معاك بتقيـف وتســهر يووت مضمدة جرحك
عارفا البيك. ومو قاسيلا وصفك وشرحك
ظهور الوجنة ياشخصي المعليا صرحك
جيب كلكالة كلكلا شان تقرقر وتضحك

ساهلة ولينـة لكن سيـر دروبا عسيرة
اميرة وملكـة فعلا ولي صعب تفسيرة
انا ياخـلي لو تدري العلي من غيرة
تقفل خشمك الكدي دا. 😩 وتفض السيرة

بغني وأقول:
قـامـت تحـاكـي فُـلانـة فـوق حَـروم الفـريـق تِدْخنْ
وجلسن معاها يِوَنْسَنا دور ودور بآآه وواي يِتْوَحَـنْ
فـوق فـي رِقْ ومِـن صعيـد عرجـون الحقايِب تْخََنْ
إتـي لـيـنِـك لكِن مـو البِـوْقِـدولا جِـنِـسْ وَلَـْع وسَخَنْ
.
دهـب فـوق جَـمْـرا -حليلي- بخ فوقي فِريرو
قدُر ما يِهْـمـِد طلحو يِـنِـز تـانـي فوقو دِريرو
يـِبـِقْ تُـقابـا فوق مِـتْـل الزَودوهو تاني بِغيرو
نزَتْ وأصبح شافا صندل عودو هسِع بِخيرو
.
نَـسَـم علينا البوخ وجابو حليلي و ودَنْ
أوْقـدَ حُـفْـرتـو وقلبي الـمَـجـرَسْ حَتَـنْ
مَسَح دِهْنـو ووَدَكْ وفوقي التكنو إتْخَتَنْ
نار نار بِتحرِق يا بنات وُشوشْكِن غتَنْ

عشان خاطرنا- مصطفى سند

عشان خاطرنا..
خلي عيونك الحلوات تخاطرنا..
ولما تمري ابقي اقبفي..
واسألي عن مشاعرنا

زمان غنينا لعينيك..
أغاني تحنن القاسيين..
هدينالك معزتنا..
مشنا وراك سنين وسنين..
بنينالك قصور من نور..
فرشنا دروبا بالياسمين..
قلنا عساك تزوريها..
ترشي البهجة في ساحاتا..
بالعينين تضويها..
حلاتك وانتي ماشة براك..
شايلة الدنيا بازهارا.. وبالفيها

زمان بارينا ضحكاتك..
لقينا صداها جاي وراك وجايينا..
وحاتك انتي تاني لما تفوتي..
ابقي اقيفي.....
سالمي الناس وحيينا..
كفاية علينا..
لما نشوف بسيماتك تصابحنا وتمسينا..
عشان نتملي من عينيك..
عشان نلقي الصباح مسحور..
يعاين في صباح خديك..
جهرتي الدنيا يا غربتنا.. ياروعتنا..
و ما هماك جهرتينا.

ﻣﻦ ﺷﻮﻓﺘﻮ ﻃﻮﻟﻨﺎ
ﻧﻬﻮﺍﻩ ﻣﺎﺯﻟﻨﺎ
ﻧﻬﻮﺍﻩ ﺭﻏﻢ ﺍﻟﺠﻮﺭ
ﺭﻏﻢ ﺍﻟﺼﺪﻭﺩ ﻋﻨﺎ
ﻳﺎ ﻗﺮﻳﺐ ﻭﻣﻨﻲ ﺑﻌﻴﺪ
ﻣﺘﻰ ﺩﻫﺮﻱ ﺑﻴﻚ ﻳﺠﻮﺩ
ﺃﺭﺍﻙ ﻭﺃﺑﻘﻰ ﺳﻌﻴﺪ
ﻇﻼﻣﻲ ﻳﺼﺒﺢ ﻧﻮﺭ
ﻓﻲ ﻗﺮﺑﻚ ﺃﺗﻬﻨﺎ
ﻣﺸﺘﺎﻕ ﻭﻧﺎﺭ ﺍﻟﺸﻮﻕ
ﻛﻴﻒ ﻟﻴﻬﺎ ﺍﻗﺪﺭ ﺃﻃﻴﻖ
ﻭﻛﻴﻒ ﻣﻦ ﻫﻤﻮﻣﻲ ﺃﻓﻴﻖ
ﻣﺪﺍﻡ ﻭﺻﺎﻟﻲ ﻋﺴﻴﺮ
ﻭﺑﻌﻴﺪ ﻋﻦ ﺍﻟﺠﻨﺔ
ﺍﻟﻠﻴﻬﻮ ﺩﻳﻤﻪ ﺃﺣﻦ
ﻟﻴﻪ ﺑﻮﺻﺎﻟﻮ ﻳﻀﻦ
ﺍﻟﻨﺎﺋﻲ ﻟﻴﻪ ﺯﻣﻦ
ﺍﺗﻤﻨﻰ ﻃﻴﻔﻮ ﻳﺰﻭﺭ
ﻭﻓﻲ ﻗﺮﺑﻮ ﺍﺗﻬﻨﺎ

