رسالة مهمة ‼️

بنات لمن تگعدون من النوم اول ٢٠-٣٠ دقيقة كلششششش مهمة هالفترة 🥱

يعني إذا تفتحون عيونكم مباشرة على السوشيال ميديا او تجاوبون مسجات او اي شغلات ممكن يكون بيها ضغط و سلبية 😔عليكم

هالشي غير صحي لسلامة عقلكم ☠️


ليش ؟؟

لان العقل الواعي بعده ما
💤مصحصح

فاي شي راح تشوفوه راح يتبرمج بالعقل اللاواعي بدون اي وعي و تفكير

بكل بساطة بدون اي استأذان و بكل سهولة🦦

هلو حبيباتي 🫶🏼

إذا تعانين وية الجداول و كلما تبدين ما تكملين اكثر من نص المهام 😵‍💫

و هالشي ديتكرر ! مو مرة مو مرتين مو عشرة 😑

فأحب اكولج لازم تغيرين استراتيجية الجدولة مو الجدول نفسة 😌

تسريبة من "جلسات أنا استمر " 🤫


ابدي بالشغلات البسيط تطبيقها و الشغلات الجبيرة قسميها 😉

اللي حابة :
-تلتزم و تستمر بالسعي اتجاه أهدافها 🎯
- تحافظ على عادات صحية تريدها تكون جزء من نظام حياتها ✨
-أدوات تسهل عليها عملية الاستمرارية بدون تعقيد 🦦

تكدرين تحجزين جلسات أنا استمر الفردية عبر رقم الواتساب 🌎

تذكير خفيف لطيف ✨
قبل النوم 💤

علاقة الاستثمار و المقارنة علاقة عكسية و طردية بنفس الوقت 😵‍💫

شلون ؟

يعني اني كلما استثمرت وقت ، جهد ، مال بمراقبة الناس المقارنة راح تتزايد 📈

كلما هذا الوقت و الجهد و المال استثمرتي بنفسج و حياتج المقارنة راح تتناقص 📉

من الشغلات اللي ساعدتني و لا زالت تساعدني انه اعزز ثقتي بجمالي الخارجي ✨

انه نظرتي لملامحي ما تكون مرتبطة بمعايير الناس وبنظرة المجتمع اللي تحددد شنو الحلو و المحلو بشكلي🌎

اني احدد شنو الحلو بية بمعاييري الخاصة😌

و دائما احاول ابني علاقة قوية بين جمالي الداخلي و الخارجي ☀️

لان اعرف الملامح المادية بعد فترة نتعود عليها و ممكن نمل !
بس الروح جمالها مستدام 🧡

تذكير لطيف خفيف ✨

هاي الاحداث اللي تصير بين فترة و فترة تعلم الانسان انه ما يگدر يتحكم بكلشي 🌎

النية موجودة و مؤمنة انه على نياتنا نرزق بسسسس

الله 🤍
يرسم الطريق مو احنا

دائما اتذكر هالشي مهما خططت و فكرت ، تجي رسالة من الله تكولي هو يخلق الطريق مو انتي ✨

لا تنسوون انتو قدها و قدود هالفترة 🤍🫶🏼

https://youtu.be/R_XUqvtXEtY?si=N93v8JMbi07cEEki

لكل حبيبة هنا تحس بثگل بسبب الاحداث الحالية …

راح ابدي من نفسي اني احس بثگل بحيث احس مأثر على نظام نومي مع انه ما أتابع الاخبار …

بس اعرف هالثگل مراح يدوم و راح اسعى بكل حب بلادوات المتاحة اللي عندي حتى اكون احسن❤️‍🩹


ركزي على المتاح و خلي الغير متاح يجي على راحتة 🦦

اشوفكم باجر بكل حب و عطاء بالمحاضرة✨

و استمتعو بهل منظر قبل ما تنامون 🤍

سبحان الخالق 🥹

صباح الخير ☀️

تذكير صباحي لطيف عميق …..

ويه الاحداث اللي دتصير اكو درس اعرفه بس بعدني داتعلم منه.

انه اماني مرتبط بالله مو بأي مخلوق ثاني..

و كانه تذكير اكو اماكن ضعف بداخلي لازم اعرف أقويها و أثبتها .

باسمك الله الحافظ ،
يحفظ الامان و الطمأنينه اللي بداخلنا 🌎🤍

تذكير لطيف خفيف 💜

عدم تطبيق المنطق على المشاعر هو المنطق بحد ذاته ✨

مرات نحس شغلات مو منطقية و بدل ما نخليها تعدي مثل ما هي…😣

نكعد عالوحدة و نبدي نحلل و ما نوصل لحل!🥲

فأحسن شي نخلي وقت معين نحس بالشغلات اللي نريد نحس بيها و بعدها إذا بقت

اذاك الوكت ممكن نحلل ، نحجي وية شخص قريب او مختص !

مو معناها صار عدنا وعي يعني صار التعقيد هو نظام حياتنا ✨

مشاركة عالسريع

وية ظهور العديد من الاشخاص
اللي مختصين بالمواضيع النفسية 🧠

مرات بدون وعي نتأثر بارائهم
و هالشي طبيعي لان نحب محتواهم و ممكن نحب شخصياتهم ✨

بس هالتأثر اللي بدون تفكر يخلينا نتبنى افكار يجوز أصلا ما مقتنعين بيها 🤷🏻‍♀️

و بعد فترة همة ممكن يغيرون قناعاتهم و من حقهم!

