ပဲခူးအနောက်ခြမ်းကို ထိုးစစ်ဆင်ရန် စစ်ကောင်စီက ပြည်သူ့စစ် ၁,၀၀၀ ခန့်ကို လက်နက် တပ်ဆင်ပေး
#dvbtvnews

ပဲခူးအနောက်ခြမ်းကို ထိုးစစ်ဆင်ဖို့ ပြည်သူ့စစ်အဖွဲ့ဝင် ၁,၀၀၀ နီးပါးကို ကစထမှူး ၅ က ဧပြီ ၂၂ ရက်မှာ လက်နက်တပ်ဆင်ပေးလိုက်ပါတယ်။

ပဲခူးငလျင်ဘေးကို ရောက်နေတဲ့ အမှတ် ၅ စစ်ဆင်ရေးအထူးတပ်ဖွဲ့မှူး ဒုတိယဗိုလ်ချုပ်ကြီး ဖုန်းမြတ်က မနေ့က တောင်ငူတပ်နယ်၊ ပန်တောင်းတပ်နယ်နဲ့ ပဲခူးအနောက်ခြမ်းက ပြည်သူ့စစ် အဖွဲ့တွေကို လက်နက်တပ်ဆင်ပေးခဲ့တာလို့ တပခနဲ့ နီးစပ်တဲ့ သတင်းအရင်းအမြစ်က ပြောပါတယ်။

သတင်းဖတ်ရန် => https://burmese.dvb.no/post/702423

အာဏာသိမ်း မြန်မာစစ်တပ်အနေနဲ့ ၂၀၁၈ ခုနစ်ကနေ ၂၀၂၅ ခုနှစ်အထိဆို အပစ် ရပ်ကြောင်း ကြေငြာတာ ၂၄ ကြိမ်အထိရှိခဲ့ပါပြီ။ စစ်ခေါင်းဆောင်ကလည်း ဆွေးနွေးဖို့အတွက်လမ်းဖွင့်ထားကြောင်း မကြာခဏပြောလေ့ရှိပေမယ့် ဆွေးနွေးပွဲတွေ ဘာကြောင့် ဖြစ်မလာတာပါလဲ။

#dvbtvnews #Ceasefire #myanmar #peace

https://youtu.be/aqLNtuX8hd4

🗞 အပစ်ရပ်ကြေညာထားတဲ့ကာလ ရခိုင်မှာ စစ်ရေးတိုက်ခိုက်မှု ၄၀၀ ကျော်ပြုလုပ်ခဲ့။
🗞 လေးမျက်နှာမြို့နယ်က ရွာတွေကို စစ်ကောင်စီတပ်က စက်သုံးဆီ သယ်ယူခွင့်ပိတ်ထား။
#dvbtvnews #dvbdigital #myanmar https://youtu.be/Pl1NCxtCMxA

WFP ဘီစကွတ်များ ပြန်ရောင်းစားပါက အရေးယူမည်ဟု သတိပေး
#dvbtvnews

ကမ္ဘာ့စားနပ်ရိက္ခာအစီအစဉ် (WFP) က မြန်မာနိုင်ငံမှာ မတ်လ ၂၈ ရက်က အင်အားပြင်း ငလျင် လှုပ်ခတ်ပြီး ၄၈ နာရီအတွင်း ငလျင်ဘေးသင့်ပြည်သူတွေအတွက် အာဟာရဖြည့် ဘီစကွတ်တွေ စတင် ဖြန့်ဝေခဲ့ပြီး၊ အဲဒီဘီစကွတ်တွေဟာ အရေးပေါ်အခြေအနေမှာ စားသုံးဖို့နဲ့ ရောင်းချဖို့ ထုတ်ထားတာ မဟုတ်ဘူးလို့ ဧပြီလ ၂၄ ရက်က ထုတ်ပြန်လိုက်ပါတယ်။

