#маслаҳат

Интернет орқали менга
Битта хабар келибди
Уйланувчи йигитга
Тавсиялар берибди:

1.
Шундай қизга уйлангин:
Доим кулсин, қувнасин
Доимо хурсанд юргин
Кайфиятинг кўтарсин!

2.
Шундай қизга уйлангин:
Ширин таом пиширсин
Сен қоринни ўйлагин
Майли, қорнинг иширсин!

3.
Шундай қизга уйлангин:
Ҳаммадан чиройлига
Хавасини келтиргин
Келинни ойлигига!

4.
Шундай қизга уйлангин:
Устингдан кулган сезсин
Вафодордан танлагин
Шундайлигингча севсин

5.
Гапларимни тинглагин:
Уйда жанжал бўлмасин
Сен сездириб қўймагин
Бир-бирини билмасин!
😜
@DOSTON_SUXANDON

#маслаҳат

Пулингиз кўпроқ бўлса
Уйлар тиллога тўлса
Маишат камлик қилса
Хотинни кўпайтиринг!

Ғалва керак десангиз
Бошқасини севсангиз
Ҳалол луқма есангиз
Хотинни кўпайтиринг!

Хотин гапга кирмаса
Тонгда сахар турмаса
Сўнгра қувлаб урмаса
Хотинни кўпайтиринг!

Рашқ ўтини кўрмаган
Қизлар билан юрмаган
Хотинини урмаган
Хотинни кўпайтиринг!

Кўзлар олма тердими?
Хотин рухсат бердими?
Биров олма дердими?
Хотинни кўпайтиринг!

Фарзандларингиз камми?
Учтадан ўнтаданми?
Тўртинчиси малҳамми?
Хотинни кўпайтиринг!

Айтай десам гапим кўп
Тарғиботга денг-да "хўп"
Шўр бўлиши учун "лоб"
Хотинни кўпайтиринг!

Айтмайман ўз ниятим
Хотин билмас ғийбатим?
Энг сўнгги маслахатим:
Хотинни кўпайтиринг!

@DOSTON_SUXANDON