Rasul Kusherbayev
50.9K members
234 photos
117 videos
1 file
509 links
Парламентдаги депутатлик фаолияти билан боғлиқ қизғин воқеалар, фикрлар ва муносабатлар
Download Telegram
to view and join the conversation
Forwarded from Xushnudbek.uz
Бугун Қирғизистон парламенти атрофидаги панжаралар олиб ташланаётган экан. Хабарда айтилишича, бу парламентни янада халққа яқинлашишига хизмат қилади.

Кактус Медиа нашри бошқа давлатлар парламенти атрофида панжаралар бор-йўқлиги билан қизиққан. Рўйхатда келтирилган 11 та давлат орасида Ўзбекистон ва Арманистон парламентлари орасида панжаралар бор экан, қолганларида йўқ.

Биз Олий Мажлис олдидаги панжаралар ҳақида кўп бора ёзганмиз. Ўтган йили сайлов арафасидаги дебатларда партия раҳбарлари бу тўсиқлар олиб ташланиши ҳақида кўп гапирганди, лекин орадан 1 йил ўтди, ҳозирча натижа йўқ.


👉 @xushnudbek 👈
Нега 85% олдиндан тўлов?

Ҳамма биладики, Узавтомоторс АЖ дилерлари билан автомашина сотиб олишда шартнома қийматининг камида 85%ини олдиндан тўлаш талаблари кўрсатилган.

Монополистнинг истеъмолчига диктовкаси шу қадар кучлики, ҳеч ким нега 85% олдиндан тўлов қилишим керак ўзи деб сўраб ҳам ўтирмайди.
Машина пули тўлангач, миниб кетилса-ку, майли, лекин пули тўлангач, ойлаб машина чиқишини кутсанг ҳам 85% пул тўлаш қайси ақлга сиғади?

Амалдаги қонунчиликка кўра, шартнома шартлари кучга кириши учун 15% олдиндан тўлов кифоя. Бу меъёрлар бундан 25 йил аввалги фармонда(https://lex.uz/docs/181809) белгилаб қўйилган.

Айтишингиз мумкин, фармонда олдиндан тўловнинг энг кам миқдори 15% этиб кўрсатилган. Демак 50% ҳам, 85% ҳам, ҳатто 100% ҳам мумкин деб. Ҳа, шундай, лекин қонунга кўра бу томонларнинг ўзаро келишувига кўра белгиланади.

Истеъмолчилар ҳуқуқларини ҳимоя қилиш тўғрисидаги Қонунга кўра Товар (иш, хизмат)лар учун ҳақ тўлаш шакли ҳамда тартиби истеъмолчи билан сотувчи (ишлаб чиқарувчи, ижрочи) ўртасидаги келишувга биноан белгиланади. Томонлар ўртасида шартнома нарсаси, миқдор, нарх ва бошқа муҳим шартлар тўғрисида келишувга эришилса, истеъмолчи билан ишлаб чиқарувчи (ижрочи, сотувчи) ўртасида шартнома тузилган ҳисобланади.

Лекин Сиз Узавтомоторс АЖ билан 15% олдиндан тўлов шартларида автомашина сотиб олиш учун шартнома тузишга уриниб кўринг. Қонун бўйича бунга ҳақли бўлсангиз ҳам асло бунинг иложи йўқ, чунки улар монополист диктовкаси билан тузилган шартноманинг битта ҳарфини ҳам ўзгартиришмайди. Нега? Чунки у монополист.

Энди сиз масалан, мебель сотувчи билан шартнома тузинг, шартноманинг ҳар бир бандини сотувчи билан муҳокама қилиб, ўзаро келишув асосида белгилайсиз, бемалол 15% олдиндан тўлов билан мебель буюртма қила оласиз. Чунки сизда мебель олишда танлов бор.

Шунга шунчами, дейсизми? 85% олдиндан тўлов бу Узавтомоторс АЖ учун текин кредит, сиз учун эса ортиқча тўлов аслида.

