▫️بولود قادین

تانری،
بعضی‌لری گؤزلریندن یاراتمیش.
اؤنجه، منیم گؤزلریمی یارادیب مثلا،
سونرا گؤز تیکیب گؤزببک‌لریمه،
«حوزون‌لره دالمیش بو ایکی یووارلاق گیله‌نین باشیندان ال چکمه‌سین دئیه،
یاغیشا بنزر بیر شئی یاراتمالی‌یام»
دئمیش اؤز-اؤزونه.

سونرا،
گؤزلریم اوچون،
بیر صیفت چکمیش،
ال،
آیاق،
اورک.
و «بو، بیر قادین اولمالی!» دئمیش.
گاه بیر داغین چیینینه،
گاه دا یالنیزلیغین درینلیگینه،
عؤمورلوک آغلامالی اولان
بولود قادین...

#رویا_حسین_زاده

@dedekatib