የሚያዝያ 17 ቀን 2017 ዓ.ም የዓለም ዜና
የቀድሞው የሰላም ሚኒስቴር ደ ኤታ ታዬ ደንደአ ጉዳይን ለማየት ዛሬ ያስቻለው ፍርድ ቤት ለጠቅላይ ሚኒስትር ዐቢይ አህመድ እና ከንቲባ አዳነች አቤቤበፌዴራል ፖሊስ በኩል መጥሪያ እንዲሰጥ በሚል አማራጭ ላይ ትዕዛዝ ለመስጠት ተለዋጭ ቀጠሮ ያዘ።


በጋምቤላ ከተማ ለመታጠብ ወደ ባሮ ወንዝ በሚሄዱ ሰዎቸ ላይ አዞዎች ጉዳት እያደረሱ በመሆኑ ነዋሪው ጥንቃቄ እንዲደርግ የከተማዋ ፖሊሰ አስጠነቀቀ፡፡ የከተማዋ ፖሊስ አዛዥ ኡሞድ ኦኬሎ ለዶይቼ ቬሌ እንደገለጡት ባለፈው ሳምንት አንዲት የ17 ዓመት ልጃገረድና ሌላ የ16 ዓመት አዳጊ ልጅ በአዞ ጥቃት ሕይወታቸው አልፏል።



ነገ በሚካሄደው የሮማ ካቶሊካዊት ቤተክርስትያን ሊቀ ጳጳስ ፍራንሲስ የቀብር ሥነሥርዓት ቢያንስ የ 130 ሐገራት መሪዎችና ዓለም አቀፍ ዲፕሎማቶች እንደሚገኙ ቫቲካን አስታወቀች። በቀብሩ ሥነ ሥርዓት ይገኛሉ ተብለው ከሚጠበቁት የሐገራት መሪዎች የአሜሪካው ፕረዚደንት ዶናልድ ትራምፕ የሚገኙበት ሲሆን ትራምፕ በዛሬው ዕለት ሮም ገብተዋል።

ዩክሬይን ከሩስያ ጋር የገጠመችውን ጦርነት ለማቆምና ጊዚያዊ ሰላም ለማምጣት ግዛቷን ለሩስያ አሳልፋ ልትሰጥ እንደምትችል አንድ የዩክሬይን ባለስልጣን ፍንጭ ሰጡ። ባለስልጣኑ ሐሳባቸው በዩክሬይን ፕሬዚዳንትና በሕዝቡ ተቀባይነት ባይኖረውም መራሩን ሃቅ ግን መቀበል አለብን ሲሉ ተደምጠዋል።

አንድ የሩስያ ከፍተኛ ወታደራዊ አዛዥ በመኪና ላይ በተጠመደ ቦምብ መገደላቸውን ተሰማ። የሩስያ ጦር የዘመቻ ዳይረክቶሬት ምክትል አዛዥ የተገደሉት በመኪናቸው ላይ በተጠመደና በርቀት መቆጣጠሪያ በሚፈነዳ ቦምብ ነው ተብሏል።
https://p.dw.com/p/4tbQH?maca=amh-RED-Telegram-dwcom

የሮማ ካቶሊካዊት ቤተክርስትያን ሊቀ-ጳጳስ ፍራንሲስ የቀብር ሥነ-ሥርዓት ተፈጸመ።
በቀብር ሥነ-ሥርዓቱ የጀርመን ፕረዚደንት ፍራንክ ቫልተር ሽታይን ማየር እና የአሜሪካው ፕረዚደንት ዶናልድ ትራምፕን ጨምሮ ቢያንስ የ130 ሐገራት መሪዎችና ዓለም አቀፍ ዲፕሎማቶች እንደተሳተፉ ታውቋል። በቀብር ሥነ-ሥርዓቱ ከሐገራት መሪዎች እና ባለሥልጣናት በተጨማሪ ከተለያዩ ሀገራት የተጓዙ ከ250,000 በላይ ሰዎች ተገኝተዋል።
በቀብራቸው ሥነ-ሥርዓት ሊቀ ጳጳስ ፍራንሲስ በሃይማኖታዊ እና ሰብአዊ ጉዳዮች የፈጸሟቸውን ዋና ዋና ተግባራት ተወስቷል። በተለይም ስደተኞች እና ድሆችን በመርዳት ያበረከቱት አስተዋፅኦ «ቁጥር ስፍር የሌለው» መሆኑን ተገልጿል።
በሌላ ዜና በቀብሩ ሥነስርዓት የተገኙት የአሜሪካው ፕረዚደንት ዶናልድ ትራምፕ እና የዩክሬይኑ ፕረዚደንት ቮሎደሚር ዘለንስኪ ተገናኝተው መነጋገራቸውን ታውቋል። የዋይት ሃውስ የኮሚዩኒኬሽን ዳይሬክተር ስቲቨን ቼንግ «ትራምፕ እና ዘለንስኪ ዛሬ ተገናኝተው ፍሬያማ ውይይት አካሂደዋል፤ ዝርዝር ጉዳዩ ወደ ፊትይገለጻል» ማለታቸውን ሮይተርስ ዘግቧል።

