كورس الانجلش بتاع الاجازة اللي عمرك ما هتروحه يتصل بك

والله ما عارف بنيل اي في حياتي بس الناس بتقولي يا هندسه

صاحبتي قالتلي يا مجنونه وبصراحه مش متوقعها منها انها تتعدي حدودها معايه في الطريقه دي ونفسي تعبت منها ازاي ممكن انسي الكلمه ديي واتجاوزها عشان مش اخصرها صدقا الكلمه لهلاء موجعاني.

في نوع من الصُحاب ما ينفعش نستغنى عنهم، مهما قابلنا وعرفنا ناس جديدة هما في حتة تانية لوحدهم، ودايمًا في كيميا ما بينا .. دا غير الدفا اللي ما بنحسش بيه غير في وجودهم، وأول ما نتقابل بنقعُد نحكي لبعض كُل اللي حصل في الأيام اللي فاتت .. وبنسألهم عن رأيهم وبنشاركهم همومنا ومشاكلنا وكُل حاجة حرفيًا.

‏النوع دا من الصُحاب مهما الدُنيا تشغلنا وتفرقنا في الأخر مالناش غير بعض ودايمًا فاكرين بعض بكُل خير.

لو شايف نفسك من نوعية الاشخاص اللي بتتعب و تتأثر اوي
لما تقدم لغيرها كتير و ماتتقدرش او ماتلاقيش في النهايه رد الفعل اللي هي مستنياه ..
فا أحب اقولك إن للأسف الحل عندك انت ، مش عندهم ..
لأن ببساطة انت مش هاتربي الناس ولا هاتعرف تعلمهم يعني ايه تقدير و يعني ايه أصول ..
ولا صح انك تقل من نفسك و انت عمال علي بطال تعاتبهم
و تلفت نظرهم علي افعالهم اللي مهما بتتكلم و تشتكي برضو مفيش فايدة ..
ولا ينفع انك تفضل طول الوقت تشرح للي قدامك رد الفعل الطبيعي اللي المفروض يطلع منه اساساً لوحده و من نفسه ..

فا من الاخر كده و الاسلم ليك .. لو عايز راحتك و باقي علي صحتك و سلامك النفسي ..ماتقدمش ولا تدي لحد اكتر من اللي هو بيقدمهولك ..
لأن ياما ناس كتير هاتقدملهم السبت و مش هاتلاقي منهم الحد ،
و ناس تانية هاتاخد خيرك و تستنزفك و مع الوقت هايعتبروه كمان حق مكتسب ..
و ناس تانية هاتجيلك كده في يوم وليلة و تفاجئك ان كل اللي عملته علشانها مش فارقلها و يحسسوك انه كان اصلاً ولا حاجه ..

فا بلاش تعمل كده في نفسك...
و ماتدييش حد اكتر من حقه واللي يستحقه فعلاً منك بجد و يستاهله...🤚👌

سيدنا يوسف مكنش فاهم حاجة من إللى بتحصل حواليه لكنه كان واثق إن ربنا بيرتبله حياته ، اللهّم إني وكلتك أمري فأنت لي خير وكيل ودبر لي أمري فإني لا أحسن التدبير.

مهما عرفت ناس كويسه في الجامعة وعملت صداقات كتير، هفضل مفتقد اللحظة اللي بكون مش قادر فيها من كتر الضحك أنا وصحابي في أي حصة او درس على أي حاجه تافه ، اللحظه اللي بنتبادل فيها نظرة مفهومة، ضحكتكم وهزاركم طول الوقت وانتو ماشيين، وقت الجد نذاكر ونتفوق ونشجع بعض، حكايات كتير محدش شافها ولا هيحس بيها غيرنا احنا بس وكل واحد كان بيحاول يساعد التاني انا مبسوط انكو اخواتي مش اصحابي، مش هعرف احب حد اكتر منهم هما كل حاجه كل الميموريز معاهم هما مش هيتعوضوا تاني كل واحد راح مكان مختلف عن التاني بس كلنا فاكرين بعض وهنتجمع كل فترة وانا فخور بيكوا واحد واحد ♥️.

