▫️قیمیلدانما، عؤمروم!
ریجا ائدیرم، یالواریرام،
او گونشدن بیرآز بو یانا دور!
ایندی دنیزه باخ!
گؤردون‌مو نه گؤزَلدی خزر؟!
گؤردون‌مو نئجه ایستیدی گونش؟!
گوردون‌مو سنی نئجه گؤره بیلیر گؤزلریم؟!
اوردا دور، قیمیلدانما عؤمروم!
سوروشورسان، هارداسان؟
بوردا... بوردا... بوردایام.
اصلینده آللاه بیلیر،
هاردا... هاردا... هاردایام.
سوروشورسان، نئجه‌یم،
نه عاقیل، نه دلی‌یم،
نئجه گؤرمک ایسته‌سن، قارداش! ائله ائله‌یم،
یئنه ده اوّلکی‌تک، بیر قلَمیم، بیر اؤزوم،
نه گؤیلرده، نه یئرده یئنه ده کئچمیر سؤزوم.
او باغداکی خان سؤیود بوداقلارینی اَییب،
گؤزلریم تئز-تئز دولور،
بلکه منه گؤز دییب؟!
هوشوم کورلانیب بیرآز،
ایچمه‌سم ده بیر قرام.
یادداشیمین ایچینده گیزلن‌قاچ اویناییرام.
بیرآز اومید ایچینده، بیر قدَر قورخولویام،
بو قورخونون اوجوندان بیر قدر یوخولویام.
#واقف_صمداوغلو
@dedekatib
ریجا ائدیرم، یالواریرام،
او گونشدن بیرآز بو یانا دور!
ایندی دنیزه باخ!
گؤردون‌مو نه گؤزَلدی خزر؟!
گؤردون‌مو نئجه ایستیدی گونش؟!
گوردون‌مو سنی نئجه گؤره بیلیر گؤزلریم؟!
اوردا دور، قیمیلدانما عؤمروم!
سوروشورسان، هارداسان؟
بوردا... بوردا... بوردایام.
اصلینده آللاه بیلیر،
هاردا... هاردا... هاردایام.
سوروشورسان، نئجه‌یم،
نه عاقیل، نه دلی‌یم،
نئجه گؤرمک ایسته‌سن، قارداش! ائله ائله‌یم،
یئنه ده اوّلکی‌تک، بیر قلَمیم، بیر اؤزوم،
نه گؤیلرده، نه یئرده یئنه ده کئچمیر سؤزوم.
او باغداکی خان سؤیود بوداقلارینی اَییب،
گؤزلریم تئز-تئز دولور،
بلکه منه گؤز دییب؟!
هوشوم کورلانیب بیرآز،
ایچمه‌سم ده بیر قرام.
یادداشیمین ایچینده گیزلن‌قاچ اویناییرام.
بیرآز اومید ایچینده، بیر قدَر قورخولویام،
بو قورخونون اوجوندان بیر قدر یوخولویام.
#واقف_صمداوغلو
@dedekatib