Выстанча́ць - зберагаць нешта праз эканомію.

#НароднаяЛексіка #Рагачоў #Лучын

Абэ́лтус - неразумны, някемлівы чалавек.

Прыклад ужывання: о дзе ўжэ абэ́лтус, сваім ро́зумом ні да чо́го ні до́йдзе, усе трэба, кап паказалі, расказалі і ў рот уклалі!

#НароднаяЛексіка #Старыя_Дарогі #Рухава

Даць хлусца́ - адлупцаваць, набіць.

Прыклад ужывання: дай хлусца́ добрага, хай не лезе.

#НароднаяЛексіка #Чачэрск #Палессе

Збла́жыць - званітаваць, вырваць.

Прыклад ужывання: малога нечага збла́жыла.

#НароднаяЛексіка #Дзісна

Бераза́к - 1) бярэзнік, бярозавы лясок 2) бярозавыя дровы

Прыклад ужывання: у беразаку́ тôлько чырвонагаловікі бываюць. Вôс беразаку́ нехта забраў. (“ô” тут дыфтонг /уо/)

#НароднаяЛексіка #Капыль #Макраны #Семежава #Смалічы

Ліме́нь - алюміній.

Прыклад ужывання: ліме́нь гба́іцца, мяхкі.

#НароднаяЛексіка #Расоны #Якубава

Свіное ры́ло - нягоднік, нізкі ў маральных адносінах чалавек, нядобразычлівец, падманшчык

Прыклад ужывання: у яго ўхватка, ак у сьвіні - ну, просто ры́ло сьвіное.

#НароднаяЛексіка #Клецк #Морач

Рабе́йза - вяснушчаты чалавек.

Прыклад ужывання: рабе́йза е́та шчэ нешта с сябе строіць, на чалавека ні паходзіць, ры́жа, рабая, а ганьбіць нашых хло́пцоў!

#НароднаяЛексіка #Старыя_Дарогі #Рухава

Па́церы - малітва (толькі ў множным ліку).

Прыклад ужывання: калі паставяць хрэст, ксёнс апячатваіць магілку: акрапляіць свянцонай вадой і чытаіць па́церы.

#НароднаяЛексіка #Мядзел #Камарова

Навігацыя на канале 🧭

📍Хэштэгі па месцах (каб патрапіць на ўсе пасты па вашым горадзе/вёсцы націсніце на хэштэг, які вас цікавіць):

🏫 Гарады і мястэчкі:

#Бяроза #Брэст #Валожын #Воранава #Вушачы #Ганцавічы #Гродна #Драгічын #Дзісна #Жабінка #Івацэвічы #Камянец #Капыль #Клецк #Кобрын #Косава #Лунінец #Любань #Маларыта #Масты #Мядзел #Пінск #Пружаны #Рагачоў #Расоны #Слонім #Старыя_Дарогі #Столін #Сянно #Шчучын #Янаў

🏡 Вёскі:

#Акропнае #Арэхаўна #Баляненты #Вулька_Сіманаўская #Вялікі_Лес #Вялікія_Кругавічы #Гайкоўка #Галоўчыцы #Дайнава #Дварэц #Жолкіна #Заазёрная #Залессе #Замошша #Каленкавічы #Камарова #Камень #Каўняцін #Лукава #Лучын #Макраны #Манцы #Марочна #Нямержа #Павіцце #Палессе #Псышчава #Рубель #Рухава #Семежава #Сіманавічы #Смалічы #Страдзеч #Судзілавічы #Торбінка #Шылавічы #Шынкаўцы #Хмелева #Якубава

ℹ️ Хэштэгі па тэмах:

#ТрапныВыраз #СловоДняПолісскою #НароднаяЛексіка #слэнг #фальклор #беларускі_тэлеграм

Спіс будзе дапаўняцца і аптымізавацца!

Перадкава́ць - бегчы наперадзе, выхваляцца, паказваць сябе.

Прыклад ужывання: нія́кі ўнук стаў: бу́дзіць ператкава́ць, каб на яго глядзелі, ні люблю гэтага. Носіцца, ператку́іць, такі вíсус!

#НароднаяЛексіка #Вушачы #Вялікія_Дольцы #Міхалкаўшчына

Атказа́ць - завяшчаць.

Прыклад ужывання: ты мне хоць што перад смерцю аткажы́!

#НароднаяЛексіка #Сянно #Рэчкі

За́тахля - пратухлы вадаём.

Прыклад ужывання: за́тахлі - зату́шаныя бяз воздуху.

#НароднаяЛексіка #Расоны #Якубава