"فإن جلَّ هذا الأمر فاللهُ فوقَهُ
وإن عَظُمَ المطلوب فالله أعظمُ!"

مازال دقائق🥲

رابط النتيجه
ان شاءالله ربي يجبر بخاطركم جميعا 🩵🩵
https://finalresults.nec.gov.ly/

نسبة النجاح العامة ‎%‎77.28

شن صار فيكم 🦋
اني دور تاني وانتم🌿

https://t.me/faobkpjw2008vjw0
قناة لي طلاب الفرصه التانيه

يلي عندها دور تاني في الانجليزي تخشلي نديروا جدول نقروا بيه

فيه قصة شدتني لطالب من دفعة 2001 قعد يقرا بكل شغف وحط كل جهده من بداية السنة لأخر لحظة في الشهادة الثانوية، ما خلاش سؤال بدون ما يحله ولا معلومة بدون ما يقراها، وكان طامع ف نسبة عالية …بس يوم النتيجة، لقي نسبة مكانتش النسبة اللي توقعها وتعب على خاطرها، و حسّ بالدنيا ضاقت عليه وقعد يكرر في سؤال: “شن الشيء اللي درت غلط؟ أني في شن قصّرت؟”

لكن اللي ما كانش يعرفه، إن ربّي كان داسله خير مستحيل يخطر على باله في يوم، بعدها بفترة، جي قدامه تخصص ما كانش لا على البال ولا على الخاطر وقدمله فرص ما كانش يحلم بيها. سبحان الله… لو كان جاته النسبة اللي يبيها، راهو ما وصلش للحاجة اللي هوَ فيها توا🤍.

الحكاية علمتني إن مرات الفشل مجرد شيء ظاهري، بس في الواقع هو الباب للنجاح الحقيقي… وأهم شيء عدم الإعتراض على حكم الله واللي يجي من ربي يامحلاه🤍.

القناة حتكون خاصة بالطلبة اللي بيخشوا علوم طبية 😍

#منقول
الطلاب اللي ناويين كلية الطب بعد التمهيدي طبعاً يعتبر التخصص هذا من أكثر التخصصات الإنسانية في المجالات الطبية، ويعتبر علم الدنيا عند الإمام الشافعي فقال: " إنَّما العلم علمان علم الدين وعلم الدنيا، فالعلم الذي للدين هو : الفقه ، والعلم الذي للدنيا هو: الطب "🥼.



الطب 5 سنوات ما يعادل 12 السيمستر وبالامتياز والإعداد 7 سنوات.

وهما أهم أقسام التخصص :

1. علم الأنسجة والوراثة.
2. الكيمياء الحيوية.
3. علم التشريح.
4. علم وظائف الأعضاء.
5. علم الطفيليات.
6. علم الأمراض.
7. الأحياء الدقيقة.
8. علم الأدوية.
9. طب الأسرة والمجتمع.
10. طب النساء والولادة.
11. الطب الشرعي والسموم.
12. طب العيون.
13. طب الأطفال.
14. الأمراض الباطنة.
15. الجراحة
16. المهارات السريرية.

الطب مقسم لمرحلتين :

المرحلة الاولى اللي هيا المرحلة ماقبل السريرية (preclinic) :

بتقرا في سيمستر الأول (introduction) :

Anatomy علم التشريح
Histology علم الأنسجة
physiology علم وظائف الأعضاء
Biochemistry كيمياء حيوية
English 3

السيمستر الثاني :

Anatomy 1
Histology 1
physiology 1
Biochemistry 1



السيمستر الثالث :

Anatomy 2
Histology 2
physiology 2
Biochemistry 2

السيمستر الرابع :

Anatomy 3
physiology 3
Biochemistry 3
Microbiology الأحياء الدقيقة

السيمستر الخامس :

Anatomy 4
parasitology علم الطفيليات
pharmacology 1 علم الأدوية
pathology علم الأمراض
clinical المهارات السريرية

السيمستر السادس :

Microbiology
pharmacology 2
pathology
clinical skills

السيمستر السابع الأخير في المرحلة ماقبل السريرية بتقرأ :

pharamacology
pathology
clinical skills
Behavioral sciences العلوم السلوكية
Family and community Medicine طب الأسرة والمجتمع

نجوا للمرحلة الثانية (clinic) السريرية:

اضم السنة الرابعة والخامسة وفي المرحلة هذي بتبدوا تمشوا للمستشفى.

السيمستر الثامن :

ophthalmology العيون
Family and community medicine
Forensic and Toxicology طب الشرعي والسموم

السيمستر التاسع :

obsterics and Gynecology النساء والولادة

السيمستر العاشر :

pediatrics طب الأطفال

السيمستر 11:

medicine باطنة

السيمستر 12 والاخير:

Surgery جراحة عامة

وبعد ماتخلص جميع المقررات بتبدأ أخر مرحلة واللي هي سنة الإمتياز، بتدرب في المستشفى وكل قسم فترة معينة.