” القناة “ … تهنئ قرائها الكرام بعيد الاضحى المبارك، وتتمنى للسودان عهداً زاهراً في رحاب الدولة المدنية

ماا تزيدي العزاب يا ست هواي ارجووك
مااك عارفه العلي؟ بي حالي ماا وروك
ما تنسي الاهل كلمي ناس اهلنا و ابوك
مرات في السجود بسهي و بقولك عووك

#الجعلي💙

🍀
بين إشتايقي وصدها
🍀🍀
محمد بشير عتيق
🍀🍀🍀
بين إشتياقي وصدها
ما أظني أكسب ودها
أنا آه وآه من بُعدها
هِب يانسيم خطوات مسيرك جِدَها
للتايه في دولة صباها ومجدها
بعد التحية وردّها
شاهد مناظر خدّها
وأحذر سيوف العين تجاوز حدّها
زَهرة جمال في قلبي موضُع رسمها
كيف أسلى ريدها وكيف أصرح بإسمها
يزري الحراير جسمها وتخفي البروق بي بسمها
غصن النّقَا وجيد الرشا وعيون المها
تلك العيون شَهدت بواتِر نَصرَها
صرَعت قلوب وسَحرت عقول بي أسرها
زجرت عقول في خِصرها
أوصافَه يعجز حَصرها
دِي الفي الجمال فَرضه وفريدة عصرها
//////////كل عام وانتم بخير
🌹

*في غفلة رقيبي*

*لشاعر الوصف العتيق!!!*
*عمنا محمد بشير عتيق!!!*

كان عمنا (عتيق) معتاد على زيارة إحدى الحسناوات في حيه الأمدرماني بمنزلهم
في منزلها (بعيدا ً عن عيون أسرته)...

*وفي واحدة من زياراته سنة 1970م وجدها مريضه وتلزم*
*سريرها تشكو من* *الإنفلونزا!!!*

*فــ قال:*

في غفلة رقيبي...
رُحت أزور حبيبي...
لقيتهُ شوية حاسي...

*ووصف اللقاء حين قال*:

ضاجع في سريرو متوسد وثيرو...
بين طيات حريروُ...
حَييتُه وجلسْتَ...
من حُسنُه إختلستَ...
في سِحرُو أنغمستَ...
و بحديث دبلوماسي ...
قالى نوري ماسي...
وأحذر إلتماسي...!!

*وبدأ في سؤالها عن ما اصابها وما تحس به*
*فأجابته!!! حيث قال:*

قلت ليهو في جمالك
سحروك ولا مالك ؟
صار ياحبيب لونك...
فاتر زي عيونك...
قال لي عندي حُمى...
وبىَّ صداع آلمَّ ...
من أثر إنتكاسي
أتعذر نعاسي
ولي يومين أقاسي...!!

*ودعى الله لها الشفاء حين قال*:

قلت ليهو في وسامتك ...
وحلاوة إبتسامتك...
كفارة وسلامتك...
والف عزيز كرامتك...
يالحافظ كرامتك...
مهما كُنتَ قاسي...
او لى عهدي ناسي...
ليك يذداد حماسي...!!

