هسه وقت الصدقة يبنات
بنهاية هذا اليوم العظيم
الصدقة تتضاعف الكم

اتصدقوا للمؤسسة و اذا ما تكدرون اتصدقوا الكتروني

اني و صيتجن كلجن اطلبن صندوق حتى كل مناسبة تتصدقن بي
هاي ايام و اشهر مباركة

بنات الصندوق يوصللجن مجاني حتى التوصيل
و كل خمس اشهر تسلمينه الهم يجيج المندوب ياخذه

ما تدرن شكد الجن اجر و كفاله يتيم من بيت و اكل و شرب و لبس
يعني عظيم حيلللل عند الله

هاي الصدقة الي تشوفينها بسيطة رح تتضاعف بالاخرة الج

صباح الخير صبارات
كل عام وانتن بخير
و اشوفجن خوش بنات و حجيات و ناجحات ومحققات كلشي بنفسجن🪷.

هم ترجع؟!
بيوم من الايام قبل ٣ اشهر كنت نايمه و اسمع صوت مخلد توفى! اني عبالي حلم والله بقيت اصفن و اكول شنو شبيهم اهلي
كعدت رجليه ما شالني ركضت و اني سكتت ما كدرت احجي شي عبالك غصه بيه انتظرته يوصل و شفته بشكله و جماله و شخصيته الحلوه بس هالمره شفته متمدد ب التابوت و الكفن سوده عليه ما كنت اتخيل يصير بي هيج كنت انتظره يرجع!والله بداخلي اكول جذب هذا مو مخلد
بيومها احس كلبي و روحي و كلشي صار اسود بيه.
اتمنى هذا اليوم ما ينعاد و هذا الجرح الي بيه يتشافى من اشوف مخلد ب الجنه و شبابه ما يروح عند الله

احاول اتناسى بحياتي بس كلشي يذكرني بي البيت و المكان و الدوام و صوره بالشارع و المستشفى و اصدقاءة و امر على المستشفى الي توفى بيها احس الدنيا لجمت كلبي حيل هالمره

عمت عيوني عليك مخلد عيد احلى بالجنه 💔

هسه تكولن ليش تحجي سلبيه بس اني من اكتب ارتاح و اعرفجن تدعن لمخلد و تذكرنه ب الاعمال و اتمنى ربي يبعد عنكم كل سوء و هاي كلها اختبارات رب العالمين الحمد لله مهما كان
الصبر من الله ♥️

رح احجيلج شغله خاف محد كالج بيها قبل
لا تسألين احد هيج اسأله

شوكت تزوجين
ليش ما يصير عندج اطفال
ليش ما تعينتي

و تدخلين ب اسأله شخصية هيج اشياء كلش مو حلوه تحجينها للمقابل هو لو يعرف جان حصلهن قبل لا تسالين ف مو ب ايده

خلي وجودج حلو بين الناس و بين معارفج لا تصيرين متطفله صدكيني يبين انج حشرية و تدخلين ب اشياء ما تخصج ف كلش ابتعدي عنهن

كلچن عيوني🪷.

- الرساله ؛ ولاتسألون واحد ليش اصفر ليش ضعفان ليش ليش....
تره كلمن وضروفه

- الرساله ؛ ولاتسالون واحد نجحت رسبت شدخلك أنت ؟

- الرساله ؛ ولا تسألون ليش لابسة نظارة او ليش ماتسوين عملية لعيونج معليك ياخي

- الرساله ؛ لا تسألون طالب السادس شخلصت؟ ليش متأخر؟ليش تأجل؟لو تستهزأ بي
مااكو داعي لكل هذا

بأختصار لا تسأل اي شي🤏🏻😁

بعد كل فرض اقري صفحة منّ القرآن

و لا تنسين بعد صلاتج اقري زياره عاشوراء

سوي اعمالج ب روحية تامه و لا تستعجلين لان يومج كله ركض ف بالصلاه خليج هدوء

ادعي ب الفرج هوايه

الدنيا واسعةةةةةةةةة لا تخلين الشي التافه يأثر عليجججججججججج