رابط قروب المناقشة لدفعتنا

https://t.me/+zvXJ390q1Ps3OWE8

نسبه النجاح دفعه 2000 : 36‎%‎
نسبة النجاح دفعه 2001 : 38‎%‎
نسبة النجاح دفعه 2002 : 42‎%‎
نسبة النجاح دفعه 2003 : 46‎%‎
نسبة النجاح دفعه 2004 :%‎ 40
نسبة النجاح دفعه 2005 : 57‎%‎
نسبة النجاح دفعه 2006 : 48‎%‎
نسبة النجاح دفعه 2007 : 58‎%‎
نسبة النجاح دفعه 2008 : 77‎%‎

طبعا هاذي نسب نجاح الدفعات في الشهادة الثانوية ، اي نسبة تتوقعوا انها قريبة للواقع وصحيحة بنسبة ليا نقول دفعة 2000 و 2001 فقط 💙.

خيركم مش متفاعلين معانا

نبي نخش هندسة ونفتح عيادة ونولي محامية كبيرة والناس تقول الاعلامية مشت والدكتورة جت ونبدأ كاتبة ونقري ناس و ونسافر ويقولو اهيا السفيرة جت 🥲🤣💔
منلومكمش اذا كان الادمن نفسها مش عارفه شن تخش ولا قررت اصلا🤣🤣🤣

نصيحة من خوكم الكبير

لخوتي الشباب اللي توا مكمّلين ثانوية عامة، نبي نقوللكم حاجة من القلب:

اختيارك للطريق والمجال اللي تبي تشتغل فيه في حياتك، أهم مليون مرة من اختيار الجامعة، وأهم من المجموع، وأهم حتى من النجاح ولا السقوط.

لو لا قدر الله سقطت، عادي… سنة وتعاود وتنجح.
لكن لو اخترت الطريق الغلط؟ تصدق ممكن تضيع منك سنين، وحتى حياتك كلها.

اسأل روحك أسئلة مهمة:
• شن تبي تشتغل في المستقبل؟
• تبي توصل لشن بالزبط؟
• أهلك يخدموا في شن؟ وهل هم ناجحين بالصورة اللي انت تتمناها ولا لا؟
• تبي تخدم في نفس المجال متاعهم ولا لا؟ ولو إيّا، شن تقدر تضيف؟

جاوب عالأسئلة هادي بصدق… وبعدين دور الجامعة اللي توصلك لهدفك.

مش تخلّي المجموع هو اللي يقرر عنك!

في زمنّا، الدراسة أكيد مهمة،
لكن الأهم منها هو المهارات.

تقدر تتعلم مهاراتك:
• بكورسات أونلاين
• بدراسة ذاتية
• أو حتى تمشي تدرب وتشتغل من بكري وأنت تقرا في الجامعة

أنصحك، لا تضيع وقتك!

الدنيا تجري وسريعة أكثر من ما تتصور!

فنصيحتي ليك:

لو أهلك عندهم شغل، مطعم مثلًا؟
تعلم تسويق، بزنس، انزل تدرب من أول يوم في الجامعة،
افهم الشغل وطور فيه.

ولو ما عجبك شغلهم؟
ممكن تخدم في مجال ثاني، لكن فكر دايمًا كيف تكون مميز وتفيد عيلتك.

ولو أهلك موظفين؟
دور شن المجال اللي تحبه وتقدر تبدع فيه،
باش تكون موظف رقم واحد، ويطلبوك الشركات ويقدروا فيك.

الحياة سريعة وتبي تخطيط صح من بكري،
مش بس شهادات ولا مجموع!

خطط، تعلم، تطور، وخلي عندك هدف واضح.

كل التوفيق ليكم يا شباب 💪🏼🇱🇾

السلام عليكم
جيت نحفزكم ونقوللكم نعرف حد قريبي رسب في الشهادة الثانوية وتوا دكتور في ألمانيا 🤍
وصلتكم الفكرة؟

وجيت نقوللكم يلي أني المده يلي فاتت كلها نحفز فيكم أني جبت مادتين وبرضو بكيت ومانقدرش نقول او نكابر لا مابكيتش لاكن نحب نقوللكم حاولو مده هادي كلها تخشو كورسات باش ماتفركسوش يوم الامتحان وربي ينجحكم وينجحني معاكم كلكم وربي ينجح ميار يلي معانا اهني ادمن لان ظلم وربي يسخر للكل النجاح💗

بدايةً أسال الله عزّ وجلّ أن يقرّ عيناك بنتيجة تسرّ الخاطر ياربّ العالمين .
أدعولي والله رسبت ظلم حسبي الله ونعم الوكيل في من كان السّبب.