بسم الله الرحمن الرحيم
"وَقُلِ اعمَلوا فَسَيَرَى اللَّهُ عَمَلَكُم وَرَسولُهُ وَالمُؤمِنونَ وَسَتُرَدّونَ إِلى عالِمِ الغَيبِ وَالشَّهادَةِ فَيُنَبِّئُكُم بِما كُنتُم تَعمَلونَ" [التوبة: ١٠٥]

📌 مذكره الهرمونات

👈🏻 محتويات المذكره
✔️عدد من الملاحظات التي تساعد الطالب علي الحل
✔️ صور توضيحيه لبعض الجزيئات لتعميق الفهم
✔️ فقرات بعنوان " خد بالك عزيزي الطالب"😂
✔️ فقرات أيضاً بعنوان "اضافه " لتسهيل الحل
✔️ مقارنات كتير وتجميعات عشان يكون مُلم بالفصل

👈🏻 اتمني لو استفدت حاجه بسيطه من المذكره تدعو لي ولأبي ولأمي
ولأستاذي وجدتي وعمي بالرحمه والمغفره

بالتوفيق ان شاء الله ❤️
#البيولوجي_بصوره_أبسط
#أحياء_تالته_ثانوي
#Mohamed_Elgareeb

إلي كل الذين تقَطّعَتْ بهم السُبل، و تَلاشت أحلامُهم، و ظنوا أن الطريق قد إخْتفي من أمامِهِم.
هل سمعتم عن قول ابن القيم رحمه الله :- ( لو أن أحدكم همَّ بإزالة الجبل وهو واثق بالله لأزاله)؟
التوكل علي اللّٰه يغنيك عن كل شيئ و كل شخص و كل سبُلِ و أنواع المواساة، يَطْمَئِنّ قلبك، تهدأ روحك ، تعلم أن اللّٰه لن يخذلك أبداً، تسعي لإكمال طريقك دون أن تقف لحظة واحدة لتفكر في النتائج، أنت متيَقِّنٌ أنه معك و لن يتركك أبدا.
توكل علي اللّٰه و ثِقْ به، ذاك يكفي لإكمال ألفِ طريق.💖
#عافر_حلمك_يستاهل
#Mohamed_Elgareeb

بسم الله الرحمن الرحيم
"فَأَمَّا الزَّبَدُ فَيَذهَبُ جُفاءً وَأَمّا ما يَنفَعُ النّاسَ فَيَمكُثُ فِي الأَرضِ كَذلِكَ يَضرِبُ اللَّهُ الأَمثالَ" [الرعد: ١٧]

مذكره النقل في الانسان اتاخرنا معلش فيها 😂❤️

👈🏻نسألكم الدعاء لنا في ظهر الغيب
👈🏻نسألكم الدعاء لموتانا و لموتي المسلمين بالرحمه والمغفره ❤️

لينك المذكره
https://t.me/drmohamedelgareeb/553
#أحياء_تانيه_ثانوي
#Mohamed_Elgareeb

بينما أنت تلهو 😂😂
احنا بنعملك مذكره بفضل الله هتريحك في المذكره باذن الله تعالى

👈🏻ادعي انت بس ربنا يرزقنا بركه في الوقت 🙂❤️

👈🏻 ومتنساش تدعي لموتانا بالرحمه والمغفره
#أحياء_أولي_ثانوي
#البيولوجي_بصوره_أبسط
#Mohamed_Elgareeb

السلام عليكم ورحمه الله وبركاته
ازيكم يا شباب ي رب تكونوا بالخير ❤️❤️
اكتر مشكله وانا طالب قدكم في ٢ ث مش فاهم اي الي بيحصل عند انقباض البطينين طب صمام ايه الي بيفتح طب صوت ايه الي بسمعه مكتش مجمع الدنيا علي بعضها 😂😂😂
تعالي ألمهملك وطبعا كلام دا كله في مذكرتنا 🙈❤️
وفي حاجات أحلي كمان
https://t.me/drmohamedelgareeb/553

