⭕️قدیم اۇشاق اوْیۇنلارێ (گۆل گۆل اوْیوُنوُ)
✍حاضرلایان: #شبنم_توحیدی
چوْخ سئویلن، هر کسین اوْینایا بیله‌جَـڲی و هله ده اوْینانان شیرین اوْیوُنلارداندێر. بوُ اوْیوُنا هر نئچه نفر قاتێلا بیلر. آنجاق اوْیوُنجوُلارێن سایێ چوْخ اوْلسا، نئچه دسته‌یه بؤلۆنۆب اوْینارلار. بیر دانا نوْخود یا لوبیا، یا دا نئچه قات بۆکۆلمۆش بیر کاغذی گۆل ائیلردیک. اللریمیزی آپاراردێق دالێمێزا، گۆلۆ اوْوجلارێمێزێن بیرینه قوْیوُب، اوْوجوُموُزوُ یوُموُپ، گتیریب ایکی یوُموُلوُ الیمیزی اوُزالداردێق قارشێمێزداکی اوْیوُنجوُیا. اگر گۆلۆن هانسی اَلده اوْلدوُغوُنوُ تاپسایدێ، گۆلۆ اوْنا وئرردیک وَ اوْیوُنا اوْ دوام ائدردی. گۆلۆ تاپماسایدێ، یئنه ده الیمیزی دالێمێزا آپارێب، گۆلۆ گیزلَدیب، اؤنه توُتوُب سوْروُشاردێق:
- اڲر دئدین هانسێندا؟
- یا بوُندادێ یا بوُندا
حالواچـێ تۆکانێندا
بابام دئدی وئر... بوُن... دان!
اَسکی زمانلاردا بوُ اوْیوُن قێشدا کۆرسۆ باشێندا اوْینانان چوْخ سئوینجلی اوْیوُنلاردان سایێلاردێ. اللری آپارێب، کۆرسۆ یوْرغانێ‌نێن آلتێندا گۆلۆ گیزلَدردیلر، سوْنرا اللری چێخاردێب، قوْیارمێشلار کۆرسۆنۆن اۆستۆنه! بیزلرده قێشدا پتوُ یا یوْرغان چکیب، اوْنوُن آلتێندا گۆل گۆل اوْیناردێق. بوُ اوْیوُندا بوْلان سوْلان جێغاللێق ائیله‌مک اوْلاردێ!
🔹قایناق: آذربایجان خَلق اوْیۇنلارێ
@dedekatib
✍حاضرلایان: #شبنم_توحیدی
چوْخ سئویلن، هر کسین اوْینایا بیله‌جَـڲی و هله ده اوْینانان شیرین اوْیوُنلارداندێر. بوُ اوْیوُنا هر نئچه نفر قاتێلا بیلر. آنجاق اوْیوُنجوُلارێن سایێ چوْخ اوْلسا، نئچه دسته‌یه بؤلۆنۆب اوْینارلار. بیر دانا نوْخود یا لوبیا، یا دا نئچه قات بۆکۆلمۆش بیر کاغذی گۆل ائیلردیک. اللریمیزی آپاراردێق دالێمێزا، گۆلۆ اوْوجلارێمێزێن بیرینه قوْیوُب، اوْوجوُموُزوُ یوُموُپ، گتیریب ایکی یوُموُلوُ الیمیزی اوُزالداردێق قارشێمێزداکی اوْیوُنجوُیا. اگر گۆلۆن هانسی اَلده اوْلدوُغوُنوُ تاپسایدێ، گۆلۆ اوْنا وئرردیک وَ اوْیوُنا اوْ دوام ائدردی. گۆلۆ تاپماسایدێ، یئنه ده الیمیزی دالێمێزا آپارێب، گۆلۆ گیزلَدیب، اؤنه توُتوُب سوْروُشاردێق:
- اڲر دئدین هانسێندا؟
- یا بوُندادێ یا بوُندا
حالواچـێ تۆکانێندا
بابام دئدی وئر... بوُن... دان!
اَسکی زمانلاردا بوُ اوْیوُن قێشدا کۆرسۆ باشێندا اوْینانان چوْخ سئوینجلی اوْیوُنلاردان سایێلاردێ. اللری آپارێب، کۆرسۆ یوْرغانێ‌نێن آلتێندا گۆلۆ گیزلَدردیلر، سوْنرا اللری چێخاردێب، قوْیارمێشلار کۆرسۆنۆن اۆستۆنه! بیزلرده قێشدا پتوُ یا یوْرغان چکیب، اوْنوُن آلتێندا گۆل گۆل اوْیناردێق. بوُ اوْیوُندا بوْلان سوْلان جێغاللێق ائیله‌مک اوْلاردێ!
