مرحبا صحابي 🫶🏻✨
انا أسل حمد
كيفكم؟🌝
اليوم قررت أنشأ قناة رح احط فيها يومياتي كطالبة في كلية طب الأسنان
اي حدا حابب يضل يا اهلا وسهلا فيه برضو اللي حابب ما يضل عادي ما رح ازعل منه
Love you all 💞💞

توقع اللُّطف من الأقوياء
الضعاف قُساة 🤍

‏اختصرَ حسَّانُ الحكاية كلّها:

‏وُلدتَ مبرءاً من كلِّ عيبٍ
‏كأنَّكَ قد خُلِقْتَ كما تشاءُ ﷺ ❤️

مساكم ورد صحابي💞🥰
اليوم كان شوي تعب بس الحمد لله خلص بكلمة طلعت من بابا حبيتها منه وحسيته مبسوط وهو فخور فيي .
- ريحتك يابا زي ريحة البنج ( التخدير). وكانت مع ابتسامة حلوة منه
= اه مانا جهزت الإبرة للدكتور وطلعت من عنده.

مِن بين كُل الصِّفات اللي كُل النّاس بتسعى لوجودها في الأشخاص اللي بحبوهم، بشوف إنّه أعظم شيء بالدّنيا إنّك تكون مع شخص فخور فيك ،
فخور بكُل شيء فيك رُغم إنه كُل اللي بتمتلكه عبارة عن معلومات صغيرة أساسية ولساتني ببني عليها ، فخور بطموحاتي غير المنطقيّة، وأحلامي المُستحيلة، فخور بكوني أنا أسل البسيطة 🧡🦋.
#لا_تبخل_بالكلمة_الحلوة 🫶🏻🫶🏻

اللهم إِني استودعك غزة وأهلها، سماءها وأرضها ، رجالها ونسائها، أطفالها وشبابها، وكل شبر في فلسطين🤲🇵🇸

لمّا تجي تشرب فنجان قهوة ☕
بس انتا طبيب أسنان🥰

طبيعي تكون المعركة المفضلة عندي؟🌝🌝🫣

للذكرى ……
كان يوم الخميس ٩-٣-٢٠٢٤ رحت على عيادة برستو ل Fixed partial تقريبا كانت اول عيادة بشارك فيها بتحضير المواد
لما جبت ال Glass inomer طلبت مني الدكتورة المساعدة اخلطه مع ال liquid الخاص فيه أنا ترددت ، خفت اعمله خطأ
أنا حكيت رح اعمل وشو ما تطلع تطلع
عملتها متل ما كنت أتعلم بالكورس النظري ومتل ما كنت أشوف الدكتور اللي تدربت عنده بشكل خاص
شافني الدكتور المشرف استغرب كيف طالبة لسا بالمرحلة التالتة عملتها بكل سهولة ورجع أكد علي اني عنجد سنة تالته🌝😁
الخلاصة 👈انبسطت انه حكالي كلام كتير مشجع ومحفز ، كل هاد بخليني أتقدم واتطور من حالي اكتر واختر واخلي كتيير ناس سواء اهلي او صاحباتي او الدكاترة اللي علموني فخورين فيي ✨🌸

بكُل مرة بقرأ فيها ردات فعل صحباتي أو زميلاتي على اشياء نشرتهُم على الستوري الإنستا أو حالة الواتس

هون بكون كل اللي ببالي عبارة عَن:
" يا الله، لقد مرّ من هنا احساس مُتخم بالتشجيع وبالحبّ .. ✨🫂
بتمنى أنه ما يختفي هيك شعور❤️