انقباض البطينين
بيكون من أسفل لأعلي وبيكون بيوزع الدم لمختلف أجزاء الجسم (البطين الأيمن للرئه والأيسر لجسم ) وطبيعي البطينين انقبضوا الأذينين ينبسطوا عشان يستقبلوا الدم
طبيعي الصمامات ذات شرفات مقفوله بينما الصمامات الهلاليه مفتوحه وطبيعي أسمع صوت غليظ و طويل
طيب في انبساطهم اعكس ي سيدي 🙂😂 مش محتاجه يعني 😂😂😂

طيب امتي يكون منبسيطين لما الأذينين ينقبضوا طب طالما انقبضوا يبقي هيضخوا دم وهما بيضخوا الدم لمين ؟؟..
شاااااطر 😂❤️
أيوه البطينين ( عشان كده استاذك وهو بيشرحلك القلب قالك السمك بتاعهم أقل من البطينين طب ليه ي عم الحج عشان بيضخوا لمسافه قليله )
طبيعي لما هما ينقبضوا البطينين ينبسطوا
وطبيعي الصمامات ذات شرفات مفتوحه
والصمامات الهلاليه مقفوله وهنا الصوت حاد وقصير

👈🏻 البطين الأيسر أكثر سمكا من الأيمن
👈🏻 الأذينين أقل سمكا من البطينين
👈🏻طبيعي أعلي نسبه أكسجين في الأورده الرئويه والشريان الأورطي
👈🏻 انقباض الأذينين بيبقي من أعلي لأسفل

👈🏻 وهتلاقي أكتر من كده في مذكرتنا 🤍😘

👈🏻حوالي ١٠٪ من أسئله القلب تلف حول انقباض بطين ايسر طب اي يحصل وهكذا

👈🏻 لا تنسونا من صالح دعائكم ❤️
👈🏻 وادعوا لموتانا وموت المسلمين بالرحمه والمغفره ❤️🥰
لينك الجروب
https://t.me/drmohamedelgareeb

#أحياء_تانيه_ثانوي
#علم ينتفع به
#Mohamed_Elgareeb

السلام عليكم ورحمه الله وبركاته 👋
في ناس بدأت تشتكي من الكيمياء 😁😁..... طب الحل ؟؟؟!!
✍️ اعتمد علي الله ثم شوف حد بيشرح علي اليوتيوب وبترتحله - عن نفسي أنا كنت ارتحت لمحمد حامد - ثانيا تروح تحل - مينفعش مذاكره من غير حل - طب مبعرفش أحل تفتح القناه باسم " كيميا الثانويه العامه " وتحل معاه راجل جميل جدااااا بارك الله ف عمره وجعله ف ميزان حسناته ودا اللينك بتاع القناه 👇
https://youtube.com/channel/UCYQWgo2SGRwdtUciYOuyjOw
وبس الموضوع بسيط جدااا +ف المراجعه هتظبط الدنيا بإذن الله
بالنسبه للليالي الامتحان ابقي تابع ا / ايهاب سعيد لان الي قاله وركز عليه جه ف الا متحان 😁🙈
ودا ملخصات جميله جدا جدا انا ذاكرت منها وهي جميله صراحه بارك الله ف معدها
ما قبل الكيميا العضويه
https://www.facebook.com/100051429045443/posts/346921100365522/
الكيمياء العضويه
https://www.facebook.com/100051429045443/posts/346928217031477/
بعض الملحوظات علي الكيميا الكهربيه
https://www.facebook.com/100051429045443/posts/346126610444971/

وف الآخر لا تنسونا من صالح دعائكم بالتوفيق والنجاح والسداد ❤️ +الدعاء لموتانا بالرحمه والمغفره
بالتوفيق ان شاء الله ❤️
#Mohamed_Elgareeb ❤️🔥

تدرِي؟
لا تكمُن اللذّة في الوصولِ فحسب، بل أحياناً كثيرة يكونُ الوصولُ بلا نكهة و تبدو اللحظة عاديةً و يمرّ اليومُ كسائِر الأيام خاصةً لو كان المسيرُ شاقّا أرهقَ كاهلكَ و استهلكَ جلّ طاقتك ..
لكن تكمنُ اللذّة في الطريقِ نفسِه، في استيقاظِك صباحاً و لك هدفٌ سميٌّ ينتظِرُك..
في محطّات راحتِك البسيطَة أثناء الطريق، ككوبٍ من القهوة أو جلسةٍ عائليّة أو سهرةٍ مع الأصدقاء أو مشاهدة فيلم في آخر اليوم و لطالما تساءلْنا لماذا تبدو فكرة مشاهدة الأفلام الجميلة أو تعلم مهارة جديدة أو قراءة كتابٍ ما جذّابةً جدّا حين نكونُ منشغلين؟