ሐማስ በእጁ ያሉ እስራኤላውያን ታጋቾች በሙሉ በአንዴ ለመልቀቅና ለ 5 ዓመታት የሚቆይ የተኩስ አቁም ስምምነት ለመድረስ መስማማቱን አስታወቀ። ሐማስ ይህን ያስታወቀው ልኡካኑ ከግብጽ አደራዳሪዎች ጋር በተናጥል በካይሮ ያካሄዱትን ውይይት ተከትሎ ነው።
አንድ ስማቸው እንዲጠቀስ ያልፈለጉ የሐማስ ከፍተኛ ባለስልጣን ዛሬ ለአዣንስ ፍራንስ ፕረስ፤ «ሐማስ በእጁ የሚገኙ እስራኤላውያን ታጋቾች በሙሉ በአንዴ ለመልቀቅና ለ 5 ዓመታት የሚዘልቅ የተኩስ አቁም ስምምነት ለማድረግ ዝግጁ ነው» ብለዋል።
ሐማስ የሚካሄዱ የተኩስ አቁም ስምምነቶች ጦርነቱን እስከ ወድያኛው ሊያስቆሙ የሚችሉ መሆን አለባቸው፤ በተጨማሪም እስራኤል ከጋዛ ሙሉ በሙሉ እንድትወጣና የሰብአዊ ዕርዳታ ያለእንቅፋት ለተረጂዎች እንዲቀርብ በተደጋጋሚ መጠየቁንም ዜናው አክሏል።

የዲጂታል መፍትሔዎች የራዲዮ ድራማ ክፍል 9 “የተስፋ ብርሀን
ባለፈው ክፍል እምነት የትምህርት ቤቷን የመወዳደሪያ ሃሳብ አሾልካ ሰጥታለች የሚል ክስ ቀርቦባት ነበር። ለማ ከተባለ አንድ የፍሎራ ትምህርት ቤት መምህር ጋር መታየቷ ለዚህ ምክንያት ተደርጎ ተወስዷል። ትምህርት ቤቱ እያበለጸገ የሚገኘው የመወዳደሪያ ድረ-ገጽ ከፍሎራ ትምህርት ቤት ጋር ፍጹም አንድ ሆኖ ተገኝቷል። ወላጅ አባቷን እየፈለገች የምትገኘው ጀምበሬ ከሆነ ሰው የቅርብ ጊዜ ፎቶ እና የስልክ ቁጥር ተልኮላታል። ይህ ሰው የሚታመን ይሆን? “የተስፋ ብርሃን” የተሰኘው 9ኛ ክፍል ምን ይነግረን ይሆን?
https://p.dw.com/p/4nvkj?maca=amh-RED-Telegram-dwcom
አስተያየት ለመስጠት ይኽን ቦት ይጠቀሙ 👉🏾
@dwamharicbot

የሚያዝያ 18 ቀን 2017 ዓ.ም የዓለም ዜና
የሮማ ካቶሊካዊት ቤተክርስትያን ሊቀ-ጳጳስ ፍራንሲስ የቀብር ሥነ-ሥርዓት ተፈጸመ።
በኢራን የራጃኢ
ወደብ ባጋጠመ ፍንዳታና ከባድ ቃጠሎ 4 ሰዎች ሲሞቱ ከ500 በላይ ሰዎች መቁሰላቸው ተሰማ።
ከየመን ሁቲ አማጽያን የተቃጣ የሚሳይልና የሰው አልባ የጦር አውሮፕላን ጥቃት ማክሸፉን የእስራኤል ሰራዊት አስታወቀ።
የሩስያ ጦር በዩክሬይን
ተይዞ የነበረውን የኩርሱክ ግዛት በዛሬው ዕለት ሙሉ በሙሉ መልሶ መቆጣጠሩን አስታወቀ።
https://p.dw.com/p/4tdNj?maca=amh-RED-Telegram-dwcom

