شعری زیبا از: #مرتضا_خدایگان

وِرَه لا کَه کاوَه مارونِ گیسِت
بِلُویلِن شَپشَپَه تُویتُونِ گیسِت
خِری باریرَه وخته چُویچ و مُویچَه
بِگرمِه باوِشت چُوی گَرتَه چُویچه
دَماکه، ئی انار تُرشَه بِشکِن
تِکی آو ئَر لِچِ لوچِم بِپِشکِن
بِنیش ئَر «دَم تنگ» و نو بارِه بازار
اناری ئِه انارِ «ژیرتنگ بار»
بِخَن تا باوَه جِد شوگار بایِه ر
گِه هور ئِه پِشت «ویزنیار» بایِه ر
سیاو ئَر سر سیاو ئَر سر سیاوم
تونی گِه مِه بِچی کم بورِه خاوِم
تو گِه زیتُوین سُوزی، تو گِه کاوی
تو گِه خوینی من و خوینی سیاوی
بِچم ئَر ئی تَنگَه نُومت بُواشِم
بنالم، «داگله» ئِه یک بپاشم
بچُویچِنمِت، بِچِنمِت ئِه دُوارَه
بِکَنمِت، ئِه نُوا بِنمِت دُوارَه
گِه آخر کی دیه آگِر حُنِک بو؟
تو دیتَه گِلمِتی عاشِق کُچِک بو؟
تو دیتَه مُونگ ئَه نوک دارا؟ مِه دیمه
هور و آساره ئَر یه جا؟ مه دیمَه
مه دیمه، هِن یَسَه هُونَه مَنالِم
اگر بُوینی مَزونی چُوینَه حالِم
تو دیته کَنی و کَل ئِه بَخَل یَک؟
کتوُن و باد و مشعل ئِه بخل یک؟
مه دیمه، هن یَسَه موشم مه دیمه
مه دیمه هِن یسه دیوانه بیمَه
نِموشی «بای بِردَه» دِلمَه موُری؟
مَلوُیلی، منزل ئَر منزلمَه موُری
کَل ئَر کَل تیمو ئَر تیمو وَه تُورتا
کل ئَر کل، آهو ئَر آهو وَه تُورتا
گُلاوِت داسَه دَس بادِ شَمالا
انارِ تو انارِ باخِ بالا
خدا وِژ باخِ تو آباد کَردَه
انار تو انار «باخ زردَه»
خدا وژ نُومِ نازارِ تو ناسی
وِژِه یِه شاخَه ئِه دارِ تو ناسی
گِلاناری وِجاخِ باخ سردَه
گِلارا لامَصُو ایلاخ سردَه
مه بی تو آومَه مُوری، چیشی ئَر سر
مَچو بی کِش ئِه «خورچی کش» میِه دَر
تو نُومِت «تنگ سیاوه» باخِت آباد
رَگِت «وار آسیاوه» باخِت آباد
دَمِت شِلکینیهُ و خُرما و رُوینَه
لُوه ت تِلیاقَه، گیسِت مار و پُوینَه
وَه ئی حالا گه ئِه داخِ تو داخِم
ولی مِه کُر کو و بوسون و باخِم
مَتُرکِم مامَه تُور دارَل انارا
دلم ئِه آو گِلادَه بِیتَه وارا
مَتُرکِم مامَه تُور دارَل انگُویرا
دیارَه دارَلِت ئِه بَرزِ دوُیرا
کَل أر کَل تیمو ئَر تیمو وه تُورتا
کو ئَر کو، آسو ئَر آسو وَه تُورتا
هُوره تاوِت کَموتَر هاتیه رَه
انارت شیر مادر هاتیه ره
داوار و مَشکَه و مالار و هیزَه
انارت خاصَه انجیرت عزیزه
پی نوشت:
۱- داگِله: نام کوهی که زیرتنگ را از پشت تنگ جدا میکنه و تنگه ی زیرتنگ در این کوه ایجاد شده است.
۲- بای بِردَه: بادی سرد و معروف در میان بومیان منطقه که قبل از طلوع خورشید شروه شده و تا چند ساعت وزیدن دارد و از تنگه ی سیاب وارد انارستان می شود.
۳- دم تنگ: ورودی زیرتنگ پس از عبور از تنگه ی سیاب که روستایی کوچک با همین نام در آنجا واقع شده است.
۴- خُورچی کُش: نام قسمتی معروف و با جریان تند در پایین دست رودخانه ی سیاب که از مناطق خطرناک این رودخانه است.
۵- وار آسیاو: قسمتی از رودخانه ی سیاب که پایین تر از یک آسیاب قدیمی قرار دارد و سال هاست محلی مناسب برای آبتنی اهالی است.

#ایران
#قوم_لک
#زبان_لکی
#شعر_لکی
@Doroodfaraman

ویدئو کلیپ #هنارس ارکسترال
#حسین_رضا_اسدی
#جواد_شاهی
#مرتضا_خدایگان
@hoseinrezaasadi
اتحاد و سربرزی #دورودفرامان
@Doroodfaraman

نَفَس اِ سینه صَد چاکَ مَکیشم
گُمَل اَر سَر گُمَل خاکَ مَکیشم
خُماری چَمَلت توو دامَسِ یَک
مَری صَد سالَ تلیاکَ مَکیشم

شاعر: #مرتضا_خدایگان
خوانش: #سحر_مرادی_نژاد
دکلمه_لکی #شعر_لکی
@Doroodfaraman

چند دو بیتی لکی از #مرتضا_خدایگان

شاعر و خوانش: #مرتضا_خدایگان
#شعر_لکی #دکلمه_لکی #زبان_لکی
@Doroodfaraman

قسمتی از تصنیف لکی ' چِلسِرو'

