Tun qancha qorong’u bo’lmasin tong albatta otadi..

Davo qilmas ishqni yurak, majozga lek talpinar
Xush kurmas-la jononlarni, bir Zot chun dil hapriqar
Kezar tunda ishq ilinji, niyatlar sof lovlanar
Gunoh ko'p-la ibodatlar zarrin kabi tovlanar.

devonai bedor

Goh xuddi farishta hazrati insonman,
Goh yotish yeyishdan ortmagan hayvonman.
Goh yengadi shayton, sohibi isyonman,
Bu turfa fe'limdan ózim hayronman.

Jaloliddin Rumiy

#xayolotolami

Kutganimga…

Kelsang, choy damlayman sog‘inch qo‘shilgan,
Kelmasang, alamli achchiq bir qahva.
O‘zingni bir bora ko‘rmaganman-u,
Tun-u kun haqingda o‘ylayman, tavba...

Kelsang, kitob olay ikkimiz uchun,
Miriqib u haqda quraylik suhbat.
Kelmasang, bir kitob yozay ochganda,
Ichidan taralsin sog‘inch, muhabbat...

Kelsang, olov yoqay chodir oldiga,
Tunda tikilaylik yulduzlar tomon.
Kelmasang, kuz kabi sarg‘aygan qalbga
Bostirib kelgaydir yovuz qahraton.

Kelsang, gullar ekay hovlim oldiga,
Toki, ko‘rgandingda quvonsin ko‘zing.
Kelmasang, quritay kitob jildida,
Zora, topib olsang kun kelib o‘zing.

Kelsang, shoshmay, obdon qilay taraddud,
Robbimizga hamd-la o‘qiymiz namoz.
Kelmasang, har kuni bo‘lgani kabi
Tahajjudda menga hamroh joynamoz.

Kelsang, yo‘llaringga intizor boqib,
Ochiq qoldiraman eshik zulfini.
Kelmasang, mahkamlab ichidan yopib,
Kalitin otaman qalbim qulfini.

Kelsang, jilmayaman shodligim ortib,
Sen haqda she’rlarim o‘qilar tilda.
Kelmasang, maktublar bittaga ortib,
Iztiroblar yana qoladi dilda...

©️ Zayd Qamar

Odam o'g'li, gar o'zingga ikki jahon,
Dorul-omon bo'lsin desang, Qur'on o'qi.
Tirik joning nafas olgan har bir zamon,
Nurli zamon bo'lsin desang Qur'on o'qi.

Qur'on nurdir, zamiringni yoritgaydir,
Rahmat, shifo, dardlaringni aritgaydir,
Rabbim Alloh O'zin go'zal tanitgaydir,
Umrim irfon bo'lsin desang, Qur'on o'qi.

Halol-harom, haq va botil unda ayon,
Va'da - va'id - xabarlardir yahshi yomon,
Ikki jahon farqin ravon etmish bayon,
Qalbim furqon bo'lsin desang, Qur'on o'qi.

Qiyomat kun jonlar titraganda,
Iymonsizlar najot topmay qaqshaganda,
Iymon ahli qo'rg'on ichra yashaganda,
Tegram qo'rg'on bo'lsin desang Qur'on o'qi.

Ey, olamga ko'ngli ochiq manzurlarim,
Dardu g'ami rahmatlarga arzirlarim,
Dunyom obod, ham oxirat manzillarim,
Ravhu rayhon bo'lsin, desang Qur'on o'qi.

Kimki Qur'on o'quvchidir, azob bo'lmas, 
Yana Qur'on o'rgatganga hisob bo'lmas,
Ma'no bilgan zotga parda hijob bo'lmas,
Vasli ayon bo'lsin desang, Qur'on o'qi.

O'tdi necha Haq kalomin ho'rlaganlar,
Qur'on istab, ohi ko'kka o'rlaganlar,
Ey, siz mudhish zulmlarni ko'rmaganlar,
Yurtim omon bo'lsin desang Qur'on o'qi.

Qur'on, hikmat - Haqning fazlu atosidir,
Ka'ba bunyod etgan Halil duosidir,
To Qiyomat Haq Rasulni nidosidir,
Iymon omon bo'lsin desang, Qur'on o'qi.

Mirzo, besh kun bu dunyoning zahmati bor,
Rabbim Alloh, shafoatgoh Ahmadi bor,
Baski, Haqning g'azabi ham Rahmati bor,
Ma'vom rizvon bo'lsin, desang Qur'on o'qi...

© Mirzo Kenjabek

@devonaiy_bedor

#iqtibos

Odamzod qiziq bo’ladi. O’y o’ylab topa olmagan, xayoligga ming uringaning bilan keltirolmagan umringni yo azob, yo quvonch, yo andisha paytida lop etib bir daqiqada ko’rasan.

O’tgan umring ko’z oldingdan juda tiniq, juda aniq bo’lib o’tadi. Shu daqiqada o’tgan umringga baho berib ulgurasan.

©Said Ahmad

©Jimjitlik

@devonaiy_bedor

#iqtibos

Asl gʻavvos boʻlsang durni koʼrgaysan,
Pok boʻlsang ketar chogʻ hurni koʼrgaysan,
Hammayoq zulmat deb shikoyat qilma,
Oʻzingda NUR boʻlsa nurni koʼrgaysan!

©Abdulqodir Xoʻqandiy

@devonaiy_bedor

Siz shu she’rni o’qiyotgan payt
(yo men uni yozayotgan dam)
allaqayda bukildi bir qad,
tobut tutib egildi odam.

Siz shu she’rni o’qir mahali
(yomen uni yozgan yoz kuni)
aravaning tagida qolib
buzildi bir chumoli ini.

Siz shu she’rni o’qiyotgan on
(yo men uni yozgan shu fursat)
xiyobonda ilk bor bargidan
ayrilgandir yam-yashil daraxt.

Go’zal dunyo hayratga arzir,
go’zal edi u barg ham juda.
Demak, kulmang, demak, men hozir
yig’lamayapman, axir, behuda…

Karim Bahriyev

@devonaiy_bedor

Sening yo’qligingda men.
Mening yo’qligimda sen.
Men tomchiga hasrat.
Dengizga hasrat sen.

La adriy

@devonaiy_bedor

Devorning tagida o‘ltiribman jim,
Xayol girdobida.
Ko‘zim yumilgan.
Tubimga yetmayman - cho‘kkanim sayin,
Garchi yo‘q men kabi chuqur ko‘milgan.

Eng tubdan - bo‘g‘ilib - olaman nafas,
Xo‘rsinib - dunyoga taralar o‘kinch.
O‘limning borligi - qo‘rqinchli emas,
Yashashning yo‘qligi - daxshatli qo‘rqinch!..

Usmon Azim

@devonaiy_bedor