የሚያዝያ 18 ቀን 2017 ዓ/ም የአድማጮች ማህደር ዝግጅት
ስንት ጋዜጠኞች ናቸው በገለልተኛነት ሙያዊ ስነምግባራቸውን እየተወጡ ያሉት? ብዙዎቹ ወደቀኝ ካለዚያም ወደግራ ያዘመሙ ሙያቸውን ለሚያራምዱት ዓላማ ማስፈፀሚያ የሚጠቀሙ ናቸው። በመንግስት እና በተቃዋሚ ሀይሎች ጫማ ውስጥ እራሳቸውን አስገብተው ከህሌናቸው ይልቅ ለሆዳቸው ተገዝተው የሚኖሩ
https://p.dw.com/p/4tbVS?maca=amh-RED-Telegram-dwcom
አስተያየት ለመስጠት ይኽን ቦት ይጠቀሙ 👉🏾
@dwamharicbot

የአርቲስትና አክቲቪስት ሰሎሞን ተካልኝ የቀብር ሥነ ሥርዓት ትናንት አትላንታ ጆርጂያ ውስጥ ተፈጸመ።
ባለፈው ሳምንት ቅዳሜ በድንገተኛ ህመም በ57ኛ ዓመቱ ህይወቱ ያለፈው፣አርቲስትና አክቲቪስት ሰሎሞን ትናንት አትላንታ ውስጥ፣ "ኢተርናል ሒልስ ሜሞሪያል ጋርደን፣በተባለ የመቃብር ሥፍራ ላይ የቀብር ሥነ-ስርዓቱ ተፈጽሟል።
ከቀብር ሥነ ሥርዓቱ ቀደም ብሎ፣በአትላንታ ደብረ ጽዮን ቅድስት ማርያም ተዋሕዶ ቤተክርስቲያን፣የጸሎተ ፍትሓት መርሐ ግብር መካሄዱንም፣ባልደረባችን ታሪኩ ኃይሉ ዘግቧል።
ሰሎሞን ተካልኝ፣ በአዲስ አበባ ዙሪያ ካለው ኮረብታማ ሰፈር ከወላጆቹ ከአቶ ተካልኝ መሃሪና ከእናቱ ከወይዘሮ ታዱሽ ተሰማ አብራክ እንደ ጎርጎሮሳዊው ጊዜ አቆጣጠር ጥቅምት ሰባት ቀን 1968 መወለዱን በሕይወት ታሪክ ማኀደሩ ላይ ተመልክቷል።
ሰሎሞን የሙዚቃ መሳሪያዎች ቅንብርና ውህደት የሚወድ የነበረ ቢሆንም፣የእርሱ ታላቁ መሳሪያ የነበረው ግን፣የራሱ የታደለው የፈጥሮው ድምጽ እንደነበረ ተወስቷል።
በየጎዳናው በከበሮ ታጅቦ ከመዝፈን ጀምሮ፣በደተሟላ የምሽት ክለብ እስካደገበት ድረስ ለታዳሚዎቹ ደስታና ስሜት ሲያጋራ መቆየቱም ተገልጿል።
በኋላም በአክቲቪስትነት፣ በሬዲዮና በሌሎች የተለያዩ የማኀበራዊ ሚዲያ አውታሮች፣የፖለቲካ አቋሞቹን ሲያራምድ ቆይቷል።
ሰለሞን በሚያስተላልፋቸው ፖለቲካዊ ሃሳቦቹ ከአንድ ወገን ብርቱ ነቀፋ እና ትችት ሲያስተናግድ ከሌላ ወገን ደግሞ ድጋፍ ሲቸረው ቆይቷል።
ቤተሰቦቹ፣ጓደኞቹና ወዳጆቹ በተገኙበት ግብዓተ መሬቱ የተፈጸመው ሰሎሞን ተካልኝ፣የአራት ልጆች አባት ነበር።

