اللهم إنك عفو تحب العفو
فأعف عنا

عيدكم مبارك
كل عام و أنتم و أحبتكم بخير و عافية

لو يستحي العذر من وجه المواعيد
‏ما قمت أعد ّ الدقايق و الثواني

‏و إن كان ما شفتك الّا ثاني العيد
‏شوفك متى ما تهيّا عيد ثاني

‏يجهلك من يقول أنّ بعيونك دليل
‏حتى أنا أجهلك لو كنت أعَرْفك دهر

‏من ورا صدرك أسمع للتعابير سيل
‏سدّة الشيمة اللي ثابتة فالصدر

‏كانك تْحن بالكلمة على من يشيل ؟
‏ما أنت موجع من الأرض الفسيحة شبر

‏أنت سيّد كل طبعٍ أصيل و نبيل
‏في زمانٍ غدت ريف الفضايل قفرْ

ما جابك الله عادي غياب وحضور
‏حتّى تصير بنظرة الليل عادي

- صالح بن حمد

‏ياربّي و أنت ربّي و الصباح " أفراج "
‏صحت شمس، ‏و صحى طير، ‏و صحت نسمة

‏محد غيرك يقضّي حاجة المحتاج
‏و أنا محتاج أشوفه و أندهه بأسمه

‏ذكرياتك
‏كنّها الجهرا بيوم العيد
‏و أطفال و عيادي
‏يالله عادي ..
‏أنت متغير و متغيرة بلادي

‏لا ذكّرك وبل السحابه خليلك
‏تراه من بدّ المخاليق مرتاب

‏طلّي من الشرفه و فلّي جديلك
‏من خلقة آدم و المطر عذر الاحباب

‏غسلت من طهر المخاييل روحي
‏بعد أغْسلت راسي و وجهي و يمناي

‏أبي المطر يغسل قدايم جروحي
‏و أثره يا دوب اللي من البارح و جاي ..

يا اللي معنّيني معك فالمعاناة
لا تحسب إن أقدار ربي فجيبي

سلم عليك و سلّم الأمر لله
نصيبي أنك ما تجي، من نصيبي

الوقت دوراته ما فيها مداراة
فيها الحبايب تفترق يا حبيبي

لا أنطوى يومٍ من العمر في جيب الغروب
‏ما أنقطع طيب الرجاء في الصباح اللي يليه

ستُشرِق ..

‏الله يولف لي من الصبر توليف
‏كبر الشموس النايف المزمغدّه

‏عياده بن منيس

‏يا حسّاس .. لا تطمع في قلبي يجي حسّاس
‏أنا أعذب ما عندي قاف بيتي و طاروقه

‏مزاجي يلبّسني صلافه و أنا نسناس
‏أميّل ضلوع بريح الأحزان مطروقه

لكنّي زهدت، و كل عرقٍ طواه يْباس
‏تقول المياه اللي مشت فيه مسروقه

‏مصيري البارحة يشبه مصير الجبال
‏الريح تنحت معالمها و هي ثابته

‏قلبي دليلي على مسرى الليال الطوال
‏يا قلّ نبضاته .. و يا كثر طلّابته