🇹🇷 Турк сериалларини Туркияда ҳам тақиқлаш таклиф қилинди

Туркия парламенти депутати Маҳмуд Арикан тонгги ток-шоу ва турк сериалларини тақиқлашни таклиф қилди. Депутатнинг фикрича, улар анъанавий оилавий қадриятларга таҳдид солмоқда.

«Тонги ток-шоу ва сериаллар сценарийлари бугун анъанавий оилавий қадриятларимиз остига динамит қўймоқда. Бундай дастурлар эфирдан олиб ташланишини истаймиз. Бунга қарши курашишнинг ягона йўли — тақиқлаш», — деди депутат.

Аввалроқ Россияда ҳам худди шундай таклиф илгари сурилганди.

🇷🇺🇮🇷 Россия ва Эрон стратегик шерикларга айланди.

Владимир Путин Эрон билан стратегик шериклик тўғрисидаги битимни ратификация қилиш ҳақидаги қонунни имзолади.

Агар томонлардан бирига ҳужум қилинса, иккинчи томон “тажовузчига ҳар қандай ҳарбий ёки бошқа ёрдам кўрсатмаслиги” ва низони ҳал қилишга кўмаклашиши керак.

КХДР билан тузилган битимдан фарқли ўлароқ, Эрон билан тузилган ушбу битимда иштирокчилардан бирига тажовуз қилинганда ҳарбий ёрдам кўрсатиш банди мавжуд эмас.

🇾🇪 Husiylar havo hujumidan mudofaa tizimini faol ravishda tiklamoqda.

🇷🇺⚡🇺🇦 Odessada kuchli yong‘in kelib, yangi portlashlar eshitilmoqda.

🇯🇴🇵🇸 Иордания қироли Ғазодаги геноцидни танқид қилувчиларни нишонга олмоқда

Иордания Исломий Ҳаракат фронти етакчиси Холид ал-Жуҳани ва унинг уч ўғли Ғазо секторидаги геноцид ҳақидаги фикрлари учун уйларида тинтув ўтказилганда ҳибсга олинди.

Павел Дуров Telegram раҳбарияти шахсий хабарларни умуман ошкор этмаганини маълум қилди

Мессенжер асосчисининг ўз каналида ёзишича, Telegram фақат жиноят содир этганликда гумон қилинаётган шахсларга оид IP-манзиллар ва телефон рақамларини ошкор қилган, бироқ шахсий ёзишмаларни эмас.

Франция Миллий ассамблеяси ҳукуматнинг шахсий хабарларни ўқиш учун полицияга «орқа эшик» очиб беришга доир қонун лойиҳасини рад қилди. Telegram асосчиси бунинг «оқилона қарор» эканини айтиб, шифрлаш – шахсий ҳаёт хавфсизлиги учун муҳимлигини таъкидлади. «Қонуний суд қарори тақдим этилса, гумондорнинг IP манзили ва рақами ошкор қилинади, шахсий хабарлари эмас», деган Дуров.

🇲🇹🇻🇦 Католик черковларидаги жинсий зўравонликларни яширганликда айбланаётган Мальта кардинали Марио Грех янги Рим папаси этиб сайланиши мумкин.

Эслатиб ўтамиз, кеча Рим папаси Франциск 88 ёшида вафот этган эди.

Ватикан Рим папасининг ўлим сабабини эълон қилди

Тиббий хулосага кўра, Папа Франциск церебрал инсультга учраб, шундан сўнг комага тушган ва юрак етишмовчилиги оқибатида вафот этган.

Вафотидан олдин у пневмония туфайли нафас олишда жиддий қийинчиликлар билан курашиб келган.

🇵🇸Босқинчи Исроил сулҳни бузиб, Ғазога ҳужумни қайта бошлаган 18-мартдан бери 600 нафар бола ҳалок бўлди.

БМТ ёзма баёнотида, “Ғазо секторида 18-март куни ўт очишни тўхтатиш тўхтатилганидан буён 600 нафар бола ҳалок бўлгани, 1600 дан ортиқ бола жароҳат олгани қайд этилди.

Баёнотда Ғазодаги гуманитар инқироз 2023-йил 7-октабрдан бери ўзининг “энг ёмон босқичига” киргани таъкидланди.

Фаластин Инсон ҳуқуқлари маркази 19 апрель куни эълон қилган баёнотида, Исроил Ғазо секторига ҳужумларини қайта бошлаган 18 мартдан бери 600 га яқин болалардан ташқари 308 нафар аёлларнинг ҳалок бўлганини эълон қилди.

