#premyera

Bugun O‘zbekiston Milliy kino san’ati saroyida “Matonatli Maryam” nomli badiiy-publitsistik filmning umummilliy taqdimoti bo‘lib o‘tdi.

✅ Tadbirda Kinematografiya agentligi, O‘zbekiston Respublikasi Oila va xotin-qizlar qo‘mitasi, Respublika Ma’naviyat va ma’rifat markazi, Yoshlar ishlari agentligi, O‘zbekiston Mahallalari uyushmasi vakillari, shuningdek, O‘zbekiston davlat san’at va madaniyat instituti rahbariyati, professor-o’qituvchilari, talabalari hamda kino ixlosmandlari ishtirok etdi.

✅ Dastlab, taqdimotni Kinematografiya agentligi Bosh direktori, O‘zbekistonda xizmat ko‘rsatgan yoshlar murabbiysi, professor Shuhratilla Rizayev ochib berdi.

✅ So‘ng sahnaga film ijodkorlari taklif etildi va ular tomoshabinlarga birma-bir tanishtirildi.

✅ Film postanovkachi rejissyori, O‘zbekiston davlat san’at va madaniyat instituti 2-kurs “Kino va televideniye rejissyorligi” ta’lim yo‘nalishi talabasi Umrbek Ro‘zimov film yaratilish jarayonida ishtirok etgan barcha ijodkorlar va hamkorlarga o‘z minnatdorchiligini bildirdi.

Ma’lumot o‘rnida: O‘zbekiston Respublikasi Vazirlar Mahkamasining 2025-yil 4-noyabrdagi 691-son qarori ijrosini ta’minlash maqsadida, Kinematografiya agentligi tomonidan qatag‘on qurbonlari hayoti va faoliyatiga bag‘ishlangan kinoloyihalar yaratish ishlari jadal olib borilmoqda. Ushbu tashabbuslar orqali tariximizning unutilmas sahifalarini keng jamoatchilikka yetkazish ko‘zda tutilgan.

✅ Shundan so‘ng kutilgan lahzalar — filmning ilk namoyishi boshlandi.

Zalda yig’ilganlar XX asrning 20-yillarida Germaniyaga o‘qishga yuborilgan va buning oqibatida siyosiy qatag‘onga uchragan vatandoshimiz Maryam Sultonmurodovaning matonatli hayot yo‘li va fojiali taqdirini yorituvchi voqealarni katta qiziqish bilan tomosha qildilar.

Film Sultonmurodovaning ilm-ma’rifat fidoyisi, bardoshli jurnalist, mehribon hamshira va matonatli ayol sifatidagi fazilatlarini yurtimiz yoshlari va keng jamoatchilikka tanitishga xizmat qiladi.

✅ Filmda institut “Estrada aktyorligi san’ati” yo‘nalishi 4-bosqich talabasi Diyora Olimova ham ishtirok etib, bosh qahramon Maryam Sultonmurodovaning yoshligini mahorat bilan ijro etgan.

✅ Premyeradan so’ng institut rektori, professor Nodirbek Sayfullayev Umrbek Ro‘zimov hamda Diyora Olimova bilan uchrashdi.
N. Sayfullayev mazkur ilk ijodiy ishi bilan talabalarni tabriklar ekan, ularning institutda olayotgan bilim va tajribalarini amaliyotga muvaffaqiyatli tatbiq etayotgani, yosh ijodkorlar sifatida bunday mas’uliyatli loyihada ishtirok etishlari institut jamoasi uchun ham faxr ekanini ta’kidladi.
Shuningdek, yoshlarimizning san’at va madaniyat sohasiga qo‘shayotgan hissasi yanada yuksalishini, kelajakda ulardan yanada katta va yirik loyihalarni kutishini bildirib, ijodiy izlanishlarida ularga omad tiladi.
U o’z so’zi davomida mazkur film tez orada institutda ham namoyish etilib, ular bilan uchrashuv o’tkazilishini aytib o’tdi.

📱Telegram 📱 Facebook 📱 Instagram 🌐Rasmiy sayt

#jarayon #Konstitutsiya_kuni

Bugun O'zbekiston davlat san'at va madaniyat instituti O'quv teatrida 8-dekabr – О‘zbekiston Respublikasi Konstitutsiyasi qabul qilingan kun munosabati bilan tantanali tadbir tashkil etiladi.

⚫️Unda institut rektori, professor Nodirbek Sayfullayev, professor o‘qituvchilar hamda talabalar ishtirok etishdi.

⚫️Shuningdek, tadbirga O‘zbekiston Respublikasi Fanlar Akademiyasi Davlat va huquq instituti bo‘lim boshlig‘i, yuridik fanlari doktori, professor, “Ma’rifat” targ‘ibotchilar jamiyati a’zosi Mirodil Baratov taklif etildi.

⚫️U yig‘ilganlarga Konstitutsiyamizning mazmun-mohiyati, undagi asosiy tamoyillar, fuqarolarning huquq va erkinliklari, yoshlar uchun yaratilayotgan imkoniyatlar haqida batafsil tushunchalar berdi. Ishtirokchilar mamlakatimizda amalga oshirilayotgan konstitutsiyaviy islohotlar, ularning ahamiyati va hayotimizdagi o‘rni borasida yanada muhim ma’lumotlarga ega bo‘lishdi.

⚫️Shundan so‘ng “Matonatli Maryam” badiiy-publitsistik filmi postanovkachi rejissyori, institutimizning 2-kurs “Kino va televideniye rejissyorligi” sirtqi ta’lim yo‘nalishi talabasi Umrbek Ro‘zimov hamda filmda bosh qahramon Maryam Sultonmurodovaning yoshligini mahorat bilan ijro etgan “Estrada aktyorligi san’ati” yo‘nalishi 4-kurs talabasi Diyora Olimovalar so‘zga chiqib, filmning suratga olish jarayonlari, davlatimiz xususan institutimiz tomonidan yosh ijodkorlarga berilayotgan keng imkoniyatlarni e’tirof tdilar.

Mazkur filmning muvaffaqiyatida institut rahbariyati va professor-o‘qituvchilarining ham munosib xissasi borligini ta‘kidlashdi. Ularga o‘zlarining chuqur minnatdorliklarini bildirishdi.

⚫️So‘ng yig‘ilganlar e‘tiboriga film namoyishi taqdim etildi.

⚫️Yig‘ilganlar XX asrning 20-yillarida Germaniyaga o‘qishga yuborilgan va buning oqibatida siyosiy qatag‘onga uchragan vatandoshimiz Maryam Sultonmurodovaning matonatli hayot yo‘li va fojiali taqdirini yorituvchi voqealarni katta qiziqish bilan tomosha qildilar.

Namoyish so’ngida Nodirbek Sayfullayev taklif etilgan mehmon Mirodil Baratovga ajoyib ma’ruza uchun o’z minnatdorligini bildirdi.

Shuningdek, Umrbek Ro’zimov va Diyora Olimovalarga kelgusi ijodiy ishlariga muvaffaqiyatlar tiladi.

Telegram | Facebook | Instagram | Rasmiy sayt