Масалан, ўтган ҳафтада 2021 йил июнь ойида автомашина чиқариш шартларида (!) Лабо автомашинаси сотиб олиш учун шартнома тузиши мумкин эди (ҳозир салонларда Лабога шартнома қолмаган).

Яъни, 85% тўлов қилган харидор Лабони 8 ой кутади (яна +30 кун ҳам қўшилган). 76 миллион сўмлик Лабонинг 85%и 65 млн.сўм бўлади. Ваҳоланки, харидор Лабо олишга шартнома тузиш учун 65 млн.сўм эмас, 11 млн.сўм тўлашга тўла ҳақли. Йўқ, Узавтомоторс АЖ монопол шартларини тиқиштириб, бунга асло рози бўлмайди. Натижада харидорнинг 54 млн.сўм пули 8 ойга музлайди, Агар шу пулни харидор энг паст ставка йиллик 14% устама билан банк депозитида 8 ой сақласа, камида 5 млн.сўм қўшимча даромадга эга бўлган бўларди. Бу дегани ўша 76 млн.сўмлик Лабо харидорга, 76 млн.сўм эмас, камида 81 млн.сўмга тушаяпти дегани.

Харидордан олдиндан 85%лик тўлов олган Узавтомоторс АЖ нима қилади, аввало ўзининг пулига эмас, харидорнинг пулига автомашина ишлаб чиқаради, яна банклардаги депозитларда бир неча ой сақлаш эвазига даромад ҳам кўради.

Дарвоқе, Монополияга қарши кураш қўмитаси Узавтомоторс АЖ автомашиналари таннархини ҳисоблаганида харидорлардан 85%лик тўлов ҳисобига йиғилган маблағларни монополистнинг банк депозитларига жойлаштиришдан олинган миллиардлаб даромадларни инобатга олганмикан?

Маълумот учун: Узавтомоторс АЖ (ДжиЭм Ўзбекистон АЖ) 2011 йилга қадар ҳам 15% олдиндан тўлов шартларида шартномалар тузиб келган.

Депутат сифатида Монополияга қарши кураш қўмитасидан Узавтомоторс АЖ дилерларидан автомашина сотиб олишда 85%лик олдиндан тўлов мажбурияти амалдаги қонунчилигимизга мувофиқлиги масаласини ҳам алоҳида ўрганиб чиқишни сўраб қоламан. Узавтомоторс АЖ эса олдиндан 85% тўлов эвазига шаклланган миллиардлаб бепул маблағлар ҳисобидан эга бўлаётган қўшимча даромадлари қай йўналишда сарфланаётганини очиқласа, ёмон бўлмасди.

👉 @deputat_kusherbayev
Forwarded from TROLL.UZ
UzAutoMotors 8750 та Equinox LT 2.0T ни $199 902 200 га харид қилган. Бу Ўзбекистонга етказиб бериш шарти билан (CIP).

Яъни ҳар биттаси $22 845 харид қилинган.

Ўзбекистонда буларни $33 880 дан сотяпти улар. $11 000 га қиммат! Бу агар нархлар ошмаса!

Айтгандай, UzAuto чет элдан машина олиб келишда импорт божи ва утилизация йиғимини тўламаслиги ҳақида депутатлар сўров жўнатганди. Давлат божхона қўмитаси бу хужжатларни махфий деб айтибди.

Демак, шунчаки мантиқан олиб қаралса ҳам, UzAuto ҳеч қанақа импорт божи тўламайди. Ҳаммасидан озод қилинган. Бўлмаса нимани яширади халқдан?

Улар энди ишлаб чиқарувчи корхона эмас, шунчаки олиб сотар. Бу ишни мактабди тугатган ҳар қандай инсон ҳам қила олади.

Халқни қийнаш бунчалик эмасдир… Очинглар растаможкани ўзимиз олиб келамиз, катта «завод»ни овора қилмасдан.



UzAutoMotors приобрела 8750 Equinox LT 2.0T за 199 902 200 долларов. Это с учетом доставки в Узбекистан (CIP).

