🤍❤️🤍 Сёння дзень народзінаў Марыі Калеснікавай! Мы зрабілі калаж-віншаванку для яе і для нас усіх, каб адзначыць гэты дзень па-святочнаму яскрава. Так, як любіць Марыя 💃

Жадаем Марыі доўгага жыцця і нязломнасці духу, вясёлых і разумных паплечнікаў ды кампаньёнаў у справах, смелых творчых памкненняў, размаху ў задумках і яркай іх рэалізацыі.

Ну а нам самім мы хочам нагадаць, што ў любой сітуацыі мы павінны заставацца людзьмі, не хаваць гонар у кішэню, смела глядзець ворагам у вочы і быць упэўненымі ў тым, што мы робім. І, канешна, рабіць тое, што мусім, каб потым не сорамна было распавядаць унукам. Так, як робіць Марыя.

Дзякуй табе, Маша, што натхняеш нас словам і справай, агнём у вачах і сэрцайкам у руках. Нават закутая ў турме, ты застаешся ваяркай за дабро і святло. Мы ловім вестачкі ад цябе і ведаем, што ты і там наводзіш шораху. З Днём народзінаў, дарагая!

P.S. Пішыце палітвязням лісты, дасылайце паштоўкі, рабіце ўсё магчымае, каб мы ўсе сустрэліся ў Вольнай Беларусі.
#kalesnikava #freekalesnikava