نصائح لحماية الكلى في فصل الصيف

مع الإرتفاع الشديد في درجة الحرارة ☀️☀️ الجسم بيفقد كميات كبيره من الماء عن طريق العرق ودا بيزود من تركيز الأملاح والمواد بالدم ويؤثر على كفاءه عمل الكلى و زيادة نسبة تكوين الحصوات

ف ازاي نتجنب المشاكل دي ؟

١- تناول كميات كبيرة من الماء وخاصة أثناء فترة النهار لتعويض ما يفقده الجسم من سوائل

٢- تناول العصائر الفريش🍹والامتناع عن تناول المشروبات الغازية ومشروبات الطاقة

٣-تقليل كميات الملح في الطعام قدر الإمكان ودا لان زياده تركيز الصوديوم في الدم يسبب تكوين حصوات الكلى وإرتفاع في ضغط الدم.

٤- الحرص علي التغذية الصحية المتوازنة...مثل الاسماك والفواكه والخضروات التي تحتوي على الماء والمعادن كالخيار والطماطم والجزر🍅🥕🥒وتجنب أكل البروتينات الحيوانية واللحوم المدخنة والمصنعة والبطاطس المقلية بكميات كبيرة .

٥- تجنب تناول المسكنات الا عند الضرورة ويكون نوع مسكن مناسب للحالة...حيث انها تضر الكلى على المدى البعيد

٦- عدم حبس البول لفترات طويلة..او لمرات متكررة...لان ذلك يسبب تمدد المثانه مما يؤثر علي عمليه الترشيح بالكلى والتهابات في المثانة البولية.

٧-الحرص علي قياس ضغط الدم ونسبه السكر بالدم بشكل دوري.

ودمتم بصحة وعافية ❤️

بعض الأدوية ومواعيد تناولها 👌

أدوية تؤخذ صباحا
1- أدوية الغدة الدرقية (Levothyroxine )
2- أدوية مدررات البول ( Lasix )
3- حبوب الكورتيزون (Medrol )
4- حبوب المعدة (Nexium

أدوية تؤخذ مساءا
1 - أدوية الكوليسترول (Lipitor )
2 - أدوية الحساسية (Zyrtec )
3- أدوية مرخيات العضلات (Relaxon)
4- أدوية هرمون النمو ( Growth Hormone )
5- الملينات (بيساكوديل (Bisacodyl)
6 - مونتيلوكاست ( Montelukast )

ازي نعرف ان نوع الأنيميا دي انيميا نقص الحديد
Iron Deficiency Anemia

هتلاقي ف نتيجة التحليلي Laboratory Findings:

Decrease ⬇️ Heamoglobin, MCV
Decrease ⬇️RBCs Production
Decrease ⬇️Reticulocytes
Decrease ⬇️Serum Iron, Serum ferritin
Increase ⬆️TIBC (Tital Iron Binding Capacity)

ندخل علي مرحلة العلاج بقي :
المفروض ندي جرعة يومية من الحديد
100 to 200 mg elemental iron per day
وشوية نصايح لازم نعرفها قبل مناخد مكملات الحديد هتلاقوها ف اللينك دا : 👇
https://vm.tiktok.com/ZMM5ara9T/

ولازم كمان نتابع النتيجة بتاعت العلاج واللي المفروض الهيموجلوبين يزيد بمقدار 1 g/dl كل اسبوعين ونصيحة مهمة طبعا اننا منوقفش العلاج بعد م الهيموجلوبين يرجع لوضعه الطبيعي ونستمر عليه ٣ شهور !!!
ليه بقي ....؟
علشان نملي خزان الحديد ف جسمنا وهو ال S.Ferritin ونضمن ان وصل لمستواه الطبيعي هو كمان

✅️مكملات الحديد مش كلها زي بعض اكيد ...كل دواء بيحتوي علي نوع حديد معين وبيحتوي علي كمية مختلفة من عنصر الحديد Elemental Iron
مثال
Ferrous gluconate contain 12 % elemental iron
Ferrous sulfate contain 20 % elemental iron
Ferrous fumarate contain 33 % elemental iron

وطبعا مش هناخد بان الاعلي هو الاحسن لكن بناءا علي احتياج الشخص
Oral formulations is not better than another if dose appropriatly based on iron need .

#دمتم_بخير 💫

البيتادين في منه كذا تركيز وهما :
✅تركيز 1‎%‎ : كغرغرة للفم
✅تركيز 10‎%‎ : للجروح و كغسول مهبلي
✅️تركيز %2.5 كبخاخ بودر للجروح والاصابات
✅️تركيز %7.5 كشامبو للشعر مضاد للبكتيريا والفطريات

في حالة تركيز 1‎%‎ يستعمل كغرغرة 4 مرات في اليوم اما في حالة تركيز 10‎%‎ يستعمل مرة واحدة لمده 14 يوم .
❌ ممنوع في حالة الحمل او اضطراب الغده الدرقية