Это 22 845 долларов за штуку.

В Узбекистане их продают по 33 880 долларов. То есть дороже на 11000 долларов! Это если цены не вырастут.

Кстати, депутаты направили в УзАвто запрос об условиях оплаты импортной пошлины и утилизационныех сборов при ввозе автомобилей из-за границы. В Государственном таможенном комитете заявили, что документы конфиденциальны и не могут быть обнародованы.

По логике вещей, УзАвто не платит никакие импортные пошлины. Освобожден от всего. Иначе, почему они скрывает от людей?

Они больше не автопроизводитель, а просто барыги, которые занимаются перепродажей. Это может делать любой, кто окончил школу.

Зачем так мучать людей… Откройте растаможку. Мы сами будем привозить машины. Зачем это делать «заводу»?

#STOPUZAUTO #STOPMONOPOLY

@trolluz
Forwarded from SAFAR
Кераксиз ва бекорчи ташкилотларнинг ундан ҳам кераксиз харидлари хақида

Янги ташкил қилинган Пиллачилик ва қоракўлчиликни ривожлантириш қўмитаси 795 млн сўмга битта Tahoe, 635,5 млн сўмга иккита Malibu ҳамда 115,6 млн сўмга эса ласетти харид қилган. Gazeta.uz сайтининг ёзишича, давлат ташкилоти мазкур машиналар учун жами 1,5 млрд сўм сарфлаган.

Ўзбек мансабдорлари ягона истайдигани кабинет ва қимматбаҳо машина. Улар ўз эгосини фақат шу билан озиқлантиради. Аксари кабинет ва хизмат машинасига эга бўлиш учунгина йиллар давомида ишлайди, кутади. Кўз очиб кўргани фақат шу. Даража шу. Кресло ва машина. Афсус. Халқ? Халқ бир гап бўлади. Ўлмаса яшайди.
Жажжи Абдуллоҳга кўмак керак

Ёши иккидан ошиб, эндигина салом алик айтиб тилга кирган янгийўллик Қутбитдинов Абдуллоҳ туғма юрак нуқсон (порок сердца) касаллиги билан яшаяпти экан.

Онасининг мурожаатидан сўнг Абдуллоҳнинг уйида бўлиб, шароитлари билан танишиб келдим: ўйин билан овора болакай юрагининг ҳаста эканлиги, «қўл калталиги» сабаб онаси куйиб-пишаётганини билмайди.

Болакай соғайиши учун ҳақиқатдан ёрдамга муҳтож.

Мутахассислар билан маслаҳатлашиб, тез кунларда болани юрак жарроҳлиги амалиётидан ўтказишга келишиб олдик, танишлардан ёрдам сўрадик, ёрдам учун маблағ тўпладик.

Аммо яна 10-12 миллион сўм атрофида маблағ етмаяпти.

Шу сабаб бу постни ўқиётган имкони бор юртдошларимиздан жажжи Абдуллоҳнинг униб-ўсиб, келажакда ўз халқига юракдан меҳнат қиладиган фарзанд бўлиши учун шу оилага ёрдам қилишларини илтимос қиламан.

Хайрли ишлар ҳаёт синовларини енгиб ўтишда ҳаммамизга мадад ва куч-қувват бўлсин!

Пластик карта рақами:

8600 0417 3896 1847

Amanova Farida
Бугун ЎзЛиДеП фракцияси мажлисида 11 ноябрь санасини Ўзбекистон Республикаси касаба уюшмалари куни, этиб белгилаш ҳақидаги қонун лойиҳаси кўриб чиқилди ва маъқулланди.

Лойиҳа энди Қонунчилик палатаси ялпи мажлисида кўриб чиқилади.

Бундай сана АҚШ, Австрия, Сингапур ва Қозоғистон каби мамлакатларда белгиланган экан.

👉 @deputat_kusherbayev
Forwarded from Xushnudbek.uz
Рэпер Моргенштерн Mercedesнинг божхона тўлови қанчага тушади?

