Ko’rgazma yasash menga bitta narsani o‘rgatdi: ijod qilgan odam hech qachon charchamaydi.

Qog‘ozning shivillashi, ranglarning uyg‘unligi, kichik detallarni birlashtirish…
Bu faqat hunar emas — bu qalbni tinchlantiradigan kuch.

Agar siz ham o‘zingizni topishni, ichki sokinlikni his qilishni istasangiz — ijodga bir qadam qo‘ying.

Bitta kichik qirqim… bitta yopishtirish… va sizning qo‘lingizda butunlay yangi go‘zallik paydo bo‘ladi.

Ishoning, siz ham qila olasiz.
Ijod — hammaga nasib etadigan baxt.

@dilnoza_kunanbaevna

Sirli ovoz metodi
Telegram | Instagram | Youtube

3 qatlamli javob – har fanda qo’llash mumkin

❓ Oddiy savolga ham uch qavatli javob tayyorlash mumkinmi? Albatta, mumkin!

3 qatlamli javob usuli o’quvchining har qanday mavzudagi savolga to’liq va mazmunli javob berishiga yordam beradi. Bu usulda o’quvchi avval o’z fikrini bildiradi, so’ng dalillar bilan mustahkamlaydi va nihoyat javobini real hayotga bog’laydi. Javobning qatlamlari quyidagicha:
• Fikr – o‘quvchining shaxsiy javobi (o‘z fikri yoki taxmini).
• Dalil – javobni matn, tajriba yoki ilmiy asos bilan isbotlash.
• Hayot – javobning haqiqiy hayotdagi qo‘llanilishi.

Quyida har bir fan bo‘yicha 3 qatlamli javobning sodda, ammo mazmunli misollari keltirilgan:

📖 Ona tili va adabiyot:
1. FIKR – Menimcha, ertaklar bizga halollik va jasurlikni o’rgatadi.
2. DALIL – Chunki ko’plab ertaklarda qahramonlar halol va jasur bo’lgani uchun g’alaba qozonadi. Masalan, “Zumrad va Qimmat” ertagida mehnatkash Zumrad baxtli bo’ladi, yomon niyatli Qimmat esa oxiri pushaymon bo’ladi.
3. HAYOT – Hayotda ham halol va mehnatkash inson oxir-oqibat omadga erishadi, atrofdagilarning hurmatini qozonadi.

🔢 Matematika:
1. FIKR – Menimcha, kasrlar butunning qismlarini ifodalash uchun kerak.
2. DALIL – Chunki kasrlar butun bo’lmagan miqdorlarni ko’rsatadi. Misol uchun, nonni teng ikkiga bo’lsak, har bir bo’lak butunning yarmi (ya’ni 1/2 non) bo’ladi.
3. HAYOT – Hayotda biz yarim soat yoki do’konda chorak non kabi iboralarni ishlatamiz – bular kasrlarning kundalik misollaridir.

🌱 Biologiya:
1. FIKR – Menimcha, o’simliklar o’sishi uchun quyosh nuri albatta kerak.
2. DALIL – Chunki o’simliklar fotosintez orqali quyoshdan oziq oladi. Masalan, gulni bir necha kun yorug’liksiz qoldirsak, u so’lib qoladi.
3. HAYOT – Shuning uchun dehqonlar ekinlarni doim quyosh tushadigan joyga ekishadi. Uyda ham gullarni deraza yoniga qo’yamiz – ularga yorug’lik zarur.

📜 Tarix:
1. FIKR – Menimcha, tarixni o’rganish o’z o’tmishimizdan saboq olish uchun juda muhim.
2. DALIL – Chunki tarix bizga ham faxrlanish, ham ogoh bo’lish imkonini beradi: Amir Temur kabi ajdodlarimizning yutuqlarini bilib faxrlanamiz, jahon urushlari tarixini o’rganib esa tinchlik qadrini tushunamiz.
3. HAYOT – Hayotda ham o’tmish tajribasi asqotadi. Ota-onamiz va bobolarimizning hayotiy hikoyalari bizga saboq bo’ladi; ularning xatolarini takrorlamaslikka, yutuqlaridan o’rnak olishga harakat qilamiz.

💻 Texnologiya:
1. FIKR – Menimcha, zamonaviy texnologiyalarni o’rganish hayotimizni oson va samarali qilish uchun zarur.
2. DALIL – Chunki hozir deyarli har sohada kompyuter va zamonaviy qurilmalar kerak. Masalan, ko’p ish joylarida kompyuter savodxonligi talab etiladi, maktab va universitetlarda ham onlayn ta’lim odatiy holga aylangan.
3. HAYOT – Hayotda ham biz har kuni smartfon, bankomat yoki onlayn xaridlar orqali texnologiyadan foydalanamiz. Texnologiyani yaxshi bilsak, vaqt va kuchni tejaymiz.

📌 Bu jadvalni chop etib sinf o’quvchilarga berinh. ✅
Fanga oid bittadan shunday savol tuzib, o‘quvchilarga javobni 3 qatlamda yozdirib ko‘ring!

Kreativ pedagoglar kanali

3 qatlamli javob

#100kunda100tametod

Трехслойный ответ

#100kunda100tametod

Ijtimoiy tarmoqlarda boshqalarning hayotiga qarab, o‘zimizni ular bilan solishtirib ko‘nglimiz cho‘kadigan paytlar bo‘ladi. “U mendan baxtliroqmi?” yoki “Do‘stim allaqachon katta natijalarga erishibdi, men esa joyimda turibman shekilli”, degan o‘ylar tanishmi? Men ham bunday hislarni boshdan kechirganman.

Lekin bir haqiqatni angladim: biz ko‘rib turgan “ideal” hayotlar ko‘pincha faqat pardozli tarafidir. Har kimning o‘z kurashi, qiyinchiliklari bor. Boshqalar bilan solishtirish – o‘zimizga nisbatan adolatsizlik. Axir, olmani apelsin bilan taqqoslab bo‘lmaydi-ku!

Eng muhim solishtirish – bu kechagi o‘zingiz va bugungi o‘zingiz orasidagi solishtirish. Siz bugun bir qadam oldinga siljidingizmi? Agar ha bo‘lsa – demak, siz o‘sayapsiz. O‘zingizning taraqqiyotingizga e’tibor qarating.

Menga aynan mana shu fikr juda yoqadi. Shuning uchun motivatsion kartochkalarimdan birida “O‘zingni faqat o‘zing bilan solishtir” deb yozib qo‘yganman. Bu shior har kuni menga o‘z ustimda ishlashda motivatsiya beradi. Siz ham har kuni oz bo‘lsa-da, oldingi o‘zingizdan yaxshiroq bo‘lishga intiling. Natijada, boshqalar bilan raqobat qilishga hojat qolmaydi – o‘z yutuqlaringiz o‘zingizni baxtli qilishi yetarli bo‘ladi.

@dilnoza_kunanbaevna