آواز و آهنگ: #حسین_رضا_اسدی
تنظیم: #مهدی_مرتضایی
شعر: #مرتضا_خدایگان
@Doroodfaraman

📚 شعر #لکی

لَکی پاچای مِهر و زونِ عِشقَه
لکی شیرینِ کِرماشونِ عِشقَه

لکی ویروشیَه، وارونَه، وَشتَه
لکی هَرسینَه، دِلفونَه، کُؤَشتَه

لکی هم باؤَه، هم خُؤَە هم بِرایَه
لکی هم زونِ دل، هم زونِ دایَه

لکی چُوی دَم تَقَه دوسی لَذیذَه
لکی هَر چُوی گرین خم عزیزه

لکی چُوی دار آسو بَرز و بُونَه
لکی ضَربِ زمین ئَر آسمونَه

چَنی مورِ خِل و خَس های إِ تینی
لکی هَلمِ هنارَس های إِ تینی

رَنگینی گُلونی کیشاسی إٍ سَر
کِراسِ باؤَه آدم هاتی إِ وَر

لکی رَگ‌ریشیَه، بَن‌جَرگَه، خؤینَه
لکی تاریخِ قُومی های إِ سینَه

چِراخیکَه وِرِه حُؤَر گیسیایَه
کِتاویکَه وَه مَفرَغ نُویسیایَه

لکی ئِه کُویزَه کَهمون آوَه مَئری
خَمِ ایلام تا خُرماوَه مَئری

لکی بالَه، جیائی نِیری إٍ مِئ
لکی شیرینَه هَر چُوی شِئری إٍ مِئ

▫️آهنگ پس‌زمینه: تک‌نوازی کمانچه از اردشیر کامکار
▫️شاعر و دکلمه: #مرتضا_خدایگان
@Doroodfaraman

#نارینه_لکی: آگِر آباد
خواننده: حسین رضا اسدی
آهنگساز: شهرام منظمی
شاعر: #مرتضا_خدایگان
@hoseinrezaasadi
اتحاد و سربرزی دورودفرامان
@Doroodfaraman

‍ #نارینه_لکی_آگرآباد


خواننده: حسین رضا اسدی
آهنگساز: شهرام منظمی
شاعر: #مرتضا_خدایگان

شعر:

و یه گل ئِه دس بالم چیه ره        
موشقی زخمیم بالت بیه ره
اگر ماو یه بژانگی ئِه وژت بار             
درکمی ها دله ره باریه ره

دروینم آگرآباده  مزانی                     
فقط هی داد و بیداده  مزانی
خمی که مه ئَه روی کوله مکیشم        
فقط گرداله فرهاده مزانی

ترجمه:

یکباره از دست و بالم در رفت   
می بخشی! زخمی ام، آستینی بالا بزن
اگر برایت ممکن است مژه ای از خود بیاور 
خاری در دلم است، آن را بیرون بکش

درونم سرشار آتش است و می داند  
فقط افسوس و بیداد است و می داند
غم و اندوهی که من به دوش می کشم 
فقط برای فرهاد قابل فهم است
🎼🎼🎼
خواننده: #حسین_رضا_اسدی
آهنگساز: #شهرام_منظمی
شاعر: #مرتضا_خدایگان

تار، عود، بم تار : #آزاد_میرزاپور
کمانچه، ویلن آلتو: #علیرضا_دریایی
تمبک، دف، دایره، دهل، ضرب زورخانه: #سینا_مهری
سنتور : #شهرام_منظمی
ضبط: استودیو نغمه سازان
میکس و مسترینگ: #احمد_میرمعصومی
طراح گرافیک: #حسین_ابراهیمی_گلباغی
@hoseinrezaasadi
اتحاد و سربرزی دورودفرامان
@Doroodfaraman

‍ #نارینه_لکی_آگرآباد


خواننده: حسین رضا اسدی
آهنگساز: شهرام منظمی
شاعر: #مرتضا_خدایگان

شعر:

و یه گل ئِه دس بالم چیه ره        
موشقی زخمیم بالت بیه ره
اگر ماو یه بژانگی ئِه وژت بار             
درکمی ها دله ره باریه ره

دروینم آگرآباده  مزانی                     
فقط هی داد و بیداده  مزانی
خمی که مه ئَه روی کوله مکیشم        
فقط گرداله فرهاده مزانی

ترجمه:

یکباره از دست و بالم در رفت   
می بخشی! زخمی ام، آستینی بالا بزن
اگر برایت ممکن است مژه ای از خود بیاور 
خاری در دلم است، آن را بیرون بکش

درونم سرشار آتش است و می داند  
فقط افسوس و بیداد است و می داند
غم و اندوهی که من به دوش می کشم 
فقط برای فرهاد قابل فهم است
🎼🎼🎼
خواننده: #حسین_رضا_اسدی
آهنگساز: #شهرام_منظمی
شاعر: #مرتضا_خدایگان

تار، عود، بم تار : #آزاد_میرزاپور
کمانچه، ویلن آلتو: #علیرضا_دریایی
تمبک، دف، دایره، دهل، ضرب زورخانه: #سینا_مهری
سنتور : #شهرام_منظمی
ضبط: استودیو نغمه سازان
میکس و مسترینگ: #احمد_میرمعصومی
طراح گرافیک: #حسین_ابراهیمی_گلباغی
@hoseinrezaasadi
اتحاد و سربرزی دورودفرامان
@Doroodfaraman

خِرَه ماری زمین اِ دورِ چَمِت
هُوَرِت ناسِه سیاتی قُورِ چمت

خدا دی تا قیامت دَس نِموری
بسازی چی تِرِک اِ طورِ چَمِت

خوانش: دکتر داود داودی
شاعر: #مرتضا_خدایگان
@Doroodfaraman