معذرة ع التأخير يا شباب بس النت كان خلصان ف حملته من نت الشغل 😁

دي قناة زميلتنا للناس عشاق الكتب والقراءه بتنزل كتب او روايات ممكن تختصر الطريق على حد لسه عاوز يبتدي قراءه
https://t.me/sam_m08

السلام عليكم ، كان في كذا حد منكم سألناه على محتوى القناه من زمايلكم ف كان اكتر حاجه كانو بيقولوا ان هيا كويسه وبتلزمهم بس الداتا ما كانت نفس الداتا ف هنعمل كالتالي 🤝🏻

إحنا بنقترح عليكم أن اتنين منكم بس كانو متابعين معانا وكانو محتاجين يعدلو أو كان ليهم وجهة نظر ف الداتا ويعدلو عليها لزمايلنا بتوع السنه الجايه بإذن الله ف اللي حابب يشارك يبعتلنا بإذن الله

وبالنسبه ليكم علشان في كذا حد سأل هنبدأ قبل اسبوع واحد من الدراسة على يوم ٩/١٠ مثلا كده ، بإذن الله

إللي معاه عملي دور تان ريسب سنين سابقه يبعت يا شباب

السلام عليكم ، يا دكتور حط نفسك مكان زميلك اللي معاه دور تان يعني مش هتخسر حاجه لو دخلت دورت على pdf موجود عندك وحرفيا هما بيكونو محتاجينه أوي ف ممكن لو معاك ومكسل تدور معلش أو شاكك أنه معاك تعالى ع نفسك ودور ممكن ربنا كان يجعلك مكانه وكنت هتحس بنفس المعاناه بس ربنا رحمك ف نحس ببعض علشان احنا مش ضامنين
والله فون العبد ما دام العبد في عون أخيه

أنا نفسي ابطل اتكسف لنفسي

رحله جديده بإذن الله ونيه جديده بإذن الله ، جددو النيه وبلاش تكسل في سنه تانيه والترمين مهمين ركز وإنت داخل في مديول اسمه cvs حاول تقفله ، بالتوفيق بإذن الله 🤍🤍

https://docs.google.com/forms/d/e/1FAIpQLScm-R0ix_nzcok9cgZZN7JxQL374aJ8eAGrQkYtayLIw9hkqA/viewform?usp=header
مشروع تخرج زمايلنا في سنه خامسه عاوزين عدد مننا يشارك فيه عن معدل انتشار أمراض القلب

بالنسبه التوازي والتوالي يا دكاتره
كده ف الأغلب لو لم تقرر الإداره الاسبوع ده ف غالبا هتكون زي ما انتم " توالي "

السلام عليكم، بالنسبه لفسيو ال cvs علشان فيه اسئله كتير ومعظمكم واخد عنه فكره أنه صعب بص يا سيدي هما كلمتين :
( حاول تخلصه بدري على قد ما تقدر وتقعد بقا تراجعه كتير وڤيديوز د.نورا موجوده هتخلص بدري وتحفظ الأسئله و تفهم إللي انت م فاهمه اضمنلك ال 100 بإذن الله )
وده اللي هنعمله أننا هنبدأ فسيو بإذن الله وهنخلصه بدري وبعدها هنبدأ سلسلتنا بالترتيب وكمان في حاجه هنضيفها بإذن الله السنادي وهيا أننا هنبدأ امبريو قبل الاناتومي " وده اللي بيقوله الترتيب العالمي في أوروبا للمواد الطبيه " ف إللي هيتابع معانا بإذن الله هنتفادى التريكات دي ومتقلقوش يعني ولكن بنقول للي ناوي يبدأ لوحده قبل الدراسه وانتم عارفين يعني لما بنبدأ بنخلص قبل نص المديول عامة وبنسيب ايام كتير تراجعوا فيها ف استنو لسه بدري ع الدراسه على فكره وحاول تتعلم حاجه ف الأجازه بس انت بس اقدر على التلات محاضرات بتوع كل يوم سماع وقراءه وحل وخلصهم ومتتأخرش عن التقارير بس ، بالتوفيق لينا وليكم بإذن الله 🤍