*إلى ان أعترف لها بحبه العميق وقابلته هى*
*بخجل فوصف ذلك قائلا فى الختام*:

قال لي إنت عاقل ...
ومافي لزوم تشاغل...
وأنا في روحي شاغل...
قلت ليهو إنت روحي...
وإنت سبب جروحي...
وانت لشعري مُوحي...
ياروعة جناسي ...
ياحُبي الأساسي...
يالنسيتني ناسي ...!!

*يا عتيق يا رائع!!!*

ود الرضى بحر مالو ساحل وبلاغته حيرت فطاحلة اللغة أعجبنى هذا البيت الذى يحمل أكثر من معنى مما أكده ود الرضى لسائله وهو : كفى كفاك بعاد حلماتك
من كتفاك در ومدام

المعنى الواضح والظاهر أن ود الرضى أراد وصف طول جيد المحبوبة بأنها بعيدة مهوى القرط ولكنه أكد أنه أراد المعنيين .... كونها ناهد ( بعاد حلماتك ) ! مما يؤكده ( در ومدام ) والدر من الجواهر والمدام هى الخمرة المعتقة ! ولم يرد فى اللغة أن وصفت حلمات الأذن بهذه البلاغة !!!!

الكرم شيمة محمودة في كل الاماكن والازمان، وبمثل ما ذاع صيت حاتم الطائي في الكرم فإن النعيم ود حمد خلد الشعر السوداني كرمه ومروءته.
القصيدة التى تغنى بها خلف الله حمد والتى صاغتها اخت النعيم تعد من اجمل القصائد والاغاني لحناً ومعنى نوردها فيما يلي بالشعر والشرح:
1/ انا غنيت للولد
الاسمه النعيم ود حمد
وكت العيش بقى بالقبض
ديوان النعيم ولا بنسد
(ايام المجاعة التى يوزع فيها العيش بقبضة اليد كان ديوانه مفتوحاً للجميع).
2/ غنيت لى دابي الرجيمة
ما بحوي على البهيمة
هيلك الشكرة قديمة
وما بشيل المال الفي القسيمة
(شبهته بالثعبان الذي يرجم فريسته ولا يقبل بأن يعطى من الغنائم)
3/ النعيم يا قاصدين زُبا
خشمه انطبع لى مرحباً
والبتسبي للضيف بضبحها
(البتسبي: هى البهيمة التى اوشكت على الوضوع)
4/ احييت سنن البرامكة
عاجبني طول ايدو سامكة
يا بابا قول للكريم دراج المتابكة
(البرامكة: اهل يحيى البرمكي، سامكة: قوية، المتابكة: المرأة المحتاجة للعون).
5/ النعيم يا فارس القبائل
الكريم لمام للهمايل
شكراً بلاك ما اظنه خايل
ايدو ام رويق والقبلي شايل
(الهمايل الاشياء الهاملة، ام رويق: المطر القبلي).
6/ يا الشرفت الضعفا
ويالحاكيت من مكوار بدا
خدامته القعّدا هي بتدرش قالت قضى
(الحاكيت من مكوار بدا شبهته بالنيل وكانوا يعتقدون ان النيل يبدأ من سنار التى كان اسمها مكوار).
7/ النعيم قادر وحدو
ما تتفشخروا وتتقعدوا
هو رب القدرة ساعدو
ختو له الشكرة لا تجحدوا