Россиялик рэпер Моргенштерннинг «Мерседес»ини ютиб олган бухоролик йигит автомобилни ололмаётгани ҳақида эшитган бўлсангиз керак.

Божхона қўмитаси Kun.uzга ушбу автомобилнинг Ўзбекистонга кириб келиши учун қанча тўлов амалга оширилиши кераклигини маълум қилибди.

Қиймати 4 млн рубль (52 000 АҚШ доллари атрофида) бўлган, Mercedes-Benz E-class русумли, 184 от кучига эга, 4 цилиндрли, двигатель ҳажми 2 литр, 2019 йилда ишлаб чиқарилган, келиб чиқиш сертификатига эга автомобил учун божхона тўловлари қуйидагича бўларкан:

Ушбу «Мерседес» ТИФ TНгa мувофиқ 8703 23 198 1 коди билан таснифланган тақдирда, амалдаги қонун ҳужжатларига асосан божхона қийматидан 30 фоиз ҳамда двигатель ҳажмининг ҳар бир см3 учун 2,5 АҚШ доллари миқдорда импорт божи, 15 фоиз миқдорда ҚҚС, божхона қийматидан 0,2 фоиз божхона расмийлаштируви учун йиғим, БҲМнинг 120 баровари миқдорида утилизация йиғими ставкалари қўлланиларкан.

Агар машинанинг божхона қиймати 538 млн 713 минг сўмлик сумма асосида божхона тўловлари ҳисобланганда, дастлабки ҳисоб-китобларга асосан ундирилиши мумкин бўлган миқдор 353 млн 801 минг сӯмни ташкил этади. Яъни бухоролик йигит 538 млн сўмлик ўша Мерседесни совға сифатида олиши учун давлатга 353 млн сўм тўлаши керак бўлади.

Агар товарнинг келиб чиқишига доир маълумотларда номувофиқлик тасдиқланса, божхона божининг ставкаси икки баравар орттирилган ҳолда ҳисобланаркан. Бунда дастлабки ҳисоб-китобларга кўра, божхона тўловларининг миқдори 598 млн 959 минг сўм бўлиши айтилган. Яъни мабодо келиб чиқиш сертификати бўлмаса, унда давлатга 598 млн сўм тўланади.

Худди шу давлатда Ҳукумат томонидан тадбиркорлик субъектлари бўлган қайсидир акциядорлик жамияти ва МЧЖ учун махфий ҳужжатлар билан божхона тўловларида имтиёз бериб қўйилган ва бу нарса халққа ошкор қилинмайди. Ажойиб диёр.


👉 @xushnudbek 👈
Экология ва атроф муҳитни мухофаза қилиш давлат қўмитаси раиси лавозимига Максудов Алишер Иркинович номзоди депутатлар томонидан маъқулланди.

А.Максудов шу кунга қадар "Ўзпахтасаноат" АЖ бошқаруви раиси лавозимида ишлаб келган.

Янги раис кўплаб экологик муаммолар қатори дарахтларнинг асоссиз кесилишини тўхтатишга ва чиқиндилар камайишида қандайдир натижа қила олади, деб умид қиламиз.

👉 @deputat_kusherbayev
Биз шундоқ ҳам биламиз: сизлар «зўр»сизлар!

Бир шахсда ваколатларнинг ҳаддан ортиқ кўп бўлиши атрофдагиларга қимматга тушадиган хатоларга сабаб бўлади. Устига устак агар бундай ваколат эгаси тарбиядан йироқ, муомила маданияти йўқ, билими паст, иккиюзламачи бўлса бу – чинакам фожиа.

Кўплаб амалдорларнинг қўпол муомиласи ва қонунларга «тупуриб қўйиб» феодал замон каби кимни истаса ўшани «15 суткага» қаматиб юбориш принципи яқин тарихда пайдо бўлиб қолган бошқарув услуби эмас. Мен буни Ленин инқилобидаги «ҳокимият, бошқарувни деҳқон ва юпунларга бер», деган сиёсатнинг оқибати, деб биламан.

