@dusharge

دئمک بویون 12 شهریوردیر *

@dusharge

@dusharge
همت شهبازی

بو گؤزل خط سئوگیلی دوستوم "رامیز تاینور"ون تهراندا 1372 ده بیر آنلیقدا یازدیغی خط‌دیر. شعر آخشامیندا اشتراک ائتدیکدن سونرا رامیزین اؤیرنجی‌لیک استراحت اوتاغینا گئتدیک. بو خطی اورادا یازدی. شعرین آلتیندا منیم تخلصوم "گونشلی" قئید اولوب. ایلک تخلصوم "حقیقی" سونرا "گونشلی" و سونرا بونلارین هئچ بیریسی.
شعر حامد ماکویی دندیر:

آجیقلان گوءزلرین کوسمه سین مندن

#رامیز_تاینور #حامدماکویی
👇👇👇👇👇👇👇👇

@dusharge

خط: رامیز تاینور
شعر: حامد ماکویی
2 آذر 1372
@dusharge

دومانلی تبریز رومانینا بیر باخیش
محمد عاریف. کؤچورن همت شهبازی
نوید آذربایجان 1381.8.4
@dusharge

1372 ده بو دووار نشریه‌سی دوستلار : کوشش شبستری (ایندی اورمو دانشگاهیندا ادبیات اوستادی‌دیر دکتر رحیم کوشش شبستری)، امیر جعفرزاده، بشیر حبیبی و من (همت شهبازی) طرفیندن باشلاندی.
@dusharge

☝️☝️☝️☝️☝️☝️☝️☝️☝️☝️☝️
همت شهبازی
گؤرودویونوز بو بیلدیریش تبریز دانشگاهیندا اولارکن ایلک اؤیرنجی بیر دووار نشریه‌سی‌نین بیلدیریشی‌دیر. آدی "روزنه"‌ ایدی. اؤیرنجی اولدوغوم زامان 1372 ده بو دووار نشریه‌سی دوستلار : کوشش شبستری (ایندی اورمو دانشگاهیندا ادبیات اوستادی‌دیر دکتر رحیم کوشش شبستری)، امیر جعفرزاده، بشیر حبیبی و من (همت شهبازی) طرفیندن باشلاندی. یازیلار بعضی‌لری ال‌یازما کیمی و بعضن ده ادبیات فاکولته‌سینده اولان قدیم ماشین‌تایپ دستگاهی ایله تایپ اولوب بولتئنه وورولوردو. تورکجه و فارسجا بیر نشریه.

#همت‌شهبازی #دکتررحیم‌کوشش #امیرجعفرزاده #بشیرحبیبی #روزنه
https://telegram.me/dusharge

حیدربابانین دراماتیک یؤن‌لری
یازان: همت شهبازی
👇👇👇👇👇👇

https://telegram.me/dusharge

همت شهبازی
مهر آیی‌نین بیرینده، قم شهرینده سئوگیلی دوستوم سیدحیدر بیات جنابلارینا قوناق اولدوم. داها دوغروسو واخت آییردی سید بیزه دفترینده منی قبول ائله‌دی. دوستوم علیرضا آقازاده جنابلاری دا گلدی. سهند اوغلوما دئدیم گئدیرم دوستومو گؤرمه‌یه. سوروشدو یقین کیتابخاناسی دا وار. کیتابخانادا کیتابلارا یازیقلیغیم گلدی. ایندی بیلدیم سید نییه تاکید ائدیرکی زئرمیده‌کی کیتابخاناسینا باش چکمه‌ییم. بونو یازیرام بونا گؤره کی قم شهرینه سید کیتابخاناسی بیر کیمسه گئتدیکده زئرزمییه ده باش وورسونلار سیدین آجیغینا.
https://telegram.me/dusharge

قم شهری. 95.7.1 / سئوگیلی دوستلاریم سیدحیدر بیات و علیرضا‌بی‌آقازاده ایله بیرلیکده
@dusharge

شعر: هادي قاراچاي
ترجمه: همت شهبازی


گداي خرده‌ريز بارگاه قصرها بود
گوشواره‌هاي طلاييِ
دختران باكره
و در سينه‌هاشان
ته‌مانده‌ي لعاب بوسه‌ي پادشاهان.
و اينك
اسب سفيد بالداريست
كه در عمق چشمان دنيا شيهه مي‌كشد
شمشير آخته‌ي "بابك"
پيراهن خونين "بئيرَك"
آخرين گلوله‌ي سرباز زخمي در سنگر مبارزه
و سحرگاهان
ادرار يك بچه‌عرب بغدادي است
به خواب سربازان آمريكايي