الصورة للنعيم ودحمد

ﻧﻐﻴﻢ ﻓﺎﻫﻚ ﻳﺎ ﺃﻡ ﺯﻳﻦ
على المساح

ﻗﻴﻞ ﻭﺍﻟﻌﻬﺪﺓ ﻋﻠﻰ ﺍﻟﺮﺍﻭﻱ …
ﻛﻤﺎ ﺳﻤﻌﺘﻬﺎ ﻣﻨﺬ ﻓﺘﺮﺓ ﻃﻮﻳﻠﺔ
ﻓﻲ ﺍﻹﺫﺍﻋﺔ ﺍﻟﺴﻮﺩﺍﻧﻴﺔ ﻭﺍﻥ
ﺍﻟﺸﺎﻋﺮ ﺍﻟﻤﺴﺎﺡ ﻗﺪﻡ ﺍﻟﻰ ﻣﺪﻳﻨﺔ
ﻭﺩ ﻣﺪﻧﻲ ﻗﺎﺩﻣﺎ ﺍﻟﻴﻬﺎ ﻣﻦ
ﺍﻟﺨﺮﻃﻮﻡ ﻟﺘﻘﺪﻳﻢ ﻭﺍﺟﺐ ﺍﻟﻌﺰﺍﺀ
ﻓﻲ ﻋﺰﻳﺰ ﻣﺎﺕ … ﻣﻊ ﺻﺪﻳﻖ ﻟﻪ
ﻭﻛﺎﻧﺖ ﺃﺧﺖ ﺍﻟﻤﺘﻮﻓﻲ (ﺃﻡ ﺯﻳﻦ )
ﻗﺪ ﺍﺳﺘﻘﺒﻠﺘﻬﻢ ﻋﻨﺪ ﻗﺪﻭﻣﻬﻢ ﻣﻦ
ﺍﻟﺴﻔﺮ … ﻭﺭﻏﻤﺎ ﻋﻦ
ﺍﻟﻤﻨﺎﺳﺒﺔ .. ﻭﺍﻟﻤﻮﻗﻒ
ﺍﻟﺤﺰﻳﻦ .ﻻﺣﻆ ﺷﺎﻋﺮﻧﺎ ﺍﻟﺠﻤﺎﻝ
ﺍﻟﺼﺎﺭﺥ ﺍﻟﺬﻱ ﺗﺘﻤﺘﻊ ﺑﻪ (ﺃﻡ
ﺯﻳﻦ).ﻭﻛﺎﻧﺖ ﺣﺰﻳﻨﺔ ﺟﺪﺍ ﺗﻨﻮﺡ
ﻭﺗﺒﻜﻲ ﻭﺗﻮﺻًﻒ ﻭﺗﺘﺪﻓﻖ
ﺩﻣﻮﻋﻬﺎ ﺣﺰﻳﻨﺔ ﻣﻠﺘﺎﻋﺔ.…ﻓﻘﺎﻡ
ﺍﻟﺸﺎﻋﺮ ﺑﺘﻄﻴﺐ ﺧﺎﻃﺮﻫﺎ
ﻭﺗﻬﺪﺋﺘﻬﺎ..ﺑﻜﻞ ﺍﻟﻮﺳﺎﺋﻞ ﺣﺘﻰ
ﻣﺴﺢ ..ﺍﻟﺪﻣﻮﻉ ﻣﻦ ﺧﺪﻭﺩﻫﺎ

(ﺃﻧﺎ ﺍﻟﻤﺴَﺎﺡ …ﺩﻣﻊ ﺍﻟﺒﻜﻰ …
ﺁﺧﺮ ﺑﻴﺖ ﻓﻲ ﻗﺼﻴﺪﺗﻪ ).