انا شخص عصبي وشخص بارد وشخص فرفوش وشخص ف منتهى الكآبة ف نفس الوقت معرفش إزاي.!

لو جيت تبص وتحسبها في إن إيه الفرق اللي بين الناجح و الفاشل, و انا هنا أقصد النجاح الجبار الإنفجاري مش ناجح بياخد 10 - 15 الف جنيه في الشهر .. لا أقصد النجاح اللي يتدرس ...

هتلاقي اللي يقلك الفرق في الإجتهاد, و اللي يقلك الفرق في الظروف, لا الفرق في استغلال الفرصة و هتسمع كلام كتير ... و أنا بعد 10 سنين من السعي الغير منقطع ورا حلمي ...

لما قعدت و بصيت كده علي اللي بطلوا يسعوا و اللي كملوا .. لقيت إن الفرق في حاجة واحدة بس مفيش غيرها و هي (تحمل الضغط النفسي) ... قرار إنك تسعي ورا حلم في بيئة زي اللي محيطة بينا هنا دي محتاج كمية رهيبة و لا محدودة من القوة النفسية ....

من أول لحظة لأخر لحظة كل مجهودك منصب في حاجة واحدة و هي إنك تكمل ... و تفضل تشحن قوتك النفسية عشان تتحمل الضغط النفسي ... ما بين ضغط التضحية بالنجاحات المضمونة الأمنة مقابل الحصول علي نجاح عظيم فيه مخاطرة .. الضغط النفسي من المشككين ... من المحبطين ... من اللي خايفين عليك و مشفقين عليك من الإحباط فبيحبطوك بإديهم من عينة عيش في الواقع و كفاية كده أحلام, و ضغط نفسي التجربة و الفشل و التكرار ....

ركز كده .... اللعبة كلها تحمل ضغط نفسي ... إنك تفضل مكمل يوم كمان ... خطوة كمان ... مرة كمان ... تحمل الضغط النفسي ... هو ده سر اللعبة ... إتحمل الضغط النفسي يوم زيادة .... والله هتوصل ... ده اللي قدرلك تتحمل .. أكيد مقدرلك تفرح أكتر من اللي مستحملش .... إستسلم بكرة .. بس النهاردة إستحمل الضغط النفسي ... سيب حلمك بكرة ... بس النهارده قاوح ... و لما بكره يجي ... نبقي نشوف .. جايز بكره يكون يوم وصولك .. !!!

تنح توصل
كلمة السر تحمل الضغط
مفيش بطولة في الاستسلام أي حمار يعرف ينام علي بطنه....لكن مش أي حصان يقدر يرمح
ونحب نقول للضغط النفسي هو ده أخرك ؟؟؟؟
#والله_علي_ما_أقول_شهيد
#الله_كريم
#أبو_المجد

لو مأكلتش ف الخروجه بعتبر نفسي مخرجتش

انا يخوانا مشاكلي دي كلها حلها عربية

لما تختار صاحبك .. اختار اللي هتبقي عارف انة هيقف نفس وقفة التوتر اللي واقفها احمد حلمي وهو قلقان ع صاحبة اللي بيغني ف اول حفلة في مشوارة اللي كان بيحلم بية
متطلعش السما بناس كل اللي بينك وبينهم صورتين سيلفي وخروجة !!
الوِحْدَةُ احسن الف مرة من صاحب هيحاول يكسر من حلمك او يستقل بحاجة انت بتحلم بيها.. وصلت ؟!
وبشكر كل شخص وقف جمبي ومازال ❤
Ahmed samir "بتاع فيديوهات"

أنا أستاهل كل حاجة حلوة تشبهني تشبه قلبي ونيتي.

والله ما عارف بنيل اي في حياتي بس الناس بتقولي يا هندسه

اى مشكلة بتحصل ف البيت بطفي الموبايل و أحطه جنبى بخاف يدخل فى الموضوع .