هي هكذا
تكمنُ في استسلامِك ليلاً و قرارِك شبهِ النهائيّ للتخلّي عن غايتك و إخلاء الطريق ثم استيقاظك صباحاً و أنت شخصٌ آخر يمقتُ شخصيّة أمس ..

لا تكمن اللذة في الوصول فقط بل في خوض الدرب رغم العثرات و استشعارِ القوة بعد السقوط و الفرح بعد البكاء و رؤية الناس ينسحبونَ الواحد تلو الآخر بينما أنت تواصل🪐🌨️

د. صفوة عزّ .
#عافر_حلمك_يستاهل

#Mohamed_Elgareeb

هل ستتخلَّىٰ عن نفسك يا صاحبي؟!
ستنتهي هذه الامتحانات و الأيام بنتائجها السيئة أو الجيدة، ولكن أشنَع ما في الأمر شعُور العجزِ أمَام نفسك..
ستذكُر أنك عجَزت وأنتَ قادِر لا حاربَت ولا قاوَمت.. بل أتبعتَ نفسكَ هوَاهَا ولم تؤدِّي الذِي عليك..

اسمَع يا صاحِبي: المُؤمن القوي خير وأحبُّ إِلىٰ اللَّه من المؤمن الضعيف، وفي كلٍّ خير..
استعِن باللَّه ولَا تعجَز
ولَا تقل لو أني فعلت كَانَ كذا وكذا،
ولكن قل: قدر اللّٰه، وما شاء فعل؛ فإن لو تفتح عَمَل الشيطان..
للمقاومة لذة، ولقهر الشيطان لذّة، ولمخالفَة هَوَاكَ لذَّة.. لذَّة لا تدانيها لذة الدعة ولا النَّدَم بعدها..
فاصبِر تفُز .. ورابِط تحز كرامَة الدّنيا والدّين..
ومن صبَر ظفَر ..
واللّٰه يحبُّ الصَّابرِين. 💕
#عافر_حلمك_يستاهل
#Mohamed_Elgareeb

‏
اسأل الله ولا تمل، اسأل الله ولا تستكثر السؤال، اسأل الله فهو يحب السائلين الراغبين الملحين الصادقين المقبلين عليه، وأصعب ما يكون عندك، أسهل ما يكون عنده، وأيسر ما يكون لديه، وإذا أراد شيئا قال له كن فيكون، فكيف تستصعب المسألة وربك حي ويسمعك ويراك وقادر على حل مسألتك!؟
#Mohamed_Elgareeb

ان شاء الله تعالي شغال علي مذكره الوراثه وبعدها الاخراج وهنزل المناعه بعدها باذن الله تعالى
بس ادعولنا بس وربنا ييسر ويوفقنا ❤️❤️

ولو حد محتاج حاجه يكلمني
http://662665087.sarhne.com
#Mohamed_Elgareeb

السلام عليكم ورحمه الله وبركاته 👋
النهارده أول ٢
(شهر واحد جري محسناش بيه 😂 )

عايز أقول بس كلمتين انك تجدد النيه وتعتمد علي الله وتقول ي رب .

ربنا بس هو الي هينفعك بس وادعيه انه يتولي أمرك مثلا قوم صلي قيام الليل و ادعيله
( وواظب عليه لأن بكل بساطة قيام الليل شرف المؤمن ) ❤️

✅خلاصه الكلام ان ايوه لسه فيه وقت وهتلحق بس قول ي رب ونظم وقتك احنا كلنا كان عندنا نفس الشعور ان احنا مهنلحقش فدا الطبيعي

