Xorazm viloyati tuman (shahar) hokimlarining davlat tili masalalari bo‘yicha maslahatchilari ishtirokida yig‘ilish o‘tkazildi

Joriy yilning 25-dekabr kuni IT-Park Xorazm viloyati filialida tuman (shahar) hokimlarining davlat tili masalalari bo‘yicha maslahatchilari ishtirokida 2025-yil yakunlariga bag‘ishlangan yig‘ilish bo‘lib o‘tdi.

Yig‘ilishda viloyat hokimining davlat tili masalalari bo‘yicha maslahatchisi J. Sobirov so‘zga chiqib, kun tartibidagi masalalar bilan ishtirokchilarni tanishtirdi hamda viloyatda 2025-yil davomida davlat tilini rivojlantirish va hujjatlarni rasmiylashtirish borasida amalga oshirilgan ishlar, shuningdek, yo‘l qo‘yilgan kamchiliklar yuzasidan atroflicha ma’lumot berdi.

Shundan so‘ng yig‘ilish ishtirokchilarining yil yakunlari bo‘yicha hisobotlari tinglandi. Hisobotlar davomida erishilgan yutuqlar bilan bir qatorda bajarilmagan topshiriqlar va yakuniga yetmagan ishlar mavjudligi qayd etildi. Shu asosda 2026-yil davomida amalga oshirilishi lozim bo‘lgan ustuvor vazifalar belgilab olindi.

Shuningdek, yig‘ilish davomida hududlarda qabul qilinayotgan qarorlar, farmoyishlar hamda boshqa turdagi hujjatlarda uchrayotgan asosiy kamchiliklar ko‘rsatib o‘tildi. Davlat tili me’yorlariga zid holatlar va qo‘pol xatoliklarga yo‘l qo‘yayotgan ayrim maslahatchilarga nisbatan jiddiy ogohlantirishlar berildi.

Yig‘ilish yakunida belgilangan vazifalar ijrosini o‘z vaqtida va sifatli ta’minlash, hujjatlarni rasmiylashtirishda davlat tili talablariga qat’iy rioya etish zarurligi alohida ta’kidlandi hamda maslahatchilarga tegishli topshiriqlar berildi.

📖“Toshkent shahri joy nomlarining izohli lug‘ati” kitobi taqdimoti bo‘lib o‘tdi

🇺🇿Toshkent shahar hokimligi rahbarligi va homiyligida poytaxtimiz hududidagi tarixiy va zamonaviy joy nomlarini ilmiy asosda jamlagan “Toshkent shahri joy nomlarining izohli lug‘ati” kitobi taqdimoti bo‘lib o‘tdi.

🔵Taqdimot davomida tarix fanlari doktori, professor Omonullo Bo‘riyev hamda tarix fanlari doktori Xayriya Bo'riyeva hamda boshqa ishtirokchilar tomonidan mazkur nashrning ilmiy-amaliy ahamiyati, toponimika sohasidagi o‘rni va poytaxt joy nomlarini tizimli o‘rganishdagi ahamiyati yuzasidan ma’ruzalar qilindi.

🇺🇿Mazkur izohli lug‘at Toshkent shahrining boy tarixiy merosi va bugungi zamonaviy qiyofasini aks ettirgan bo‘lib, u ikki qismdan — “Tarixiy Toshkent” va “Zamonaviy Toshkent” bo‘limlaridan iborat. Unda ariqlar va kanallar, daha va darvozalar, tumanlar, mahallalar, metro bekatlari, qabriston va ziyoratgohlar kabi joy nomlarining ilmiy va xalqona talqinlari keltirilgan.

analga ulanish 👉  https://t.me/dtrdep

#Davlat_tilida_ish_yuritish

MEHNAT BITIMI

Mehnat bitimi shartnoma turlaridan biri bo‘lib, u orqali muassasalar bilan ularning hisobida turmaydigan xodim(lar) o‘rtasidagi o‘zaro munosabatlar rasmiylashtiriladi.

Xodim aniq bir ishni bajarishni zimmasiga oladi, muassasa esa ish haqini to‘lash va shu ishni bajarish uchun sharoit yaratib berish majburiyatini oladi.

Ayrim hollarda korxona hisobida turuvchi xodimlar bilan ham mehnat bitimi tuziladi. Bunda xodimlar bevosita o‘z asosiy vazifalari doirasiga kirmaydigan ishni bajarish majburiyatini oladilar.

Masalan, shu korxona xodimlari malakasini oshirish bo‘yicha ma’ruzalar o‘qish yoki asosiy ishdan keyin farroshlik qilish kabi.

Mehnat bitimi kamida ikki nusxada tuziladi. Bir nusxasi
bajaruvchi(lar)ga beriladi, ikkinchisi esa tegishli korxonaning hisob bo‘limi yoki boshqa tarkibiy bo‘linma hujjatlar yig‘majildida saqlanadi.

📖"DAVLAT TILIDA ISH YURITISH" 139-sahifa

Kanalga ulanish 👉  https://t.me/dtrdep