🇶🇦🇸🇾 Қатар Сурияга қарши санкцияларни юмшатишни талаб қилади

Бу ҳафта Қатар Вашингтонга Сурияга қарши санкцияларни юмшатиш учун босим ўтказади. Қатарнинг аввалроқ эълон қилинган сурияликларга молиявий ёрдам кўрсатиш режаларига Ғарбнинг қаттиқ санкциялар режими тўсқинлик қилмоқда.

Ўтган ой Форс кўрфази давлати электр таъминоти муаммоларини ҳал қилишда ёрдам бериш учун Иордания орқали Сурияга газ етказиб беришини айтди, шунингдек, сурияликларнинг маошларини молиялаштириш дастурини ҳам эълон қилди.

Қатар ташқи ишлар вазири Муҳаммад ал-Хулайфий: “ Биз америкалик ҳамкасбларимиз билан ушбу лойиҳани қандай ривожлантиришни тушуниш учун буни яқиндан муҳокама қилмоқдамиз .

Сешанба куни Форс кўрфазининг яна бир давлати Саудия Арабистони ва Жаҳон банки Суриянинг халқаро молиявий ёрдам олиш имкониятини тиклаш бўйича давра суҳбати ўтказади. Reuters агентлигининг хабар беришича, Саудия Арабистони Сурия Араб Республикасининг Жаҳон банки олдидаги қарзларини тўламоқчи.

Ўтган ҳафта охирида Сурия президенти Аҳмад ал-Шара АҚШнинг республикачи конгрессмени Кори Миллсни қабул қилди. Бу АҚШ қонунчиларининг декабрь ойида Башар ал-Ассад режими ағдарилганидан кейин мамлакатга илк ташрифидир.

🇰🇿🇷🇺🇺🇦 Россия учун 78 қозоқ ҳалок бўлди: Остонанинг расмий муносабати

Россия томонида жанг қилаётган қозоғистонликлар рўйхати интернетда эълон қилинганидан сўнг Қозоғистон консули ва муваққат ишлар вакили Украина ҳарбий асирлар бўйича мувофиқлаштирувчи штаб билан учрашув ўтказди.

Қозоғистон томони ўз фуқароларининг ҳарбий амалиётларда иштирок этиши билан боғлиқ ҳар бир ҳолатни кузатиб боришга ваъда берди. Расмийларнинг эслатишича, ёнланма аскарликка кириш мол-мулки мусодара қилинган ҳолда 12 йилдан 17 йилгача озодликдан маҳрум қилиш билан жазоланади.

Украина томони аввалроқ Россия учун жанг қилаётган 661 нафар қозоғистонлик рўйхатини эълон қилган, улардан 78 нафари ҳалок бўлган.

🇺🇿 O‘zbekistonda tug‘ilish va nikohlar soni kamayib, o‘limlar ko‘paydi
Joriy yil 1-choragida mamlakatda tug‘ilganlar soni o‘tgan yil mos davridagidan 7,6 ming nafarga kam bo‘ldi. Bu haqda Statistika qo‘mitasi maʼlum qildi.

Statistika qo‘mitasi
2025-yilning 1-aprel holatiga O‘zbekistonning doimiy aholisi soni 37,7 million kishiga yetdi. Bu 2024-yil mos davridagidan 734,5 ming kishiga (2 foiz) ko‘p.

🇸🇾 Kongressmenlar Gus Bilirakis va Bred Shnayder Turkiyaning Suriyaga S-400 havo mudofaa tizimlarini joylashtirgani haqidagi iddaolari ortidan AQSh Davlat departamentiga maktub yozib, ogohlantirish berdi.

🇮🇱Исроил молия вазири: Ғазода гаровга олинганларни озод қилиш устувор вазифа эмас

Исроил молия вазири Безалел Смотрич ўнг қанот радиостанциясига берган интервюсида исроиллик гаровга олинганларни озод қилиш ҳукуматнинг устувор вазифаси эмаслигини айтди.

Гаровга олинганлар оилалари форуми ушбу баёнотни қоралади: "Шармандалик. Бу ҳукумат атайлаб гаровдагиларни тарк этишга қарор қилди".

Бир кун аввал Бош вазир Нетаняху ХАМАС қуролларини ташламагунча ўт очишни тўхтатиш бўйича музокаралар бўлмаслигини айтган эди.