بس احنا اللي راح نحس بحيرة 🤦🏻‍♀️

ف…..
ما بيها شي نتأثر و نتبنى افكار تعجبنا ✨

بس بوعي و تفكر 💭

صباح الخير حبيباتي ☀️

مشاركة بسيطة عميقة✨

الغيرة بين البنات من الشغلات الشائعة بيناتنا!

فانتي لمن تحسين بغيرة من اي بنية
من نجاحها
من شكلها
من حياتها

اياً كان السبب 😶

اولا : اسمعي هالشعور و سميه.

ثانيا : تحطيلة حد انه لا ياخذ اكثر من مساحته

ثالثا: حللي جذر هالشعور ،
شنو الفكرة اللي سببت هالشعور !

رابعا : لمن عرفتي الجذر
لا تتصرفين على اساسه لانه المشاعر تجي و تروح.

خامسا : كلما عرفتي تشتغلين على الفكرة احساس الغيرة راح
يتلاشى
شوية شوية……


ملاحظة ‼️
العقل الباطن ممكن يوهمج انه
فشل البنية راح يكون سبب ما تغارين بعد.
بس مادام هذا الشعور موجود بدون وعي راح يطلعلج وية غير بنات 🌎

تطبيق عملي سريع خفيف ✨

إذا تحسون بكسل و ما تعرفون من وين تبدون …

كتبو قائمة :

من التأجيل إلى التطبيق✅

و حطوها كدامكم و أبدو بيها

هالشي كلش راح يعزز ثقتكم بكلامكم اللي بالتالي راح يعزز ثقتكم بنفسكم 🔥🧡


وحطوا مدة محددة

مثلا باقي ١٠ ايام من هالشهر خلال هالعشرة ايام

طبقوا الشغلات المؤجلة 🙋🏻‍♀️

حتى لو طبقتوا معظمها مو شرط كلها

جربتها الشهر الفات و كلششش اثرت على نفسيتي بشكل ايجابي 😌

تذكير خفيف لطيف ✨

قبل النوم 😴

تعرفون ليش الاطفال يضحكون و فرحانين بدون سبب !!

لان ما رابطين السعادة بشي معين…

كم مرة كلتي لنفسج راح اكون سعيدة لمن أتوظف،
أتزوج ،
اسافر ،
اجيب طفل
و اسباب
هواية اكدر اعددها….

لا تخلون البرمجة اللي تعودنا عليها تحرمكم من السعادة بدون سبب 🧡


تصبحون على فرحة وسعادة بدون سبب 🐣

شلون نصير أسيرات معايير الجمال بدون وعي ؟

العقل الباطن يبدي يتبرمج من احنا و صغار و نسمع الاهل و الكرايب شلون يمدحون بصفات معينة و يتنمرون على صفات غيرها !❌❌

من اللون إلى الملامح إلى شكل الجسم …

فالعقل 🧠 يربط الجمال بهل صفات بدون وعي!!
و نسوي قائمة بهل صفات و اذا ما موجودة هالصفات احنا مو جميلات !

نسخة دنيا ٢٠١٥ جانت مستحيل بل من سابع المستحيلات تطلع بدون ميكب و الصور السيلفي لازم فلتر
ليش؟
لان تبرمجت انه ملامحي عادية و ما تتوافق وية كل المعايير الموجودة !

بعد عشر سنوات من التصالح و التقبل بشكل تدريجي اكدر اشوف نفسي للكل بمكياج و بدونة و حابة نفسي و شكلي بللاثنين 🤍


التصالح مع الشكل يحتاج مواجهة مواقف و تدرج و ايمان انه كل وحدة بينا الها جمالها الخاص ☀️

السنة الجديدة ما تتحدد بيوم واحد و لازم كلشي يكون حاضر قبل ما تبدي ….

اني صارلي اسبوع اكو شغلات بعدني ما سويتها للسنة الجديدة مو معناها خلص راحت علية 🥲

احساس انه فات الأوان عبارة عن صوت غير خادم و بالعكس ممكن يخليكم بنفس الدوامة و فعلا ما تنجزون شي بالواقع 🌎


السنة ما تتحدد بيوم معين فلا تنخدعون
بوهم التوقيت (الإجباري)⏱️

شنو رأيكم باجر أنطيكم مهمة بسيطة بس فعالة جدا ! 🌎

اول ما تفتحين عينج تحطين نية : التسليم و اعيش يوم خالي من التوقعات ✨

اني اليوم طبقت هالنية و الشغلات اللي فرحتني بدت تتجسد شوية شوية ..


بسسسس اهم شي تستقبلين 🤍
و فعلا تكونين صادقة انه ما تتوقعين اي شي 🍀


تكدرون تشوفون ريل اليوم على الانستغرام و شلون خدمني انه ما اتوقع اي شي ….

بنات هذا الاستبيان عبارة عن عدسة تخليني أفهمكم اكثر و على اساسها اوفر الخدمات اللي تساعدكم و تنفع رحلتكم بشكل اعمق 🍀

https://docs.google.com/forms/d/e/1FAIpQLSdZkocTL-Uy1mec1gbq1jrxBGVz2zzwqYcUMOkfrL486stioA/viewform

و اني داخطط بالمفكرة شفت هالصفحة و تذكرتكم ☀️

شوية نغير جو و كل بنوتة هنا تكتب اللون اللي يمثل شخصيتها و راح اكتبلها معنى اللون 😌