ﻧﻐﻴﻢ ﻓﺎﻫﻚ ﻳﺎ ﺃﻡ ﺯﻳﻦ ﺩﻭﺍي
ﺷﻔﺎي ﺍﻟﺒﺠﺒﺮ … ﻗﻮﺍﻱ
ﻳﺎ ﺃﻡ ﺣﺒﺎ ﺭﺩﻑ .. ﺗﻮﺍي
ﻛﻤﻞ ﺻﺒﺮﻱ ﻭﺯﻭﺩ ﻫﻮﺍﻱ
ﺭﻗﻰ ﺭﻗﻰ ﺟﻮﺩﻱ ﺑﺪﻭﺍي
ﻇﻤﺄﻯ ﺑﻌﺪﻙ ﻭﻗﺮﺑﻚ ﺭﻭﺍي
ﺃﻗﻴﻢ ﻟﻴﻠﻰ ﻭﺍﺣﺴﺐ ﺳﻬﺎي
ﻳﻐﻴﺐ ﻋﻘﻠﻲ ﻭﺍﻓﻘﺪ ﻧﻬﺎﻱ
ﻭﻓﻰ ﺟﺴﻤﻲ ﻇﺎﻫﺮ ﻭﻫﺎي
ﺍﺳﻌﻔﻴﻨﻰ ﺩﻧﺎ … ﺇﻧﺘﻬﺎﺋﻰ
ﺫﻛﺮﺕ ﺍﻟﺒﻴﻦ ﻟﻴﻪ ﻳﺎﻏﺮﺍﺏ
ﺻﻴﺎﺣﻚ ﻳﺎﻓﺮﺍﻕ ﻳﺎ ﺧﺮﺍﺏ
ﺩﻳﺎﺭ ﺃﻡ ﺯﻳﻦ ﻛﺎﻧﺖ ﻗﺮﺍﺏ
ﻏﺒﻦ ﺑﺎﻧﻦ ﻓﻲ … ﺍﻟﺴﺮﺍﺏ
ﺍﻟﺒﺪﺭ ﻣﺤﻴﻚ ﻭﺷﻌﺮﻙ ﻛﻠﻴﻞ
ﻳﻤﻴﻞ ﺧﺼﺮﻙ ﻣﻨﻪ ﺍﻟﻌﻠﻴﻞ
ﺗﻘﻞ ﺭﺩﻓﻚ ﻻﻋﻀﺎﻙ ﻓﻠﻴﻞ
ﻗﺘﻴﻞ ﺣﺒﻚ ﻭﺩﻣﻌﻲ ﺍﻟﺪﻟﻴﻞ
ﺭﻕ ﺟﺴﻤﻲ ﻭﺻﺎﺑو ﺍﻧﺘﺤﺎﻝ
ﻋﻠﻰ ﺣﺒﻚ ﺣﻤﻞ ﺍﻟﺮﺣﺎﻝ
ﻭﻣﻦ ﺑﻌﺪﻙ ﺃﻧﺎ ﺣﺎﻟﻲ ﺣﺎﻝ
ﻳﺎﻟﻘﻤﺮﻩ ﻭﺻﺎﻟﻚ ﻣﺤﺎﻝ
ﺃﻧﺎ ﺃﻋﻴﺪ ﺍﻟﺤﺐ ﻣﻦ ﺟﺪﺍﺩ
ﺃﻧﺎ ﺍﻟﺤﺎﻓﻆ ﺣﻖ ﺍﻟﻮﺩﺍﺩ
ﺃﻧﺎ ﺍﻟﻬﺎﺋﻢ ﻭﺍﻟﻨﺎﺱ ﺷﺪﺍﺩ
ﺃﻧﺎ ﺍﻟﻼﺑﺲ ﺗﻮﺏ ﺍﻟﺤﺪﺍﺩ
ﺃﻧﺎ ﺍﻟﻜﺎﺗﻢ ﺍﻟﺴﺮ ﻣﺎ ﺣﻜﻲ
ﺃﻧﺎ ﺍﻟﺤﺎﺿﻦ ﺍﻟﺒﻼ ﻣﺎ ﺍﺷﺘﻜﻰ
ﺃﻧﺎ ﺍﻟﺤﺠه ﺑﺤﻞ ﻣﺸﺒﻜﺎ
ﺃﻧﺎ ﺍﻟﻤﺴﺎﺡ ﺩﻣﻊ ﺍﻟﺒﻜﺎ

قصة اغنية

يا مداعب الغصن الرطيب

الأقباط زمان لما يكون عندهم عيد من أعيادم يقومو يعملوا زفة وإحتفالات ومهرجانات في الشوارع ... أها في عيد من الأعياد وفي واحد من شوارع أم درمان كان عمنا سيد عبد العزيز واقف مستمتع بالموسيقى والأناشيد والزفة ... وفي أثناء ماهو متابع قام شاف ليهو قبطية فائقة الجمال و كانت واقفة وتعاين من بلكونة في الدور التاني من إحدى العمارات وكانت بتتفرج في المهرجان الفي الشارع وكانت ماسكه ليها غصن أخضر فيهو زهور وتتلاعب به بأناملها .. طوالي عمنا سيد صور المشهد ده وبدأ يقول : يا مداعب الغصن الرطيب .. يا مداعب الغصن الرطيب وطوالي جاهو شيطان الشعر ..