በለንደን ማራቶን ኢትዮጵያዊቷ ትዕግሥት አሰፋ የዓለም የሴቶች ክብረ-ወሰን በማሻሻል አሸነፈች
በለንደን ማራቶን ኢትዮጵያዊቷ ትዕግሥት አሰፋ በርቀቱ የዓለም የሴቶች ክብረ-ወሰን በማሻሻል አሸነፈች። ባለፈው ዓመት በቀዝቃዛ የአየር ጠባይ እና በቋንጃዋ ላይ በተሰማት ሕመም ተቸግራ እንደነበር ያስታወሰችው ትዕግሥት ዘንድሮ "የለጠ ተስማሚ" ሆኖ እንደቀለላት ተናግራለች።
https://p.dw.com/p/4teK9 ?maca=amh-RED-Telegram-dwcom
አስተያየት ለመስጠት ይኽን ቦት ይጠቀሙ 👉🏾
@dwamharicbot

የሚያዝያ 19 ቀን2017 የዓለም ዜና

· ርዋንዳ በሙስና እና ሥልጣንን ያለአግባብ በመጠቀም የጠረጠረቻቸውን ሦስት ከፍተኛ ባለሥልጣናት አሰረች። በቁጥጥር ሥር የዋሉት የርዋንዳ ማዕድን፣ ፔትሮሊየም እና ጋዝ ቦርድ ሹማምንት ናቸው።
· በኢራን ሻሒድ ራጃኢ የተባለ ወደብ ላይ በተከሰተ ፍንዳታ የሞቱ ሰዎች ቁጥር ወደ 40 አሻቀበ። ትላንት ቅዳሜ ከሖርሙዝ ወሽመጥ አቅራቢያ በሚገኝ የኢራን ትልቁ ወደብ ላይ በደረሰው ፍንዳታ ከ1,000 በላይ ሰዎች ጉዳት ደርሶባቸዋል።
· በካናዳ ቫንኮቨር ከተማ በሚኖሩ የፊሊፒንስ ዜጎች ባሕላዊ መርሐ-ግብር ላይ አንድ ግለሰብ ተሽከርካሪ ነድቶ ዘጠኝ ሰዎች ገደለ። ትላንት ቅዳሜ ምሽት ጥቃቱ የተፈጸመው የፊሊፒንስ ሰዎች በሀገሪቱ ነጻነት ትልቅ ቦታ የሚሰጣቸው ብሔራዊ ጀግና የሚታሰቡበትን በዓል ለመታደም በተሰበሰቡበት ነው።
· የእስራኤል ጦር በሊባኖስ ዋና ከተማ ደቡባዊ ክፍል የሚኖሩ ሰዎች አካባቢውን ለቀው እንዲወጡ አስጠነቀቀ። ጦሩ ማስጠንቀቂያውን ከሰጠ ከአንድ ሰዓት በኋላ እስራኤል በተዋጊ ጀቶች በደቡባዊ ቤይሩት ጥቃት መፈጸሟን ሬውተርስ ዘግቧል።
· ሩሲያ የዩክሬን ጦር ሠራዊት፣ የውጪ ተዋጊዎች እና በአውሮፓ የተላኩ ወታደራዊ አሰልጣኞች የሚጠቀሙባቸው ዒላማዎች ላይ ጥቃት መፈጸሟን እንደምትቀጥል የሀገሪቱ ውጪ ጉዳይ ሚኒስትር ሰርጌይ ላቭሮቭ ተናገሩ። ፕሬዝደንት ቮሎዶሚር ዜሌንስኪ የዩክሬን ወታደሮች አሁንም በሩሲያ በሚገኘው የኩርስክ ግዛት እየተዋጉ መሆኑን ገልጸዋል።
·
በለንደን ማራቶን ኢትዮጵያዊቷ ትዕግሥት አሰፋ በርቀቱ የዓለም የሴቶች ክብረ-ወሰን በማሻሻል አሸነፈች። ትዕግሥት ዛሬ እሁድየተካሔደውን ውድድር 2 ሰዓት ከ15 ደቂቃ ከ50 ሰከንዶች በመሮጥ አጠናቃለች። ሰዓቱ በማራቶን በሴቶች ብቻ በተደረገ ውድድር አዲስ የዓለም ክብረ ወሰን ሆኖ ተመዝግቦላታል።
ዜናውን ለማድመጥ የድምጽ ማዕቀፉን ይጫኑ፦ https://p.dw.com/p/4teZu?maca=amh-RED-Telegram-dwcom አስተያየት ለመስጠት ይኽን ቦት ይጠቀሙ @dwamharicbot