🔹قایناق: آذربایجان خَلق اوْیۇنلارێ
@dedekatib
⚫️انسانلیق اؤلدۆ، اوشاقلار اؤلمه‌سین!
✍یازان: #شبنم_توحیدی
احمد، مؤمن، ولید، جمیل، حامد، نظمی، محمد یاسر، حَنین، فاطمه.... گۆلن اۆزلریندن گئرییه قالان بیر عکس...!
کیچیک اللری، آیاقلاری، اوْ گؤزل اۆزلری یاندێ. اوْنلار قۇجاقدا گزرکن، چیڲینلرده داشیندیلار... مزارا.
اوْنلارین عکسلرینه باخیرام. اۆزلری سئوگینی، اۇمۇدۇ آنلاتێر. یاشادیقلاری اؤلکه‌نین باشقا بیر اۆزۆندن خبرلری یوْخدو! هر شیئیدن خبرسیز گۆلۆمسه‌ییرلر حیاتا...
اما اوْ دهشتلی گۆن، گؤزل گؤزلری قوْرخۇدان بؤیۆدۆ، اوْ کیچیک، توْپۇش اللر قوْرخۇدان اَسدی. هر زمان گۆجۆنه گۆوَندیکلری آتا آنالاری چاره‌سیزدیلر. بیرلیکده اؤلۆمۆ گؤزله‌دیلر. یاندێلار، کۆل اوْلدولار... اولادیمیزین بارماغی یاناندا، جانیمیز یانیر، یۆز دفعه اؤپۆرۆک، آغریسی گئچسین دییه جانیمیزدان جان گئدیر.
بو کؤرپه فیدانلارین جانی یاندی، کۆل اوْلدو...
بو منظره‌نی هیچ زمان اۇنۇتمایاجاغام. ۳ یاشلی کؤرپه قێزجێغاز آغ کفنده! آتاسی چاره‌سیزلیکدن ییخیلمیشدی. کۆرڲینده آغ پارچایا بۆکۆلمۆش اولادینی توْرپاغا وئرمڲه گئدیردی. پارچالانمیش بیر آتا اۆرڲی، سایروْلارائوینده (بیمارستان) جان چکیشن بیر آنا، چیڲینلرده کیچیک اؤلۆ بیر بدن... سوْن یوْلجۇلۇغۇنا گئدیر.
بیر داها گۆلمیه‌جک، آغلامایاجاق، اوْیۇنجاقلاریلا اوْینامایاجاق، بؤیۆمیه‌جک، نفرت ائتمیه‌جک!
عکسه باخیرام اۇزۇن مدت... آتا و اولادی! آتا اوْنو توْرپاق داملی کیچیک ائوینه گؤتۆرۆر. کۆل اوْلموش ائویندن، اۆزۆ بئله تانینمایان اوْلادینی آجیسی ایله سێرتێندا داشیدی و قبر ائوینه قوْیدو. آتا دا اؤلدۆ اصلینده، رۇحۇ اؤلدۆ، بئینی اؤلدۆ، یاشاماق سئوینجی آرادان گئتدی. امیدی سوْلۇب، اۇچۇب گئتدی!
امیدلریمیزین ایچینده اوشاقلاریمیز وار. بو گناهسیز اؤلن اوشاقلارین آتا، آناسی‌نین امیدلری دفن اوْلۇندۇ. گئرییه نه قالدی؟ چاره‌سیزلیک...
انسانلیق اؤلدۆ... اوشاقلار اؤلمه‌سین!
دنیانی اوشاقلارا وئرک. گۆلۆش سسلری جهانی بۆرۆسۆن، بۇلودلارا سِپر چکسین. داها جنگ اوْلماسین، ساواشلاردا انسانلار اؤلمه‌سین. کؤرپه فیدانلار اَزیلیب، دیدرگین دۆشمه‌سین، آجیندان جان وئرمه‌سین.... دنیا اوشاقلارین اوْلسون. تر تمیز، صاف گؤنۆللریندن سۆزۆلۆب گلن سئوینج گؤڲ اۆزۆنه ایشیق ساچسین. داغیلسین ظلمت، دۇرسۇن قان..! دنیا شر الیندن قۇرتۇلسۇن، خلاص اوْلسون. اوشاقلارین آرزولاریندان دوْغۇلسۇن، ناغیللارا چئوریلسین.
