أجيك ومغفرتك السَّرمديه مطلبي ورجاي
‏وألوذ برحمةٍ فيها البنادم ينجلي خوفه

يا ملهمة كل القصيد وقوافيه
‏بوحه بعض الأحيان واحيان كبته

‏لا الشعر أنا قلته ولا لي فضل فيه
‏الشعر كان أنتي و أنا اللي كتبته

انا ناتج طفولة قلب و عقلٍ قد غزاه الشيب
‏تمر قلبي دروس الوقت ولا عمره شكى إرهاقه

‏انا مابي من أيامي سوى أني اقترن بـ الطيب
‏وإذا يُذكر بـ يوم اسمي تجيه النعم منساقه

‏أنا اللي كل غاياتي حسن سمعه ودعوة غيب
‏وأكون اللي بعد ذكره ثنوا بـ أفعاله وأخلاقه

في عيوني كنك المال في يدين البخيل
‏ما انت لاقي ضحكةٍ منك ما صرّيتها

‏انت ضحكاتك زهابي وانا عابر سبيل
‏والفرص أصعب من إيجادها تفويتها

‏يوم أحبك ما تخيّلت أدور لك بديل
‏و العلوم التاليه منك ما حبّيتها

‏خلّ دمعك لا يسولف ولا حتى يسيل
‏من متى و عيونك تنام ما راضيتها ؟

محتاجها مثل احتياج الناس للعذب الزلال
لو ان ضما المشتاق مايرويه غير الجمرتين

حيرة شفوف الروح مابين المفارق و الوصال
حروب ذاتية مابين القلب والعقل الرزين

يامعشر العشاق من يقدر على رد السؤال؟
وشلون صارت ساعة الفرقا دقايقها سنين

انا فقدت اللّي تعاليها منعها من تعال
الله كتبها نصف روح ولا كتبها نصف دين

زودٍ على العفّه عطاها الله قبولٍ فالقبال
ووجهٍ يجرّي هاجس الشعّار والمستشعرين

سكّنتها فالروح واطغاها المدارى والدلال
واقفت ووقف عقرب الساعة على صبح الثنين

‏فيك الرجا ما خاب يا رب الفلق و الناس
‏و منك الأمل ما مات .. لا لحظة ولا ليلة

على ركب الليالي والخطاوي مالها جرّه
و كان أول لقى بيني و بينك يوم ميلادي

سوالفنا ، وزخّات المطر ، والقهوه المرّه
يحلّيها معاتبك الرقيق و صوتك الهادي

عوايد يانسانيس الصباح تصخرّين القاف
‏معك يبدا شعوري واشتحن واغني ابياتك

‏يسوق الليل بيت وينسحب واجاهد المحراف
‏من الثلث الاخير .. إلين تغمرني نهاياتك

‏تصبحني مع انسامك طيوف الفارع الميلاف
‏احبك يالصباح المشترك واحب نسماتك

تطيحين يا كبدي على الزين و تذوبين
‏على العقد واللي لابس العقد والبدلة

‏على صحن فضّة في نواحيه فاكهتين
‏على طيف كم قدلي نديمه وكم قدله

‏يسرّي مُخيلتي ولا أدري مساره وين
‏يا عنك الهوى من حب ظلمه كره عدله

‏وش اللي يخلّي كل عاقل من الغاوين ؟
‏سوى الخصلة اللي بين غضّين منسدلة

تكفكف الليل ونهاري فاقدك يا "أخت النهار"
الشمس غطّتها الغيوم الدِّهم والصدر يغلي

من ليلة البارح يصبّ الغيث و المعذار صار
الأرض في حضن السماء وأنتِ من الباقين لي

سمّى المطر على القفار المجدبه في كل دار
إلا على صدري وأنا أرقب جيّتك سمّي علي

أنا بدويٍ لا اكتست شهب الصحاري بالخضار
أغسل جفاف الصدر والأيام وأغسل زعلي

تعالي فـ صبحٍ سناء شمسه من عيونك يغار
خلّي معاذير الغياب أرجوك أنا ماني خلي

الغدير اللي ما بين كتوفها و ابيض نحرها
‏شفّ بالي لا ابعدت عنه القلادة والجدايل

بين ذاك الزمان وبين هذا الزمان
ينتهي من حياتي فصل يبدا فصل

ساكن الريح ما يرضي طموحه مكان
عاشق الركض ما يوصل لو أنه وصل

قامت تسرّي بي هواجيسي مع الليل العتيم
كله عشان اللي وصايفها من أوصاف الظبي

ما ألوم قلبي يوم يعشقها و أنا شاعر و أهيم
جمالها و حسنها الجذّاب غاية مطلبي

ألذّ من طعم العنب و ألذّ من تمر القصيم
هذي مزايا ريقها المعسول و الشكّ يهبي

ما سعيت إلا على شان الدفين الخافي
قدس الله سر صدرٍ ما نويت أفضاحه

ما نفذ من قو صبري غير مطلع قافي
وما ثبت غير اليقين بعزّته ووشاحه

أعرف إن البحر ذا بحري وذا مجدافي
مثل ما أعرف قصة نيوتن مع التفاحة

الطموح اكبر من إنه ينسفي بالسافي
والعزوم تزيد وعيون العرب قداحه

جيتك أبعد عن ضجيج العالم السمّاره
ودي أريّح ضميري وأستلذ فراقي

حولوا عن مرقب الشعار يا شعّاره
قبل ابيّن موقف النازل وضعف الراقي

معي بيتٍ عاشت الساحة على تذكاره
‏كاتبه من دم شرياني على خفّاقي

‏تهت في بيت الخيال وشارعه واسواره
‏والهوى ماهو مبقي من عيوني باقي

‏فاتنات الأرض ماتسوى جدايل ساره
‏فارعٍ لا شفتها زانت جميع أخلاقي

‏سلهمت لي رمشها اللي كنّه السناره
‏يرحم الله حال قلبي يوم تلّ أعماقي