في اسئله بتيجي هل لو أنا مش هتابع داتا وهمشي بكورس مثلا بس انا عاوز التزم مع التقارير ولكن قدامي مشكله
مشكلة أن الكورسات بينزل محاضره محاضره على مدار المديول أو الترم بقى " لأن النظام بقى توازي " ف أنا كده هلتزم بالكورس وهلغبط الدنيا مع التقارير
ف احب اقولك لا مفيش اي لخبطه .. لو انت مثلا اشتركت مع د.عمرو مثلا ف إحنا هننزل إسم المحاضره والداتا بتاعتها والله نزلها ڤيديو عند د.عمرو وإنت مشترك معاه هتسمعه ولو منزلش ف قدامك حلين الاول واللي أرشحه انك تسمعه داتا وتذاكره ولما الدكتور ينزله اسمعه والتاني واللي هوا تمشي معانا داتا من غير اناتومي ولكن تكون مع نفسك ف الاناتومي

في النهايه ودي شهاده لله " كورس د.عمرو من افضل الكورسات ف ال cvs "
بدايتنا من يوم ١٢ بإذن الله إللي هيوافق يوم السبت اللي بعد القادم

في برضو حاجه عاوزين ناخد اراء الناس فيها وهيا أننا

( 1 ) مديولات متوالية
نمشي مديول مديول واللي نخلصه نراجع عليه جميل بس اللي هيكسل في المراجعه هيتمرجح ف الامتحان

( 2 ) الاسبوع المتوازي
تلات ايام cvs واتنين رينال ويوم سايكو ويوم ناخده مراجعه ع إللي اخدناه ف الاسبوع ولكن كده حاسس هيكون ملغبط وخصوصا ف الترم التاني اللي فيه اربع مديولات

( 3 ) الاسبوع المتوالي
وده اقتراح من زميلتكم نخليها اسبوع مثلا cvs و اسبوع تاني رينال وسايكو وده برضو كويس ونقدر نكمل بيه الترم التاني لو النظام ده كمل حاسسها فكره جهبزيه وهنركز في كل مديول شويه وهيكون في دماغنا المعلومات طول الترم واهو بنفصل بين المديولات وبعضها وكمان في العملي هنمشي توازي ونعمل ساعتها اسبوع لعملي ال cvs واسبوع للرينال وهكذا

أنا ارشح الرأي الاول والأخير

كده هنمشي اسبوع توازي بإذن الله
مكنتش برشحه صراحة بس رأي الاغلبيه
ف هنجربه أول شهر كده ونشوف رأيكم تاني بإذن الله

بالنسبه للمواد وهتعملو فيها ايه هننزلكم رساله بكره وياريت ياريت مترموش ودانكم لحد الدنيا سهله والله
الكلام اللي هيتقال هيزعل أصحاب الكورسات شويه بس هو لازم يتقال علشان احنا ماشيين على رساله وهيا ننور لإخواننا الصغيرين حتى لو مش في مصلحتنا

ورساله لأصحاب الكورسات بلاش تضليل للناس حتى لو مش في مصلحتك نور للناس اكتر هتلاقي ربنا بيرزقك أكتر مما إنت متخيل ، بالتوفيق 🤍

حاجات هتساعدك في سنه تانيه
🚩 سنه تانيه من اسهل السنين ولكن من أثقلها كماده علميه لانك باختصار درست تلاته سيستم في اولى وواحد في سنه تالته والباقي كله في سنه تانيه ف لازم وانت داخل تعرف انها مهمه والمعلومات اللي فيها قيمه جدا وتأسيسيه لحضرتك بإذن الله

معانا سؤالين بإذن الله اولهم هنتعرف على سنه تانيه " الترم الاول " والتاني اذاكر ازاي

ناخد الاول :
💠 سنه تانيه عباره عن ترمين الترم الاول هتدرس تلات مديولات والترم التاني اربع مديولات
الترم الاول ( سميستر ٣ )
CVS .. 200 mark
Renal .. 125mark
Psychology .. 75 mark
الترم التاني ( سميستر ٤ )
GIT .. 175 mark
Endocrine .. 100 mark
Rebroductive .. 100 mark
Metabolism .. 75 mark