يا مداعب الغصن الرطيب
في بنانك إزدهت الزهور
زادت جمال ونضار وطيب

* * *
يالمنظرك للعين يطيب
تبدل الظلمات بنور
وتبدل الأحزان سرور
إن شافك المرضان يطيب

* * *
تعجبني والشيء العجيب
هادئ واليف ماك النفور
بى عفتك صنت السفور
والحسن والأصل النجيب

* * *
أنا وأنت في الروض يا حبيب
راق النسيم وحلى للمرور
بقى أحلى من ساعة السرور
وأدق من فهم اللبيب

* * *
والروضة في موقع خصيب
حضنوها وإتلافو النهور
ترى فيها أنواع الزهور
من كل لون أخدت نصيب

* * *
يانع ثمارا وغض وطيب
أشبه بربات الخدور
الإنبرجن في يوم حبور
زادن جمال ونضار وطيب

* * *
في الروض غنى العندليب
ورددوا غناهو الطيور
ترتيل أناشيد الحبور
وفتيانا يوم عيد الصليب

* * *
دنت الثريا بقت قريب
بين السلوك في تاني دور
في ثانية كم سطعت بدور
وأهلة كان نوعن غريب

* * *
شيء ينعش الروح في الأديب
ويحيي روح ميت الشعور
للقاك تنشرح الصدور
ويفرح القلب الكئيب

الحقيبه المنسيه
السلام ياروح البدن
الشاعر محمد ود الرضى

السلام ياروح البدن
يا غصين النقا يا لدن
يا مهفهف يا املدن
ليك غصون البان قلدن
اشكو ايك ايامآ عدن
الامان يا جنة عدن
غنى قمرى الليل منشداً
اسكر العشاق غير دن
كل من يتعشق شدن
قل منامو ليترك سدن
جاز سربا زاينو الفطن
للاحتفال بى قرب الوطن
كلما ماسن خطن
خطوه لى بالقنبل سطن
بى وحل للتبر نقل
يمشى حبه وشعره واقل
انعقد رجحن بى العقل
وهط المهدول فى الكفل
النسيم سارقنى وركن
لى تسرب نديدو العكن
انعشانى وهاج من سكن
والعيون لا اشعر بكن
غنى شادى وسفر الحشيم
فاق للابريز الغشيم
قلبى انا المحسور الوشيم
كهربائى وسلكو الرشيم
كم قلوبا بك هلوسن
تصحى يا ذو الوجه الحسن
كيف عيونى الليل ينعسن
وانت ساكن بدل الوسن
بوبح المبروم وانفقل
حاكى ظبى الريل الوقل
يا سلام هاتيك المقل
ما راءهن عاقل وعقل
والعجب فى الدور الخفيف
حاكى راسى الموج مو اب زفيف
ما دنا شبالن طفيف
الا راسى وزولا عفيف

بلابل الدوح

قيل والعهدة علي الراوي من اجمل اغنيات الشاعر الكبير ابراهيم العبادي وقد نظمها في زواج صديقه اﻻمين برهان وطلب من سرور تلحينها واداءها في زواج برهان بعد ان كانت هناك خصومه او زعله خفيفه بين العمﻻقين برهان وسرور وكانت اﻻغنيه سبب للصلح خصوصا وان سرور حضر الزواج رغم محاوﻻت اعداء الفن الوقيعه بينه وصديقه اﻻمين برهان وتغني بها الفنان الكبير مصطفي سيد احمد ايضا

بلابل الدوح ناحت علي اﻻغصان
طرب وسرور ماحت فروع البان

فتح الياسمين زهرو المنصان
وقل النرجس والكون كان صان
مال الرمان فضح الاغصان
لولي ثمارو ورمي القمصان

اتمثل لي محبوبي عيان
حاولت اقطف وردو النديان
منعني تقي الورع التقيان
واتدفق ري املي المليان

خلفني انوح مايقي غرقن
بي نار الشوق اعضاي حرقن
ياحظي حاكيت ديسو الزرقن
ياشموش افراحي متي بتشرقن

مار بالروضه وصغي لي حوارا
ولع خدو وطفي انوارا
فضح الاغصان شوف نوارا
غمض خجلا وحياء اتواري

مرات يقطب حاجبو القارن
يصدف يحاكي المهر الحارن
شلاخو تعوم في ابحارن
افكاري التايهه هو الحارن

بين اترابو مشي اتبختر
ربيب تيهو الناشئ مبطر
من دون تخليط ريحو مقطر
عطرو طبيعي ولي الكون عطر