@dedekatib
✍یازان: #شبنم_توحیدی
احمد، مؤمن، ولید، جمیل، حامد، نظمی، محمد یاسر، حَنین، فاطمه.... گۆلن اۆزلریندن گئرییه قالان بیر عکس...!
کیچیک اللری، آیاقلاری، اوْ گؤزل اۆزلری یاندێ. اوْنلار قۇجاقدا گزرکن، چیڲینلرده داشیندیلار... مزارا.
اوْنلارین عکسلرینه باخیرام. اۆزلری سئوگینی، اۇمۇدۇ آنلاتێر. یاشادیقلاری اؤلکه‌نین باشقا بیر اۆزۆندن خبرلری یوْخدو! هر شیئیدن خبرسیز گۆلۆمسه‌ییرلر حیاتا...
اما اوْ دهشتلی گۆن، گؤزل گؤزلری قوْرخۇدان بؤیۆدۆ، اوْ کیچیک، توْپۇش اللر قوْرخۇدان اَسدی. هر زمان گۆجۆنه گۆوَندیکلری آتا آنالاری چاره‌سیزدیلر. بیرلیکده اؤلۆمۆ گؤزله‌دیلر. یاندێلار، کۆل اوْلدولار... اولادیمیزین بارماغی یاناندا، جانیمیز یانیر، یۆز دفعه اؤپۆرۆک، آغریسی گئچسین دییه جانیمیزدان جان گئدیر.
بو کؤرپه فیدانلارین جانی یاندی، کۆل اوْلدو...
بو منظره‌نی هیچ زمان اۇنۇتمایاجاغام. ۳ یاشلی کؤرپه قێزجێغاز آغ کفنده! آتاسی چاره‌سیزلیکدن ییخیلمیشدی. کۆرڲینده آغ پارچایا بۆکۆلمۆش اولادینی توْرپاغا وئرمڲه گئدیردی. پارچالانمیش بیر آتا اۆرڲی، سایروْلارائوینده (بیمارستان) جان چکیشن بیر آنا، چیڲینلرده کیچیک اؤلۆ بیر بدن... سوْن یوْلجۇلۇغۇنا گئدیر.
بیر داها گۆلمیه‌جک، آغلامایاجاق، اوْیۇنجاقلاریلا اوْینامایاجاق، بؤیۆمیه‌جک، نفرت ائتمیه‌جک!
عکسه باخیرام اۇزۇن مدت... آتا و اولادی! آتا اوْنو توْرپاق داملی کیچیک ائوینه گؤتۆرۆر. کۆل اوْلموش ائویندن، اۆزۆ بئله تانینمایان اوْلادینی آجیسی ایله سێرتێندا داشیدی و قبر ائوینه قوْیدو. آتا دا اؤلدۆ اصلینده، رۇحۇ اؤلدۆ، بئینی اؤلدۆ، یاشاماق سئوینجی آرادان گئتدی. امیدی سوْلۇب، اۇچۇب گئتدی!
امیدلریمیزین ایچینده اوشاقلاریمیز وار. بو گناهسیز اؤلن اوشاقلارین آتا، آناسی‌نین امیدلری دفن اوْلۇندۇ. گئرییه نه قالدی؟ چاره‌سیزلیک...
انسانلیق اؤلدۆ... اوشاقلار اؤلمه‌سین!
دنیانی اوشاقلارا وئرک. گۆلۆش سسلری جهانی بۆرۆسۆن، بۇلودلارا سِپر چکسین. داها جنگ اوْلماسین، ساواشلاردا انسانلار اؤلمه‌سین. کؤرپه فیدانلار اَزیلیب، دیدرگین دۆشمه‌سین، آجیندان جان وئرمه‌سین.... دنیا اوشاقلارین اوْلسون. تر تمیز، صاف گؤنۆللریندن سۆزۆلۆب گلن سئوینج گؤڲ اۆزۆنه ایشیق ساچسین. داغیلسین ظلمت، دۇرسۇن قان..! دنیا شر الیندن قۇرتۇلسۇن، خلاص اوْلسون. اوشاقلارین آرزولاریندان دوْغۇلسۇن، ناغیللارا چئوریلسین.
@dedekatib