmoqda.

❔Xizmatdan qanday foydalanish mumkin?

⏺YIDXP (my.gov.uz) portali orqali;
⏺YHXXning rasmiy mobil ilovasi orqali;
⏺Davlat xizmatlari markazlariga tashrif buyurgan holda.

❔Murojaat qanday ko‘rib chiqiladi?

👮‍♀️Vakolatli organ (YHXX) so‘rovni qabul qilgach, quyidagilarni masofaviy tekshiradi: transportni ushlab turish asoslari bartaraf etilganligi (masalan, hujjatlar joyiga keltirilgani yoki nosozlik tuzatilgani); Jarima bo‘yicha qonuniy qaror qabul qilinganligi.

❔ Natija qachon ma’lum bo‘ladi?

📆 Barcha talablar bajarilgan bo‘lsa, 1 ish kuni ichida foydalanuvchiga avtomobilni jarima maydonchasidan olib chiqish mumkinligi haqida xabarnoma yuboriladi.

Muhim: Murojaat qiluvchi haqidagi ma’lumotlar tizim orqali avtomatik tarzda haqqoniylikka tekshiriladi.

🌐 egov.uz
|Telegram | Facebook | YouTube | instagram | LinkedIn

❗️Fuqarolarga sud ishlari bo‘yicha tezkor ma’lumot yetkazish maqsadida Oliy sudning axborot tizimlari Yagona interaktiv davlat xizmatlari portali (my.gov.uz) bilan integratsiya qilindi

🔹Agarda sizga nisbatan sud ishi tayinlangan bo‘lsa, endilikda bu haqda my.gov.uz dagi shaxsiy kabinetingizga xabarnoma keladi.

🔹Bu nima degani? Endi sizga fuqarolik, ma’muriy, iqtisodiy va ma’muriy huquqbuzarlik to‘g‘risidagi ishlar yuzasidan sud majlisi o‘tkaziladigan sana, vaqt va sud to‘g‘risida oldindan xabar yuboriladi.

🔹Xabarnomadagi sud yuzasidan to‘liq ma’lumot olmoqchi yoki shikoyat topshirmoqchi bo‘lsangiz Oliy sudning my.sud.uz portali orqali shaxsiy kabinetga kirib, istagingizga ko‘ra shikoyat yoki murojaat yuborishingiz ham mumkin.

📌Natijada sizning sudga kelib-ketish bilan bog‘liq ortiqcha xarajatlaringiz, vaqt sarfingiz qisqaradi hamda sud majlisi tayinlangani haqida bexabar qolish holatlariga barham beriladi.

🌐 egov.uz
|Telegram | Facebook | YouTube | instagram | LinkedIn

#Qonunchilikdagi_yangiliklar

🗣 Tadbirkorlik subyektlari uchun imtiyoz va preferensiyalarning yagona reyestri shakllantiriladi

Vazirlar Mahkamasining «O‘zbekiston Respublikasi Yagona interaktiv davlat xizmatlari portalida Tadbirkorlik subyektlari uchun imtiyozlar va preferensiyalarning yagona reyestrini shakllantirish hamda yangilab borish tartibi to‘g‘risidagi nizomni tasdiqlash haqida» (29.04.2026-y. №211) qarori qabul qilindi.

Tadbirkorlik faoliyatini qo‘llab-quvvatlash uchun taqdim etilgan barcha subsidiyalar, imtiyoz va preferensiyalardan foydalanishda qulaylik yaratish maqsadida Yagona reyestr tashkil etiladi.

👍 Mazkur reyestr Yagona interaktiv davlat xizmatlari portali (my.gov.uz) hamda «subsidiya.mf.uz» platformasi bilan integratsiya qilinadi va doimiy ravishda yangilab boriladi.

👍 Davlat organlari va tashkilotlari o‘zlari mas’ul bo‘lgan amaldagi imtiyozlarni ikki oy muddatda xatlovdan o‘tkazib, ma’lumotlarni platformaga to‘liq kiritilishini ta’minlaydi.

👍 Tadbirkorlar uchun imtiyozlarning turi, berilish muddati, huquqiy asosi va taqdim etish shakllari haqidagi ma’lumotlar ochiq va shaffof tarzda e’lon qilinadi.

👍 Imtiyoz va preferensiyalarning yagona bazasi yaratilishi tadbirkorlik subyektlariga o‘zlari uchun berilgan imkoniyatlardan tezkor va samarali foydalanish imkonini beradi.

🌐 egov.uz
|Telegram | Facebook | YouTube | instagram | LinkedIn