حين ولي وفات يلعب فرعو
مال بو الهادل ونام في درعو
ود عيني اللاج يحلب ضرعو
ما اقسي الحب واصعب شرعو

اتولع نار قلبي الولهان
جرحي اتفتق ومابفيدو دهان
ارجوك ياسرور تقول لي برهان
لايطلب عن حالي برهان

ربيع الحط بهاه حيالك
دمت ودامت ايام زاهيالك
علي بعيد لثم اذيالك
عيد لي النوم لاجل خيالك

الجريدة
كلمات فضل الله محمد
أداء محمد الامين

سارحة مالك يا حبيبة
ساهية وأفكار بعيدة
بقرا فى عيونك حياتى
وعاملة مشغولة بجريدة...
بتقرى فى إيه ..كلمينى يا سلام..
مهتمة عاملة...
يعنى لازم تقرى هسه مقال..
بحاله قصة كاملة...
كم شهور مرت علينا وبينا بعد...
فرقة شاملة..
العيون رويانة تبكى.. والقلوب مشتاقة آملة
أى حاجة تمر .. بخاطرك قصة أو أخبار جديدة..
عندى ليك خبر أهم .. جايبو بأشواق شديدة..
اسمعى وطوعينى مرة
أيوة ما تخليك عنيدة
عايز أقول لك
ولا سيبك أقرى أحسن فى الجريدة
عايز أقول لك.. ليه أقول لك.. ما بقول لك
مش مخير
ساعة مرت ساعة واكتر .. والوقت روح تأخر
زى عنادك.. عايز اعاند.. لكن يظهر ما حأقدر
عايز اقول بحبك يا وحيدة..
بقرى فى عيونك حياتى
وعاملة مشغولة بجريدة...

ملف توثيقي كامل لبدايات
أغاني حقيبة الفن السودانية
⭕⭕⭕. ⭕⭕⭕⭕

التوثيق لبدايات الأغاني السودانية حقيبة الفن وكل مايتعلق بها من اشعار وغناء وفنون وثقافة وحداثة
من تاريخ الأغنية السودانية

البدايات الحافله
🎹🎹🎹🎹🎹

الأغنية السودانية قديمة ومتميزة ولها تاريخ طويل وحافل , وللوقوف علي مسيرة الأغنية السودانية ومراحلها المختلفة وفي لقاء مع الفنان الشعبي والباحث علي مصطفي المعروف ب ( الدكشنري ) افاد عن بدايات الغناء في السودان :ــ

س :ــ متى كانت بداية الأغنية في السودان ؟

ج :ــ بدأ الغناء في السودان في عهد السلطنة الزرقاء بالأغاني الشعبية والحماسية وأغاني الشكر والكرم , وتدرج في عهد الدولة المهدية وتغير وأصبح اغلبه يميل الي المديح عن طريق الحماس والأغاني الشعبية والمديح المهدوي , وبعد ذلك في عهد الحكم الثنائي اخذ الغناء يميل الي السيارات ( غناء العرس ) مثل أغنية " يا عديله يا بيضا " و " عريسنا ورد البحر " , واخذ الغناء يميل أيضاً الي غناء الحماس والغناء الشعبي عام 1899م .

ـــ بعد ذلك ظهر غناء الطنابرة ( الذي يكرر بالحلق ) واستمر الي سنة 1918م , وكان أشهر مغني الطنابرة ود الفكي وهو من كبوشية وود الحدار وود الجوخ وعبد الغفار فضل المولي وحامد عثمان والطيب الانجليزي .

ــ وأخيراً انضم لهم سرور في عام 1919م وانتقل الغناء الي الغناء المعروف ب (غناء الحقيبة ), وبدأ سرور يطور في الغناء فادخل الرق علي الطريقة ( الاحمدية ) , وادخل الصاجات والمثلث علي الطريقة ( القادرية ) , وادخل أيضاً العود والكمان والاكوردن , ومن هنا بدأت الأغنية الحديثة عام 1928م عن طريق سرور.

ــ وبدأ تسجيل الاسطوانات , أول شركة سجلت هي شركة ( بيضفون ) المصرية فبدأت تسجل للمطربين السودانيين , وأول مطرب سوداني سجل هو بشير الرباطابي والأغاني التي سجلها هي :ـ " حليل موسي " و " شوف جنانين " و" جدية النالة " .