لازم ننصح المريض إللي بياخد أدوية زي ال Bran أو أي أدوية بتحتوي علي النخالة أو الردة إنه يشرب كمية ميه كبيرة ورا الدواء دا ع الاقل ٣ كوبايات ودا لأن الدواء بيشتغل عن طريق امتصاص الماء ولو مشربش وراه ميه هيعرض نفسه لمخاطر الانسداد المعوي خاصة لو كان هيمشي عليه لفترة طويلة 🙌

هل أدوية موانع الحمل ممكن تسبب عقم ......؟؟
الحقيقة أن معظم ادوية موانع الحمل مش بتسبب العقم وبمجرد التوقف عن إستخدامها الخصوبة هترجع لوضعها الطبيعي ويحصل حمل ولكن في دواء من مشتقات البروجستيرون وهو الMedroxyprogesterone الذي يستخدم كل ٣ شهور كمانع حمل ممكن يأخر شوية من عوده الخصوبة بعد التوقف عن إستخدامه وبالتالي يتأخر حدوث الحمل بمعنى لو الست التي وقفت إستخدام هذا الدواء بغرض الإنجاب هنا ممكن يتأخر حدوث الحمل شوية ولكن موانع الحمل لاتسبب العقم .....

من أشهر الأعراض الجانبية لدواء Allopurinol انه بيعمل حساية
Hypersensitive Reactions
ممكن تبدأ بهرش وطفح جلدي وممكن توصل لمتلازمة Steven Johnson
ومن الحاجات اللي بتأثر علي الموضوع وتزود مخاطر حدوث الاعراض دس هي الجرعة اللي هنبدأ بيها
المفروض تكون أقل حاجه ف اليوم وهي
100 mg/day
ولو ف مشكلة ف الكلي لازم نعدل الجرعة
وبعد اسبوعين ممكن نزود الجرعة
100 mg
وخد بالك كمان ان risk حدوث الحساسية ممكن يزيد لو المريض بياخد معاه ادوية من عيلة ال ACEISs 👌
#صباحكم_جميل❤️

ال Co enzyme Q10 ويسمي أيضًا بال Ubiquinone


🔴 دا عبارة عن co enzyme موجود طبيعي في جسم الانسان داخل ال mitochondria. 

✔️ وله دور هام جداً في إنتاج الطاقة حيث يدخل في عملية :
 Electron transport chain 
لذلك يوجد بتركيزات عالية في الانسجة التي تحتاج طاقة عالية زي الكبد والكلية وعضلة القلب والعضلات الهيكلية. 

✔️ كمان ليه دور كمضاد أكسدة قوي جداً

⚠️ ولكن في بعض الحالات بيحصل نقص في كمية ال co-enzyme Q10 زي مثلاً :

• حالات أمراض القلب والسرطان لأن الجسم بيستنفذ كل طاقته 

• بعض الادوية بتمنع الجسم من تكوينه زي مثلًا:
 ال statins ، وال B-blockers 

• مع تقدم السن بيقل أيضاً تكوين هذا المركب ⬅️
عشان كدا المركب دا هام جدا و FDA approved أنه يستخدم في حالات كتير زي مثلًا : -
✅ Myocardial preservation before heart surgery :

يعني كمصدر للطاقة عشان يحمي عضلة القلب من الإجهاد أثناء العملية
بجرعة : 200 mg /day PO

✅ Congestive heart failure :
لأن عضلة القلب بتكون ضعيفة في هذه الحالة
وجرعته :100mg /day 

✅ Hypertension :
لأن مرض الضغط مع الوقت بيجهد عضلة القلب فالطاقة الموجودة في العضلة هتقل ⬇️

✅  Male infertility : 
بيحسن من معدل حركة ال sperm ويعطي طاقة لل sperm فهيزيد متوسط عمره ⬆️
✅ Migraine :
يستخدم كعلاج مساعد مع أدوية أخرىٰ لأنه في بعض الحالات بيكون سبب الصداع النصفي نقص كفاءة ال mitochondria
وممكن يستخدم لوحده كوقايه م الصداع النصفي 

✅ يُستخدم في حالات آلام العضلات الناتجة عن ال statins 
لأن زي م قولنا ال statins بتوقف تصنيعه في الجسم 
وعموما جرعة ال co enzyme Q10 :
 بتتراوح  من 50_200mg /day 

📑 Important note 

نخلي بالنا لو المريض بياخد warfarin لأنه شبه ال vit k في تركيبه وبالتالي هيقلل ال effect بتاع الوارفارين

صباحكم جميل ☕
شويةمعلرمات مهمة جداً لازم نعرفها عن دواء النت لوك :
الدواء دا اخر حاجه ممكن تستخدم في علاج حب الشباب لذلك بتوصف وبتستخدم بحذر شديد تعالو بقي نشوف ايه الحذر الشديد في وصفه

#الجرعه
اولا جرعه الدواء دا بتتحسب اذاي بنقسم وزن المريض علي ٢ ودي تبقي الجرعه اليوميه وبعدين نوزعها علي مرتين

ببساطة لو مريض وزنه ٨٠ كيلو جرام يبقي كدا الجرعه اليوميه 80/2=40 يبقي كدا هياخد قرص من تركيز 20mg مرتين يوميا

#الاحتياطات
١- ممنوع مع الحوامل او الي بتخطط لحمل لازم يوقف قبل الحمل ب ٣ شهور لأنه لو اتاخد مع الحمل هيخليها تخلف طفل عنده تشوهات وتاخر ذهني ..

