Язып ятканчы, ятып язу хәерлерәк.

Рабит Батулла

Алманы карамадан карамыйлар.

Үз халкыңнан акыллы итеп көлә белмисең икән — алынма! Мыскыллап, мескенгә калуың бар.

Марсель Галиев

Булмый телне калыплап,
буз күңелне авызлыклап!

Равил Фәйзуллин

Кояш бик зур да, аны капларга кечкенә болыт та җитә.

Кешене кеше иткән
Бер нәрсә - кешелеклелек!

Туфан Миңнуллин

Кеше холкын күзәт, үзеңнекен төзәт.

Татар халык мәкале

Сүз — могҗиза ул! Сүзгә ияреп, уй чыга, димәк, акыл, хәтер суырылып чыга... Сүз сихердән өстен, ырымнан алда йөри. Сөйләшкән кешене, сүз белгән кешене юлдан яздыру кыен.

Галимҗан Гыйльманов

Иҗат итү — илаһи халәт, кеше акылының җиңүле тантанасы...

Равил Фәйзуллин

Үлемнәре белән үлемсезлек
Яулап ала безнең шагыйрьләр.

Равил Фәйзуллин

Җәй көнне чанаңны, кыш көнне арбаңны әзерләп куй.

Табигатьне танып белү һәм табигать белән татулыкта, бердәмлектә яшәү — кеше өчен иң югары бәхет. Хакыйкатьне иң элек табигатьтән эзләргә кирәк.


Мәхмүт Хәсәнов

Тапкыр сүз мәгънәне тапкырлый!

Шәүкәт Галиев

Башка телләр белән чагыштырып карамасаң, үз телеңнең байлыгын, үзенчәлеген, эчке хосусиятен беркайчан да бөтен тулылыгы белән аңлап һәм ачып бетереп булмый.

Суфиян Поварисов

Язгы хезмәт — көзге хезмәт.

Көн – эш өчен, төн – ял өчен.

Алтын бәһасенә торырлык сүзләр дә бар. Шуңар аларны иң кирәк булганчыга кадәр дәшми саклап торуың алтынга тиң.

Мөхәммәт Мирза

Акыллылар ахмак кубызына биегән илдә буза куба.

Туфан Миңнуллин

Иң озын, кызыклы һәм маҗаралы сәяхәт: “Әйдә, кыска юлдан китәбез” — дигән сүздән башлана.

Марат Кәбиров

Үзен-үзе саклау һәрбер аерым кешенең хакы булган кебек, үзенең милләтен, милли мәдәниятен саклау да һәрбер милләтнең мөкаддәс вазифасыдыр…

Гаяз Исхакый