آه اي زبان مبارك
و اي شعر ديرينه‌سار



ön söz yerinə (beçələr banlayanda kitabından)
Hadi Qaraçay


Saraylarin qapik – quruş dilançisiydi
Bakir qızların
qolaqlarının qızıl sırğası
Və döşlərində
Şahların dodqlarından qalmış öpüş seliki .
Və indi
Dünyanın qözlərində kişnəyən
Ağ – apbağ qanadlı bir at.
Babəkin sirilmiş qılıncı
"Beyrak"in qanlı köynəyi
Döyüş səngərində yaralı əsgərin son gülləsi
Və bağdadda
Amerikalı əsgərlərin yuxusuna işiyən
ərəb cocuğunun səhər sıdiyi.
Ah ey mübarək dil
Və ey qocaman şeir

https://telegram.me/dusharge

@dusharge

همت شهبازی

عاشورا گونو شهریمیزده ساکیت‌لیک ایدی. بوتون ایش یئرلری و مغازالار باغلی ایدی. ائوه قاییتدیقدا کیتابخاناما باخدیم. گؤزوم ایلک آلدیغیم کیتابلارا ساتاشدی. شهریمیزین مدنی تاریخچه‌سی‌نین بیر بوداغینی عکس ائتدیریم دئیه بعضی‌لرینی خاطیرلاتماق ایسته‌ییرم. بونلار ائله کیتابلا باغلی‌دیر.

بو کیتابلارین آلینما تاریخی 1368 و 1369.جو ایللره قاییدیر. او زامان موغاندا سعادت آدلی بیر کیتاب ساتیش یئری وار ایدی. صاحیبی رحمته گئتدی. تیمورپور بازارچاسی‌نین سونوندا الکتریک ترانسینا سؤیکه‌نن بیر دوکان ایدی. موغانین نفوسونون آز اولماسینا باخمایاراق دوکان کیتابلا دولو ایدی. ایسته‌نیلن قدر آلانلاری دا وار ایدی.

https://telegram.me/dusharge

همت شهبازی
کیتابلارین آلینما تاریخی 68 و 69.جو ایللره قاییدیر. او زامان موغاندا سعادت آدلی بیر کیتاب ساتیش یئری وار ایدی. صاحیبی رحمته گئتدی. تیمورپور بازارچاسی‌نین سونوندا ترانسا یاپیشیقلی @dusharge

دشت مغان . نوشته سهراب آدیگوزلی
موغان حاقدا ایلک اوخودوغوم کیتاب‌دیر. آلینما تاریخی 1369.2.4 دیر. 11.جی اورتا صینیفی اوخویوردوم. یازاری بو گون ده بیزیم شهریمیزده یاشاییر. جان‌ساغلیغی.
@dusharge

همت شهبازی

تورکجه کیتابلارین حسرتینده اولدوغوم زامان شکیلده گؤردویونوز وارلیق درگیسی‌نین 62.جی ساییسینی و او درگینی ایلک دفعه 1369.4.9 ایلده شهریمیزده بیر دوکاندان آلدیم. چوخ ایللر سونرا بیلدیم کی من بو درگینی شهریمیزین سئویملی شاعیری بختیار معلم علیمرادی (موغان‌اوغلو)دان آلمیشام. شاعیریمیزه جان‌ساغلیغی دیله‌ییرم.
@dusharge

همت شهبازی
چوخ ایللر سونرا بیلدیم کی وارلیق درگیسینی، شهریمیزین سئویملی شاعیری بختیار معلم علیمرادی (موغان‌اوغلو)دان آلمیشام. شاعیریمیزه جان‌ساغلیغی دیله‌ییرم.
@dusharge

همت شهبازی
آذربایجان مدرن شعر گئجه سینده کی دانیشغیم

«صابیر و ساهیر ادبی درنک‌لری طرفین‌دن 1390(2011، نویابر).جی ایلین آبان آییندا تهراندا (بهمن مدنیت اوجاغیندا) “آذربایجانین مدرن شئعیر گئجه‌سی“ آدلی بیر سازلی-سؤزلو شعر گئجه‌سی قورولدو. بو شعر گئجه‌سینده منیم ده مدرن شعریمیز حاقدا دانیشیغیم اولدو. اوستوندن نئچه ایل کئچمه‌سینه باخمایا‌راق بو دانیشیغی فایلدان دینله یه بیلرسیز»
https://telegram.me/dusharge

همت شهبازی
آذربایجان مدرن شعر گئجه سینده کی دانیشغیم

«1390(2011، نویابر).جی ایلین آبان آیی تهران (بهمن مدنیت اوجاغیندا)
@dusharge

3 آبان 95 به همراه سهند در جلسه آخر انجمن داستان نویسی شرکت کردم.موضوع صحبت تقریبا یک ساعته من در باره ی "طرح داستانی" بود.با تشکر از کلیه دست اندرکاران خصوصا بر و بچه های انجمن.
همت شهبازی
@dushsrge