🚩 ندخل ع المهم بقا وهوا الترم الاول وسيبنا م الترم التاني لحد ما نجيله هنبدا من الكلام الخفيف لحد الكلام التقيل

💠 نبدا بالسايكو :  ١٤ pdf هننزلهم هنا بإذن الله ، حضرتك صمتهم انت قفلت الامتحان ، كل pdf حوالي ٢٥ سلايد ماعدا محاضره اسمها ال personality حاجه وستين سلايد
🔻د.ناجي شارح ال ١٤ محاضره في بلاي ليست ع اليوتيوب هنتابع منها
( نصيحتي : جرب داتا الاول ولو منفعش " نادرا " معاك الجأ للكوسات لو مزنوق ودكاترة المديول ده من اطيب الدكاتره في الكليه )

💠 الرينال بقى : مديول خفيف ع القلب كده بس الفسيو مهم ومحتاج يتفهم والعملي بتاعه شديد شويه وكل ماده كام محاضره يعني متلاقيش ماده اكتر من ٧ محاضرات مثلا فيه

- الاناتومي فيه هتاخد الكليه وتركيبها من جوه وهتاخد المثانه والامبريو بتاعه محتاج مذاكره شويه

- الفسيو هتاخد فيه الضغط في محفظة بومان واي اللي بيأثر ع الضغط وهتاخد البول من اول محفظة بومان لحد ما يخرج من حوض الكليه بالسلامه وازاي جسمك بيفلتر الصوديوم والحاجات الصغيره دي وهتقعد مابين الاخراج "excretion"واعادة الامتصاص"reabsorbtion" طول المديول 🤕

- الهستو هتاخد تركيب من جوه وطنط شرين حامد مظبطه الكلام ع الاخر

- البايو هتاخد فيه تكوين البيورين البريميدين اللي بينزلو في البول على هيئة يوريا وتفاعلاتها بقى وانزيماتها واي اللي يحصل لو الانزيم ده نقص طب لو زاد طب لو الانتاج بتاع اليوريا زاد وكذا كتاب القسم فيه روعه ( وايوه في كتاب قسم ف الترم الاول للبايو جمييييييل اوي )

- الفارما محاضرتين هتاخد مدررات البول وتلات عائلات مضادات حيويه كده السلفونامايد والكيوينولونز والاماينوجليكوزايد

- الباثو بقى عيوب الخلقيه بتاعت الكلى والالتهاب الكلوي والمياه والصديد ع الكلى واورام الكلى هما سبع محاضرات

- البارا تلات محاضرات واحده من سنه اولى ( e.vermicularis ) و البلهارسيا ( في تلاته واحده هنا وواحده ف ال git وواحده ف ال ريبرو ) و حاجه اسمها الهايداتيد سيست عبيطه يعني

- الميكرو الكتاب ٢٠ صفحه يعني لو قرأته في يوم هتخلصه
هتاخد كذا حاجه وكل حاجه عليها كام سكر كده اهمهم ال e.coli وال pseudomonas

ف تقدر تقول ان الرينال مديول ف اللذيذ منه

💠 ال CVS عم العالم وأبو الفسيو وبرعاية قسم الفسيو
الفسيو ثم الفسيو ثم الفسيو ثم الاناتومي ثم الاناتومي ثم باقي المواد بقا ، وهقولك اه خليك الواد بتاع الدرجات هنا معلش

- الاناتومي يباشا هتدرس حوالي ١٣ محاضره واهمهم الامبريو بتاعه د.حمدينو يحب امبريو ال cvs حبا جما ، وهيسألك بقا ازاي القلب اتكون من الصفر لحد ما ركب الصمامات ، ومين اصله فين وهكذا ، والاورطي متقسم لحتت وكل حته طالعه منين والصمام ده كان ايه وليله كبيره