Ўз даврида билим, одамлар билан ишлаш кўникмасига эга бўлмаган бир гуруҳ заиф одамларнинг бошқарувга келиши табиий равишда улар томонидан қўрқитиш, сўкиш, дўқ пўписа қилиш орқали бошқариш «институти»га асос солинишига сабаб бўлган. Ва бу «институт»нинг усуллари бизда ҳали ҳам мева беришда давом этаяпти.

Андижон ҳокими масаласида эса ҳоким буни қачон айтгани муҳиммас, муҳими у Ленин сабаб бошланган «бошқарув мактаби»нинг содиқ вориси бўлиб, вакиллик, суд органлари устидан амалда мутлақ ҳокимият ўрнатиб олган феодал замонига мос инсонлиги.

Ўзбекистон инсон ҳуқуқларини ҳимоя қилиш, мажбурий меҳнат ва бошқаларга қарши курашиб, дунёга юз тутиб бораётган бир вақтда қанчалар ҳунук ва шармандали ҳолат: ҳеч бўлмаса демократия ҳурмати учун ҳам ҳоким жаноблари Андижоннинг «ҳокими мутлақ» эканлигини билдириб, мақтанмаса бўлардику. Биз шундоқ ҳам биламиз: сизлар «зўр»сизлар!

👉 @deputat_kusherbayev
This media is not supported in your browser
VIEW IN TELEGRAM
Депутатлик сўровига жавоб бермаган мансабдор шахсни жиноий жавобгарликка тортиш таклифи берилди

O'zLiDePнинг телеграмдаги расмий каналига уланиш
👇👇👇
https://t.me/joinchat/AAAAADv3a9GvgOXSu1_ksA
Бандлик ва меҳнат муносабатлари вазирлигига депутатлик сўрови юборилди.

Аввал ҳам ёзганимдек «Ўзбекнефтгаз» АЖ ва «Uzbekistan GTL» компанияларининг Қашқадарё вилоятида амалга оширилаётган Шўртан газ-кимё комплексининг метан тозалаш базасида синтетик суюқ ёқилғи ишлаб чиқариш лойиҳаси доирасида бош пудратчи «ENTER Engineering Pte. Ltd.» инжиниринг компанияcи томонидан 900га яқин бангладешлик меҳнат мигрантлари жалб қилиниши ҳақидаги хабарлар аҳоли орасида эътироз ва муҳокамаларга сабаб бўлмоқда.

Мазкур масала бўйича Бандлик ва меҳнат муносабатлари вазирлиги томонидан билдирилган муносабатда «Ўзбекнефтгаз» АЖ ёки лойиҳа бош пудратчиси «ENTER Engineering Pte. Ltd.» инжиниринг компанияси Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқномани олиш учун Ташқи меҳнат миграциясига мурожаат қилмаганлиги баён этилган.

Ҳолбуки, Вазирлар Маҳкамасининг 2019 йил 25 мартдаги «Ўзбекистон Республикасига хориждан ишчи кучини жалб қилиш ва ундан фойдаланиш тартиби тўғрисидаги низомни тасдиқлаш хақида»ги 244-сонли қарори билан тасдиқланган Низомга асосан, иш берувчилар томонидан Республикага хориждан ишчи кучини рухсатнома олмай жалб қилиш, чет эл фуқароларига эса мамлакат ҳудудида тасдиқнома олмасдан меҳнат фаолиятини амалга ошириши тақиқланади. Бу эса лойиҳага бангладешлик ишчиларни олиб келиниши бугунги пандемия жараёнида нафақат ўринсиз қарор эканлигини, балки катта эҳтимол билан қонунга зид тарзда амалга оширилганлигини англатади.