@dusharge


سوْروملولوغون مرحله‌لري
همت شهبازي

سوروملولوق[تعهد]، يئني چاغ ادبياتي‌نين تؤره‌مه‌سی و يارانميشي‌دير. اؤزللیکله "ژان پول سارتر"ين "ادبيات نه‌دير؟" کيتابيندا ايره‌لي سورولن دوشونجه‌لرله ياناشي، سوروملولوق آنلاييشي دا کانکئرئت اولاراق فورمالاشدی. سارتر"ين سوروملولوق آنلاييشييلا ياناشي انتئلئکتواللیق (ضياليليق) آنلاييشي دا ادبياتا آرتيلير و سارتر "ادبياتي، آزادليغين ورديشي" کيمي دَيرلنديرير. انتئلئکتواللیغين اساس اؤزللييي کيمي تانينان سوروملولوغون اؤزللييي، هر بير زوراکيليق، انسان حاقلارينا ضيد، انساني دَيرلريني تاپدايان بوتون فاکتورلارا قارشي دیره‌نیش و مبارزه ايله ياناشي اولاراق ادبياتين اؤنملي اؤزللییی ده ائله باريشمازليق اولور. سارتر حتتا بو نتيجه‌يه يئتيشير کي، "بير زامان اولاجاق شاعير قلمي يئره قوياراق سيلاح اله آليب مبارزه ائده‌جکدير." البتده اونون سوروملولوقدان اولان اوخونوشو (قرائتي) واختيندا اؤزونون ائتکيسيني قويموشدور. بو کيمي دوشونرلرين دوشونسَل دارتيشمالاري سونوجوندا، سياسي قوروملاردا بير سيرا دَييشيک‌ليکلر، انسان حاقلاريني قوروماق اوچون اوزده ده اولسا بير سيرا قوروملار او جومله‌دن انسان حاقلاري قانونو، اولوسلارآراسي قوروملار (او جومله‌دن بیرلشمیش اؤلکه‌لر قورومو) و ... ياراندي. ماراقلي‌دير کي، اونلارين جهدلري نتيجه‌سينده يارانان بو قوروملارين ايلک تنقيدچيلري ده ائله اونلارين اؤزلري اولور.
سوروملولوق دونيا ادبياتينا داخيل اولدوقدان سونرا، هر اؤلکه‌نين دوروموندان آسيلي اولاراق يئني آنلاييشلار، يئني يوزوملار (تأويل) قازاندي. اؤرنک اوچون: آوروپا ادبياتيندا، ديل سوروملولوغو اولمادان بئله، اونلارين آیدینلاري‌نين دوشونجه‌سيني ده بو ساحه مشغول ائتمير. حال‌بوکي، بيزيم اؤلکه‌ده ديليميزين قاداغان اولدوغونا گؤره، ادبياتچيلاريميزين اساس مقصدلريندن بيري ديل سوروملولوغو اولور.
شاه رئژيمي دَييشيلديکدن سونرا ايسه، سوروملو ادبيات (اؤزللیکله فارس ادبياتيندا) عموميتله ديني مضمونلاري داشييان ادبيات کيمي چؤزولدو. ادبياتين سوروملولوغو ديني مقام داشيدي. بونونلادا، سوروملولوغون باشقا بير آنلامي اوزه چيخدي.
سون زامانلاردا، دوشونجه‌لرين يوموشالماسي نتيجه‌سينده (بو عموميتله پست‌مدرن زاماني چئوره‌يير) سوروملولوق، تام کئچميشين ترسينه اولاراق يئني اؤزلليک قازاندي. بو دوشونجه سارتر"ين ترسینه اولاراق انسانلاري آزادليق نامينه و يا هر بير مدني جهتلرين چيچکلنمه‌سي اوغروندا قوربان وئرمه‌يين قارشيسينا چيخير. داها دوغروسو، سارتر کيمي دوشونرلرين باخيشي، انساني اؤلومه استقامتلنديرير دئيه بو دؤنَمی قهرمانليق دؤنَمی‌نین قورتولوشو و سونا چاتماسي کيمي دَيرلنديرير.
پست‌مدرن سوروملولوق قهرمانليقلارا اينانمير و ادبياتين سوروملولوغونو يالنيز و يالنيز اونون اؤزونده گؤرور. بو دؤنَمده، "کوتله و آیدین" آدلي صینفی و غیرصینفی قاتلارین معناسي و ياخشي-پيس و یا حاکیم-محکوم آدی آلتیندا سیرالانان بیر کولتور و مدنیت اوبیئکتی يوخدور. انسانلار آراسيندا چئشیدلی مدنيت حؤکوم سوره‌رک چوخولچولوق (تکثرگرایی) آنلاییشی اورتایا چیخیر. مدرن سوروملولوقدا، ادبيات عموميتله استيبداد، ديکتاتورا و زوراکيليغي تنقيد ائدير. پست‌مدرن سوروملولوق ايسه، ديکتاتورلوق آنلاميني داشييان سجييه‌لرين قارشيسينا چيخير. باشقا سؤزله اورادا ديکتاتور بير شخص اولاراق تنقيد ائديلير، بورادا ايسه ديکتاتورلوق بير صيفت و بير آنلاييش اولاراق پيسله نير.

https://telegram.me/dusharge