Kecha informatiklarimizdan tushgan e'tirozlar bir necha kun oldin bo‘lgan fizika o‘qituvchilaridan ham tushyotibdi.

Bir fizik ustozimiz minglab fiziklar jamlangan fiziklar guruhidagi xabarlarni bir qismini tashladi, 170 ga yaqin xabar bir tashlaganda, oxiri guruhini o‘ziga qo‘shdi, juda xafa hamma, qo‘li ishga borgan yo‘q.

Bir narsani o‘yladim, masalaga adolatli, hissiyotsiz qarab xolis aytaylik: attestatsiya boshqarma boshlig‘i Sardor Rahmonboyev aybdor emas bu yerda!

Nega deysizmi, chunki har narsaga mas'ul o‘z egalari kechagidey Sardor akadey intervyu berib chiqsin! Boshqarma boshlig‘i hamma savolni tuzib chiqmaydi (bir donayam tuzmaydi to‘g‘rirog‘i) va u AKTni boshqarmaydi baza qotmasligiga javob berolmaydi, uniyam egasi boshqa. Ko‘ryapsizmi, har ishni egalari qotirib qo‘yolmagan ishga Sardor Rahmonboyev aylanib kelib "pushkaga" tutilyapti.

Savollarni tuzganlar ochiq intervyu bersin, eshitishimcha Pedagogik baholash markazi attestatsiya savollarini tuzadi, ekspertiza qiladi, ular esa ma'lumki hammasi PIMAda ishlaydiganlar, demak savol tuzganlar va ekspertlari PIMAdagilarga ham aloqador ekan. Marhamat, chiqib kerak bo‘lsa hamkasblariga tushuntirish bersin, pul berib topshiryapti bular, kamiga ishchanlik holati nol bo‘lyapti shunaqa betayin savollarni deb.
Shuningdek, vazirlikning aynan attestatsiyaning AKT ga mas'ullari ham butun jamoasi bilan chiqib intervyu bersin!

Nega Ta'lim inspeksiyasi davrida biron marta tiqir etib qotmagan bazasi MMTVga o‘tgach qotyapti, nega o‘qituvchi o‘zi rasvo savollardan asabiylashib turganda la'nati bazasi ishlamay qotishiga yana asabiylashishi kerak?!

O‘zi Ta'lim Inspeksiyasi davridek har bir savol approdatsiyadan o‘tkazilarmikan yo‘qmi buyam qorong‘u. Agar o‘tkazilsa ham savol tuzuvchilar boshida turganlar PIMAdan olingandek, eksperimentdagilar ham PIMAdan olinarmikan? bunday holda savol tuzuvchilar ham ekspertlar ham PIMAda ishlasa o‘sha ko‘z bilan qaraydi, osonku,  deb o‘tkazadi, aslida ularning yarmicha oylik ham olmaydigan oddiy maktab o‘qituvchisi yechib, sinab ko‘rishi kerak edi aslida bu savollarni. Bo‘lmasa buncha qiyin masalalarni maktab o‘qituvchilari ko‘rgach, to‘htanglar, almashtiringlar, o‘qituvchilar norozi bo‘ladi, deyishlari aniq edi.
Meni xayolimga shular kelmoqda negadir.

Xullas, Sardor aka rahmat sizga, barchasini imkon qadar javob berib tushuntirdingiz, siz yaxshi kadrsiz, lekin endi marhamat qilib aynana savol va AKT egalariga so‘z beraylik?

Nega bunday bo‘ldi, bir emas bir necha fanlarda?
Endi nima qilamiz bu Fizik, informatik, jabrlangan, pul to‘lab kirgan MIJOZLARGA?

Qayta topshirishadimi?

@domlajon
t.me/domlajon

“Islohotlar bilimdoni – 2024” ko‘rik-tanlovining Respublika bosqichi hujjatlari saralandi.

Bugun Oliy ta’lim, fan va innovatsiyalar vazirligi va Yoshlar ishlari agentligi tomonidan tashkil etilgan oliy taʼlim muassasalari pedagog xodimlari va talaba-yoshlari o‘rtasida o‘tkaziladigan “Islohotlar bilimdoni” respublika ko‘rik-tanlovining 1-sharti bo‘lib o‘tdi. Unga ko‘ra, Talaba va o‘quvchilarning ijtimoiy faolligini oshirish markazida respublika hakamlar hayʼati tomonidan barcha ishtirokchilarning hujjatlari o‘rganib chiqilib, tegishli tartibda baholadik.

Hujjatlari eng yuqori ballga ega bo‘lgan ishtirokchilar hakamlar hayʼati aʼzolari oldida sohadagi mavjud muammolar va ularni bartaraf etish yuzasidan innovatsion takliflar, ilg‘or tajribalar xususida o‘z taqdimotlarini o‘tkazadilar.

1-shart bo‘yicha yuqori ball to‘plab, taqdimot o‘tkazadigan ishtirokchilar ro‘yxati ertaga @manaviyateduuz kanali orqali e’lon qilinadi.

@domlajon
t.me/domlajon

Eng nufuzli xalqaro fan olimpiadalari g’oliblari ham taqdirlandi.

5 ta eng nufuzli xalqaro fan olimpiadalarida (matematika, fizika, kimyo, biologiya va informatika) medallarni qo’lga kiritgan o’qituvchilar va ularning ustozlari ham mukofotlandi.

Joriy yil o’quvchilarimiz jami 11 ta medal (1 ta oltin, 4 ta kumush va 6 ta bronza) olishdi.

✅ Prezident qaroriga muvofiq, tan olingan Xalqaro fan olimpiadalari g’oliblariga davlat byudjetidan quyidagicha bir martalik pul mukofoti beriladi:

🥇1-o’rin (oltin medal) uchun:

o'quvchiga — 500 baravar (187 mln 500 ming so‘m);
ustoziga — 450 baravar (168 mln 750 ming so‘m).

🥈2-o’rin (kumush medal) uchun:

o'quvchiga — 300 baravar (112 mln 500 ming so‘m);
ustoziga — 250 baravar (93 mln 750 ming so‘m).

🥉3-o‘rin (bronza medal) uchun:

o'quvchiga — 200 baravar (75 mln so‘m);
ustoziga — 150 baravar (56 mln 250 ming so‘m).

Shuningdek, ushbu o'quvchilar davlat OTMlariga test sinovisiz va qo‘shimcha imtihonsiz grant asosida talabalikka qabul qilinadi.

Kimyo fani ustozi, Yoshlar ishlari agentligining "IQtidorly" loyihasi mentori, avval ham sizlarga tanishtirgan ustozimiz Mohira Boltayeva bu yil tayyorlagan oʻquvchilar eng nufuzli xalqaro olimpiadalarda 3 ta (1 ta oltin, 1 ta kumush va 1 ta bronza) mintaqaviy xalqaro olimpiadalarda 5 ta (2 ta kumush, 3 ta bronza), jami 8 ta medalni qoʻlga kiritdi.

Buning natijasida bugun Mohira qariyb 380 mln so‘m pul mukofotiga ega bo‘ldi.

Ofarin Mohira!

Ofarin g‘oliblarimiz Daler, Saida, Axror, Mirjahon, Javohir, Jasurbek, Ozodbek, Rasulbek, Madina, To‘lqinjon, Elbek!

Bilim orqasidan elda aziz, degani shu, hammalariga yaxshi kunlarga buyursin, kelgusi yilda kimyo singari matematikadan (IMO)dan ham O‘zbekiston ilk oltin medalini qo‘lga kiritishini tilab qolamiz.

@domlajon
t.me/domlajon