Юқоридагилардан келиб чиқиб, ҳамкасбим депутат Н.Тилаволдиев билан бирга Бандлик ва меҳнат муносабатлари вазирлигига депутатлик сўровини юбордик. Унда, биринчи навбатда, бангладешлик мутахассисларни жалб қилишда «Ўзбекнефтгаз» АЖ ёки «ENTER Engineering Pte. Ltd.» инжиниринг компанияси томонидан амалдаги қонунчиликка риоя этилганлигини бўйича вазирлик томонидан олиб борилаётган ўрганиш натижалари ҳақида маълум қилиш сўралган.

Шунингдек, Вазирликдан мазкур лойиҳа доирасида яратилган иш ўринлари, жалб қилинаётган бангладешлик мутахассисларнинг касби ва малака даражаси лойиҳа доирасидаги мавжуд иш ўринларига мослиги ҳамда ушбу иш ўринларига мос келадиган маҳаллий ишчи кучи мавжудлиги тўғрисидаги таҳлилий маълумотлар тақдим этиши сўралган.

P.S.: Бандлик ва меҳнат муносабатлари вазирлиги маълумотларига кўра, 2020 йил 3-чорак якуни бўйича республикада ишсизлик даражаси 11.1фоизни ёки 1.6млн дан ортиқ кишини ташкил этган.

@D_Ganiyev
Нега суриш керак?

Видеони кўринг. Яхшилаб кўринг. интервью бераётган йигитни эслаб қолинг.

Шу инсон билан яқинда кўришгандим. АҚШда ўқиб келиб, Ватанга катта фойдаси тегаяпти. Оладиган ойлиги ҳам ўн хонали сонлардан иборат.

Хуллас, суриш керак, ўқиш керак, дунё кўриш керак, ёшлар. Дунёни кўринглар, токи тилла балиқча ҳолига тушиб қолманглар.

Айтганча, шу мавзуда икки оғиз изоҳ. Боя битта тутуриқсиз мақола ўқидим. "Суриш керак" деган иборамни АГМК матбуот хизматида ишлайдиган опамиз андоғ талқин этмишларки, кўнглинг айнийди.

Яъни, мен "Ҳуррият насимлари шодумон кезиб юрган ўлкамиз халқининг тинчлик-хотиржамликда яшаётган фаровон ҳаётини кўра олмаётган қора кучлар томонида" эмишман. Жумлани қаранг, жумлани... Ҳа, нимасини айтасиз, шунақаман-да энди, айланай. Товба, яхшиям ҳозир 37-йил эмас-эй...

Нафақат мен, Ломоносов, Ибн Сино, Фаробий сингари буюк олимлар ҳам сизнинг мезонларингизга тушмайди. Соғлом фикр юритишни қачон ўрганамиз, билмайман... Ватанни фақат мақтаб севиш керак деган қаричларни сира тушунмайман...

Аслида ўша инсонларни яхшилаааб суриштирсангиз, умрида бир ишни қойил қилмаган, ўзидан катта одам ясаб олганлар бўлиб чиқади. Минг афсуски, бундайлар билан курашишга вақт сарфлаш ҳам хайф...

P.S. Эрталаб АГМК раҳбари ҳақида @oltin_voha да материал эълон қилинган эди. Тушдан сўнг шу ташкилот ходими андоқ оташин мақола ёзиб, ватанпарварлик намунасини кўрсатибди. Ман причем, ҳайронман.

Тушунарли. Белдан пастига уриш бўлмасин, ҳурматли ҳамкасблар..


@Behzod_Qobulov
Forwarded from bankiroff
Ўзбек ҳокимлари қачон Нексия-3га ўтказилади?

Эсингизда бўлса, ўзбек чиновникларини ўзимизда чиққан автомашиналарга ўтказиш лозимлиги ҳақида кўп ёзгандик.

Яъни чиновникларимиз халқимизга қандай автомашиналар раво кўрилаётган бўлса, ўша автолардан ўзлари ҳам фойдаланишлари лозим.