ــ وبعد ذلك في العام 1927م سافر المطرب عد الله الماحي وسجل أغاني حقيبة هي :ـ " اعرفوني ولا تصدقوني " للشاعر محمد علي عبد الله الامي , وأغنية " بان عليها تام جمالها " للشاعر محمد الامي , وأغاني لود الرضي وأغاني للشاعر بطران .

ــ وفي عام 1928م لنفس شركة ( بيضفون ) سجل أولاد بري خضر وحميدة وعمر شماش وابوبكر خليل ومن الأغاني التي سجلوها " الهواكم بقي لي جريمة " لأحمد عبد الرحيم العمري وأغنية " ريح الصبا النازل " لعبيد عبد الرحمن و " خلي مالو اليوم " و " الملكة الكامل جمالها " لسيد عبد العزيز .

ـ وفي عام 1929م سجل لشركة ( اديون ) بمصر علي الشايقي وعمر البنا ومحمد الأمين بادي والتوم عبد الجليل أغاني للشاعر ابوصلاح من ضمنها :ـ " وصف الخنتيلة " لعمر البنا و " ان ورد بروائحك نسام " و " عيني والملام في معاندة " , وفي نفس السنة سافر لنفس الشركة كرومه و عبد العزيز مصطفي وحدباي احمد عبد المطلب وسجلو أغاني متنوعة ومن أبرزها أغنية " زهر الرياض " وسجلها كرومه لحدباي وأغنية " نظرة يا السمحة ام عجن " لسيد عبد العزيز و " يا ليلة ليلك عسل " و " أنا ما معيون " و " زهرة روما " و" بين جنانين الشاطئ " , وسجل عبد العزيز مصطفي " ليك سلامي يا ام درمان " و" الضاوي جبينها " للعبادي و " يا ام جمال يشفي السقيم " و " الملكة الكامل جمالها " لسيد عبد العزيز , وقد رافقهم في الرحلة التاجر محمد دوؤاد حسين والعازف وهبة احمد .

ــ وفي العام 1930م سافر المطرب محمد صالح وعثمان قيلي وعلي المساح وسجلوا أغاني للشاعر سيد عبد العزيز أبرزها " للعزة حسنك خال " وأغنية " صباح النور " و " خلي مالو اليوم " و محمد صالح سجل " خمره هواك " للشاعر العمرابي و" اسمعني واشجيني " للشاعر محمد علي عبد الله " حب مية " للشاعر علي المساح

حقيبة الفن
🎤🎤🎤
عرفت الاغاني بحقيبة الفن منذ 1918 والى اواسط الاربعينات من هذا القرن

وقد عرفت بهذا الاسم الخالد نسبة للحقيبة التي كان يحملها الاعلامي المرحوم ( صلاح احمد محمد صالح ) وبداخلها الاسطوانات التي كانت تحوي هذه الاغنيات ليعمل على تقديمها عير الاذاعة السودانية -من ( كتاب روائع حقيبة امدرمان ) مؤلفه محمد حسن الجقر ( ص 35 )

من المغنيين والفنانين :
🎤🎤🎤🎤🎤🎤🎤

👈فضل المولى زنقار- اوولاد المامون ا -ولاد الموردة
👈اولاد شمبات -اولاد توتي - محمد بابكر الهوساوي
👈على ابو الجود - الفاضل احمد - عمر احمد
👈اولاد بري - كرومة - صقر الشيخ ام الحسن الصديقية -
ميري القبطية
👈ام الحسن الشايقية - حداوية موسى - فاطمة خميس - عائشة الفلاتية
👈ابو الدفاع - عوض - عوض شمبات - ابراهيم عبد الجليل - عوض دراج
👈عوض جفون - مصطفى كوبر - ابو حراز - عبد العزيز المامون - سرور -
👈حكومة (عبد الرازق ) الامين برهان - عبد الله الماحي -
👈التوم عبد الجليل - عمر البنا -
👈خليل فرح - علي الشايقي - بشير الرباطابي

ومن رواد الكلمة والشعر في تلك الفترات :
1881 الى 1917
👳👳👳👳👳
💟ود الرضي 1862
💟البن