كله صوچي شجابني لهذا الدرب
مو علاقة دكول داخلي بحرب

فزت الناطور افز من ارد انام
واكفر بكابوسك اليبدي برعب

هسه غير الينطرد منها ويتوب
انه عكس الناس ارد ردود اطب

خنجرك ضكته وعرفتك من زمان
ناوي تغلبني وكلت عادي انغلب

قلص جفوفك بعد واضربني حيل
انه والدمام يعجبنه الضرب

نذر عفت رويحتك للغربة ليش
هوه مو كل ماي صالح للشرب

دكلي احبك وانت خايني برضاك
هذا موت احمر ولك لدكلي حب

ماتحب اليدك بابك بالحلال
وتهوى ذاك المن وره الحايط يطب

كتلي سرك كتلك اسكت مايفيد
ما تضم أسرارها كلوب الكتب

انه دمعي عليك ينزل من تغيب
وانت حتى بموتي دمعك مايصب.

جهنم بأمر ربك تحرَك الكفَار
أنت بأمر ياهو تحرك بروحِي

غادرتها بهدوء
وأنا متيقّن أن غيابي لن يُشبه أحدًا
ستعرف متأخرًا أن ما خسرته لم يكن شخصًا عابرًا،
بل شيئًا لا يُعوَّض
سيأتي بعدي الكثير
لكن لن يقترب أحد من أثري…
وأنا لم أكن ذكرى،
أنا الندم الذي سيتأخر فهمه .

خِطية الرُوح بَس تريد مَلگاك .

بخيبَة عَريان مِن يكُول :
تِعتِب والعَتب مَدفون جِثه إلتم عَليها الدود .

عذرك ما يفيدك ولا يَصير ضماد
بعد ما تعَبت گلبي عليمن راد ؟

لا تگلي بداعة عِيوني تعَال
بعَد كلش مو عَزيزة عيونك .

‏خاطري عزيز .. من يرخصه رخصته♥️