Ниҳоят шу йўналишда қандайдир ҳаракат бошланган кўринади. Албатта, таклиф этилаётган лойиҳа бўйича саволлар жуда кўп.

https://t.me/aburxanov/173
Forwarded from davletovuz
Ҳисоб палатаси хулосасида қайд этилишича, 2019 йил 1 октябрдан бошлаб юртимизда ишлаб чиқарилган янги автотранспорт воситаларини сотиб олганлик учун йиғим автотранспорт воситалари ишлаб чиқарувчилари томонидан тўланиши қайд этилган.

Бироқ, Ҳисоб палатасининг маълум қилишича, “Ўзавтосаноат” АЖ тизимидаги автотранспорт воситалари ишлаб чиқарувчилари томонидан 2020 йил давомида йиғим тўланмасдан келинмоқда. Масалан, “UzAuto Motors” АЖ томонидан 2020 йилнинг январь-сентябрь ойларида 582,6 млрд сўм йиғим тўланмаган.

Шу сабабли Ҳисоб палатаси “Ўзавтосаноат” АЖ тизимидаги автотранспорт воситалари ишлаб чиқарувчиларни йиғим тўлашдан озод этишни белгиловчи имтиёзни қайта кўриб чиқиш мақсадга мувофиқлигини таъкидламоқда.
Forwarded from bankiroff
Бунақа махинацияни фақат Ўзавто амалга ошириши мумкин холос. Тепадагиларнинг қўллови билан

2019 йил 1 октябрдан бошлаб юртимизда ишлаб чиқарилган янги автотранспорт воситаларини сотиб олганлик учун 3%лик йиғим автомашиналар нархига киритилган ва биз харидорлар автомашинани 3% ортиқ нархи билан тўлаб келмоқдамиз.

Лекин, Ҳисоб палатаси маълумотига кўра харидорлардан автомашина нархи ичида олинган 3%лик йиғим 2020 йил давомида тўланмай келинган. Бошқача айтганда, бу муттаҳамлар масалан, “UzAuto Motors” АЖ томонидан 2020 йилнинг январь-сентябрь ойларида 582,6 млрд сўм йиғимни харидорлардан олиб, бюджетга тўламаган. Ўзида олиб қолган.

Бу барча белгилари бўйича жиноий иш. Нега шу пайтгача иш очилмаган ҳайронман. Халқдан ярим триллион сўмни йиғим баҳона шилиб олсада, бюджетга тўламаса.

Буям майли, энди бу Остап Бендер шогирдлари ўша 3%ни бюджетга тўламаслик бўйича имтиёз ҳам ундирмоқчи.
Бугун Олий Мажлис Қонунчилик палатасининг навбатдаги мажлиси бўлиб ўтади. Унда депутатлар томонидан Давлат бюджети ва давлат мақсадли жамғармалари бюджетларининг 2020 йилнинг 9 ойлик ижроси якунлари кўриб чиқилади.
Мазкур тадбир тўғридан-тўғри эфирга(youtube, facebook) узатилади.
Олий Мажлис Қонунчилик палатасининг навбатдаги мажлиси бошланди.
Тадбирни кўриш учун 👉 https://www.youtube.com/watch?v=S7dyWiTQ4fA&feature=youtu.be
Республика бўйича фаолият юритаётган жами 10008 та мактабдан 1752 таси мукаммал таъмирга муҳтож, 1228 та мактабларда ўқувчиларнинг қатнов даражаси 1.8 коэффициентдан юқори.

Мамлакат келажаги, Ватан равнақи учун биринчи навбатда шундай муаммоларни бюджет ҳисобидан ҳал этиш масаласи турганда бизнинг эркатой, ярим ишлаб чиқарувчи ва ярим савдогар монополчимиз "ЎзавтоМоторс" АЖ "имтиёзли равишда" 2020 йилнинг тўққиз ойи давомида 582.6 млрд сўм миқдоридаги йиғимни давлат бюджетига тўламаган.

Камига кейинги йил ҳам шундай 3 фоизлик йиғимни тўламаслик имтиёзини сақлаб қолиши мумкин.

Биз бундай имтиёз берилишига қаршимиз.

👉 @deputat_kusherbayev