_أنا مابقتش نور بتاع زمان..
ابتسم هو ابتسامة كانت حنونة و مطمنة ليها و قال لها واصفا و مقرا له قبل ما يكون لها:
=كل حاجة اتغيرت إلا انتِ...
وقتها اتهزت من جواها من كلامه...
هي لسة محتاجاه و عايزاه بس زعلانة منه، زعل طفلة محتاجة الدلال و الرضا من أمها اللي زعلها و هي هترضى...
و هو فاهم دا و مقدره و محترمه كمان حتى قرب منها خطوة فرجعت هي بتردد و زعقت:
_ أنت عايز إيه!
ابتسم و قال:
=عايز اتجوزك و أشيلك في عيني العمر كله...

سكتت شوية و بتشاور عقلها و اللي برده بيردد "اثبتي يا مهزأة" و بعدها قالت:
_مش عايزة أنا!...
=بس أنا عايز
_بالعافية هو!
=لا بالحب..
_لا!

و لأنه عارف حبها للشعر اتفنن في اختيار أبيات لعمرو حسن و قال:
_لما توافقي
هيبيع جواهرجي ف يوم خاتم
هيجيب مأذون عشا لولاده
هيزيد مشروب وهيبقى اتنين
ونضيف للدنيا اتنين عشاق
وإن موافقتيش
فيه رزق هيبقى انتهى مقطوع
وانتي مترضيش تقطعي ارزاق

قالت بصوت مهزوز و كلامه و طريقته و إصراره أثروا فيها بزيادة :
_المفروض كدا اقتنع مثلا!
= وافقي و ريحي قلبي الغلبان اللي مقدرش في يوم يبعد...وافقي و طمني روحي اللي بتتعب في بعدك...وافقي عشان عايز احقق إنجازي بيكِ
_ردت بعناد:الجواز مش إنجاز
=بس أما يبقي بيكي أعظم إنجاز

سكتت تاني و قلبها مال و ظهرت بسمتها على وشها و اتغاضت عن عقلها اللي ردد"عليه العوض" و بصتله من غير كلام بس موافقتها بانت في عنيها، وقتها حس هو إنه طاير من الفرحة و حمد ربه إنه رزقه قلبها الطيب.

و على الموقف اشتغلت موسيقى خلفية من غير سابق إنذار و فاجأتها و كأن اللي شغلها فجأة يعرف حبها للأغاني القديمة و صوت أم كلثوم و هي بتقول:
"قابلني
والأشواق في عينيه
سلم وخد إيدي في إيديه
وهمس لي قال لي الحق عليه
نسيت ساعتها بعدنا ليه
وهمس لي قال لي قال لي الحق عليه
نسيت ساعتها بعدنا ليه
فين دموع عيني اللي ما نامت ليالي
بابتسامة من عيونه نسّاهالي
أمرّ عذاب وأحلى عذاب ...
عذاب الحب
عذاب الحب للأحباب"
#غادة_عادل

ازاي أخلي واحدة بتتكلم كتير تسكت
الواحدة( أنا)

هي الطرح المودال جميلة وكل حاجة بس العمر فيه كام لحظة عشان نضيعها في الكوي

اي حد انا وهو نكون بنتكلم وفنص الكلام مره واحده يختفي وميردش والاقيه بينزل بوستات وستوريز ويجي يرد بعديها بكتير او تاني يوم متجيش تكلمني تاني عشان هزعلك ومش هعبرك تاني وشكرا احنا مش تحت امر اي حد يتكلم زي مهو عايز ويرد وقت مهو عايز في حاجه اسمها ذوق عندك عذر قولي بس متجيش مره واحده تختفي والاقيك قاعد بتهزر فكومنتات وحاجات غريبه لا يا حبيب قلبي مع السلامه انت مين انت اساسا يا نكره

واجعَلني مِمّن سَمِعتَ دُعاءَهُم فَأجَبتَهم يَا ربّ ♡
يارب ♡"..