٢-ممنوع مع مرضي الكبد ولازم المريض يعمل تحليل لانزيمات الكبد لو عاليه مياخدش الدواء اصلا لأن لو مريض الكبد اخده ممكن يعمل فشل كبدي .

٣- ممنوع التبرع بالدم الا بعد مرور شهر من اخر جرعه لأنك بتنقل الدواء للشخص اللي بيستقبل التبرع والاثار الجانبيه الي هتظهر عليه علي حسب سنه وحالته وخاصه ممنوع نقل الدم للحوامل

٤- ممنوع مع مرضي ارتفاع الدهون الثلاثيه
هو بيعلي الدهون الثلاثيه ولو المريض هي اصلا عاليه عنده فهتعلي اكتر ودا ممكن يعمله التهابات

٥- ممنوع نهائي تستخدمه قبل عمليات الليزك لانه بيعمل جفاف بالعين ودا هيضر بالعمليه وبالعين

٦- ممنوع مع المرضي الي عندهم جرح او كسر في جسمهم لو اخده هياخر التئام الجرح او الكسر

٧-لا يؤخذ علي معده فارغه مع كميه كبيره من المياه لانه بيعمل التهاب مكان الي بيلمسه وهو نازل في المرئ بيعمل التهاب مرئ ولما بينزل المعده لو فضل فيها كتير بيعمل التهاب

#التداخلات_الدوائيه
١_ خلي بالك ان فيه مضاد حيوي بيستخدم للدرجه المتوسطه من حب الشباب زي فبرامياسين الدواء دا لازم توقفه تماما طالما مبقاش يجيب معاه لان لو المريض اخدهم مع بعض معرض لحدوث حاجه اسمها pseudotumor crebri ودي ببساطة ارتفاع ضغط الدم داخل الجمجمة

٢_ خلي بالك من الادويه والمكملات الغذائيه الي فيها فيتامين أ لانها لو اتاخدت معاه هتزود من اثار الدواء الجانبيه

ايه بقي الاثار الجانببه للدواء دا ع الجسم ؟

بيعمل جفاف..... جفاف في العين والفم والجلد والانف علشان كدا نبهنا قبل كدا بضرورة استخدام المرطبات معاه

وكمان الدواء بيتداخل مع نتيجة بعض التحاليل زي سرعة التسريب وتحليل صورة الدم

بناء عليه ممنوع الدواء دا ياخده مريض الا لما يعمل تحليل انزيمات كبد ومتبقاش عاليه ولو متزوجه تعمل تحليلين للحمل ويكونو الاثنين سلبيين ومينفعش شخص بياخد الدوا ويروح يتبرع بالدم

#دمتم_بخير❤️

بعض التفاعلات الدوائية مع الكحوليات :

1- لو الكحول اتاخد مع الاسبرين او NSAIDs بيعمل نزيف فى الجهاز الهضمى GI Bleeding وده لانه بيعمل تضرر فى الطبقة المخاطية اللى بتغلف المعدة والامعاء Mucosal Barrier Damage

2- لو الكحول اتاخد مع مضادات الهيستامين Anti-Histaminics هايعمل More Sedation وده لان الكحول له تأثير مثبط على الجهاز العصبى المركزى CNS Depession

3- لو الكحول اتاخد مع الانسولين . هايوطى سكر الدم اكثر More Hypoglycemia وده لان الكحول بيمنع تصنيع الكربوهيدرات فى الكبد Inhibits Gluconeogenesis

4- لو الكحول اتاخد مع Yohimbine هايرفع ضغط الدم اكثر لانه هايؤدى الى زيادة افراز النورادرينالين Increases Noradrenaline Release

5- لو الكحول اتاخد مع مضادت الفطريات الموضعية زى Ketoconazole هايعمل قىء ورفرفة فى القلب Vomiting and Tachycardia وده لانه بيعمل Disulfuram-Like Action

✅️بيقلل من نفاذيه الاوعيه الدمويه بمعني انه بيمنع تسريب السوائل من الاوعيه الدمويه الي تحت الجلد زي ما بيحصل في الالتهابات وبينتج عنها تورم والتهاب لذلك فهو يستخدم كمضاد للاتهاب والتورم

✅️محلل للبروتينات لذلك ممكن يستخدم كعامل مساعد للهضم

✅️ بيحسن امداد الدم للاعضاء وبالتالي مفيد في حالات القرح وحالات اصابات الكبد لانه بيساعد علي سرعه الالتئام

✅️نتيجه لتحلله للبروتينات فانه يقلل من لزوجه السائل المنوي لذلك فانه قد يستخدم لعلاج العقم

✅️نظرا لتاثيره المضاد للاتهاب يمكن استخدامه في حالات التهاب الشعب الهوائيه لتقليل البلغم ويمكن ايضا استخدامه مع مرضي الربو والحساسيه

✅️يمكن استخدامه في حالات الجروح والنزيف كعامل مساعد