وبالتوفيق ان شاء الله ❤️

وانت بتدعي ربنا تقوله يوفقك للفيه خير مش طب بس

✅وعايز اقلك متخبش خيبه الي قبلك يعني ايه !
لو رجعت لوري هنا هتلاقي الي واقع في الجيولوجيا والي واقع في الفيزيا أظبط الكلام ده من الوقتي في وقت والله وهتلحق لا تقلق

✅عايزك تاخد بالك من حاجه الشيطان بيصورلك ان الدنيا سوده لكن والله احسان الظن بالله هيخيلك تغلب الشيطان ونفسك الأماره بالسوء

✅ واحب افكرك انك عليك السعي مش النتيجه
"وَأَن لَيسَ لِلإِنسانِ إِلّا ما سَعى
وَأَنَّ سَعيَهُ سَوفَ يُرى
ثُمَّ يُجزاهُ الجَزاءَ الأَوفى " ❤️

ربنا معاكم ❤️
#Mohamed_Elgareeb

السلام عليكم ورحمه الله وبركاته 👋
خلاص هانت كلها أيام و نستقبل شهر رمضان المبارك
- اللهم سلمه لنا وسلمنا له وتسلمه منا بصوره ترضيك وتغفر بها ذنوبنا -

أهم الحاجات لشهر رمضان المبارك

✅حاول تظبط دروسك قبل الفطار عشان لما تيجي من بعد صلاه التراويح تقعد تذاكر متخرجش
(حاول بقدر المُستطاع 😐)

✅أهم حاجه اياك ثم اياك ثم اياك ان تَترُك صلاه التراويح بحجه انك تذاكر ( انا أكبر غلطه عملتها ان في أيام ف رمضان سبت التراويح بحجه اني اذاكر ومكنتش بذاكر كنت بضيع وقت ولا مني ذاكرت و لا صليت والمثل بيقولك إسأل مجرب ولا تسال طبيب والحمد لله اجتمعت فيا الخصلتان 😂🙈 )

✅حاول تخلي مذاكرتك ف وقت رايق متكنش مكسل فيه أو تقلان من الفطار 😂 ونظم وقتك

✅رابع نصيحه ودي الأهم - بعد نصيحه صلاه التراويح - حاول تحدد مواد هتخلصها ف رمضان وكأنك هتروح تمتحن ف العيد
ازاي ؟!
انك تقول مثلا انك هتذاكر الأحياء والجيولوجيا ف ٣٠ يوم
المهم انك تخلص حل و مذاكره مثلا لمادتين جمب موادك العاديه والواجبات الدروس التانيه ( متأهملش حاجه)

✅الفتره دي هتنتشر فيديوهات طريقك ل ٩٩ والكلام الفارغ وتعالي شوف ازاي لميت المنهج ف شهر ..... الخ (وقتك الي هتضيعه ف الكلام ده كنت ذاكر فيه) ودا ما يمنعش انك تسمع ناس جميله برضه عشان ما ينقطعش الأمل زي الدكتور محمد أيمن و الدكتور أحمد الجوهري 🫡🫡 بس بقدر محدود

✅اياك وانك تفقد الأمل .... اياك صدقني لو لسه أسبوع عن الامتحان هتلحق وهتنجح ان شاء الله ❤️

✅أهم أهم حاجه هتسمعها مني هو أن اي نجاح ف دنيا هو لتعمير الأرض فقط أما النجاح الحقيقي هو الفوز بالجنه ونعيمها أوعي تنسي كده
" وَإِنَّما تُوَفَّونَ أُجورَكُم يَومَ القِيامَةِ فَمَن زُحزِحَ عَنِ النّارِ وَأُدخِلَ الجَنَّةَ فَقَد فازَ وَمَا الحَياةُ الدُّنيا إِلّا مَتاعُ الغُرورِ "
( آل عمران: ١٨٥ )

👈 لو احتجت أي حاجه كلمني ولا تتردد ابدا - اعتبرني زي أخوك الصغير 😂👀-
@mohamed_elgareeb

👈 وفي الأخر متنسناش من الدعاء لنا بالتوفيق والنجاح والسداد والدعاء لجدتي و أستاذي و عمي وموتي المسلمين بالرحمه والمغفره 🤲🌹


#البيولوجي_بصوره_أبسط
#عافر_حلمك_يستاهل
#Mohamed_Elgareeb