နေပြည်တော်မှာ WFP အာဟာရဖြည့်ဘီစကွတ်တွေ ရောင်းချနေတယ်လို့ ဆိုရှယ်မီဒီယာမှာ ပျံ့နှံ့ခဲ့ပြီး ဒီအကြောင်းအရာကို WFP အနေနဲ့ သိရှိထားသလို၊ ဒီလို ရေးသားချက်တွေမှာ သက်သေ အထောက်အထား တစုံတရာ မတွေ့ရဘူးလို့ ဆိုပါတယ်။

သတင်းဖတ်ရန် => https://burmese.dvb.no/post/702472

ဘုတလင် ကြို့ကုန်းရွာကို စစ်တပ်က စက်တပ်လေထီးဖြင့် ဗုံးကြဲ၊ ပြည်သူ ၂ ဦး သေဆုံး
#dvbtvnews

စစ်ကိုင်းတိုင်း၊ ဘုတလင်မြို့နယ်၊ ကြို့ကုန်းရွာကို စစ်ကောင်စီတပ်က ဧပြီ ၂၄ ရက် ည ၁၀ နာရီလောက်မှာ စက်တပ်လေထီးနဲ့ ဗုံးကြဲခဲ့တယ်လို့ ဒေသခံတွေဆီကနေ သိရပါတယ်။

စက်တပ်လေထီးဟာ နမခစစ်တပ်အတွင်းကနေ ပျံတက်လာပြီး ကြို့ကုန်းရွာကို ဗုံးကြဲချခဲ့တာလို့ ဒေသခံ ရွာသားတယောက်က ပြောပါတယ်။

သတင်းဖတ်ရန် => https://burmese.dvb.no/post/702466

နယ်စပ်ဒုက္ခသည်စခန်းများ ထောက်ပံ့မှု လျှော့ချခံရသဖြင့် အခက်တွေ့
#dvbtvnews

ထိုင်း-မြန်မာနယ်စပ်မှာရှိတဲ့ ဒုက္ခသည်စခန်းတွေကို စားနပ်ရိက္ခာပံ့ပိုးနေတဲ့ နယ်စပ် အကူအညီပေးရေး ညွန့်ပေါင်းအဖွဲ့ (TBC) က ဧပြီလကစပြီး တလကို မြန်မာငွေ ကျပ် ၁၀,၀၀၀ အောက်နဲ့ညီမျှတဲ့ ထိုင်းဘတ်ငွေအထိ လျှော့ချခံလိုက်ရတာကြောင့် ဒုက္ခသည်စခန်းအတွင်း နေထိုင်သူတွေ အခက်အခဲတွေနဲ့ ရင်ဆိုင်နေရပါတယ်။

ထိုင်း-မြန်မာနယ်စပ်မှာရှိတဲ့ ဒုက္ခသည်စခန်းတွေကို စားနပ်ရိက္ခာပံ့ပိုးနေတဲ့ နယ်စပ်အကူအညီပေးရေး ညွန့်ပေါင်းအဖွဲ့ (TBC) က ဧပြီလကနေ ဇူလိုင်လအထိ ရိက္ခာထောက်ပံ့မှု အစီအစဉ်ကို လျှော့ချလိုက်တာပါ။

သတင်းဖတ်ရန် => https://burmese.dvb.no/post/702460

ငလျင်ဘေးသင့် မြန်မာပြည်သူများအတွက် အရေးပေါ်ပံ့ပိုးမှု ILO အရှိန်မြှင့် လုပ်ဆောင်
#dvbtvnews

မတ် ၂၈ ရက်က လှုပ်ခတ်ခဲ့တဲ့ အင်အားပြင်းငလျင်ကြောင့် ကြီးမားတဲ့ ပျက်စီးမှုကို ဖြစ်စေခဲ့တဲ့ ငလျင်ဒဏ်သင့်ဒေသတွေမှာ အပြည်ပြည်ဆိုင်ရာ အလုပ်သမားရေးရာအဖွဲ့အစည်း (ILO) အနေနဲ့ မြန်မာပြည်သူတွေအတွက် အရေးပေါ်ပံ့ပိုးမှုကို အရှိန်အဟုန်မြှင့် လုပ်ဆောင်နေတယ်လို့ ဧပြီ ၂၄ ရက်က ထုတ်ပြန်ထားပါတယ်။