انما ال.G.A ( الجروث اناتومي اخي الفلاح " انا اعتز بيهم بس بنقولها بهزار طبعا " )
هتاخد فيه كل برانش من اول الاورطى وبرانشاته بقا واقعد سمع البرانشات وال portal circulation وكل artery طالع منه برانشات ايه وهكذا وطبعا مديول زي ده محتاج منك مجهود لو ناوي تاخد جراحه بعد كده علشان متقطعش البرانشات بتاعت العيان وتموت العيانين في إيدك ف ده الاناتومي

- الهستو طنط شرين مخلصه وملخصه

محتواه هيكون تلات طبقات القلب وال pericardium اللي على القلب واللي محوط اللي محوط القلب يعني غشاء الجواني والبراني

- الفسيو باشا بيه ابن معالي البيه

بص يا سيدي هوا ١٠٠ درجه ف اعمل اللي تقدر عليه عشان تقفله اتفقنا 🤝🏻 ( وآه ده المديول اللي بيطلع فوق وبينزل تحت )

ركز بقااا بنقسمه لقسمين جزء بتاع القلب وجزء بتاع الاوعيه الدمويه
هتاخد في جزء القلب خصائص القلب الاربعه وال cardiac cycle وال heart sound ومنحنى رسم القلب " ECG "  وال cardiac out put و درس اسمه ال venous return وتأثره ع القلب وبعده هتخش ف الاوعيه بقا
الجزء بتاع الاوعيه بقا كله ضغووط يعني هتاخد كل circulation بقا وتأثير الضغط والضغط ف الشريان الاورطي كذا طب وفي الشريان الرئوي كذا وعند الشعيرات كذا وامتى يزيد بقا وامتى يقل وعاوزك تفهم اخي العزيز بلاش ف فسيو ال cvs قراءة الكلمتين اتعب معلش

وبص هوا انت كل ما عليك تقرأ الكتاب كله وتفهمه كويس علشان هيلعب بيك الكوره ف الامتحان

كان جايبلنا سؤال بيقول هل لو ارتفع ال systolic blood pressure هل ال HR هيزيد ولا هيقل والإجابه اصلا مش هيتأثر ف لو مش فاهم كويس شيلته وكمان كان طالب تعليل ف انا قولتله هيزيد يباشا و قعدت أعلل روشته لا اصل انا فاهم كويس وف الاخر طلع اللي انا كاتبه غلط

ف انت محتاج تقرأ كتاب القسم وتخلصه بدري وتفر الأسئله اللي في كتاب القسم وتعيد عليها لحد الامتحان وانت وشطارتك وكان في سؤال بيتسأل هل الداتا كافيه " اه والله كافيه "

- بايو يباشا هتاخد اربع محاضرات تكوين الجليسيرول والتانيه تحليل الجليسيرول والتالته والرابعه اي هيحصل لو الجليسيرول ده زاد " تصلب الشرايين "

- فارما هتاخد اربع محاضرات بس ادويتهم اكتر من مصاريف السكن يعني علااجااات ال HTN وعلاجات فشل القلب ورعشة القلب ولو الرعشه من الاذين بس لا م البطين بس لا من الاتنين وهكذا وأدويه زي ال ARNI وال digitalis وانا عامة عاملهم ملخص اربع ورقات كده زي الفل كل درس في صفحه هننزله بإذن الله

- باثو هتاخد الحمى الرماتيزميه والبت نبويه عندها حمى روماتيزميه وحبيبنا د.كريم
وال HTN وهتاخد الالتهابات بتاعت اغلفة القلب لان القلب متغلف بتلات اغلفه ف معلش عادي بقا مجاتش عليهم

- البارا مفيش بارا ياعم ابسط 🙂

- الميكرو يباشا

هتاخد ال streptococcus وال endocarditis وال rheumatic fever وال chylamedia tracomatous و كذا موضوع تاني كده عاملينهم في ٨ صفح فيهم كل حاجه ف الكتاب هننزلهم هنا بإذن الله

بس زي م انت شايف كده تفاهه صح يعني هاتولنا كبير هاتولنا حد نهزقه

ياريت يا دكتورنا الفاضل تقرأ عشان تعبت وانا بكتب والله 😐
وبإذن الله هذاكر منين واخش كورسات ولا لا هننزلها رساله بكره