ILO အနေနဲ့ အင်အားပြင်းငလျင်ကြောင့် ရုတ်တရက်ဖြစ်ပေါ်တဲ့ ဘေးအန္တရာယ်ကို တုံ့ပြန်တဲ့အနေနဲ့ မြန်မာပြည်မှာရှိတဲ့ အလုပ်သမားနဲ့ အသေးစား စီးပွားရေးလုပ်ငန်းတွေအတွက် ပံ့ပိုးပေးနိုင်ဖို့ စည်းရုံးလှုံ့ဆော်နေပြီး ရေရှည်လုပ်သားဈေးကွက် ပြန်လည်ထူထောင်ရေး လုပ်ငန်းအစီအစဉ်တွေကိုလည်း ဖော်ထုတ်နေဆဲဖြစ်တယ်လို့ ဆိုပါတယ်။

သတင်းဖတ်ရန် => https://burmese.dvb.no/post/702452

ငလျင်ဘေးသင့်မြို့များတွင် အာမခံရောင်းချမှု ရပ်ဆိုင်းထား
#dvbtvnews

ငလျင်နဲ့ ဆက်စပ်အာမခံ အမျိုးအစားတွေကို ငလျင်ကြောင့် အထိအခိုက်များတဲ့ မြို့နယ်တွေမှာ အာမခံရောင်းချမှုကို လတ်တလော ရပ်ဆိုင်းထားတယ်လို့ သိရပါတယ်။

ငလျင်လှုပ်ခတ်အပြီးမှာ မြန်မာ့အာမခံလုပ်ငန်းက မန္တလေး၊ နေပြည်တော် စတဲ့ဒေသတွေမှာ အာမခံထားရှိရာ အဆောက်အအုံတွေ၊ လုပ်ငန်းတွေအတွက် ကျပ်ငွေဘီလီယံ ထောင်နဲ့ချီပြီး ပေးလျော်နေပေမဲ့ ငလျင်နဲ့ဆက်စပ်တဲ့ အာမခံကိုတော့ ငလျင်လှုပ်ခတ်ရာဒေသတွေမှာ လတ်တလော ရောင်းချမှု ရပ်ဆိုင်းထားတယ်လို့ သိရပါတယ်။

သတင်းဖတ်ရန် => https://burmese.dvb.no/post/702449

ငွေဈေး ရွှေဈေး (၂၅ ရက် ဧပြီလ ၂၀၂၅ ညနေပိုင်း)
Evening Currency Exchange 25.04.2025
#currency #exchange #Myanmar

ဒီဗွီဘီ သတင်း ပေါ့ကတ်စ် (၂၅ ရက် ဧပြီလ ၂၀၂၅) - DVB Newsbreak

🎙 DVB Newsbreak 🚨 ပေါ့ကတ်စ် 🎧 နားဆင်ရမယ့် သတင်းတွေကတော့
👉 တရုတ်နဲ့ စစ်တပ် ညီညွတ်မှုကို သွေးခွဲနေသူများရှိနေတယ်လို့ စစ်ခေါင်းဆောင်က ပြောလိုက်တဲ့သတင်း
👉 WFP ဘီစကွတ်တွေ ပြန်ရောင်းစားရင် အရေးယူမယ်လို့ သတိပေးလိုက်တဲ့သတင်းနဲ့
👉 ထိုင်း-မြန်မာနယ်စပ်က ဒုက္ခသည်စခန်းတွေမှာ စားနပ်ရိက္ခာဖြတ်လိုက်လို့ ဒုက္ခသည်တွေ အခက်တွေ့နေရတဲ့ သတင်းတွေနားဆင်ကြရမှာပါ ▶️︎ •၊၊||၊|။|||| |

#dvbnewsbreak #podcast #Myanmar
Support DVB - https://burmese.dvb.no/membership
Subscribe - https://youtube.com/dvbtvnews
Follow - https://t.me/dvbtvnews